Date
बुध, मंसिर २, २०८३
Wed, November 18, 2026
Home Blog Page 693

बिन्दवासिनी ४ काे वडा कार्यालय भवन उद्घाटन

0

वीरगंज । पर्साकाे बिन्दवासिनी गाउँपालिका वडा नं. ४ अमरपट्टीमा निर्माण भएकाे वडा कार्यालय भवनकाे बिहिबार एक कार्यक्रमकाे बिच उद्घाटन गरिएकाे छ । कार्यक्रमकाे प्रमुख अतिथी पूर्व मन्त्री एवम् नेपाली कांग्रेसका केन्द्रिय सदस्य अजय चाैरसियाले उद्घाटन गरेका हुन् ।

उद्घाटन कार्यक्रमलाई सम्बाेधन गर्दै नेता चाैरसियाले वडा कार्यालयकाे भवन निर्माणले वडा कार्यालयकाे कामकाज संचालनमा सहज हुने वताए  ।

वडाध्यक्ष अनुज कुमार चाैरसियाकाे अध्यक्षतामा भएकाे उद्घाटन कार्यक्रममा नेपाली काङ्ग्रेस पर्साका सभापति जनर्दन सिंह क्षेत्री, उप सभापति अशोक कुमार गुप्ता, गाउँपालिकाकी उपाध्यक्ष किरण देबी गुप्ता, प्रमुख प्रशासकिय अधिकृत राजु साह, लेखा प्रमुख मिथिलेश चाैरसिया लगायतकाे सहभागिता रहेकाे थियाे भने कार्यक्रमकाे संचालन गाउँपालिकाका कर्मचारी रमेन्द्र नाथ तिवारीले गरेका थिए ।

नपत्याउने खाेलाले बगाउँन्छ : सचिव चाैधरी

0

वीरगंज । नेकपा एकीकृत समाजवादीका सचिव नागेन्द्र चाैधरीले अगामी निर्वाचनमा प्रतिगनलाई हराउने हाम्राे मुख्य प्रयास रहने वताएका छन् । पार्टी निकटका समाजवादी प्रेस संगठन नेपाल पर्सामा आवद्ध पत्रकारहरुसंग बिहिबार वीरगंजमा अन्तरक्रिया गर्दै नेता चाैधरीले अगामी निर्वाचनमा देशभर गठबन्धन हुने निश्चित रहेकाे वताए ।

स्थानिय तह निर्वाचनदेखी प्रदेश र प्रतिनिधि सभा निर्वाचन सम्म सतारुढ ५ दल बिच देशभर गठबन्धन हुने निश्चित रहेकाे वताउँदै उनले गठबन्धनकाे माेडलिटीकाे बारेमा शिर्ष नेताहरु बिच छलफल जारी रहेकाे वताए । प्रतिगमन विरुद्धकाे गठबन्धनले प्रतिगमनकारी केपी शर्मा ओली नेतृत्वकाे नेकपा एमालेलाई हराउने र देशभर नै गठबन्धन विजयी हुने नेता चाैधरीले वताए ।

पूर्व मन्त्रि समेत रहेकाे नेता चाैधरीले पार्टीकाे सन्दर्भमा कुरा राख्दै नपत्याउने खाेलाले बगाउने वताए । नेकपा एकीकृत समाजवादीलाई नपत्याउनेहरुले स्थानिय तह निर्वाचनकाे नतिजापछि पत्याउने उनकाे भनाई थियाे । 

उदाहरणकाे लागि भ्रखर सम्पन्न नेपाल बार एशाेसिएशन केन्द्रिय कार्य समिति निर्वाचनलाई प्रस्तुत गर्दै देशभर नै प्रतिगनकारीहरु साफ भएकाे वताए ।

समाजवादी प्रेस संगठन पर्साका अध्यक्ष मनाेज पटेलकाे अध्यक्षतामा भएकाे कार्यक्रममा नेकपा एकीकृत समाजवादीका पाेलिट व्युराे एवम् पर्सा जिल्ला इन्चार्ज रामचन्द्र साह, पाेलिट ब्युराे सदस्य चिरन्जिवी अचार्य, पर्सा जिल्ला अध्यक्ष बालगाेपाल थापा, वीरगंज महानगर अध्यक्ष मनाेज चाैधरी, समाजवादी प्रेस संगठन नेपालका केन्द्रिय सदस्य एवम् मधेश प्रदेशका अध्यक्ष बृजलाल पासवान, केन्द्रिय सदस्य एवम् केन्द्रिय प्रचार विभागका सदस्य राघव साह, रेविन्द्र कार्की लगायतकाले आ आफ्नाे धारण राखेका थिए ।

