Date
मङ्ल, मंसिर १, २०८३
Tue, November 17, 2026
Home Blog Page 676

हरवाचरवा मुक्तिको घोषणा नै कृषी बधुवा मजदुर आन्दोलनको पहिलो माग

0

वीरगंज । मधेस प्रदेशका ८ वटा जिल्लाहरुमा मुक्त हुन बाँकी हरवाचरवाको नाममा रहेको अनुचित क्रण खारेजी सहित मुक्तिको घोषणा गरि मुक्त हलिया, कमैया, कमलरी र हरवाचरवाको बजेट सहितको एकिकृत पुनस्थापन घोषणा गर्न माग गर्दै कृषी बधुवा मजदुरहरुः हरवाचरवा, मुक्त हलिया तथा कमैयाका संगठनहरु लगायत अधिकारकर्मीहरु र बिकास साँझेदारका प्रतिनिधीहरुले शुक्रबार भूमि ब्यवस्था, सहकारी तथा गरिबी निवारण मन्त्री शशी श्रेष्ठलाई भेटेर छलफल गरेका छन ।

सो अवसरमा बोल्दै मन्त्री श्रेष्ठले मन्त्रालयद्वारा गठित मुक्त कमैया कम्लहरी, हलिया र हरवाचरवाको वस्तुस्थिती अध्ययन प्रतिवेदन, २०७८ का सिफारिशहरु कार्यान्वयन गर्नका लागि नेपाल सरकार भूमि ब्यवस्था, सहकारी तथा गरिवी निवारण मन्त्रालय संबेदनशिल रहेको कुरा औल्याए ।

साथै उनले मन्त्रालयले हरवाचरवाका सवालहरुलाई उच्च प्राथमिकतामा राखेकोले काम कारवाहीका लागि सम्बन्धित निकायलाई निर्देशन समेत दिईसकेको र यसका लागि आफु प्रतिबद्ध भएर लागि रहने कुरामा जोड दिए ।

अध्ययन समितिका बरिष्ठ सदस्य एवं कृषी बधुवा मजदुर आन्दोलनका अग्रज गणेश बिश्वकर्माले हरवाचरवाको मुक्तिको घोषणा बिना नेपाल सरकारले जतीसुकै राम्रा निती तथा कार्यक्रमहरु ल्याएता पनि त्यसको कार्यान्वयनमा हरवाचरवाले अपनत्व बोध गर्न नसक्ने कुरा जिकीर गरे ।

साथै उनले नेपाल सरकारद्वारा गठित मुक्त कमैया कम्लहरी, हलिया र हरवाचरवाको वस्तुस्थिती अध्ययन प्रतिवेदन, २०७८ को पहिलो सिफारिश नै हरवाचरवा मुक्तिको घोषणा भएकोले त्यसलाई सरकारल गम्भीरताका साथ लिनुपर्ने कुरामा जोड दिए ।

संबिधान सभा सदस्य एवं हलिया आन्दाेलनका अगुवा तथा अध्ययन समितिका सदस्य हरी श्रीपाईलीले हरवाचरवा मुक्तिको घोषणा नै आन्दोलनको माग भएकोले त्यसलाई तत्काल सम्बोधन गर्न मन्त्रीलाई आग्रह गरे ।

साथै उनले मुक्त हलिया, कमैया, कमलरी र हरवाचरवाको एकिकृत पुनस्थापनका लागि आवश्यक बजेट सहितको कार्यक्रमको ब्यवस्था गर्नुपर्ने कुरामा जोड दिए ।

राष्ट्रिय हरवाचरवा अधिकार मञ्चका केन्द्रीय अध्यक्ष दशन मण्डलले नेपाल सरकारले हरवाचरवा मुक्तिको घोषणा नगरुनजेल सम्म जस्तासुकै निति तथा कार्यक्रम र बजेटको ब्यवस्था भएपनि त्यसलाई स्विकार गर्न नसकिने, बरु नेपाल सरकारका कार्यक्रमहरुलाई बहिष्कार गर्न आफुहरु तयार रहेको वताए ।

