वीरगंज । नेपाली कांग्रेस पर्सा निर्वाचन क्षेत्र नं. ३ काे क्षेत्रिय कार्य समितिले पाेखरियामा आफ्नाे कार्यालय संचालनमा ल्याएकाे छ । कृष्ण पेट्रोल पम्प नजिक संचालनमा आएकाे पार्टीकाे क्षेत्रिय कार्यालय बिहिबार एक कार्यक्रमकाे बिच नेपाली कांग्रेस पर्साका सभापति जनार्दन सिंह क्षेत्रीले उद्घाटन गरेका हुन् ।
कार्यालय उद्घाटन गर्दै सभापति क्षेत्रीले अगामी निर्वाचन नेपाली कांग्रेसलाई जिताउन आ आफ्नाे ठाउँबाट लाग्न आग्रह गरे ।
क्षेत्रीय सभापति श्री कृष्ण प्रसाद चौहानकाे सभापतित्वमा भएको उद्घाटन कार्यक्रमका जिल्ला उप सभापति रामनारायण कुर्मी, पाेखरिया नगरपालिकाका मेयर दिपनारायण राैनियार, नेपाली कांग्रेसका जिल्ला सदस्य ललन द्विवेदी, पाेखरिया नगरपालिकाका सभापति रामबाबु चाैहान, बिन्दवासिनी गाउँपालिकाका सभापति विवेक चाैरसिया लगायतकाे उपस्थिती रहेकाे थियाे ।
