Date
बिहि, मंसिर ३, २०८३
Thu, November 19, 2026
Home Blog Page 709

कांग्रेस पर्साकाे अधिवेशनमा मतदान सम्पन्न, मतगणना सुरु हुँदै

0

वीरगंज । नेपाली कांग्रेस पर्साकाे १४ औं जिल्ला अधिवेशन अन्तर्गत बिहिबार भएकाे मतदान सम्पन्न भएकाे छ । जिल्ला कार्य समिति चयनकाे लागि वीरगंजकाे आदर्शनगरस्थित बाल मन्दिरमा भएकाे मतदानमा कुल एक हजार ८ सय २० मत मध्ये एक हजार ७ सय ७८ मत खसेकाे छ ।

पर्सा निर्वाचन क्षेत्र नं. १ मा रहेकाे ३ सय ३६ मतदाता मध्ये ३ सय ३२ मत, क्षेत्र नं. २ मा रहेकाे ४ सय ३४ मतदाता मध्ये ४ सय २४ मत, क्षेत्र नं. ३ मा रहेकाे ५ सय ३५ मतदाता मध्ये ५ सय १६ मत र क्षेत्र नं. ४ मा रहेकाे ५ सय १५ मतदाता मध्ये ५ सय ६ मत खसेकाे निर्वाचन अधिकृत नरेन्द्र बहादुर केसीले जानकारी दिए ।

विहान १० बजेदेखी हुन भनिएकाे मतदान दिउसाे एक बजे सुरु भएकाे थियाे । सांझ ७:३० बजे मतदान सम्पन्न भएकाे थियाे । मतगणना ११ बजे सुरु हुन भनिए पनि अहिले सम्म सुरु हुन सकेकाे छैन् । अब केही बेर मै पदाधिकारी तर्फकाे मतगणना सुरु गर्ने तयारी थालिएकाे निर्वाचन समितिले जनाएकाे छ ।

संस्थापन पक्षबाट जिल्ला सभापतिमा जनार्दन सिंह क्षेत्री र संस्थापन इतर पक्षबाट सभापतिमा श्याम पटेल प्यानलसहित उम्मेदवार छन् । दुबै प्यानल बिच कडा प्रतिस्पर्धा रहेकाे मतदाताहरुले वताएका छन् भने दुबै सभापतिका उम्मेदवारहरुले आफ्नाे जित निश्चित रहेकाे दाबी गरेका छन् ।    

कांग्रेस पर्साकाे अधिवेशनमा रिजाल पक्षका ५ जना उम्मेदवार निर्विराेध

0
दुबै तर्फबाट बिचमा सेताे कुर्ता र कालाे बन्डी लगाएका जिल्ला सदस्यमा निर्विराेध निर्वाचित थापा

वीरगंज । नेपाली कांग्रेस पर्साकाे अधिवेशनमा संस्थापन पक्षका आधा दर्जन उम्मेदवार निर्विराेध निर्वाचित भएका छन् । कांग्रेसकाे १४ औं अधिवेशन अन्तर्गत जिल्ला कार्य समिति चयनकाे लागि बिहिबार हुन लागेकाे निर्वाचनमा पालिकाकाे कलष्टरबाट ६ जना जिल्ला सदस्यकाे उम्मेदवार निर्विराेध निर्वाचित भएका हुन् । 

पर्सा क्षेत्र नं. ४ अन्तर्गत पर्ने जगरनाथपुर गाउँपालिकाबाट जिल्ला सदस्यका उम्मेदवार भएका प्रेम बहादुर थापा र महापतिया दुसादिन निर्विराेध निर्वाचित भएका छन् । उम्मेदवारकाे अन्तिम नमावली प्रकाशनमा जगरनाथपुर गाउँपालिकाबाट एक जना महिला र एक जना पुरुष जिल्ला सदस्यकाे लागि दुई जनाकाे मात्र उम्मेदवारी परेपछि दुबै जना निर्विराेध निर्वाचित भएका हुन् ।  

यस्तै, जिल्ला सदस्य मै क्षेत्र नं. ४ कै धाेबिनी गाउँपालिकाकी उर्मिला देवी कुर्मीन, छिपहरमाई गाउँपालिकाकी मिना देवी सुनार, जिराभवानी गाउँपालिकाकी रुना देवी मुसहेरिन र निर्वाचन क्षेत्र नं. ३ काे पटेर्वा सुगाैली गाउँपालिकाकी मानमती देवी थरुनी निर्विराेध निर्वाचित भएका छन् ।