साथै उनले मुक्तिको घोषणा नै आफनो पहिलो माग भएकोले समयमै सरकारले सवाल सम्बोधन नगरे स्थानिय स्तरदेखि काठमाण्डौसम्म आन्दोलनको आधीबेरी श्रृजना हुने चेतावनी समेत दिए ।

कृषी बधुवा मजदुरहरुको सवालहरुलाई नितिगत रुपमा प्रभाव पार्नका लागि आजै श्रम, रोजगार तथा सामाजिक सुरक्षा मन्त्रालय, कानुन मन्त्रालय र कृषी, सहकारी तथा प्राकृतिक श्रोत समितिमा समेत ध्यानआर्कषणपत्र बुझाईएको मुक्त कमैया समाजका केन्द्रिय अध्यक्ष पशुपती चौधरीले जानकारी दिए ।

हुण्डीकाे ९ लाख रकमसहित एक भारतिय नागरिक पक्राउ

0

वीरगंज । स्राेत नखुलेकाे नेपाली रु ९ लाख ५० हजार नगदसहित एक भारतिय नागरिकलाई प्रहरीले नियन्त्रणमा लिएकाे छ । वीरगंज १६, शंकराचार्य गेटबाट भारत विहार पूर्वी चम्पारण जिल्ला बेतिया थाना गुर्वालिया कचहरी वडा नं. ४ बस्ने वर्ष ४१ को संजय रामलाई प्रहरीले नियन्त्रणमा लिएकाे हाे ।

प्रहरी चौकी ईनर्वा, पर्साबाट खटिएको नियमित चेकिङ टोलीले बुधबार सांझ ५:५० बजे भारतको रक्सौलबाट वीरगञ्जतर्फ आउँदै गरेको प्रदेश ३-०२-०११ प ८६२७ नम्बरको रातो कालो पल्सर मोटरसाईकल रोकी जाँच गर्दा मोटरसाइकल चालक रामले हरियो प्लाष्टिकको झोलाभित्र लुकाई छिपाई राखेको श्रोत नखुलेको नेपाली रू. ९ लाख ५० हजार फेला परेको जिल्ला प्रहरी कार्यालय पर्साले जनाएकाे छ ।

उक्त मोटरसाइकल र रकम बरामद गरी निजलाई नियन्त्रणमा लिई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा पर्सा जिल्ला अदालतबाट ७ दिन म्याद थप गरी अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

पाेखरियामा ३ महिलासहित ३४ जनाद्वारा रक्तदान

0

वीरगंज । पर्साकाे देस्राे सदरमुकामकाे रुपमा चिनिने पाेखरियामा शुक्रबार रक्तदान कार्यक्रम सम्पन्न भएकाे छ । नेपाल रेडक्रस सोसाईटी पोखरिया उपशाखाकाे आयोजना भएकाे कार्यक्रममा ३ जना महिलासहित ३४ जनाले रक्तदान गरेकाे रक्त संचार केन्द्र वीरगंजले जनाएकाे छ ।

कार्यक्रममा जनार्दन गिरी, शिवपुजन पटेल, दिपिका सिंह, सल्मा खातुन, रिखिमुनी कुमारी चाैहान, प्रमाेद ठाकुर, समिमुलाह आलम, डा. संजय गुप्ता, डा. मृगेन्द्र सिंह, उमेश प्रसाद चाैहान, प्रकाश कलवार, जाकिर हुसेन लगायतकाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले जानकारी दिए । 

आयाेजक रेडक्रस पाेखरिया उप शाखाका सभापती भगवान प्रसाद कुर्मीको सभापतीत्वमा र पोखरिया नगरपालिकाका मेयर प्रदुमन प्रसाद चौहानकाे प्रमुख आतिथ्यतामा भएकाे कार्यक्रममा रेडक्रस मधेश प्रदेशका अध्यक्ष फुलमहमद मियाँ, रेडक्रस पर्सा शाखाका बिरेन्द्र राज कण्डेल, पोखरिया नगरपालिका निवर्तमान मेयर दिपनारायण रौनियार, निवर्तमान उप मेयर सल्मा खातुन, वडाध्यक्ष लक्ष्मण साह कानु लगायतकाे उपस्थिती रहेको थियो ।

