वीरगंज । नेपाली कांग्रेस पर्सा निर्वाचन क्षेत्र नं.४ को क्षेत्रीय कार्य समितिको बैठक शुक्रबार सम्पन्न भएकाे छ । क्षेत्रिय सभापति श्रीकान्त यादवकाे सभापतित्वमा बसेकाे बैठकले “घर घर जाउ कांग्रेस जिताउ” अभियान संचालन गर्ने निर्णय गरेकाे छ ।
साथै बैठकले अभियानकाे कार्य याेजना बनाउँदै फागुन ३० गते सोमबारको दिन हुने क्षेत्रिय “होलि मिलन समारोह” भव्य रुपमा सफल पार्ने निर्णय गरेकाे क्षेत्रिय सभापति यादवले जानकारी दिए ।
वीरगंजस्थित पार्टीका केन्द्रिय सदस्य रमेश रिजाल निवासमा बसेकाे बैठकमा महाधिवेशन प्रतिनिधि रमेश पाण्डे, जिल्ला सह- सचीव नवीन सिंह, क्षेत्रिय सचिव बलिस्टर अह्मद, प्रदेश क्षेत्रिय सभापति दिपेन्द्र सिंह लगायत प्रतिनिधि सभा र प्रदेश सभा क्षेत्रिय समितीका पदाधिकारी तथा सदस्यहरुकाे उपस्थिति रहेको थियो ।
