Date
बिहि, मंसिर ३, २०८३
Thu, November 19, 2026
Home Blog Page 708

नेकपा एस पर्साकाे जिल्ला कार्य समितिमा दुई दर्जन थपिए

0

वीरगंज । नेपाल कम्युनिष्ट पार्टी (एकीकृत समाजवादी) पर्सा जिल्ला कमिटीको दोश्रो बैठक आईतवार सम्पन्न भएको छ । पार्टीका जिल्ला अध्यक्ष बालगोपाल थापाको अध्यक्षतामा बसेकाे बैठकमा वाेल्दै पार्टीका केन्द्रिय सचिव एवं पूर्व मन्त्री नागेन्द्र चौधरीले स्थानिय तहको चुनाव नजिकिदै गईरहेको हुनाले चुनावतर्फ जिल्ला कमिटी सदस्यहरुको ध्यान केन्द्रित हुनुपर्नेमा जोड दिए ।

पार्टीका संगठन निर्माण र एमसीसी सन्दर्भमा चर्चा गर्दै उनले पार्टीको निर्णय बमोजिम १२ बुंदे व्याख्यात्मक घोषणासहितका एमसीसी संसद्वारा पास भएको बताए । चौधरीले नेपाली कांग्रेस, नेकपा एमाले, लोसपासहितका पार्टीहरुले एमसीसीलाई यथास्थितिमा पास गर्न लागि परे पनि एकीकृत समाजवादीकै पहलमा व्याख्यात्मक घोषणासहितका प्रावधानहरु राखी पास भएको जिकिर गरे ।

बैठकमा अध्यक्ष थापाले राजनीतिक, सांगठनिक प्रतिवेदन प्रस्तुत गर्दा जिल्ला कमिटीका सदस्यहरुले सुझाव, सल्लाहसहित पारित गरेका थिए । स्थानिय तहको चुनाव केन्द्रित सो बैठकमा अधिकांश वक्ताहरुले चुनाव पार्टीको पक्षमा पार्न गहन छलफल गर्दै आ–आफ्ना सुझाव बैठक समक्ष राखेका थिए ।

पार्टीको जिल्ला सचिवालयले जिल्लाका करिब दुई दर्जन मेहनती कार्यकर्तालाई जिल्ला सदस्यमा मनोनित गरेकोले सोलाई जिल्ला कमिटीको बैठकले अनुमोदन गरेको थियो । थपिएका जिल्ला सदस्यहरुलाई सचिव चौधरीले सपथग्रहण समेत गराएका थिए ।

बैठकमा पार्टीका पोलिटव्युरो सदस्य एवम् पर्सा जिल्ला ईन्चार्ज रामचन्द्र साह, पोलिटव्युरो सदस्य एवम् वीरगंज महानगर ईन्चार्ज चिरञ्जीवी आचार्य, सांसद डा. पुष्पा कर्ण, केन्द्रिय लेखा आयोगका सदस्य किशोरी कुशवाहा, वीरगंज महानगर अध्यक्ष मनोज चौधरी लगायत प्रदेश तथा जिल्ला कमिटी सदस्यहरुको उपस्थिति रहेको थियो ।

निर्माण व्यवसायी संघ पर्साको कार्यालयमा तालाबन्दी

0

वीरगंज । नेपाल निर्माण व्यवसायी संघ पर्साको कार्यालयमा निर्माण व्यवसायीहरुले तालाबन्दी गरेका छन् । संघका अध्यक्ष रामाकान्त चौरसियासहितका पदाधिकारीहरुले संघको विद्यान विपरित संघ सचालन गरेको भन्दै आक्रोशित व्यवसायीहरुले शनिबार वीरगंजकाे राधेमाईस्थित कार्यालयमा तालाबन्दी गरेका हुन ।

संघको विद्यान बमोजिम गठन भएको कार्यसमितिको पदावधि तीन बर्ष हुन्छ । निर्वाचित पदाधिकारीहरुले आफनो कार्यअवधि तीन बर्ष समाप्त गरी त्यसको भोली पल्ट निर्वाचन प्रकृयामा गई नयाँ पदाधिकारीहरुको जिम्मा लगाउँने विद्यानको नियम छ । तर अर्को निर्वाचन नै नगरी कार्यालयलाई अस्तव्यवस्थ बनाई थप तीन बर्ष विद्यान विपरित आफनो मनोमानी ढंगले संघ संचालन गरीरहेको व्यवसायीहरुको आरोप छ ।

