Date
मङ्ल, मंसिर १, २०८३
Tue, November 17, 2026
Home Blog Page 674

वेपता भएकाे विमानमा धनुषाका एकै परिवारका ७ जना रहेको पुष्टि

0
 

विमानमा राजनकुमार गोले, उनका बुबा इन्द्रबहादुर गोले, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङ रहेको परिवारजनले पुष्टि गरेको छ ।

गोले परिवार मुक्तिनाथ दर्शनका लागि विमानबाट जोमसोम जाँदै थिए । विमान बेपत्ता भएको खबरले परिवारमा रुवावासी चलेको छ भने गाउँ नै चिन्तित भएका छन् ।

सम्पर्कविहीन भएको जहाजमा १३ नेपाली, चार भारतीय, दुई जर्मन नागरिक र चालक दलका तीन सदस्यसहित २२ सवार रहेको जनाइएको छ । रासस

गणतन्त्र दिवसमा वीरगंज कारागारका ३८ कैदी रिहा

0

वीरगंज । गणतन्त्र दिवसकाे अवसरमा आइतबार वीरगंज कारागारका ३८ जना कैदी रिहा भएका छन् । १५ औँ गणतन्त्र दिवसको अवसरमा ३ महिलासहित ३८ जना कैदीको सजाय सरकारले मिनाहा गरिदिएपछि उनीहरु रिहा भएका हुन् । 

कर्तव्य ज्यान मुद्दाका ३ महिलासहित २४ जना, सवारी ज्यान मुद्दाका ३, सरकारी किर्ते मुद्दाका २, चोरी मुद्दाका १, डाँका मुद्दाका २, बहुविवाहका २, काठचोरी मुद्दाका १, राहदानी चोरी मुद्दाका १, ज्यान मार्ने उद्योगका १ जना र कर्तव्य मुद्दाका १ जना गरी ३८ जना रिहा भएको वीरगञ्ज कारागारका प्रमुख जेलर कृष्ण गैरेले जानकारी दिए । 

गृह मन्त्रालयको प्रस्तावमा गणतन्त्र दिवसको अवसरमा मन्त्रिपरिषद्को बैठकले ५० प्रतिशत कैद सजाय भुक्तान गरीसकेका कैदीको बाँकी सजाय मिनाहा गर्ने निर्णय गरेपछि वीरगञ्जका ३८ जना रिहा भएका हुन् । 

लागुऔषध, भ्रष्टाचार, मानव तस्करी, सर्वस्वसहित जन्मकैद र चेलिबेटी बेचबिखनलगायत १९ प्रकारका मुद्दा बाहेक अन्य मुद्दामा असल चालचलन भएका, ५० प्रतिशत कैद भुक्तान भएका, मुद्दा अन्तिम भएकाहरुलाई रिहा गरिन्छ । 

जेलर गैरेका अनुसार हाल वीरगञ्ज कारागारमा ४८ जना महिलासहित १ हजार ३ सय २९ कैदीबन्दी विभिन्न मुद्दामा कैद सजाय भुक्तान गरिरहेका छन् ।

जगरनाथपुर गाउँ कार्यपालिकाकाे निर्वाचन पनि निर्विराेध

0

वीरगंज । पर्साकाे जगरनाथपुर गाउँ कार्यपालिकाकाे निर्वाचन पनि निर्विराेध हुने भएकाे छ । ६ कार्यपालिका सदस्यकाे लागि नेपाली कांग्रेसबाट ६ जनाकाे मात्र मनाेनयन दर्ता भएपछि उनीहरु निर्विराेध निर्वाचित भएका हुन् ।

४ महिला सदस्यकाे लागि कांग्रेसबाट तेतरी देवी कुर्मी, तेतरी देवी, रिता देवी र सिमा देवीकाे मनाेनय दर्ता भएकाे छ ।  २ दलित वा अल्पसंख्यक सदस्यका लागि कांग्रेसबाटै एकबाल साह कानु र भाेज आलिम धुनियाकाे मनाेनयन दर्ता भएकाे छ ।

आवश्यक पद अनुसार नै मनाेनयन दर्ता भएका कारण मतदान नहुने भएकाे छ । निर्वाचन कार्यतालिका अनुसार उम्मेदवार माथी दाबी विराेध र उजरीकाे समय सकेपछि उम्मेदवारकाे अन्तिम नमावली प्रकाशित गर्दै निर्वाचित भएकाे घाेषणा गरिने निर्वाचन अधिकृतकाे कार्यालय जगरनाथपुरले जनाएकाे छ ।