वीरगंजकाे भारतिय दुतावास नजिक रहेकाे समाजवादी प्रेस संगठनकाे सम्पर्क कार्यालयमा भएकाे कार्यक्रमकाे संचालन समाजवादी प्रेस संगठनका सचिव अजय चाैरसियाले गरेका थिए ।

परवानीपुरमा लाेसपा परित्याग गरी एक दर्जन युवा काङ्ग्रेस प्रवेश

0
वीरगंज । लोकतान्त्रिक समाजवादी पार्टी (लाेसपा) नेपालका एक दर्जन युवा नेपाली काङ्ग्रेसमा प्रवेश गरेका छन । बाराको परवानीपुर गाउँपालिका ३  मा आयोजित एक कार्यक्रममा लोसपाका स्थानिय प्रभावशाली युवा नेता दिपक यादवको नेतृत्वमा युवाहरु काङ्ग्रेस प्रवेश गरेका हुन् ।
 
लोसपा परित्याग गरेर काङ्ग्रेस प्रवेश गर्नेमा प्रकाश यादव, नजमुल्लाह मिया, लोकेश यादव, ओमप्रकाश यादव रहेका छन । यस्तै नेकपा एमाले स्थानीय कार्यकर्ता हरिबेलाश यादव, अर्जुन यादव र सरोज यादव सहितकाले काङ्ग्रेस प्रवेश गरेका हुन् ।
 
युवा नेता दिपक यादव लोसपाका मधेस प्रदेश अध्यक्ष जितेन्द्र सोनार निकट थिए । तर सोनार मधेस सरकारको मन्त्री बनेपछि आफ्नो भाइ भतिजालाई मात्र अगाडि बढाएपछी यादव असन्तुष्ट बनेका थिए ।
 
कांग्रेस स्राेतका अनुसार दिपक यादव काङ्ग्रेसबाट बैशाख ३० मा हुने स्थानीय निर्वाचनमा वडा अध्यक्ष पदमा लडने पक्का पक्की भएको छ । अब उनी काङ्ग्रेसको तर्फबाट उम्मेदवार भएर घरदैलोमा सहभागी हुनेछन । नव प्रवेशीहरूलाई नेपाली काङ्ग्रेसका नेता विजय गुप्ता, रामबहादुर यादव, पुन्यदेव यादव, रामदेव यादव लगायतकाले काङ्ग्रेसमा स्वागत गरेका थिए ।

विराटनगरमा जारी मेयर कपमा वीरगंजको टिममा जिल्ला बाहिरको खेलाडी सहभागी

0

वीरगंज । विराटनगर महानगरपालिकामा जारी प्रथम टि-२० मेयर कप २०७८ मा वीरगंज महानगरपालिकाको टिमले जिल्ला बाहिरको खेलाडीलाई सहभागी गराएको पाएको छ । गत सातादेखि विराटनगरपालिकामा जारी टि-२० मेयरकपमा पर्सा बाहिरका ४ जना खेलाडी सहभागी भएको पाएको हो ।

बिराटनगर महानगरपालिकाको आयोजनामा जारी टि-२० कपमा वीरगंज महानगरपालिकाको तर्फबाट कोच उमेश उपाध्याय र म्यानेजर कन्हैया कायश्थले बाहिरका खेलाडी सहभागी गराएको स्रोतले जनाएको छ ।

पर्सा क्रीकेट संघका पुर्व उपाध्यक्ष कायस्थ र राष्ट्रिय खेलकुद परिसदका पुर्व सदस्य उपाध्यायले जिल्ला बाहिरका खेलाडी सहभागी गराएर जिल्लाबासी संग धोका गरेका आरोप छ ।

जिल्लामा विभिन्न तहका नाम चलेका खेलाडी हुदाँ हुदै जिल्ला बाहिरका खेलाडी लग्नु दुखद भएको खेलाडीहरुकाे भनाई छ ।