रक्त संचार केन्द्र वीरगंजमा रक्त अभाव भएपछि आकस्मिक रुपमा रक्तदान कार्यक्रम आयाेजना गरिएकाे आयाेजकले जनाएकाे छ । पाेखरिया नगरपालिका, इलाका प्रहरी कार्यालय पाेखरियाकाे सहयाेगमा भएकाे रक्तदान कार्यक्रममा रक्त संचार केन्द्र वीरगंजले प्राविधिक सहयाेग गरेकाे थियाे ।

लागु औषध गाँजासहित अटाे र दुई जना प्रकाउ

0

वीरगंज । प्रहरी चाैकी पथलैया, बाराले शुक्रबार विहान प्रतिबन्धित लागु औषध गाँजासहित अटाे र दुई जनालाई प्रकाउ गरेकाे छ ।

ना. २ ह. २८८८ नम्बरसहित अटाे चालक जिल्ला मकवानपुर हटाैडा उपमहानगरपालिकाकाे वडा नं. १३ बनस्पती बस्ने ३९ बर्षिय सजन स्याङतान, साेही ठाउँ बस्ने ३५ बर्षिय भुवन तितुङलाई प्रहरीले नियन्त्रणमा लिएकाे हाे ।

प्रहरी चाैकी पथलैयाबाट निस्किएकाे नियमित चेक जाँच गर्ने चेक प्वाइन्टमा प्रहरी सहायक निरिक्षक मनाेज कुमार यादव नेतृत्वकाे टाेलीले चार पाेका लागु औषध गाँजासहित अटाेलाई नियन्त्रणमा लिएकाे जनाइएकाे छ ।

पक्राउ परेका दुबै जना र लागु औषध गाँजासहितकाे अटाेलाई इलाका प्रहरी कार्यालय सिमरामा बुझाइएकाे प्रहरी चाैकी पथलैयाले जनाएकाे छ । 

हलिया तथा कमैयाका सवाल सम्बोधन गराउन संघीय स्तरमा जनवकालत अभियान शुरु

0

काठमाण्डौ । नेपाल संघीय लोकतान्त्रिक गणतन्त्रमा प्रवेश गरिरहेको सन्दर्भमा अझैपनि देशका २५ वटा जिल्लाहरुमा दाशप्रथाको अवशेषको रुपमा रहेको कृषी बधुवा मजदुर प्रणाली अन्तर्गत हरवाचरवा, मुक्त हलिया तथा कमैयाहरुको सवाल सम्बोधन गराउनका लागि काठमाण्डौमा नितिगत जनवकालत अभियान शुरु भएको छ ।

अभियान अन्तर्गत आज नेपाल सरकार भूमिब्यवस्था, सहकारी तथा गरिवी निवारण मन्त्रालयद्वारा गठित मुक्त कमैया कम्लहरी, हलिया र हरवाचरवाको वस्तुस्थिती अध्ययन समिति, हरवाचरवा, मुक्त हलिया तथा कमैया संगठनका अगुवाहरु र कृषी बधुवा मजदुरको क्षेत्रमा काम गर्ने निकायहरु लगायत बिकास साँझेदारहरुको बिचमा एक उच्च स्तरको समन्वयात्मक बैठक सम्पन्न भएको छ ।

बैठकमा मुक्त कमैया कम्लहरी, हलिया र हरवाचरवाको वस्तुस्थिती अध्ययन समितिका संयोजक तथा नागरिक समाजका अगुवा श्याम श्रेष्ठले प्रतिबेदनका सिफारिश कार्यान्वयनका लागि अधिकारवालाका जनसंगठनहरुले नेपाल सरकारलाई ब्यापक रुपले जनदबाव श्रृजना गर्नुपर्ने कुरा औल्याए ।

साथै उनले अध्ययन समितिको सारांश प्रतिबेदन प्रस्तुत गर्दै सिफारिश गरिएका सवालहरु कार्यान्वयन गराउनका लागि आफुहरु पनि चुप लागेर नबस्ने वताए ।