६ वटा वडा रहेकाे जगरनाथपुर गाउँपालिकामा कांग्रेसका गाउँपालिका अध्यक्ष, उपाध्यक्षसहित ४ वटा वडा जितेकाे छ भने नेकपा एमालेले दुईटा वडाकाे वडाध्यक्ष मात्र जितेकाे छ ।

करको दर घटाउन मेयर सिंहसंग उद्याेगी व्यवसायीहरुकाे माग

0

वीरगञ्ज । वीरगंजका उद्योगी व्यवसायीहरुले करको दर घटाउन नवनिर्वाचित मेयर राजेशमान सिंहसँग माग गरेका छन् ।

नवनिर्वाचित मेयर सिंहलाई उनकै कार्यकक्षमा भेटेर उद्याेगीहरुले यस क्षेत्रका उद्योग व्यपारका समस्या र चुनौती बारेमा ध्यानाकषर्ण गराउँदै करकाे दर घटाउन माग गरेका हुन् ।

भेटका क्रममा संघका अध्यक्ष डा. सुबोध कुमार गुप्ताले नवनिर्वाचित मेयर सिंहलाई बधाई तथा सफल कार्यकालको शुभकामना दिदै अगामी दिनमा वीरगंज उद्योग वाणिज्य संघ र महानगरपालिकाले गर्न सक्ने सहकार्यका बारेमा पनि सिंहको ध्यानाकर्षण गराएका थिए ।

महानगरले संकलन गर्दै आएको कर परिमार्जन गर्न, वीरगंज एउटा ट्रान्सपोर्ट नगरको रुपमा निर्माण गर्न पनि संघका अध्यक्ष गुप्ताले आग्रह गरे । उनले वीरगंज क्षेत्रमा सन्चालित उद्योगहरुका लागि आवश्यक ट्रेडफेयर मैदान निमार्णमा संघ र महानगर बिच सहकार्य गर्न सकिने तर्फ पनि मेयर सिंहलाई जानकारी गराए ।

नवनिर्वाचित मेयर सिंहले यस अघि वीरगंज महानगर, महानगरवासी र उद्योगी व्यवसायीबीच रहेको मत भिन्नतालाई अब आफुले हटाउने प्रतिबद्धता जनाए । उनले महानगरले संकलन गर्दै आएका कर पारदर्शी बनाउने, करका दर पुनरावलोकन गर्ने र करको दर भन्दा पनि करको दायरा बढाउनेतर्फ महानगर अघि बढ्ने बताए ।

साे अवसरमा संघका निवर्तमान अध्यक्ष गोपाल केडिया, वरिष्ठ उपाध्यक्ष अनिल कुमार अग्रवाल, उपाध्यक्षद्वय हरि गौतम र माधव राजपाल, महासचिव मनोजकुमार दास, कोषाध्यक्ष गोविन्द शाह, सचिवद्वय अरविन्द अमात्य, आशिष लाठ, सह–कोषाध्यक्ष प्रेमचन्द्र गोयल, सहसचिव सुशान्त चाचान लगायतको सहभागीता रहेको थियो ।

कालिकामाईमा कसैले उम्मेदवारी फिर्ता लिएन, आ आफ्नै पक्षमा बहुमत पुर्याउन कसरत

0

वीरगंज । पर्साकाे कालिकामाई गाउँ कार्यपालिका सदस्यकाे निर्वाचनमा मनाेनयन दर्ता गराएका नेपाली कांग्रेस, जनता समाजवादी पार्टी (जसपा) र नेकपा एमालेले आ आफ्नाे पक्षमा बहुमत पुर्याउन प्रयासमा लागेका छन् ।

६ कार्यपालिका सदस्यका लागि तिनै दलबाट १४ जनाले उम्मेदवारी दिएका छन् । निर्वाचन कार्य तालिका अनुसार आइतबार उम्मेदवारी फिर्ताकाे समय रहेपनि कसैले उम्मेदवारी फिर्ता लिएनन् । साेमबार मतदान हुने छ ।  

४ महिला सदस्यका लागि कांग्रेसबाट ३ जना, जसपाबाट ४ जना र एमालेबाट १ जना उम्मेदवार छन् । कांग्रेस र एमाले मिलाएर ४ पदका लागि ४ जना मात्र उम्मेदवारी दिए पनि दलित वा अल्पसंख्यक सदस्यमा कुरा मिलन नसकेका कारण समिकरण फेर्न सक्ने पनि सम्भावना रहेकाे छ ।