प्राप्त जानकारी अनुसार पर्साका खेलाडी हासिम अन्सारी, अफताब आलम, चन्दन राम, मनथन यादव, रोहन, इमरान शेख, अरबाज अन्सारी मात्र रहेका छन । बाँकी खेलाडी सुनसरी, बाराका रहेका छन । टि-२० मेयरकपमा ६ वटा टिमले भाग लिएका छन ।

कोरोनामा अग्रपंक्तिमा खटिएका ५५ जनालाई सम्मान

0

वीरगंज । लायन्स क्लब अफ वीरगंज सहयोगीले कोरोना महामारीका क्रममा अग्रपंक्तिमा रहेर सेवा गरेका व्यक्ति तथा संस्थालाई बुधबार सम्मान गरेको छ । 

कोभिड महामारीको जोखिमका बेला ज्यान जोखिममा राखेर भूमिका निर्वाह गरेका डाक्टर, नर्स, सुरक्षा निकाय, स्वास्थ्य सहयोगी, पत्रकार र संस्थागत गरी ५५ जनालाई सम्मान प्रदान गरीएको समाजिक कार्यकर्ता किशु सर्राफले जानकारी दिए । कोरोनाले बढि प्रभावित वीरगंजका अग्रपक्तिमा रहेर काम गर्नेहरुलाई सम्मान गरीएको सर्राफले बताए ।

लायन्स क्लब अफ वीरगंज सहयोगीका अध्यक्ष दिलपाल साहकाे अध्यक्षतामा भएकाे कार्यक्रममा नारायणी अस्पताल मेडिकल सुपरिडेन्ट डा. बिरेन्द्र बहादुर प्रधान, नारायणी अस्पतालमा कार्यरत डा. निरज सिंह, डा. उदयनारायण सिंह, डा. राकेश तिवारी, डा. जेपी जयसवाल, डा. सरोज रोसन दास, डा. कृष्णा अधिकारी, डा. हरिशचन्द्र यादव सम्मान पत्रले सम्मान गरिएकाे हाे ।

त्यसैगरी कोरोना महामारीको जोखिमका समयमा जनस्वास्थ्यका विषयमा समाचार तयार पारी सेवा दिए वापत संस्थागत रुपमा कालिका टाईम्स, रातो पाना, पत्रकारद्वय तिवारी यादव र सुर्य बिकलाई पत्रकारितातर्फ सम्मान गरिएकाे आयाेजक संस्थाले जनाएकाे छ ।

यस्तै संस्थागततर्फ नेशनल मेडिकल अस्पताल, स्पर्श मल्टिस्पेशलिटि अस्पताल, तराई अस्पताल, गण्डक अस्पताल, नेपाली सेना, साहिब दरबार संस्था, ग्रीन सिटि सामुदायिक केन्द्र, वीरगंज महानगरपालिका सरसफाई शाखा, भोलेन्टिर समुहलाई सम्मान पत्र प्रदान गरिएको थियाे ।

कार्यक्रमका प्रमुख अतिथि लायन रमेश अग्रवालले कोरोना महामारीको जोखिमका समयमा खटिएका सबै व्यक्तित्वलाई सम्मान गरेका थिए । उनले सम्मानित व्यक्ति तथा संस्थालाई बधाई अनि शुभकामना दिदै संकटको बेला अग्रभागमा रहेर भूमिका निर्वाह गरेका सबैको सम्मानको रुपमा बुझिदिन अनुरोध गरे ।

वीरगंजकाे विर्तामा रहेकाे नेपाल औषधी व्यवसायी संघको कार्यालयमा भएकाे कार्यक्रममा जनता समाजवादी पार्टीका नेता राजेशमान सिंह, लायन्स क्लबका बासु तिमिल्सीना, डिएन अग्रवाल, नेपाली सेनाका मेजर कृष्णा अधिकारी लगायतकाले मन्तव्य राखेका थिए ।

पर्सागढीमा नगर प्रमुख र उप प्रमुखका आकांक्षीहरु धेरै

0

वीरगंज । स्थानीय तह निर्वाचनकाे मिति नजिकिएसंगै पर्साकाे पर्सागढी नगरपालिकामा पनि चुनावी सरगर्मी बढेकाे छ । बैशाख ३० गते हुने भनिएकाे निर्वाचनकाे मनाेनय दर्ता १८ दिन मात्र बाकी रहेपनि कुनै दलले औपचारिक रुपमा उम्मेदवारकाे घाेषाण गरेका छैनन् । तर उम्मेदवारहरुका आंकाक्षीहरुले आफ्नाे प्रचार प्रसारमा लागेका छन् ।