अध्ययन समितिका बरिष्ठ सदस्य एवं कृषी बधुवा मजदुर आन्दोलनका अग्रज गणेश बिश्वकर्माले हाम्रो आन्दोलनको मुल लक्ष्य नै अध्ययन समितिको प्रतिबेदन भएकोले यसमा स्थानिय, प्रदेश र संघीय सरकारलाई अपनत्व ग्रहण गराउनतिर हामी सबै अग्रसर भएर लाग्नु पर्ने वताए ।

साथै उहाँले प्रतिबेदनका सिफारिश कार्यान्वयन गराउनका निति निर्माणकर्ता, राजनितिक दलहका शिर्ष नेताहरु, सम्बन्धित मन्त्रालय र कर्मचारीतन्त्रलाई प्रभावमा पार्नु पर्ने भएकोले यसका लागि एकिकृत आन्दोलनको आवश्यकता रहेको औल्याए ।

संबिधान सभाका सदस्य एवं हलिया आन्दाेलनका अगुवा तथा अध्ययन समितिका सदस्य हरी श्रीपाईलीले अध्ययन समितिको प्रतिवेदनबारे प्रदेश तथा संघीय स्तरका सम्बन्धित मन्त्रालयका बिचमा ब्यापक छलफल चलाउनुपर्ने कुरामा जोड दिए ।

साथै उनले संघीय सरकारले आर्थिक बर्ष २०७९/८० निति तथा कार्यक्रममा हरवाचरवा, मुक्त हलिया र कमैयाहरुको सवालहरु सम्बोधन भईसकेको परिपेक्षमा बजेट मार्फत उक्त सवालहरु सम्बोधन गराउन अध्ययन समितको प्रतिबेदनका सिफारिशहरु नेपाल सरकारले कोशेढेंगाका रुपमा ग्रहण गर्नुपर्ने वताए ।

अभियान अन्तर्गत आजै अध्ययन समितिको प्रतिबेदनका सिफारिशहरुलाई कार्यान्वयन गराउनका लागि राज्यका निर्देशक सिद्धान्त, निति र दायित्वको कार्यान्वयन, अनुगमन तथा मुल्याकंन समितिका सभापती निरा जैरुलाई ध्यानाकर्षण पत्र बुझाईएको छ ।

सोही अवसरमा उनले मुक्त कमैया, कम्लहरी, हलिया र हरवाचरवाको सवालहरु संबेदनशिल भएकोले समितिको प्रतिबेदनका सिफारिशहरुलाई कार्यान्वयन गराउनका लागि तत्कालै सम्बन्धित मन्त्रालय परिपत्र जारी गर्दै यस बारे आफुले प्रतिनिधीसभाको बैठकमा जोडदार रुपले कुरा उठाउने प्रतिबद्धता ब्यक्त गरे ।

बाध्यकारी श्रम उन्मुलन पैरवी समुहको संयोजनमा संचालन गरिएको जनवकालत अभियानमा राष्ट्रिय मुक्त हलिया समाज नेपालका केन्द्रीय अध्यक्ष ईश्वर सुनार, पुर्व अध्यक्ष राजुराम भुल, राष्ट्रिय हरवाचरवा अधिकार मञ्चका केन्द्रीय अध्यक्ष दशन मण्डल, महासचिव लागिन्द्र सदा, मुक्त कमैया समाजका केन्द्रीय अध्यक्ष पशुपती चौधरी, कोषाध्यक्ष हरीकृष्ण चौधरी, राष्ट्रिय दलित नेटवर्कका हुकुम ब. सार्की, द फ्रिडम फण्डका जियाम श्रेष्ठ, बाध्यकारी श्रम उन्मुलन पैरवी समुहका बालाराम भट्टराई, अन्तराष्ट्रिय श्रम संगठनका राम बहादुर चर्मकार, एक्सन एड नेपालका सुजात श्रमानेरा, दलित मुक्ती अभियानका भीम कैनी, फेल्म नेपालका रुजुला शर्मा, मानव अधिकार तथा सामाजिक रुपान्तरण अभियान (काहुराष्ट्र) का सरला मर्हजन, स्वतन्त्रता अभियान नेपालका प्रतिक्षा केसी लगायतकाे सहभागिता रहेको छ ।

