Date
मङ्ल, मंसिर १, २०८३
Tue, November 17, 2026
Home Blog Page 675

अब ६८ वर्षमै समाजिक सुरक्षा भत्ता पाइने

0

काठमाडौं । सरकारले जेष्ठ नागरिक भत्ता पाउने उमेर ६८ वर्षमा झारेको छ । हाल ७० वर्ष उमेर पुगेकाहरुले मात्रै समाजिक सुरक्षा भत्ता पाउँदै आएकोमा अब ६८ वर्ष पुगेकाहरुले नै पाउने छन् ।

अर्थमन्त्री जनार्दन शर्माले आज २०७९/८० को बजेट संघीय संसदमा प्रस्तुत गर्दै ६८ वर्षमै वृद्ध भत्ता पाउने घोषणा गरे । साथै सामाजिक सुरक्षा भत्ता नलिने स्वघोषणा गर्नेलाई सम्मान गर्ने पनि मन्त्री शर्माले बताए ।

यसअघि सरकारले ६५ वर्षमै वृद्धभत्ता दिनेबारे छलफल चलाएको थियो । तर, बजेटमा ६८ वर्ष पुगेकालाई मात्रै दिने गरी व्यवस्था भएको हो ।

यसअघि २०७४ सालमा तत्कालीन शेरबहादुर देउबा नेतृत्वको सरकारले ६५ वर्षमै वृद्ध भत्ता दिने व्यवस्था गरेपनि संसदीय निर्वाचनपछि बनेको सरकारले सो निर्णय खारेज गरेको थियो ।

राज्य कोषमाथि चरम भार थोपार्ने गरी हचुवाका भरमा सामाजिक सुरक्षा भत्ता वितरण थाल्न र थप गर्ने निर्णय गर्न प्रमुख दलहरूबीच होडबाजी चल्दै आएको छ । २०७४ सालमा पनि नेपाली कांग्रेस नेतृत्वको चुनावी सरकारले ७० वर्ष पुगेपछि पाइने वृद्ध भत्ता ६५ वर्षकै उमेरदेखि दिन थाल्ने निर्णय गरेको थियो ।

तर, पाँच वर्षमा वृद्धभत्ता ५ हजार पुर्‍याउने चुनावी प्रतिबद्धता गरेर सत्तामा फर्किएको तत्कालीन नेकपाले २ हजार रहेको वृद्धभत्ता ४ हजार रुपैयाँसम्म पुर्‍याएको थियो ।

आर्थिक रूपले विपन्न, अशक्त र असहाय अवस्थामा रहेका व्यक्ति, असहाय एकल महिला, अपाङ्गता भएका, बालबालिका, आफ्नो हेरचाह आफैं गर्न नसक्ने, लोपोन्मुख जातिका व्यक्तिले पाउने भत्ता पनि साविकको भन्दा ३३ प्रतिशतले बढाइएको थियो ।

राष्ट्रिय परिचयपत्र तथा पञ्जीकरण विभागको हाल तथ्याङ्क अनुसार नेपालमा योगदानरहित सामाजिक सुरक्षा भत्ता बुझ्नेको संख्या ३५ लाख ५५ हजार छ । विभागले यो वर्ष मात्रै वृद्ध भत्ताबाहेक अन्य सामाजिक सुरक्षामा बढेको ३३ प्रतिशत भारको पूर्तिका लागि २२ अर्ब ५६ करोड ८ लाख रुपैयाँ थप निकासा गरेको छ ।

चालु आर्थिक वर्षमा विभिन्न शीर्षकका सामाजिक सुरक्षा कार्यक्रमका लागि मात्रै २ खर्ब ५६ अर्ब ६९ करोड ४७ लाख रुपैयाँ विनियोजन भएको छ । जबकि यो वर्ष सरकारले ११ खर्ब ८० अर्ब राजस्व उठाउने लक्ष्य लिएको छ । यसअनुसार राजस्वबाट उठ्ने करिब २० प्रतिशत रकम सामाजिक सुरक्षामै खर्च हुने गरेको देखिन्छ । यो हिस्सा यो वर्ष थप बढ्ने छ ।