पार्टी विधान अनुसार वडा समिति, नगर समिति, क्षेत्रिय समिति, जिल्ला समितिबाट सिफारिस भएपछि प्रदेश समितिले नगरपालिकाकाे उम्मेदवारको अन्तिम टुंगाे लगाउने छन् । साेही प्रावधान अनुसार राजनीतिक दलहरुले उम्मेदवार छनाैट पक्रिया सुरु गरिएकाे जनाएका छन् ।

हाल सम्म कुनै दलले उम्मेदवारकाे टुंगाे नलगाए पनि प्रमुख, उप प्रमुख र वडाध्यक्षका आकाङ्क्षीहरू भने बढ्दो छन् । पर्सागढी नगरपालिकाका मेयर लोकनारायण यादव र उपप्रमुख अर्चना चौधरी पुनः उम्मेदवार बन्ने चर्चा छ ।

दुवैजना गत बर्षकाे निर्वाचनमा नेपाली काङ्ग्रेसबाट निर्वाचित भएका थिए भने हाल पनि कांग्रेस मै आवद्ध रहेका छन् ।

सो नपाको प्रमुखमा नेपाल रेडक्रस सोसाइटी पर्साका अध्यक्ष वीरेन्द्रराज कँडेल र वर्तमान वडाध्यक्ष वेदमनदास थारूको नाम पनि चर्चामा छ । उपप्रमुखमा काङ्ग्रेसकै जुनमाया बलको दाबेदारी पनि रहेकाे वताइएकाे छ ।

यसैगरी, नगर प्रमुखमा नेकपा एमालेबाट गोकर्ण पाठक र जनता समाजवादी पार्टी (जसपा)बाट बृजमोजन दास थारूको नाम पनि चर्चामा छ । एमालेका पाठक यसअघिको चुनावमा दाेस्राे स्थान हासिल गर्दै पराजित भएका थिए भने थारू तेस्रो नम्बरमा थिए ।

उप प्रमुखमा एमालेबाट पूजा चौधरीको नाम चर्चामा छ भने जसपाबाट गत चुनावमा पराजित ममता यादवले चुनाव लड्ने नलडने बारे अन्याेल रहेकाे छ । उनको स्थानमा नयाँ उम्मेदवार हुने अड्कल गरिएको छ ।

यसैगरी नेकपा माओवादी केन्द्रबाट नगर प्रमुखमा डा. चन्द्रभुषण सिंह र बाल कृष्ण श्रेष्ठ मध्ये एक जनाले चुनाव लडने सम्भावना छ भने नेकपा एकीकृत समाजवादीबाट सत्यनारायण दास थारु उम्मेदवार हुने सम्भावना रहेकाे छ । यी दुई दलबाट उप प्रमुखका उम्मेदवार बारे हाल  सम्म कसैकाे चर्चा सुनिएकाे छैन ।

वडाध्यक्षमा भने वर्तमान सबैजनाले पुनः उम्मेदवारी दिने चर्चा छ । वडाध्यक्षहरू तुलाराम महतो (नेका), उद्धवबहादुर उप्रेती (एमाले), समसुद्दीन शाह देवान (नेका), असलम आलम (जसपा), किशोरी राउत अहिर (नेका), रामजी साह तेली (जसपा) र किसुनदेवप्रसाद यादव (नेका) पुनः चुनावमा उठ्ने भएका छन् । वडा नं २ का अध्यक्ष थारू भने नगरप्रमुखको दाबेदार भएका छन् ।

यसका साथै वडाध्यक्षमा एमालेबाट दिपेश नेपाल, अब्दुल देवान, सिकेन्द्र पटेल, नवलकिशोर साह लगायतको पनि चर्चा छ भने नेकाबाट सुकमान तामाङ, कामेश्वर मिश्र, शङ्कर यादव, शङ्कर रायभर, अनवर आलम, राजेश्वर यादव, जसपाबाट रामबढई यादवल, शेख खुर्सेद र माओवादीबाट शेख फैयाद, सुनिल राय भर  लगायतको नाम चर्चामा छ ।

