Date
मङ्ल, मंसिर १, २०८३
Tue, November 17, 2026
Home Blog Page 670

जगरनाथपुर गापामा आईतबार पनि विद्यालय संचालन हुने

0

वीरगंज । पर्साकाे जगरनाथपुर गाउँ कार्यपालिकाकाे पहिलाे बैठक साेमबार सम्पन्न भएकाे छ । गाउँपालिका अध्यक्ष श्रीकान्त प्रसाद यादवकाे अध्यक्षतामा बसेकाे बैठकले आइतबार पनि विद्यालय संचालन गर्ने निर्णय गरेकाे हाे ।

सरकारले हप्तामा दुई दिन शनिबार र आइतबार विदा दिए पनि जगरनाथपुर गाउँपालिमा आइतबार विद्यालय संचालन गर्ने निर्णय गरिएकाे गाउँपालिका अध्यक्ष यादवकाे वताए ।

यसैगरी कार्यपालिकाकाे बैठकले विद्यालयमा बन्द रहेकाे दिवा खाजा सुचारु गर्ने पनि निर्णय गरेकाे छ । बैठकले दिवा खाजा मेन्यु समेत तयार गरेकाे जनाइएकाे छ ।

विद्यालयहरुमा दिवा खाजामा गाउँपालिकाले तयार गरेकाे मेन्यु अनुसार आइतबार पुरी, आलु, साेयाविनका तरकारी वा हरियाे तरकारी, भात अण्डा करी एक/एक वटा, मंगलबार घ्युमा पकाएकाे सुजिकाे हलुवा, बुधबार खिर, विहिबार चावल, आलुकाे आचारसहित मुगदाल खिचडी र शुक्रबार कुखुराकाे मासु र भुजा खुवाउनु पर्ने छ ।

श्री ने.रा.मा.वि. मसिहानीमा ४ काेठे भवनकाे शिलान्यास

0

वीरगंज । पर्साकाे जगरनाथपुर गाउँपालिका वडा नं. ५ मा रहेकाे श्री ने.रा.मा.वि. मसिहानीमा साेमबार एक कार्यक्रमकाे बिच ४ काेठे भवनकाे शिलान्यास गरिएकाे छ । कार्यक्रमका प्रमुख अतिथी नेपाली कांग्रेसका केन्द्रिय सदस्य रमेश रिजालले विद्यालय भवनकाे शिलान्यास गरेका हुन् ।

राष्ट्रपति शैक्षिक सुधार कार्यक्रम अन्तर्गत ३६ लाखकाे लागतमा उपभाेक्ता समिति मार्फत दुई तल्ले भवन निर्माण हुने गाउँपालिकाका अध्यक्ष श्रीकान्त प्रसाद यादवले वताए । अध्यक्ष यादवले समय मै विद्यालय भवन निर्माण कार्य सम्पन्न गर्न उपभाेक्ता समितिलाई निर्देशन समेत दिए ।

गाउँपालिका अध्यक्ष यादवकाे अध्यक्षतामा भएकाे शिलान्यास कार्यक्रममा प्रमुख प्रशासकिय अधिकृत कृष्णनन्दन राय, वडाध्यक्ष सुभाष यादव, विहारी महताे, लेखापाल सन्देश कुशवाहा, इन्जिनियर सदाम हुसेन, स्वास्थ्य शाखा प्रमुख प्रबेन्द्र साह लगायतकाे उपस्थिती रहेकाे थियाे । 

श्री ने.रा.प्रा.वि. एकडर्वामा ४ कोठे भवनको शिलान्यास

0

वीरगंज । पर्साकाे सखुवा प्रसौनी गाउँपालिका वडा नं. ६ मा रहेकाे श्री ने.रा.प्रा. एकडर्वामा साेमबार ४ कोठे भवनको शिलान्यास गरिएकाे छ । ३६ लाखकाे लागतमा निर्माण हुने भवनकाे गाउँपालिका अध्यक्ष यसवन्त यादवले शिलान्यास गरेका हुन् ।