यी गाउँपालिकाहरुबाट महिला कलष्टरमा एक सिटकाे एक/एक जनाकाे मात्र उम्मेदवारी परेपछि निर्विराेध निर्वाचित भएका हुन् ।

निर्विराेध निर्वाचित हुनेहरुमा एक पुरुष जिल्ला सदस्य र ४ जना महिला जिल्ला सदस्य संस्थापन पक्षका नेता रमेश रिजाल निकटका हुन् भने एक जना महिला सदस्य संस्थापन पक्ष कै नेता सुरेन्द्र चाैधरी निकटका हुन् । 

यता पर्सा जिल्लाका ४ निर्वाचन क्षेत्रका १४ वटा स्थानीय तहमध्ये अधिकतममा यसअघि सम्पन्न अधिवेशनबाट संस्थापन पक्षले जित हासिल गरेको छ । वीरगञ्ज महानगरपालिकामा मात्रै संस्थापन इतर पक्षले सफलता प्राप्त गरेको छ ।

जिल्ला सभापति पदका लागि संस्थापन पक्षबाट जनार्दन सिँह क्षेत्री र संस्थापन इतर पक्षबाट निवर्तमान सचिव श्याम पटेलले उम्मेदवारी दिएका छन् । तत्कालिन जिल्ला विकास समितीका सभापतिसमेत रहेका क्षेत्री गत अधिवेशनमा जिल्ला सभापति अजय द्विवेदीसँग १ सय ९५ मतले पराजित भएका थिए । 

संस्थापन पक्षका केन्द्रिय सदस्यद्वय रमेश रिजाल र अजय चौरसियासँगै पूर्व सभापति एवम् पूर्व मन्त्री सुरेन्द्र चौधरीले क्षेत्रलीई साथ दिएका छन् भने पटेललाई संविधानसभा सदस्य राजेन्द्र बहादुर अमात्य र निवर्तमान सभापति अजय द्विवेदीले साथ दिएका छन् ।

७ जना पदाधिकारी सहित ६८ सदस्यीय जिल्ला कार्य समितिको प्रतिस्पर्धाका लागि १ हजार ८ सय मतदाता रहेको निर्वाचन अधिकृत नरेन्द्र केसीले जानकारी दिए । 

अधिकतम स्थानीय तहहरुको अधिवेशनमा अजय चौरसिया, रमेश रिजाल र सुरेन्द्र चौधरीले सर्वसहमतिबाट नेतृत्व चयन गर्न सफल भएका छन् । जिल्ला नेतृत्वका लागि सुरुमा त्रिपक्षीय प्रतिस्पर्धा हुने चर्चा चलेपनि संस्थापन पक्षका नेताहरुले सभापति पदका अर्का उम्मेदवार रामनारायण कुर्मीलाई उपसभापतिमा लड्न कन्भिन्स गराए । यसले गर्दा रामनारायण कुर्मीको पक्षमा रहेका कार्यकर्ता पनि अहिले जनार्दन सिँह क्षेत्रीलाई समर्थन गर्दा संस्थापन इतर पक्ष झन कमजोर भएको छ । संस्थापन पक्ष बलियो देखिनुको एउटा आधार यसलाई पनि मान्न सकिन्छ । 

क्षेत्रीको प्यानलबाट जिल्ला उपसभापतिमा रामनारायण प्रसाद कुर्मी र अशोक कुमार गुप्ता, सचिवमा दिनेश चौधरी र इम्तियाज आलम र सहसचिवमा नविन सिँह र मदन प्रसाद यादवको उम्मेदवारी परेको छ । 

पटेलको प्यानलबाट उपसभापतिमा राजु गुप्ता र डाक्टर कृपासिन्धु चौधरी, सचिवमा विश्वराज घिमिरे र वीरेन्द्र यादव र सहसचिवमा दिलिपराज कार्की र रुक्मान अन्सारीले उम्मेदवारी दिएका छन् ।

भोली बिहान १० बजेदेखि वीरगञ्जस्थित बालमन्दिर परिसरमा नेतृत्व चयनका लागि निर्वाचन हुँदैछ ।

पर्सा कांग्रेसको अधिवेशनमा गलत प्रोपोगन्डा उठाएको आरोप

0

वीरगंज । नेपाली कांग्रेसको पर्सा जिल्ला अधिवेशन गराउन खटिएका निर्वाचन अधिकृत नरेन्द्र केसीले जिल्ला कार्यसमितिका लागि जारी चुनावी प्रक्रिया निष्पक्ष र पारदर्शी रुपमा भईरहेको दाबी गरेका छन् ।