अभियान अन्तर्गत मधेसप्रदेशका ८ जिल्लाहरुमा मुक्त हुन बाँकी हरवाचरवाको नाममा रहेको अनुचित क्रण खारेजी सहित मुक्तिको घोषणा गरि मुक्त हलिया, कमैया, कमलरी र हरवाचरवाको बजेट सहितको एकिकृत पुनस्र्थापनाको घोषणा गर्न अर्थ मन्त्रालय, भूमि ब्यवस्था, सहकारी तथा गरिवी मन्त्रालय, कृषि, सहकारी तथा प्राकृतिक स्रोत समिति, बहुदलिय राजनितिक संसदीय मञ्च र ट्रेड युनियनसंग ब्यापक रुपमा छलफल गरिने राष्ट्रिय मुक्त हलिया समाज नेपालका केन्द्रीय अध्यक्ष ईश्वर सुनारले बताए ।

वीरगंज महानगरका नवनिर्वाचित जनप्रतिनिधिहरुले लिए सपथ

0

वीरगंज । मधेश प्रदेशका एक मात्र वीरगंज महानगरपालिकाका नवनिर्वाचित जनप्रतिनिधिहरुले बिहिबार सपथ लिएका छन् । नवनिर्वाचित मेयर राजेशमान सिंह, उपमेयर इम्तियाज आलम लागयतका १६२ जना निर्वाचित जनप्रनिधिहरुले पद तथा गोपनियतको सपथ लिएका हुन् ।

वीरगंजकाे पुरानो बसपार्क परिसरमा बिहीबार साँझ आयोजित खुल्ला समारोहमा नगवरवासीको बिचमा नवनिर्वाचित मेयर सिंहले प्रमुख निर्वाचन अधिकृत जिल्ला न्यायाधिश धर्मराज पौडेलबाट पद तथा गोपनियतको सपथ लिएका थिए ।

त्यस लगतै नवनिर्वाचित उपमेयर इम्तियाज आलमले नवनिर्वाचित मेयर सिंहबाट पद तथा गोपनीयताको सपथ लिए । त्यसपछि नवनिर्वाचित मेयर सिंहले ३२ वटै वडाका वडाअध्यक्ष र वडा सदस्यलाई सपथ खुवाए ।

सपथ ग्रहण पछि बाेल्दै मेयर सिंहले वीरगंजबासीले आफूमाथि लादेको कर्ज चुकाउन सक्ने कि नसक्ने अन्यौलमा परेको बताए । यो जितमा गठबन्धनको योगदानको साथसाथै वीरगंजबासी लगायत युवाहरुको ठूलो योगदान रहेको बताए ।

‘राजेशमान सिंह जो बोल्छ, त्यो गर्छ । त्यति बोल्छ जति गर्न सक्छ’, भन्दै आफू विजयी भएर आएको २४ घण्टाभित्र सुधार गर्ने भनेको प्रतिबद्धताको कार्य शुरु भइसकेको बताए । उनले भने, ‘वीरगंज महानगरपालिकामा परिवर्तनको शुरुवात भइसकेको छ । वीरगंजलाई समृद्ध वीरगंज बनाउनुपर्ने छ । र त्यसमा वीरगंजबासीकाे साथ र सहयोग आवश्यक रहेको छ ।’

वीरगंजबासीले आफूमाथि गरेको भरोसाप्रति आफू खरो रुपमा उत्रिने भन्दै नगर प्रमुख सिंहले महानगरपालिकामा परिवर्तन अत्यावश्यक भएको भन्दै परिवर्तनको शुरुवात भइसकेको बताए । उनले महानगरका कर्मचारीहरुले कहिलेपनि सफा नगरेको आफ्नो घर अगाडि विहानै २० जना नगरपालिकाका कर्मचारीहरुले सरसफाई गरेको उदाहारण दिदै भने, ‘जसको कारण हामी छौं, त्यसलाई सेवा सुविधा दिने गरौं ।’