कक्षा ६ सम्मका बालबालिकालाई दिवा खाजा

0

काठमाडौँ । सरकारले कक्षा ६ सम्मका विद्यार्थी दिवा खाजा उपलब्ध गराउने भएको छ ।अर्थमन्त्री जर्नादन शर्माले आर्थिक वर्ष २०७९/८० को बजेट सार्वजनिक गर्दै आगामी आर्थिक वर्षदेखि ६ कक्षासम्मका बालबालिकालाई दिवा खाजा वितरण गरिने बताए । यसअघि ५ कक्षासम्मका विद्यार्थीलाई सरकारले दिवा खाजा उपलब्ध गराउने गरेको थियो । क्रमश: ८ कक्षासम्मका बालबालिकालाई दिवा खाजा उपलब्ध गराइने अर्थमन्त्री शर्माको भनाइ छ ।

शिक्षक अस्पताल निर्माण अघि बढाइने उनले बताए । शिक्षक अस्पताल निर्माणका लागि चितवनमा जग्गा छनोट र सिफारिस भइसकेको छ । १ सय ४० सामुदायिक विद्यालयमा संचालित ‘सिक्दै कमाउँदै’ कार्यक्रमलाई थप एक सय विस्तार गरिने उनले जनाए । राष्ट्रपति शैक्षिक सुधार कार्यक्रमलाई पूर्वाधार निर्माणमा केन्द्रित गर्न ८ अर्ब ८८ करोड विनियोजन गरिएको छ ।

शैक्षिक सत्र सुरु हुनुअघि विद्यार्थीको नि:शुल्क स्वास्थ्य परीक्षण गर्ने व्यवस्था मिलाउने बजेटमा उल्लेख छ । प्रत्येक प्रदेशमा भर्चुअल शिक्षक कार्यक्रम संचालन गर्न १० करोड रुपैयाँ छुट्टाइएको छ । विद्यालय व्यवस्थापन समितिको स्वीकृतिमा ५ लाख रुपैयाँसम्म प्रधानाध्यापकले खर्च गर्न पाउने व्यवस्था गरिएको अर्थमन्त्री शर्माले बताए । शिक्षक दरबन्दी पुनरावलोकन गरिने, सामुदायिक विद्यालय नक्साङ्कन समायोजन कार्यक्रमलाई निरन्तरता दिने, शहिद स्मृति विद्यालयहरुलाई क्रमश: सार्वजनिक प्राविधिक विद्यालय बनाउने, प्राविधिक शिक्षालाई प्रदेशमा हस्तान्तरण गर्दै जाने बजेट कार्यक्रममा उल्लेख छ ।

सरकारले स्वदेशमा नै उच्च शिक्षा गर्न प्रदान गर्ने वातारण मिलाउने अर्थमन्त्रीले बताए । विश्वविद्यालयहरुमा विदेशी विद्यार्थीहरुलाई भर्नामा आरक्षण दिने घोषणा गरिएको छ । मेडिकल कलेजहरुमा वर्षको दुई पटक विद्यार्थी भर्ना गराउने व्यवस्था मिलाइने व्यवस्था गरिने उनले बताए । काठमाडौं उपत्यका बाहिर मेडिकल कलेज स्थापना गर्न सहजीकरण गर्ने बजेट कार्यक्रममा उल्लेख छ । समग्रमा शिक्षा विज्ञान तथा प्रविधि मन्त्रालयको लागि ७० अर्ब ५ करोड, शिक्षा तर्फ प्रदेशमा ५ अर्ब ३२ करोड र स्थानीय तहमा १ अर्ब २९ अर्ब १ करोड हस्तान्तरण गरिएको अर्थमन्त्री शर्माले जनाए ।

सरकारी अस्पतालबाट ९८ प्रकारका निशुल्क औषधि

0

काठमाडौँ । सरकारले आगामी आर्थिक वर्षदेखि सरकारी अस्पतालबाट ९८ प्रकारका औषधि निःशुल्क वितरण गर्ने भएको छ । अर्थमन्त्री जनार्दन शर्माले आगामी आर्थिक वर्ष ०७९/८० को बजेट प्रस्तुत गर्दै सरकारी अस्पतालबाट ९८ प्रकारका औषधि निःशुल्क वितरण गर्ने व्यवस्था गरिएको बताए ।