मनोनयन दर्ताको समय सकिएपछि समेत उम्मेदवारको नाम दर्ता गरेको भन्ने आरोप शतप्रतिशत गलत र न.निर्वाचन प्रक्रिया प्रभावित बनाउने चालबाजी मात्र भएको पनि अधिकृत केसीको भनाइ छ ।

संविधान सभा सदस्य एवम् नेपाली कांग्रेसका नेता अनिल रुंगटाको दबाबमा केसीले समय सकिएपछि पनि मुस्लिम कोटातर्फ हबिब मियाँको नाम दर्ता गरेको विरोधीहरुको आरोप छ । मियाँ जर्नादन सिंह क्षेत्रीको प्यानलमा छन् । मियाँको नाम थपिएकोमा श्याम पटेलको प्यानलले आपति जनाएको हो ।

निर्वाचन अधिकृत केसीका अनुसार सुरुमा उम्मेदवारहरुको सूची प्रकाशित गर्दा मियाँको नाम छुट्न गएको थियो । उम्मेदवारहरुको सूची तयार पार्ने क्रममा प्राविधीक कमजोरीबस मियाँको नाम छुटेपछि अर्कोपटक थप्नुपरेको केसीको दाबी छ ।

सामान्य प्राविधिक कमजोरीको विषयलाई ठूलै मुद्दा बनाएर जथाभावी आरोप लगाइनु दुखद भएको पनि निर्वाचन अधिकृत केसीको गुनासो छ । यस प्रकरणमा क्षेत्री समर्थक हरुले हार्ने थालेपछि अर्को पक्षले अनावश्यक प्रोपोगन्डा फैलिएको आरोप लगाएका छन ।

पराजित मानसिकता भएकाहरुले नियमित र सामान्य निर्वाचन प्रक्रियालाई गलत तरिकाले उछालेर पार्टीकै बदनाम गर्न खोजेको आरोप पनि उनीहरूले लगाएका छन् ।

केसीले पर्सा जिल्ला अधिवेशन सफलतापूर्वक गराउने आफ्नो जिम्मेवारीबहनमा कुनै कसर बाँकी नराखेको पनि दाबी गरेका छन् ।

केसीले निर्वाचनका बाँकी प्रक्रिया निर्धारित तालिका अनुसार नै हुने पनि जानकारी दिए । नेता रुंगटाले पनि उम्मेदवारी दर्ता प्रक्रियामा आफूलाई अनावश्यक रुपमा जोडेको सुन्दा दुख व्यक्त गरेका छन् ।

वडा स्तरिय क्रिकेट प्रतियाेगितामा पिपरा टोल बिजयी

0

परवानीपुर । किङ्ग स्पोर्ट सेन्टर वीरगंज पर्साको आयोजनामा चलिरहेको नक आउट वडा स्तरिय क्रिकेट प्रतियोगिता अन्तर्गत मंगलबार भएको खेलमा वीरगंज महानगरपालिकाकाे वडा नं. १४ पिपरा टोल बिजयी भएको छ । 

पिपराले टस जीतेर फिलडिङ्ग राजेपछी वीरगंज महानगरपालिकाकाे वडा नं ५ कुम्हालटोलले १८ ओभरमा अल आउट हुँदै ८७ रनको लक्ष्य प्रस्तुत गरेको थियो । त्यसपछि जपाफी ब्याटीङ्गमा उत्रेको पिपराले १० ओभर खेल्दै मात्र २ विकेटको क्षतिमा सानदार जीत हासिल गरेको थियाे ।

खेलको मयान अभ दी म्याच पिपराका साजन पटेल घोसित भएका थिए । उनले उत्कृष्ट बलीङ्ग प्रदर्शन गर्दै ४ ओभरमा १७ रन दिएर महत्वपूर्ण ३ विकेट लिएका थिए ।

यसैगरी अर्का खेलाडी नाजीर हुसेनले राम्रो खेल प्रदर्शन गरे वापत टिमका ब्यवस्थापक सत्रुधन पटेलले उनलाई नगद रु ५०० रुपैयाको पुरस्कारबाट सम्मानित गरेका थिए ।

जारी रहेको प्रतियोगितामा २० वटा टीमको सहभागिता रहेको छ भने उक्त प्रतियोगिता शनिबारसम्म चल्ने आयोजक कमिटीका जहुर अंसारीले जानकारी दिएका छन् ।