नेताहरुलाई सेवा सुविधा दिने काम बन्द गर्न कर्मचारीहरुलाई आग्रह समेत गरे । १०० दिन काम गरि जनतालाई प्रत्याभूति दिलाउने काम नगरेसम्म कहिँ कतै आफुलाई सम्मान गर्न नबोलाउन विभिन्न संघ सँस्थालाई आग्रह समेत गरे ।

अब आर्थिक विकासतर्फ अघि बढ्नु पर्छ : उपेन्द्र यादव

सपथ ग्रहण समारोहलाई सम्बोधन गर्दै जनता समाजवादी पार्टी (जसपा)का राष्ट्रिय अध्यक्ष उपेन्द्र यादवले आर्थिक विकासतर्फ अघि बढ्नुपर्ने आवश्यकता रहेको बताए ।

कार्यक्रमका प्रमुख अतिथी समेत रहेका अध्यक्ष यादवले स्थानीय तह विकास निर्माण कार्यलाई अगाडि बढाउनका लागि सबैभन्दा महत्वपूर्ण इकाई रहेको भन्दै नव निर्वाचित जनप्रतिनिधिहरुले वीरगंज महानगरपालिकाको समस्याहरुलाई समाधान गर्न सक्षम हुने विश्वास व्यक्त गरे ।

मुलुकमा धेरै लामो संघर्ष, त्याग, बलिदानपछि नेपाल संघीय लोकतान्त्रिक गणतन्त्र, समावेशिता, नागरिक स्वतन्त्रता, मौलिक हक अधिकार प्राप्त भएको भन्दै यसलाई राजनीतिक रुपमा संस्थागत गर्दै आर्थिक रुपमा विकास एवं समृद्धितर्फ बढ्नुपर्ने आवश्यक्ता रहेको बताए ।

उनले भने “विकासको सबैभन्दा ठूलो आधार शिक्षा हो । बालबालिकाहरुलाई स्तरीय शिक्षा प्राप्त गरी असल नागरिकको निर्माण हुन्छ, तब विकास आफै अगाडि बढछ ।” उनले दुर्भाग्यवस् सरकारी विद्यालयका शिक्षा स्तर गुणस्तरीय नभएको उल्लेख गरे ।

यसका साथै स्वास्थ्यमा पनि धेरै समस्या रहेकोले अस्पतालहरुलाई दुरुस्त गर्न, स्वास्थ्य चौकीहरुको स्थापना गर्न आवश्यक रहेको बताए । प्रत्येक नागरिकको स्वास्थ्य एवं शिक्षाको मौलिक हक अधिकारलाई प्रत्याभूति गराउन महानगरपालिकाको मुख्य दायित्व रहेको बताए ।

अध्यक्ष यादवले शिक्षा, स्वास्थ्य, खानेपानी, सरसफाई, विद्युत लगायत सम्पूर्ण आधारभूत समस्यालाई समाधान गर्दै स्वच्छ, हराभरा विकासित महानगरको रुपमा रुपान्तरण गर्न सफलता मिलोस् भन्दै शुभकामना व्यक्त गरेका थिए ।

साथै पाँचदलीय गठबन्धनमाथि विश्वास गरेर मतदान गर्ने वीरगन्जका मतदाताहरुलाई हार्दिक धन्यवाद समेत व्यक्त गरेका थिए ।

वीरगंज महानगरपालिकाका प्रमुख प्रशासकिय अधिकृत निश्चछलराज पाण्डेको अध्यक्षतामा भएको कार्यक्रममा मधेस प्रदेशका मुख्यमन्त्री लालबाबु राउत, संघिय सांसद प्रदिप यादव, प्रदेशका मन्त्री ओम प्रकाश शर्मा, कांग्रेसका केन्द्रिय सदस्य अजय चाैरसिया,  संविधान सभा सदस्य अजय द्विवेदी, राजेन्द्र बहादुर आमात्य, प्रदेश सभा सदस्य राजेश्वर साह, जन्नत अन्सारी, करिमा बेग्म, कांग्रेस पर्साका अध्यक्ष जनार्दन सिंह क्षेत्री, जसपा पर्साका अध्यक्ष रामनरेश यादव, माओवादी केन्द्र पर्साका अध्यक्ष रामदरश कुशवाहा, नेकपा एसका जिल्ला अध्यक्ष बालगाेपाल थापा लगायतकाे सहभागिता रहेकाे थियाे ।