यसअघि ७१ प्रकारका औषधि मात्रै निःशुल्क वितरण हुँदै आएको थियो । मन्त्री शर्माले मिर्गौला प्रत्यारोपण गरेका, डाइलाइसिस गरिरहेका, मेरुदण्डको उपचार गरिरहेका बिरामीलाई मासिक ५ हजार रुपैयाँ उपचार खर्च दिने बताए । उनले त्यसका लागि १ अर्ब ५० करोड रकम विनियोजन गरेको जानकारी दिए । प्रादेशिक अस्पतालमा डाइलाइसिस मेसिन खरिदका लागि बजेट बिनियोजन गरिएको उनले बताए ।

कालिकामाईमा कांग्रेस र जसपाकाे प्यानलसहित मनाेनयन दर्ता

0

वीरगंज । पर्साकाे कालिकामाई गाउँ कार्यपालिका सदस्यका लागि नेपाली कांग्रेस, जनता समाजवादी पार्टी (जसपा) र नेकपा एमालेले मनाेनयन दर्ता गराएका छन् ।

४ महिला गाउँ कार्यपालिका सदस्यका लागि कांग्रेसबाट ३ जना, जसपाबाट ४ जना र एमालेबाट १ जनाकाे मनाेनयन दर्ता भएकाे छ । महिला सदस्यकाे लागि कांग्रेसबाट गिता देवी कुर्मी, लालसा देवी चमैन, सिमा देवीकाे मनाेनयन दर्ता गराएका छन् ।

यसैगरी जसपाबाट महिला सदस्यकाे लागि अकलिया खातुन मुकेरी, चनरजाेतीया दुसादीन, मालती देवी दुसादीन, ललिता देवी र एमालेबाट ज्ञान्त्री देवीले मनाेनयन दर्ता गराएका छन् ।

दुई दलित वा अल्पसंख्यक सदस्यका लागि कांग्रेस, जसपा र एमाले दुई/दुई जनाकाे मनाेनयन दर्ता गराएका छन् । 

कांग्रेसबाट रामराज प्रसाद चाैरसिया, शिवशंकर प्रसाद चाैरसिया, जसपाबाट रसिद मियाँ धुनिया, हरिओम कुमार साह र एमालेबाट पृथ्वी साह कानु, रामध्रुव ठाकुर हजामकाे मनाेनयन दर्ता भएकाे छ ।

दलित वा अल्पसंख्यक सदस्यमा कांग्रेसबाट मनाेनयन दर्ता गराएका रामराज वडा नं. २ काे वडाध्यक्षमा चुनाव लडेका थिए भने जसपाबाट मनाेनयन दर्ता गराएका हरिओम पनि वडा नं. ४ काे वडाध्यक्षमा चुनाव लडेका थिए । तर दुबै जना पराजित भएका थिए । 

६ गाउँ कार्यपालिका सदस्यकाे लागि शनिबार भएकाे मनाेनयन दर्ता गराएकाे उम्मेदवारकाे विराेधमा आइतबार उजरी दिन सक्ने निर्वाचन तालिका रहेकाे छ भने साेमबार मतदान हुने कार्यतालिका रहेकाे छ ।

५ वटा वडा रहेकाे कालिकामाई गाउँपालिकामा जसपाले गाउँपालिका अध्यक्षसहित ३ वडाध्यक्ष, कांग्रेसले उपाध्यक्षसहित एउटा वडाध्यक्ष र एमाले एउटा वडाध्यक्षमा चुनाव जितेकाे छ । गाउँ सभा सदस्य जसपासंग १३ जना, कांग्रेससंग १२ जना र एमालेसंग २ जना रहेका छन् ।

कुनै दलसंग बहुमत सदस्य नरहेकाेले कार्यापलिकाकाे चुनावकाे लागि एमाले निर्णायक मानिएकाे छ । कांग्रेस र जसपा मध्ये एमालेले जुन दललाई सहयाेग गरे त्याे दलकाे प्यानल नै विजयी हुने देखिएकाे छ । त्यसका कारणले दुबै दलले एमालेसंग सहमतीकाे प्रयास गरी रहेकाे बुझिएकाे छ ।