आइतबार निर्वाचन कार्यालयले प्रकाशित गरेकाे उम्मेदवारकाे अन्तिम नमावली अनुसार महिला सदस्यकाे लागि कांग्रेसबाट गिता देवी कुर्मी, लालसा देवी चमैन, सिमा देवीकाे मनाेनयन दर्ता कायम राखेका छन् ।

जसपाबाट महिला सदस्यकाे लागि अकलिया खातुन मुकेरी, चनरजाेतीया दुसादीन, मालती देवी दुसादीन, ललिता देवी र एमालेबाट ज्ञान्त्री देवीले पनि आफ्नाे उम्मेदवारी कायम राखेका छन् ।

दुई दलित वा अल्पसंख्यक सदस्यका लागि कांग्रेस, जसपा र एमाले दुई/दुई जनाकाे मनाेनयन दर्ता गराएका थिए । 

साेही अनुसार कांग्रेसका रामराज प्रसाद चाैरसिया, शिवशंकर प्रसाद चाैरसिया, जसपाका रसिद मियाँ धुनिया, हरिओम कुमार साह र एमालेका पृथ्वी साह कानु, रामध्रुव ठाकुर हजामले आ आफ्नाे उम्मेदवारी कायम राखेका छन् । 

सबै उम्मेदवारहरुलाई निर्वाचन कार्यालयले आइतबार दल अनुसारकाे चुनाव चिन्ह पनि प्रदान गरेकाे छ ।

५ वटा वडा रहेकाे कालिकामाई गाउँपालिकामा जसपाले गाउँपालिका अध्यक्षसहित ३ वडाध्यक्ष, कांग्रेसले उपाध्यक्षसहित एउटा वडाध्यक्ष र एमाले एउटा वडाध्यक्षमा चुनाव जितेकाे छ । 

साेमबार हुने कार्यपालिका सदस्यकाे निर्वाचनकाे मतदाता जसपासंग १३ जना, कांग्रेससंग १२ जना र एमालेसंग २ जना रहेका छन् । कार्यपालिकाकाे चुनाव जित्न जसपालाई अरु दलबाट एउटा मतकाे आवश्यकता छ भने कांग्रेसलाई दुई मतकाे आवश्यक रहेकाे छ ।

कार्यपालिकाे चुनावकाे लागि एमालेसंग रहेकाे दुई मत निर्णायक रहेकाे छ । तर एमालेले दुबै दलसंग तिन कार्यपालिका सदस्य माग गरेका कारण सहमती जुटन नसकेकाे बुझिएकाे छ ।

प्राप्त जानकारी अनुसार कांग्रेसले आफ्नाे मतदातालाई जिल्ला बाहिर लगेर राखेकाे छ भने जसपाले आफ्नाे मतदातालाई गाउँ मै राखे पनि बहुमत पुर्याउन अन्य मतदातालाई रिझाउन प्रयासमा लागेकाे बुझिएकाे छ । 

पटेर्वा सुगाैली गाउँ कार्यपालिकाकाे निर्वाचन निर्विराेध

0

वीरगंज । पर्साकाे पटेर्वा सुगाैली गाउँ कार्यपालिकाकाे निर्वाचन निर्विराेध हुने भएकाे छ । ६ गाउँ कार्यपालिका सदस्यकाे लागि आइतबार नेपाली कांग्रेसबाट ६ जनाले मात्र मनाेनयन दर्ता गराए कारण निर्वाचन निर्विराेध हुने भएकाे सहायक निर्वाचन अधिकृत शम्भु प्रसाद साहले वताए ।

४ महिला सदस्यका लागि कांग्रेसबाट कलही देवी मुसहरी, नुरबानी मियाइन, मिना देवी मुसहरीन, सजिना विकले मात्र मनाेनयन दर्ता गराएका छन् । 

त्यसैगरी दुई दलित वा अल्पसंख्यक सदस्यका कांग्रेसबाट नै प्रभावती देवी दुसादिन र शिवबालक ठाकुर लाेहारले मात्र मनाेनयन दर्ता गराएकाे सहायक निर्वाचन अधिकृत साहले जानकारी दिए ।