घण्टाघरदेखि माइस्थानसम्मकाे सडक मर्मत गर्ने मेयर सिंहको पहिलो निर्णय

0

वीरगंज । वीरगंज महानगरपालिकाको मेयरमा निर्वाचित राजेशमान सिंहले पदभार ग्रहण गरेसँगै वर्षाैदेखि जीर्ण घण्टाघरदेखि माइस्थानसम्मको सडक मर्मत गर्ने पहिलो निर्णय गरेका छन् ।

वर्षाैँदेखि मर्मत सम्भार नहुँदा सास्ती खेपीरहेका नगरबासीलाई परिवर्तनको प्रत्याभुती दिलाउन सिंहले बिहिबार सपथ ग्रहण पश्चात पद बहाल गरे लगतै मूख्य सडकलाई मर्मत गर्ने निर्णय गरेका हुन् ।

वीरगञ्जका निवर्तमान मेयर विजय कुमार सरावगीले सडक विभाग अन्तर्गत पर्ने उक्त सडक निर्माण गर्न आफ्नो अधिकार क्षेत्र भित्र नरहेको बताउँदै आएका थिए । तर, सपथ लिएकै दिन नवनिर्वाचित मेयर सिंहले उक्त सडकलाई मर्मत गर्ने निर्णय गरेका छन् ।

निर्णय लगतै उक्त सडककाे मर्मत कार्य आजै रातिदेखी सुरु पनि भएकाे छ ।

त्यसैगरी मेयर सिंहले महानगरभित्र बसोबास गर्ने १० हजार ९ सय २४ घरधुरीको घरेलु मिटर (ग्राहस्थ मिटर) मा हुने मासिक ३० युनिटसम्म विद्युत खपत गर्ने प्रयोगकर्ताको न्युनतम शूल्क र इनर्जी शूल्क महानगरले नै भुक्तानी गर्ने निर्णय पनि गरेका छन् ।

पाँच दलीय गठबन्धनले जारी गरेको घोषणा पत्रमा उल्लेख भएबमोजिम बढीमा ३० युनिटसम्म बिजुली खपत गर्ने प्रयोगकर्ताको महशुल महानगरले नै भुक्तानी गर्ने भएको हो । यद्दपी, ३० युनिटभन्दा बढी खपत गर्ने सेवाग्राहीले सम्पूर्ण शूल्क आफै तिनुपर्ने हुन्छ ।

योजना ३० युनिटसम्म विद्युत खपत गर्ने सेवाग्राहीको लागि मात्र भएको निर्णयमा स्पष्टसँग खुलाईएको छ ।  

त्यस्तै महानगरभित्र रहेका ४ सय ७० वटा कृषि मिटर (सिँचाई  मिटर) को सम्पूर्ण शूल्क भुक्तानीको दायित्व पनि महानगरले नै लिने सिंहले निर्णय गरेका छन् । कृषकहरुको उत्पादन क्षमता वृद्धि गर्दै उनीहरुलाई प्रतोसाहन गर्न उक्त निर्णय गरिएको सिंहले बताए ।

घेरलु र कृषि बाहेक व्यवसायिक, मनोरञ्जनात्मक र अन्य प्रायोजनका लागि मिटर लिएकाहरु भने उक्त योजनाबाट लाभान्वित हुने छैनन् ।

सपथ ग्रहण गरेको २४ घण्टाभित्रै परिवर्तनको प्रत्याभुती गराउने सिंहको प्रतिबद्धताअनुरुप नगरबासीले अब विद्युत महशुल र सिँचाई मिटरको शूल्क तिर्न नपर्ने भएको छ । यद्यपी यि सबै निर्णय आगामी श्रावन १ गतेदेखि कार्यन्वयन हुने जनाईएको छ ।

बिल बिजक भन्दा बढी समान बोकेको ट्रक प्रहरी नियन्त्रणमा

0

वीरगंज । पर्सा प्रहरीले बिल बिजक भन्दा बढी समान बोकेको ट्रक नियन्त्रणमा लिएको छ । वीरगन्ज १६ माईदिया पोखरी अगाडी बाईपास सडकखण्डबाट प्रदेश ०१-००३ क ९३०४ नम्बरको मालबाहक ट्रकलाई प्रहरीले नियन्त्रणमा लिएको हो ।