वीरगंजका मेयर र उपमेयर आफै झाडु लिएर सडकमा

0

वीरगंज । वीरगंज महानगरपालिकाका नवनिर्वाचित मेयर र उपमेयरले शनिबार आफै सडकमा झाडु लगाएका छन् ।

मेयर राजेशमान सिंह र उपमेयर इम्तियाज आलमले शनिबार बिहान महानगरपालिका सरसफाइ शाखाका कर्मचारीहरुलाई संगै लिएर विभिन्न स्थानको सडक र नाला सरसफाइ गराएका हुन् । दुवै जना आफैले पनि सडकमा झाडु पनि लगाएका थिए ।

वीरगंजकाे विर्ता चोक, मकालु चोक, कैलाश होटल चोक, घडीअर्वा, माइस्थान हुँदै घण्टाघर सम्म पुगेर दुवै जनाले सडक र नाला सरसफाइ गराएका थिए ।

यसका साथै सडक र सडक पेटिमा थुपारिएका गिट्टी बालुवा पनि महानगरका कर्मचारीबाट उठाउन लगाएका थिए ।

त्यस क्रममा वडा नम्बर ४ का वडा अध्यक्ष जगत साह कानु, वडा नम्बर ६ का वडा अध्यक्ष जयप्रकाश अग्रवाल, वडा नम्बर ९ का वडा अध्यक्ष जवाहर प्रसाद गुप्ता लगायतको पनि सहभागीता रहेको थियो ।

वीरगंज र पंचगावामा भएकाे कार्यक्रममा ८६ जनाद्वारा रक्तदान

0

वीरगंज । परोपकारी संस्था टिम स्पेसल २६ काे आयाेजनामा शनिबार वीरगंजमा रक्तदान कार्यक्रम सम्पन्न भएकाे छ ।
वीरगंज १६ नगवास्थित बौधीमाइ धर्मशालामा संस्थाको पहिलो वार्षिक उत्सवको उपलक्ष्यमा भएकाे कार्यक्रममा १ महिला सहित ४७ जनाले रगत दान गरेका छन् ।

कार्यक्रममा साधना कर्ण , रितिक श्रीवास्तव, सावन कुमार, सुमन कुमार दत्त, प्रजय कुमार अग्रवाल, आयुष सिंह, नवीन कुमार बैठा, विक्की गुप्ता, नेहाल एकबाल, प्रवीण कर्ण, रामबाबु महतो, सुजित गुप्ता, हरेन्द्र बरै, रवी सरार्फ, राजन चौरासीया, अरुण गुप्ता लगायतकाले रक्तदान गरेकाे नेपाल रेडक्रस सोसाइटी पर्साका राजन श्रीवास्तवले जानकारी दिए ।

टिम स्पेसल २६ का अध्यक्ष सुमन कुमार दत्तको अध्यक्षतामा भएकाे कार्यक्रममा वीरगंज १६ का वडाध्यक्ष परशुराम चौरसीया, कार्यक्रम संयोजक श्याम साह लगायतकाे उपस्थिती रहेको थियो ।

यसैगरी पर्साको सखुवा प्रसौनी गाउँपालिका वडा नं. २ पचगाँवामा शनिवार रक्तदान कार्यक्रम सम्पन्न भएकाे छ । पचगाँवा समाजसेवी युवा समुहले पचगाँवा चोकमै आयोजना गरेको काार्यक्रममा ३९ जनाले रगतदान गरेका छन् ।

कार्यक्रममा सिकेन्द्र साह, मनोज पटेल, राजन यादव, शम्भु सहनी, आसुदेव चौधरी लगायतले रक्तदान गरेका हुन् ।

रक्त संचार केन्द्र वीरगंजकाे प्राविधिक सहयोगमा भएकाे रक्तदान कार्यक्रमको उद्घाटन सखुवा प्रसौनी गाँउपालिकाका नवनिर्वाचित अध्यक्ष यशवन्त यादवले गरेका थिए ।