खाना पकाउने ग्यासको मूल्य बढयाे

0

काठमाडाैं । नेपाल आयल निगमले खाना पकाउने ग्यासको मूल्य २५ रुपैयाँले वृद्धि गरेको छ । मंगलबार बसेको निगम सञ्चालक समितिको बैठकले आजै राति १२ बजेदेखि लागू हुनेगरी मूल्य वृद्धि गरेर १६ सय रुपैयाँ कायम गरेको हो ।

‘प्रत्येक एलपी ग्यास उद्योगबाट ५० किलो मिटर परिधिभित्र अनिवार्य रुपमा लागू हुने गरी समान बिक्री मूल्य रु १,६०० प्रति सिलिन्डर कायम गरिएको छ’, निगमले जारी गरेको विज्ञप्तिमा उल्लेख छ । 

ठोरीमा एमाले र माओवादी त्यागेर ४० जना कांग्रेस प्रवेश

0
वीरगंज । ठोरी गाउँपालिकाको वडा नम्बर १ मा विभिन्न पार्टी परित्याग गरी ४० जना भन्दा बढी कांग्रेसमा प्रवेश गरेका छन् ।
कांग्रेसले अघि सारेको विकासका योजना “स्मार्ट ठोरी” र उसका उम्मेद्वारको सक्षमतालाई हेरेर आफूहरु एमाले र माओवादी त्यागेर कांग्रेस प्रवेश गरेको भगवाननगरका युवा सन्तु कुवँरले वताए ।
 
एमाले र माओवादीले ठोरीको विकासका लागि कुनै काम नै गर्न नसकेको भन्दै यहाँको विकास र समृद्धिका लागि कांग्रेस नै चाहिएको बुझेर आफूहरुले कांग्रेस रोजेको समाजसेवी आशबहादुर गुरुङले वताए । भगवाननगरमा मंगलबार आयोजित कार्यक्रमकाबीच नवप्रवेशीहरुलाई पार्टी प्रवेश गराउँदै कांग्रेसका मधेस प्रदेशका महामन्त्री बृहस्पतिकृष्ण श्रेष्ठले ठोरीमा विकासको मुल फुटाउई स्मार्ट ठोरी बनाउने महान लक्ष्य भएकोले सबैलाई कांग्रेसमा गोलबद्ध हुन आह्वान गरे ।
 
शिक्षा, स्वास्थ्य, व्यवसायीक कृषि, खानेपानी, सडक लगायतका सेवाको सहज उपलब्धताका लागि योजना बनाएरै आफूहरु जनताका माझमा आएको भन्दै उनले योजनाअनुरुप काम गर्ने ठाउँमा पुर्याउन आफ्नो अमूल्य मत दिएर सहयोग गर्न आग्रह गरे ।
 
कार्यक्रममा समाजसेवी आशबहादुर गुरुङ, युवा सन्तु कुवँर लगायतको नेतृत्वमा भगवाननगरका ४० जना भन्दा बढी नेपाली कांग्रेसमा प्रवेश गरेका थिए । उनीहरुलाई मधेस प्रदेशका महामन्त्री बृहस्पतिकृष्ण श्रेष्ठ, वडा नम्बर १ का वडाध्यक्षका उम्मेद्वार नवराज फुयाँल लगायतले खादा र अविरकाे टिका लगाएर पार्टी प्रवेश गराएका थिए ।
 
पार्टी प्रवेश गर्नेमा कमानसिंह विक, रेनिशा थापा, विमल विष्ट, रेनु मगर, सनम कुवँर, मञ्जु कुवँर, गोपीचन्द्र झिरेली, पवित्रा थापा, रेखा राना मगर, रामबहादुर मगर लगायतका रहेका छन् ।
 
कांग्रेसका वडा सभापति तिलकबहादुर रिमालको सभापतित्वमा भएको कार्यक्रममा वडा नम्बर १ का वडा सदस्यका उम्मेद्वारहरु होममाया थापा, राममाया वि.क, डबलबहादुर मगर, रमेश विष्ट, कांग्रेस गाउँकमिटि सदस्य धर्मेन्द्र कलवार, रविन तिमल्सिना, भक्तबहादुर ताङनामी लगायतको सहभागिता रहेको थियो ।