बिल बिजक भन्दा बढी ईलेक्ट्रोनिक लगायतको मालसमान लोड गरिएको ट्रक सूचनाको आधारमा नियन्त्रणमा लिएको जिल्ला प्रहरी कार्यालय पर्साले जनाएकाे छ ।

ट्रकलाई नियन्त्रणमा लिई चेकजाँच गर्दा सूचना अनुसार नै बिल बिजक भन्दा बढीको समान लोड गरिएको पाएपछि थप अनुसन्धानको लागि राजश्व अनुसन्धान कार्यालय पथलैया पठाईएको जिल्ला प्रहरी कार्यालय पर्साका प्रवक्त प्रहरी नायब उपरिक्षक ओम प्रकाश खनालले बताए ।

ईलेक्टोनिक समान मालसमान सहित ४० लाख मुल्यांकन राखि थप कारवाहीको तथा अनुसन्धानको लागि राजश्व कार्यालय पथलैया पठाएको उनले बताए ।

नवनिर्वाचित मेयर सिंहकाे सक्रियतामा १२६ जनाद्वारा रक्तदान

0
वीरगंज । साहिब दरबार सेवा सस्थान एवम् जनता समाजवादि (जसपा) नेपाल वीरगंज महानगर समितिको संयुक्त आयोजनामा बिहिबार वीरगंजमा रक्तदान कार्यक्रम सम्पन्न भएको छ । राणिसति अतिथि सदनमा भएको कार्यक्रममा ८ महिलासहित १२६ जनाले रक्तदान गरेकाे रक्त संचार केन्द्रले जनाएकाे छ ।
 
कार्यक्रममा अन्शु श्रेष्ठ, पिन्कि कुशवाह, कुशुम देबी, अस्मिता पराजुलि, सुशिला श्रेष्ठ, ललिता श्रीवास्तव, अनिषा गुप्ता, सारदा देउजा, ईस्वरचन्द यादव, सुरेशमान सिंह, उमेश लामा, दिपेन्द्र प्रजापति, सत्यराज घिमिरे, निर आलम, उमेश मानन्धर, केशव खड्का क्षेत्री, कृष्णा पटेल, अफरोज आलम, मनजित यादव, मनजिल श्रेष्ठ, सुमित श्रेष्ठ, अब्दुल कलाम, दिपक कुमार पटेल, असरफ अलि, अलि हुसेन लगायले रक्तदान गरेका थिए ।
 
वीरगंजमा रगतको अभाव भएसङै रगत कमि हुन नदिने उदेश्यले वीरगंज महानगरपालिकाका नवनिर्वाचित मेयर राजेशमान सिंहकाे सक्रियतामा रक्तदान कार्यक्रमकाे आयाेजना गरिएकाे थियाे । 
 
साहिब दरबार सेवा सस्थानका महासचिव उमेशलाल सहनी र जसपाका वीरगंज महानगर अध्यक्ष ईश्वरचन्द यादवको संयुक्त अध्यक्षतामा र पर्सा क्षेत्र न.१ का संघिय सांसद प्रदिप यादबको प्रमुख आतिथ्यमा रक्तदान भएकाे कार्यक्रममा वीरगंज महानगरपालिका मेयर राजेशमान सिंह, प्रदेश सांसद करिमा बेगम, जसपाका जिल्ला अध्यक्ष रामनरेश यादव, सचिब तबरेज अहमद, सलाउदिन अहमद , रेखा साह, सस्थानका कोषाध्यक्ष जिनुमैया तोयाङ्गना, अफरोज आलम लगयतकाको सहभागीता रहेको थियो ।
 
रक्त संचार केन्द्रका प्राविधिक जितेन्द्र कुशवाह र रेडक्रस पर्साका राजन श्रीवास्तव नेतृत्वकाे टाेलीले रक्तदान कार्यक्रममा प्राविधिक सहयाेग गरेकाे थियाे ।