पकहा मैनपुर गाउँ कार्यपालिकाका ४ महिला सदस्य निर्विराेध निर्वाचित

0
पकहा मैनपुर गाउँपालिकाकाे विभिन्न वडाकाे महिला सदस्यमा निर्वाचित महिलाहरु

वीरगंज । पर्साकाे पकहा मैनपुर गाउँ कार्यपालिका सदस्यमा ४ जना महिला सदस्य निर्विराेध निर्वाचित भएका छन् । गाउँ कार्यपालिकाे ४ महिला सदस्यकाे लागि नेपाली कांग्रेसबाट ४ जनाकाे मात्र मनाेनय दर्ता भएपछि निर्विराेध निर्वाचित भएकाे निर्वाचन अधिकृत कृष्ण प्रसाद देवकाेटाले जानकारी दिए । 

कांग्रेसकी लालपरी देवी, रमाउती देवी तेलीन, राधिका देवी हरिजन र सुनिता देवी चाैहान निर्विराेध निर्वाचित भएकाे निर्वाचन अधिकृतकाे कार्यालय पकहा मैनपुरले जनाएकाे छ । दुई दलित वा अल्पसंख्यक सदस्यकाे लागि ३ जनाकाे मनाेनयन दर्ता भएका कारण निर्वाचन तालिका अनुसार जेठ १६ गते साेमबार निर्वाचन हुने निर्वाचन अधिकृत देवकाेटाले जानकारी गराए ।

गाउँ कार्यापालिका दलित वा अल्पसंख्यक सदस्यकाे लागि कांग्रेसबाट रामबहादुर साह साेनार, नेकमहमद मियाँ दर्जी र स्वतन्त्रबाट अकलेश कुमार साहकाे मनाेनयन दर्ता भएकाे छ । दुई दलित वा अल्पसंख्यक सदस्यकाे लागि शुक्रबार ७ जनाले उम्मेदवार दर्ता गराए पनि शनिबार ४ जनाले फिर्ता लिएकाे निर्वाचन कार्यालयले जनाएकाे छ ।

निर्वाचन कार्यालयका अनुसार स्वतन्त्रबाट मनाेनय दर्ता गराएका रामायण दास, प्रतिज्ञा देवी, दिपनारायण ठाकुर र मृत्युन्जय कुमार श्रीवास्तवले आफ्नाे मनाेनयन दर्ता फिर्ता लिएका हुन् । स्वतन्त्रबाट नै मनाेनय दर्ता गराएका अकलेश आफ्नाे मनाेनयन दर्ता कायम राखेका कारण निर्वाचन हुने भएकाे हाे ।

अकलेशले स्वतन्त्रबाट मनाेनय दर्ता गराए पनि उनी नेकपा एमालेका गाउँपालिका कमिटी अध्यक्ष हुन् ।

५ वटा वडा रहेकाे पकहा मैनपुर गाउँपालिकामा दुई वडा सदस्य वाहेक सम्पूर्ण पदमा नेपाली कांग्रेसका उम्मेदवार विजयी भएका छन् । त्यस कारण निर्वाचन भएपनि कांग्रेस कै उम्मेदवार विजयी हुने निश्चित जस्ताे रहेकाे छ ।

वीरगंजका नवनिर्वाचित मेयर सिंह एक्सनमा, पहिलाे एक्सन सरसफाईमा

0

वीरगंज ।  पर्सा क्षेत्र नम्बर १ का प्रतिनिधि सभा सदस्य प्रदीप यादव र वीरगञ्ज महानगरपालिकाका मेयर राजेशमान सिंहले शुक्रबार सयुँक्त रुपमा वीरगंज बजार क्षेत्रकाे अनुगमन गरेका छन् । 

बिहिवार सपथ ग्रहण गरेसँगै एक्सनमा आएका मेयर सिंह र सांसद यादवले शुक्रवार बजारको सयुँक्त रुपमा अनुगमन गरेका हुन् । सिंहले पदभार ग्रहण गरेको पहिलो दिन वर्षौंदेखि जिर्ण रहेको घण्टाघरदेखि माइस्थान चोकसम्मको सडक निर्माणको काम सुरु गराएका थिए ।