मनाेनय दर्ता गराएकाे उम्मेदवार उपर दाबी बिराेधकाे उजरी दिने निर्वाचन कार्य तालिका रहेकाेले साे समय पश्चात अन्तिम उम्मेदवारकाे नमावली सार्वजनिक गर्दै निर्वाचित भएकाे घाेषणा गरिने अधिकृत साहले वताए ।

पटेर्वा सुगाैली गाउँपालिकामा कांग्रेसकाे दुई तिहाई बहुमत भएका कारण नेकपा एमाले मनाेनयन दर्ता नगराएकाे हाे । ५ वटा वडा रहेकाे गाउँपालिकाका अध्यक्ष, उपाध्यक्षसहित ४ वटा वडामा कांग्रेस जितेकाे छ भने एउटा वडामा मात्र एमाले जितेकाे छ ।

पत्रकारलाई ५ लाखसम्म सहुलियत ऋण, अनलाइनलाई पनि लोककल्याणकारी विज्ञापन

0

काठमाडाैं । सरकारले पत्रकारहरुलाई ५ लाख रुपैयाँसम्म सहुलियत ऋण दिने भएको छ । अर्थमन्त्री जनार्दन शर्माले आर्थिक वर्ष २०७९/८० को बजेट आइतवार संघीय सदनका दुवै संसदको बैठकमा पेश गर्ने क्रममा यस्तो बताएका हुन् । 

त्यस्तै सरकारले अबदेखि अनलाइन सञ्चारमाध्यमलाई पनि लोकल्याणकारी विज्ञापन दिने भएको छ। यसअघि यो लोककल्याणकारी विज्ञापन छापामाध्यम, रेडियो र टेलिभिजनहरुलाई मात्रै दिइने गरिएको थियो । 

सरकारी कर्मचारीको तलब १५ प्रतिशतले बढ्याे

0

काठमाडौँ । सरकारी कर्मचारीको तलब १५ प्रतिशतले बढेको छ । आर्थिक वर्ष ०७९/८०को बजेट प्रस्तुत गर्दै अर्थमन्त्री जनार्दन शर्माले निजामति कर्मचारी, नेपाली सेना, नेपाल प्रहरी, सशस्त्र प्रहरी, शिक्षकलगायत सबै सरकारी निकायको तलब वृद्धि गरिएको जानकारी दिए ।

त्यसैगरी, सरकारले उनीहरूको महँगी भत्ता पनि निरन्तरता दिएको छ ।

त्यसै गरी, सरकारले कर्मचारीको तलब सुविधा अध्ययन गर्न तथा श्रमिकको तलब सुविधा अध्ययन गर्न उच्चस्तरीय आयोग गठन गर्ने घोषणा गरेको छ । 

एलपीजी ग्यासमा दिँदै आएको अनुदान हट्ने, खाना पकाउने ग्यासको मूल्य बढ्ने

0

काठमाडाैं । खाना पकाउने एलपीजी ग्यासको मूल्य बढ्ने भएको छ । सरकारले आगामी आर्थिक वर्षदेखि एलपीजी ग्यासमा दिँदै आएको अनुदान हटाउने घोषणा गरेसँगै मूल्य बढ्ने भएको हो ।

हाल सरकारले एलपीजी ग्यासमा प्रतिसिलिन्डर ८०० रुपैयाँ अनुदान दिँदै आएको छ । यससँगै उपभोक्ताले ग्यास सिलिन्डर खरिद गर्न १८०० रुपैयाँ तिर्नुपर्थ्यो । जुन, मूल्य अब बढ्ने भएको हो ।

यसैगरी, सरकारले आगामी ३ महिना भित्रका सबै सार्वजनिक कार्यालय र आवास एलपीजी ग्याँस मुक्त बनाउने भएका छ । ती स्थानमा विद्युतीय चुलोको प्रयोग गरिनेछ ।

अब घरजग्गाको कारोबार गर्न लाइसेन्स अनिवार्य

0

काठमाडौं । सरकारले अब घरजग्गाको कारोबार गर्न लाइसेन्स अनिवार्य गरेको छ । अर्थमन्त्री जनार्दन शर्माले आगामी आर्थिक वर्षदेखि घरजग्गाको कारोबार गर्न लाइसेन्स अनिवार्य गरेको बताएका हुन् । 

आधिकारिक व्यक्ती र कम्पनीमार्फत मात्रै घरजग्गाको कारोबार गर्न पाउने व्यवस्था आगामी वर्ष महानगर र उपमहानगरमा लागू हुने समेत बताए।