नियमित कार्यालय संचालन नहुँदा कार्यालयनै अस्तव्यवस्त बनेपछि व्यवसायीहरु आन्दोलित भएका हुन । अध्यक्ष तथा उपाध्यक्ष अध्यक्षको कोठा दुर्गन्धीतसहित अव्यवस्थित बन्दै गएको छ । फाईलहरु जजातै फालिएको छ, कुनै समान व्यवस्थित रुपमा छैन । कोठाभरी माक्रोको जालोले भरिएको छ । शौचालय पनि दुर्गधित छ । कार्यालय व्यवस्थापन नगरेपछि अनिश्चितकाल तालाबन्दी गरिएको व्यवसायी आलम देवानले बताए ।

उनले भने, ‘पियुनको भरमा कार्यालय संचालन हुदैन । एक त पदाधिकारीहरुको समावधि समाप्त भईसकेको छ, नत उनीहरु कार्यालयमा आउँछन, त कुनै कार्यालयको काम नै गर्छन । जबरजस्ती आफनो कोठामा कार्यालय सचालन गरीरहेका छन, जुन विद्यान विपरित हो ।’

निर्माण व्यवसायीहरुको हकहितको लागि भव्य रुपमा भवन निर्माण गरी संस्था खडा गरेका थियो । संघका पूर्व अध्यक्ष साबिर अंसारी भने, ‘वर्तमान अध्यक्ष रामाकान्त चौरसियाले मनोमानी रुपमा संघ संचालन गरीरहेका छन, हामी व्यवसायीहरु आपसी छलफल गरेर निर्वाचन गर्ने प्रकृयामा लागेका छौ ।’

अर्का व्यवसायी संजय पटेल पनि संघका पदाधिकारीहरुले कार्यशैली ठिक नरहेकोले त्यसको विरोधमा तालाबन्दी गरेको बताए । कार्यसमितिको तीन बर्ष अवधि हुदाँ हुदैपनि व्यवसायीको हकहितमा काम नगरेको उनको आरोप छ ।

कार्यअवधि समाप्त हुँदा पनि पदाधिकारीहरुले आफनो घरमा बसेर महाधिवेशन प्रतिनिधि पठाउँने देखि लिएर अन्य विद्यान विपरित गतिविधि गर्दै आएको उनको आरोप छ । संघका पूर्व अध्यक्ष मोहन यादवले समेत अध्यक्ष रामाकान्त चौरसिया पदाधिकारी माथि प्रश्न चिन्ह खडा गरी असम्बैधानिक रुपमा संघ संचालन गरीरहेको आरोप लगाए ।

उनले भने,‘ निर्माण व्यवसायीको सम्मान गर्न नसकेको, कर्मचारीको तलब दिन नसकेको क्षमता नभएका कारण संस्थामा संस्थाका पदाधिकारीहरुले बेईमानी शुरु गरेका छन ।’ बाहिरको टेन्डर बाहिर मिलाउँने र त्यसको कमिशन एक आपसमा भागभण्डा गर्न थालेपछि यसको दुरदर्शा भएको हो । संस्थामा हैकमवादी चलाउँन खोजेको उनको आरोप समेत छ ।

संस्थाका सदस्यलाई कसैले सम्मान गर्न सकेन भने, त्यस्ता पदाधिकारीलाई गेटबाट बाहिर निकालेर नयाँ कार्यसमिति चयनको लागि आवश्यक प्रकृया अगाडी बढाउँने छौ । संघका अध्यक्ष रामाकान्त चौरसिया र सचिव सुरेश पटेलको प्रतिकृया लिन खोज्दा सम्पर्कमा आउँन सकेनन् ।

निर्माण व्यवसायी संघको विद्यान अनुसार कुनै कारणवंश निर्वाचन हुने अवस्था नभएमा बढीमा ३ महिनाको लागि सोहि कार्यसमितिले कार्यसंचालन गर्ने छ । तीन महिना समाप्त भएको मिति देखि सम्पूर्ण कार्य समितिका पदाधिकारी एवं सदस्यहरु स्वतः खारेज हुने छन र त्यसको सम्पूर्ण अधिकार आर्थिक कारोबार संचालन समेत कार्यको जिम्मेवारी सोहि अवधिमा मनोनयन भएका सल्लाहकारको जिम्मा हुने छ ।

सल्लाहकारले ९० दिन भित्रमा कार्य समितिका पदाधिकारी एवं सदस्यहरुको निर्वाचन गराई जिम्मेवारी हस्तान्तरण गर्नु पर्ने विद्यानमा उल्लेख छ । सोहि अनुसार नयाँ कार्यसमिति चयनको लागि संघका पूर्व पदाधिकारीहरुलाई बाईपास गरेर नयाँ कार्यसमिति चयनको लागि चुनावको प्रकृया अगाडी बढाउँने व्यवसायीहरुले जनाएका छन ।