शिलान्यास कार्यक्रममा गाउँपालिकाकी उपाध्यक्ष शर्मिला बिष्ट महताे, प्रमुख प्रशासकिय अधिकृत देवनाथ साह, प्राविधिक शाखा प्रमुख सुरेश साह, रामबाबु पटेल, राधेश्याम पटेल, प्रमोद रौनियार, सत्यनारायण यादव लगायतकाे उपस्थिती रहेकाे थियाे ।

पर्सालाई पाँच अर्ब बजेट

0

वीरगञ्ज । १४ स्थानीय तह रहेको पर्सालाई आगामी आर्थिक वर्ष २०७९÷८० का लागि सङ्घीय सरकारले समानीकरण, सशर्त र विशेष अनुदान गरी करिब पाँच अर्ब १० करोड १६ लाख बराबरको बजेट विनियोजन गरेको छ ।

एक महानगरपालिका, तीन नगरपालिका र १० गाउँपालिका रहेको यस जिल्लामा सबैभन्दा बढी वीरगञ्ज महानगरमा रु एक अर्ब ४४ करोड ८६ लाख र सबैभन्दा कम पकाहामैनपुर गाउँपालिकालाई रु २१ करोड विनियोजन भएको हो ।

जसमध्ये तीन नगरपालिकालाई रु एक अर्ब ६४ लाख तथा दशवटा गाउँपालिकालाई दुई अर्ब ६४ करोड ६७ लाख बजेट विनियोजित भएको छ । यस्तै विनियोजित बजेटमध्ये पोखरिया नगरलाई रु ३३ करोड ३२ लाख, पर्सागढी नगरलाई रु ३१ करोड ४७ लाख र बहुदरमाई नगरलाई रु ३५ करोड ८५ लाख रुपैयाँ विनियोजित भएको हो ।

त्यसैगरी, छिपहरमाई गाउँपालिलाई रु २८ करोड ३५ लाख, जगरनाथपुरलाई रु २८ करोड ८९ लाख, धोबिनीलाई रु २२ करोड १२ लाख, पटेर्वासुगौलीलाई रु २८ करोड तीन लाख, विन्ध्यवासिनीलाई रु २४ करोड ४० लाख, सखुवाप्रसौनीलाई रु ३३ करोड ९८ लाख, ठोरीलाई रु ३१ करोड २६ लाख, कालिकामाईलाई रु २२ करोड २९ लाख, र जीराभवानी गाउँपालिकालाई २५ करोड ३५ लाख बजेट विनियोजन गरिएको हो ।

यस्तै विशेष अनुदानतर्फ आगामी बजेटका लागि वीरगञ्ज महानगरलाई रु दुई करोड, जगरनाथपुर गाउँपालिकालाई रु एक करोड ४४ लाख, पटेर्वासुगौली गाउँपालिकालाई रु दुई करोड, ठोरी गाउँपालिकालाई रु दुई करोड ८५ लाख र जीराभवानी गाउँपालिकालाई रु एक करोड विशेष अनुदान पाएको छ । यहाँको नौ स्थानीय तहले विशेष अनुदान पाएका छैनन् । रासस

नेपका एस पर्साद्वारा पार्टीलाई मतदान गर्नेलाई धन्यावाद ज्ञापन

0

वीरगंज । नेकपा (एकिकृत समाजवादी ) पर्साले बैशाख ३० गते सम्पन्न स्थानिय तहको निर्वाचनमा पार्टीलाई मतदान गर्ने सम्पूर्णलाई अभार प्रकट गर्दै धन्यवाद दिएको छ ।

जिल्ला कमिटि पर्साले एक प्रेस बिज्ञप्ती जारी गर्दै जित र हार भनेको निर्वाचनको स्वभाविक परिणम भएकाे वताउँदै पुँजीवादी निर्वाचन प्रणालीमा पुँजीको उच्चत्म चलखेलमा पार्टी पराजित भएतापनि सम्मानजनक मत प्राप्त गर्न सफल भएकाे जनाएको छ ।