दोस्रो दिन सरसफाई कर्मचारीहरुसंग छलफल गर्दै सरसफाईकाे अवस्था पता लगाउन बजार क्षेत्रको अनुगमन गरेका हुन् । 

मेयर सिंहले महमानगर प्रमुख प्रशासकिय अधिकृत निश्चल राज पाण्डलाई संगै लिएर वीरगञ्जका विभिन्न स्थानको अनुगमन गर्दै फोहर व्यवस्थापनमा कुनै किसिमको लापरवाही नगर्न निर्देशन दिए । अनुगमनका क्रममा बजारमा देखिएको फोहोर, नाला लगायतको अवस्थामा सुधार गर्न निर्देशन दिँदै नियमित नाला सफा नहुनु, फोहोर नउठ्नुको कारण पता लगाएका थिए । 

अनुगमनकाे क्रममा मेयर सिंहले फोहोर व्यवस्थापन गर्ने जिम्मा पाएका ठेकेदार कम्पनीका प्रतिनिधिलाई २४ घण्टाभित्र सबै ठाउँमा थुपारिएको फोहोर उठाउन र नालाहरु सफा गर्न निर्देशन दिए । 

त्यसैगरी बजार क्षेत्रका पसले र व्यवसायीहरुलाई उत्पादित फोहोर जथाभावी नफाल्न, आफ्नो पसल अगाडिको क्षेत्र आफै सफा गर्न सिंहले अनुरोध गरेका छन् । महानगरपालिकाबाट फोहर व्यवस्थापनमा कुनैपनि कमजोरी देखिए सिधै आफूलाई सम्पर्क गर्न पनि उनले आग्रह गरेका छन् ।

पटके सवारी कर असुल्ने ढाट हटाउन निर्देशन

सडक र नालाको अनुगमनपश्चात रजतजयन्ती चोकमा पुगेका मेयर सिंहले त्यहा पटके सवारी कर असुल्ने ढाट हटाउन निर्देशन समेत दिएका थिए । पटके सवारी कर असुल्ने ढाट राखिएको अहिलेको स्थान महानगरको नभइ त्रिभुवन राजपथ मातहत क्षेत्रको सडक भएकाले २४ घण्टा भित्र हटाउन निर्देशन दिँदै ठेकेदारका कर्मचारीबाट रसीदको ठेली जफत पनि गरेका थिए ।

सपथ ग्रहण गरेसँगै परिवर्तनको शुरुवात गरेका मेयर सिंहसँगै सहकार्य र समन्वय गर्दै वीरगञ्जको कायापलट गर्नुपर्ने सांसद यादवको धारणा छ । वीरगञ्जबासीले बल्ल सही नेतृत्व पाएकोमा खुशी व्यक्त गर्दै सांसद यादवले वीरगञ्जको बिकास हुने समयको शुरुवात भएको बताए । 

सरसफाईकर्मीसंग छलफल

नवनिर्वाचित मेयर सिंहले औपचारिकताहरु पूरा गरेपछिको पहिलो छलफल वीरगंज महानगरपालिकाका सफाइकर्मीहरुसंग गरेका छन् ।

वीरगंजकाे नगर सभागृहमा बोलाएर शुक्रबार बिहान नगर प्रमुख सिंहले सफाइकर्मीहरुसंग उनीहरुको अनुभव सुने । सरसफाइ भन्ने कुरा सहरको पानी निकास र लामखुट्टे नियन्त्रणसंग समेत जोडिएको विषय भएको हुनाले यसमा आफूहरुले गम्भीर भएर काम गर्न चाहेको उनले सफाइकर्मीहरुलाई बताए ।

यस महत्वपूर्ण अभियानमा साथ दिन उनले आग्रह गरे । छेउमा नवनिर्वाचित उपप्रमुख इम्तियाज आलम र प्रमुख प्रशासकीय अधिकृत निश्चलराज पाण्डेलाई बसाएर गरेको छलफलमा उनले नगरवासीको गुनासो सुन्न नपर्ने गरी काम गर्न निर्देशन दिए ।