नेकपा एस निकट बुद्धिजिबि परिषद समाजबादी पर्सा गठन

0

वीरगंज । नेकपा एकीकृत समाजबादी निकटको नेपाल बुद्धिजिबि परिषद समाजबादी पर्साको प्रथम जिल्ला भेला मंगलबार सम्पन्न भएको छ । वीरगंजस्थित ठाकुर राम बहुमुखी क्याम्पको सभा हलमा सम्पन्न भेलाले ईन्द्र प्रसाद भट्टराईको अध्यक्षता १५ सदस्यीय जिल्ला कमिटी गठन गरेको छ ।

नव गठित समितिकाे उपाध्यक्षमा सत्रुधन गिरि, अनिता साह, सचीवमा रामबली प्रसाद चौहान, उपसचिवमा अमृता चौधरी, मनिन्द्र साह, कोषअध्यक्षमा लालबाबु प्रसाद गुप्ता, सदस्यमा बलिराम दास, प्रदीप प्रसाद चौधरी, कृष्णा बर्मा, तृसना ढुंगाना, किशोरी चौधरी, बिजय कुशवाहा, कबिता फुइयाल र बालिका श्रेष्ठ रहनु भएको छ ।

रघुनाथ प्रसाद चौरसियाको अध्यक्षतामा आयोजित भेलामा प्रमुख अतिथी नेपाल बुद्धिजिबि परिषद समाजबादीका केन्द्रिय उपाध्यक्ष गिरिधर मिश्र, नेकपा एस पर्सा इन्चार्ज रामचन्द्र साह, बिरगंज माहानगर इन्चार्ज चिरञ्जीवी आचार्य, जिल्ला अध्यक्ष बालगोपाल थापा, जिल्ला सचीव बिक्रम चौरासीया, बीरगंज माहानगरका अध्यक्ष मनोज चौधरी, सचीव बृजलाल पासवान, नेतृ सोफिया आचार्य लगाएतले शुभकामना मन्तव्य राखेका थिए ।

खेस्राहामा निशुल्क आँखा शिविर सम्पन्न

0

वीरगंज । पर्साकाे पकहा मैनपुर गाउँपालिका वडा नं. ४ खेस्राहामा मंगलबार निशुल्क आँखा शिबिर सम्पन्न भएको छ । माट्रिका आई फोउन्डेसनको आयोजना र नेकपा (एकीकृत समाजबादी) पकहा मैनपुरकाे सहकार्यमा शिविर सम्पन्न भएकाे हाे । 

शिबिरमा ४ सय जनाले आँखा परिक्षण गराएका थिए । जस मध्ये ६० जनामा मोतिया बिन्दु फेला परेको र निजहरूको बुधबार अस्पतालमा निशुल्क सल्यक्रिया गरिने डा. आदित्य तिवारीले जानकारी दिए ।

नेकपा (एकीकृत समाजबादी) पकहा मैनपुर गाउँपालिका अध्यक्ष मदन हजरा पासवानको अध्यक्षतामा भएकाे शिविरमा स्थानिय नेता सन्तोष चौरासीया, प्रभु पटेल, हमिद मियाँ, नेजमा खातुन, रामनाथ प्रसाद साह, नेशा खातुन लगाएतको उपस्थिति रहेको थियो ।

मधानी महाेत्सवमा खेसारी लाल र रानी चटर्जीकाे प्रस्तुती

0

वीरग‌ंज । रौतहटको मौलापुर नगरपालिका वडा नं. ५, पतौरामा आयाेजित मधानी महाेत्सवमा मंगलबार नेपाल र भारतका प्रसिद्ध कलाकारहरुले प्रस्तुती दिएका छन् ।

पताैरास्थित पुरातात्विक महादेव मन्दिर प्राङ्गणमा आयाेजित महाेत्सवमा नेपाली  महानायक राजेश हमालसहित भोजपुरी सिने सुपरस्टारद्वय खेशारीलाल यादव, रानी चटर्जी लगायत विभिन्न विद्याका चर्चित एवं सुप्रसिद्ध अन्य दर्जनौं कलाकारहरुले प्रस्तुति दिएका थिए ।

ऐतिहासिक, धार्मिक तथा साँस्कृतिक महत्वको प्राचीन शिव मन्दिरलाई विश्व सम्पदा सूचीमा सूचिकृत गराउने लक्ष्य एवं दृढसंकल्पका साथ मौलापुर नगरपालिकाले विगत ३ बर्षदेखी महाेत्सव आयाेजना गर्दै आएकाे पूर्व मन्त्री एवम् नेकपा एमालेका नेता प्रभु साहले वताए ।