सभापतिमा निर्वाचित क्षेत्रीलाई प्रधानमन्त्रीद्वारा शुभकामना

0
वीरगंज । नेपाली कांग्रेस पर्साका सभापतिमा नवनिर्वाचित जनार्दन सिंह क्षेत्रीलाई प्रधानमन्त्री एवम् पार्टीका सभापति शेर बहादुर देउवाले बधाई तथा शुभकामना दिएका छन् ।
 
समाजिक सञ्जाल फेसबुकमार्फत प्रधानमन्त्री देउवाले नव निर्वाचित जिल्ला सभापति क्षेत्रीलाई बधाई तथा सुभकामना दिएका हुन् । प्रधानमन्त्री देउवाद्वारा हस्ताक्षरित शुभकामना सन्देश लेखिएकाे कार्ड उनले समाजिक संजाल फेसबुकमा शेयर गरेका छन् ।
 
शुक्रबार पर्सा जिल्ला सभापति क्षेत्री निर्वाचित भएका थिए । कांग्रेसकाे १४ औं अधिवेशन अन्तर्गत बिहिबार भएकाे मतदानमा क्षेत्री एक हजार एक सय १० मत ल्याएर विजयी भएका थिए ।

तेली कल्याण समाजकाे अधिवेशन सम्पन्न, अध्यक्षमा पुन: ध्रुव साह

0

वीरगंज । तेली कल्याण समाज नेपाल पर्साकाे ५ औं जिल्ला अधिवेशन शनिबार वीरगंजमा सम्पन्न भएकाे छ । वीरगंजकाे आदर्शनगरस्थित नगर सभा गृहमा भएकाे अधिवेशनबाट समाजकाे जिल्ला अध्यक्षमा पुन: ध्रुव साह निर्विराेध निर्वाचित भएका छन् ।

अधिवेशनकाे बन्द सत्रबाट अध्यक्षमा निर्विराेध निर्वाचित साहलाई बाकी जिल्ला कार्य समिति चयन गर्ने पनि अधिकार दिएकाे छ ।

सम्पन्न अधिवेशनले दिनानाथ साहकाे संयाेजकत्वमा ५ सदस्यीय समाजकाे विधान पुन: लेखन समिति गठन गरेकाे छ । जुन समितिकाे सदस्यमा अधिवक्ता प्रमाेद साह, मेवालाल साह, रामेश्वर साह र लक्ष्मण साह रहेका छन् ।

अधिवेशनकाे उद्घाटन मधेश प्रदेश सरकारकाे अर्थमन्त्री शैलेन्द्र साहले गरेका थिए । अधिवेशनकाे उद्घाटन गर्दै अर्थमन्त्री साहले समाजकाे समाजिक परिवर्तन जरुरी रहेकाे वताए । उनले समाजमा रहेकाे कुरुति हटाउँदै समाजिक परिवर्तन जरुरी रहेकाे वताए ।

कार्यक्रमका प्रमुख अतिथी समेत रहेका मन्त्री साहले राज्यकाे हरेक निकायमा हुनु पर्ने प्रतिनिधित्व अहिले नरहेकाे वताउँदै समानजनक प्रतिनिधित्व जरुरी रहेकाे वताए । त्यसकाे लागि तेली समाजकाे साथ साथै वैश समाज बिचकाे एकता जरुरी रहेकाे उनकाे भनाई थियाे ।

कार्यक्रममा वाेल्ने अन्य वक्ताहरुले समाजमा करुतीकाे रुपमा रहेकाे दाइजाे प्रथा हटाउनु पर्नेमा जाेड दिएका थिए । 

अधिवेशन उद्घाटन सत्रमा मधेश प्रदेश सरकारका आन्तरिक मामिला तथा संचार मन्त्री भरत प्रसाद साह, प्रतिनिधि सभा सदस्य प्रमाेद साह, तेली कल्याण समाज नेपालका केन्द्रिय उपाध्यक्ष विश्वनाथ साह, प्रदेश सभा सदस्य राजेश्वर साह, पारस साह, पूर्व मन्त्री अरविन्द साह, तेली कल्याण समाज नेपालका केन्द्रिय महासचिव राजदेव साह, केन्द्रिय सचिव सत्यनारायण साह, बहुदरमाई नगरपालिकाका मेयर नितेन्द्र साह, नेकपा एमालेका नेता बलिराम साह, वीरगंज उद्याेग वाणिज्य संघका अध्यक्ष सुबाेध गुप्ता लगायतकाले शुभकाना मन्तव्य राखेका थिए भने कार्यक्रम संचालन बिरेन्द्र साहले गरेका थिए ।