पार्टी पर्साका अध्यक्ष बालगोपाल थापाद्वारा जारी बिज्ञप्ती मार्फत पार्टीको चुनाव चिन्ह कलम छापको झण्डालाई पर्सामा स्थापित गर्दै माथी उठाउन सफल भएको जनाइएकाे छ ।

पार्टीको केन्द्रिय निर्णय अनुसार चुनावी गठबन्धनिय कार्यनितिलाई कार्यवन्यनमा इमान्दार र प्रतिब्ध भएको जनाउँदै पर्सा जिल्लामा प्रतिगामी तथा दक्षिणपन्थी अवरवादलाई परास्त गर्न सफल भएको जारी बिज्ञप्तीमा उल्लेख गरिएको छ ।

जारी बिज्ञप्ती मार्फत सम्पन्न स्थानिय तहको निर्वाचनमा पर्सा जिल्लामा नेकपा एकिकृत समाजवादी पार्टी एक राजनितिक शक्तिको रुपमा स्थापित हुन सफल भएको जनाइएको छ ।

हावाहुरीले पर्साकाे ग्रामिण भेगमा क्षति, विद्युत् अवराेध

0
धाेबिनी गाउँपालिकाकाे वडा नं. ३ हरिहरपुरमा हावाहुरीले पुर्याएकाे क्षति । तस्बिर : कालिका टाईम्स

वीरगंज । पर्साको ग्रामीण भेगमा शुक्रबार राति आएको हावाहुरी तथा पानीले क्षति पुर्याएकाे छ । हावाहुरीका कारण गाउँका अधिकांश टोलमा विद्युत् पोलहरू ढलेका कारण अहिलेसम्म विद्युत् अवरोध हुनुको साथै दर्जनाैं घरकाे छाना उडाएकाे छ ।

धोबिनी गाउँपालिका वडा नं: १ र वडा नं. ३ काे एक दर्जन भन्दा बढी घरकाे छाना उडाउनुकाे साथै फुसकाे घर भत्केका छन् । वडा नं. ३ हरिहपुरका सुरेन्द्र प्रसाद कुर्मी, साहदेव साह कानु लगायतकाे घरमा हावाहुरीले क्षति पुर्याएकाे स्थानिय उपेन्द्र पटेलले वताए ।

यसैगरी हवाहुरीले छिपहरमाई गाउँपालिकाकाे वडा नं. १ भलुवहिया आधा दर्जन भन्दा बढी पाेलहरु ढलेका छन् । त्यस कारण साे् क्षेत्रका बिधुत समेत अवराेध भएकाे छ । हावाहुरीको कारण किसानहरूले छरेको धानको बीउ समेत नष्ट भएका छन् ।

पोखरिया विद्युत् वितरण केन्द्रका अनुसार लङ्गडीमा आठ, भिखमपुरमा चार, बहुवर्वा क्षेत्रलगायत गरी १३ वटा स्थानीय तहमा ६० वटा पोल ढलेका कारण विद्युत् अवरोध भएको छ । आफूसँग भएको जनशक्ति रातिदेखि नै काम गरिरहेको कार्यालय प्रमुख जगरनाथ झाले बताए ।

प्रमुख झाका अनुसार विभिन्न गाउँमा अवरोध विद्युत् भोलि आइतवार बेलुकासम्म समाधान हुनेछ । रातिको आएको हावाहुरीको कारण ठोरीदेखि बिन्दवासिनीसम्म विद्युत् अवरोध भएको उनले बताए ।

वीउवा संघद्वारा वीरगंजका ९ पत्रकार सम्मानित

0

वीरगंज । वीरगंज उद्याेग वाणिज्य संघले आफ्नाे ४६ औ साधारण सभामा वीरगंजका ८ जना पत्रकारलाई सम्मान गरेकाे छ ।