महाेत्सवले पुरातात्विक सम्पदालाई राष्ट्रिय तथा अन्तर्राष्ट्रीय स्तरमा प्रबर्द्धन गरी यस धर्तीको मानसम्मान, प्रतिष्ठा, गौरव एवं गरिमामा उल्लेख्य बढोत्तरी हुने विश्वास उनले व्यक्त गरे ।

माैलापुर नगरपालिकाले आयाेजना गरेकाे महाेत्सवमा दर्शकहरुको भिड नियन्त्रण गर्न सुरक्षाकर्मीहरुलाई हम्मेहमे भएको थियो । दर्शकहरु बिच तनाव उत्पन भए पनि स्टेजबाटै भारत बिहारका चर्चित भोजपुरी नायक केसारीलालले शान्ति बनाई राख्न अपिल गरी रहेका थिए । अवस्था उग्र भए पनि उनले यसरी गरे नेपालमै भारतिय कलाकार नआउने भन्दै दर्शकहरुलाई शान्त रहन अनुरोध गरेका थिए ।

कार्यक्रम स्थलमा दर्शकको भिड यती रहेको थियो कि थुपै दर्शकहरु कार्यक्रम स्थलमा पुग्नै सकेन् । भने कतिपयले एलइडी एवं अनलाइनमै कार्यक्रम हेरेर चित बुझाएका थिए ।

कार्यक्रमको उद्घाटन पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीले गर्ने भनिए पनि पूर्व मन्त्री एवम् नेकपा एमालेका नेता टाेक बहादुर रायमाझीले गरेका थिए । कार्यक्रम माैलापुर नगरपालिकाकी मेयर रिना साहकाे अध्यक्षतामा भएकाे थियाे ।

 

कांग्रेस पर्साकाे सभापतिमा प्यानलसहित दुई जनाकाे उम्मेदवारी

0

वीरगंज । नेपाली काङग्रेसको पर्सा जिल्ला सभापतिका लागि दुई जनाले उम्मेदवारी दर्ता गराएका छन् । संस्थापन पक्षबाट जनार्दन सिंह क्षेत्री र संस्थापन इतर पक्षबाट श्याम पटेलले प्यानलसहित सभापतिमा उम्मेदवारी दिएका हुन् ।

क्षेत्रीको प्यानलबाट जिल्ला उप सभापतिमा रामनारायण प्रसाद कुर्मी, अशोक कुमार गुप्ता, सचिवमा दिनेश चौधरी, इम्तियाज आलम, सह सचिवमा नविन सिंह र मदन प्रसाद यादवको उम्मेदवारी परेको छ । 

पटेलको प्यानलबाट उपसभापतिमा राजु गुप्ता, डाक्टर कृपासिन्धु चौधरी, सचिवमा विश्वराज घिमिरे, वीरेन्द्र यादव, सह सचिवमा दिलिपराज कार्की र रुक्मान अन्सारीले उम्मेदवारी दिएका छन् ।

संस्थापन पक्षकाे सभापतिका उम्मेदवार क्षेत्री तत्कालीन जिल्ला विकास समितिका पूर्व सभापति हुन् भने संस्थापन इतर पक्षकाे सभापतिका उम्मेदवार पटेल कांग्रेस पर्साका निवर्तमान जिल्ला सचिव हुन् ।

क्षेत्रीलाई संस्थापन पक्षका केन्द्रीय सदस्य रमेश रिजाल, अजय चौरसीया र पूर्व केन्द्रिय सदस्य सुरेन्द्र चाैधरीकाे समर्थन रहेको छ । पटेललाई संस्थापन इतर पक्षका काँग्रेस निवर्तमान जिल्ला सभापति अजय द्विवेदी र संविधान सभा सदस्य राजेन्द्र बहादुर अमात्यको समर्थन रहेको छ । 

७ पदाधिकारीसहित ६८ सदस्यीय जिल्ला कार्य समितिका लागि फागुन १९ गते मतदान हुने छ । कांग्रेस पर्साको १४ औं जिल्ला अधिवेशन अन्तर्गत बिहिबार वीरगंजकाे आदर्शनगरस्थित बाल मन्दिरमा हुने चुनावमा १ हजार ८ सय ३ मतदाता रहेको कांग्रेसका जिल्ला निर्वाचन अधिकृत नरेन्द्र केसीले जानकारी दिए ।