अधिवेशनकाे उद्घाटन सत्रमा घरेलु तथा साना उद्याेग कार्यालय वीरगंजका प्रमुख रिमा साहलाई सम्मान समेत गरिएकाे थियाे । 

कांग्रेस पर्साकाे सभापतिमा क्षेत्रीसहित पुरै प्यानल विजयी

0

वीरगंज । नेपाली कांग्रेस पर्साकाे जिल्ला सभापतिमा जनार्दन सिंह क्षेत्रीसहित उनकाे पुरै प्यानल विजयी भएकाे छ । कांग्रेसकाे १४ औं जिल्ला अधिवेशन अन्तर्गत बिहिबार भएकाे मतदानकाे साेमबार विहान आएकाे अन्तिम मतगणनाकाे नतिजा अनुसार संस्थापन पक्षका उम्मेदवार क्षेत्री ४ सय ६५ मतकाे अन्तरले विजयी भएका हुन् । 

क्षेत्रीले एक हजार एक सय १० मत प्राप्त गरेका छन् भने संस्थापन इतर पक्षका सभापतिका उम्मेदवार श्याम पटेलले ६ सय ४५ मत पाएका छन् । सभापतिमा निर्वाचित क्षेत्री तत्कालिन जिल्ला विकास समिति पर्साका पूर्व सभापति हुन् ।

उप सभापतिमा क्षेत्री प्यानल कै रामनारायण प्रसाद कुर्मी र अशाेक कुमार गुप्ता विजयी भएका छन् । कुर्मीले एक हजार २ सय ३५ मत र गुप्ताले एक हजार एक सय २ मत प्राप्त गरेका छन्  भने उप सभापतिका पटेल प्यानका उम्मेदवार डा. कृपा सिन्धु चाैधरीले ५ सय ८५ मत र राजु कुमार गुप्ताले ४ सय ८२ मत पाएका छन् ।

सचिवमा क्षेत्री प्यानल कै इम्तियाज आलम र दिनेश कुमार चाैधरी विजयी भएका छन् । आलमले एक हजार एक सय ७ मत र चाैधरीले एक हजार एक सय ५९ मत प्राप्त गरेर विजयी भएका छन् भने पटेल प्यानलका विश्वराज घिमिरे ४ सउ ६५ मत र विरेन्द्र यादवले ५ सय ९७ मत पाएका छन् । 

सह सचिवमा क्षेत्री प्यान कै नविन कुमार सिंह र मदन राउत अहिर विजयी भएका छन् । सिंहले सब भन्दा बढी एक हजार २ सय ५३ मत र अहिरले एक हजार एक सय ११ मत प्राप्त गरेका छन् भने पटेल प्यानका लुकमान अन्सारीले ४ सय ५१ र दिलिप राज कार्कीले ५ सय ८२ मत पाएका छन् ।  

क्षेत्री प्यानललाई संस्थापन पक्षका नेता पार्टीका केन्द्रिय सदस्यद्वय रमेश रिजाल, अजय चाैरसिया, पूर्व केन्द्रिय सदस्य सुरेन्द्र चाैधरी, नेता अनिल रुगंटा लगायतका नेताकाे समर्थन रहेकाे थियाे भने पटेल प्यानललाई संस्थापन इतर पक्षका नेता निर्वतमान जिल्ला सभापति अजय द्विवेदी, नेता राजेन्द्र बहादुर अमात्य लगायतका नेताहरुकाे समर्थन रहेकाे थियाे ।  

पदाधिकारी तर्फकाे मतगणना जारी, क्षेत्री प्यानल अगाडी

0

वीरगंज । नेपाली कांग्रेस पर्साकाे १४ औं जिल्ला अधिवेशनमा बिहिबार भएकाे मतदानकाे मतगणना अहिले जारी छ । पदाधिकारी तर्फका जारी मतगणनामा शुक्रबार विहान ६ बजे सम्म एक हजार २ सय मत गन्दा सभापतिमा जनार्दन सिंह क्षेत्रीसहित उनकाे प्यानल अगाडी रहेकाे छ ।

संस्थापन पक्षका सभापतिका उम्मेदवार क्षेत्रीकाे ७२२ मत आएकाे छ भने संस्थापन इतर पक्षका सभापतिका उम्मेदवार श्याम पटेलकाे ४६६ मत आएकाे छ ।

वीरगंजकाे आदर्शनगरस्थित मतदानस्थल बाल मन्दिरमा चारै क्षेत्रकाे छुट्टा छुट्टै मतगणना जारी रहेकाे निर्वाचन अधिकृत नरेन्द्र बहादुर केसीले जानकारी दिए ।

सार्वजनिक क्षेत्र नं. ४ काे मगतगणना अनुसार ३०० मत गन्दा सभापतिमा क्षेत्रीकाे २२४ रहेकाे छ भने पटेलकाे ७३ मत आएकाे छ ।

यस्तै क्षेत्री प्यानलका उप सभापतिका उम्मेदवार रामनारायण कुर्मीकाे २३८, अशाेक कुमार गुप्ता २०९, सचिवमा इम्तियाज आलमकाे २३३, दिनेश कुमार चाैधरीकाे २१६, सह सचिवमा सब भन्दा बढी नविन सिंहकाे २४७ र मदन राउत अहिरकाे २१७ मत रहेकाे छ ।

यस्तै पटेल प्यानलका उप सभापतिका उम्मेदवार कृपा सिन्दु चाैधरीकाे ७७, राजु कुमार गुप्ताकाे ५९, सचिवमा विश्वराज घिमिरेकाे ६८,  विरेन्द्र यादवकाे ६६, सह सचिवमा लुकमान अंसारीकाे ४३ र दिलिप राज कार्कीकाे ६३ मत रहेकाे छ । 

क्षेत्र नं. ४ मा जम्मा रहेकाे ५ सय १५ मतदाता मध्ये ५ सय ६ मत खसेकाे छ भने जिल्ला भरीमा जम्मा रहेकाे एक हजार ८ सय २० मतदाता मध्ये एक हजार ७ सय ७८ मत खसेकाे छ ।

पेट्रोलकाे मूल्य १५० पुग्याे

0

काठमाडौं । नेपाल आयल निगमले फेरि पेट्रोलियम पदार्थको मूल्य बढाएको छ ।

निगमले बिहिबार राति १२ बजेदेखि लागु हुनेगरी पेट्रोलको मूल्य प्रतिलिटर पाँच रुपैयाँले बढाएर १५० रुपैयाँ तय गरेको छ। डिजेल–मट्टीतेलको मूल्यमा पनि प्रतिलिटर पाँच रुपैयाँले बढाएर १३३ रुपैयाँ तोकिएको छ।

एलपी ग्यासको मूल्य यथावत राखिएको छ । साथै हवाई इन्धनको मूल्य पनि यथावत राखेको छ । यसअघि निगमले फागुन ७ गते पेट्रोलियम पदार्थको मूल्य बढाएको थियो ।

समाजवादी प्रेस सङ्गठनको विस्तारित बैठक चैत १२ गते बस्ने

0

काठमाडौँ । समाजवादी प्रेस सङ्गठन नेपालका अध्यक्ष शम्भु श्रेष्ठको नेतृत्वमा १५ सदस्यीय विस्तारित बैठक तयारी गर्न मूल आयोजक समिति गठन गरिएको छ ।

सङ्गठनका इन्चार्ज जगन्नाथ खतिवडाको उपस्थितिमा तथा सङ्गठनका अध्यक्ष श्रेष्ठको सभापतित्वमा बिहिबार सम्पन्न पदाधिकारी बैठकले आगामी चैत १२ गते काठमाडौँमा गर्न लागिएको विस्तारित बैठकको तयारीका लागि सो समिति गठन गरेको हो ।

सङ्गठनका सबै विभागका प्रमुखलाई सम्बन्धित सदस्यसँगको परामर्श गरी विधागत कार्ययोजना एक हप्ताभित्र बुझाउन जिम्मेवारी दिइएको छ । बैठकले नेपाल कम्युनिष्ट पार्टी (एकीकृत समाजवादी) का उपमहासचिव एवं प्रचार विभाग प्रमुखसमेत रहनुभएका खतिवडा हालै ग्लोबल अर्गानाइजेशन अफ पार्लियामेण्टेरियन्स एगेन्सट करप्सनको ‘ग्लोबल डाइरेक्टर’ पदमा नियुक्ति हुनु भएकोमा बधाई एवं सफल कार्यकालको शुभकामना प्रस्ताव पारित गरेको छ ।

यही फागुन महिनामा सबै जिल्ला समिति गठन गर्न निर्देशन दिएको बैठकले विस्तारित बैठकपछि प्रदेशस्तरीय भेला गर्ने निर्णय गरेको सङ्गठनका उपाध्यक्ष शन्तराम विडारीले जानकारी दिनुभयो । मूल आयोजक समितिको बैठक शुक्रबार बस्ने भएको छ ।