संघले नेपाल पाेष्ट डेलीका सम्पादक मनाेज पटेल, न्युज २४ टेलिभिजन, रेडियाे वीरगंज र वीरगंज टाईम्सकी मुस्कान श्रेष्ठ, नेपाल टेलिभिजनका पर्सा संवाददाता विजय कुमार महत्तो, अनलाइन खबरका सुरेश बिडारी, बिबिसी नेपाली सेवा, नारायणी एफएम र मधेश प्रदेश अनलाइनकी माधुरी महतो, ग्यालेक्सी टेलिभिजनका पर्सा संवाददाता जियालाल साह, यात्राडेली डटकमका सुर्यनारायण विक, ब्रेकलिंक अनलाइनकी संवाददाता विमला गुप्ता र आवाज एफएमका राकेश साहलाई सम्मान गरेकाे हाे ।

साधरण सभाकाे उद्घाटन समाराेहमा प्रमुख अतिथी संघिय सरकारका अर्थमन्त्री जनार्दन शर्माले संघको तर्फबाट सबै जनालाई गम्छा ओढाएर कदर पत्र प्रदान गर्दै सम्मान गरेका थिए ।

वीरगञ्ज उद्योग वाणिज्य संघका अध्यक्ष डा. सुबोध गुप्ताको अध्यक्षतामा भएको उद्घाटन समारोहमा मधेश प्रदेशका मन्त्री ओम प्रकाश शर्मा, संघीय सांसद प्रदीप यादव, प्रदेश सभा सदस्य भीमा यादव, वीरगंज महानगरपालिकाका मेयर राजेशमानन सिंह, जितपुर सिमरा उपमहानगरका मेयर राजन शर्मा पौडेल, संघका पूर्व अध्यक्षहरु गोपाल केडिया, गणेश लाठ लगायतको उपस्थिति रहेको थियो ।

गैर जिम्मवार संचार माध्यमलाई अंकुश लगाउन कर्मचारी संगठनकाे माग

0

वीरगंज । नेपाल निजामती कर्मचारी संगठन पर्साले गैर जिम्मेवार संचार माध्यमलाई अंकुश लगाउन माग गरेकाे छ । संगठन पर्साले शनिबार एक प्रेस विज्ञप्ती जारी गर्दै तथ्य विनाकाे व्यक्तिगत चरित्र हत्या गर्ने गरी समाचार प्रकाशन गर्ने गैर जिम्मेवार संचारमाध्यलाई अंकुश लगाउन नेपाल पत्रकार महासंघ पर्सा संग माग गरेकाे हाे ।

संगठन पर्साका उपाध्यक्ष संदिप कुमार पटेलद्वारा हस्तारित प्रेस विज्ञप्ती मार्फत संगठनले विगत केही समयदेखि पर्सा जिल्लाकाे विभिन्न स्थानिय तहहरु तथा कार्यालयहरुमा कार्यरत कर्मचारीहरुकाे चरित्र हत्या र मानमर्दन गर्ने किसिमले केही दैनिक तथा अनलाइन संचारमाध्यमहरुमा भ्रामक समाचार प्रकाशन गरिएकाे प्रति गम्भिर ध्यानाकर्षण भएकाे जनाएकाे छ ।

जारी प्रेस विज्ञप्तीमा पछिलाे समयमा पटेर्वा सुगाैली गाउँपालिकाका प्रमुख प्रशासकिय अधिकृत संदेश यादवकाे व्यक्तिगत चरित्र हत्या गर्ने गरी प्रकाशित तथ्यहिन समाचारले आम निष्पक्ष संचारमाध्यहरु तथा श्रमजिवि संचारकर्मीहरुकाे समेतक मानमर्दन गरेकाे उल्लेख गरिएकाे छ ।

इन्धन नदिएकाे, विज्ञापन नदिएकाे, भनेजतिकाे भुक्तानी नगरेकाे र अन्य स्वार्थ पुर्ति नभएकाे जाेकमा काेही कसैले भ्रामक, निर्धार र तथ्यहिन समाचार लेखि कसैकाे मानमर्दन गर्नु, गराउनु पेशागत आचरणकाे प्रतिकुल हुनुकाे साथै डन्डनिय पनि रहेकाे संगठनले जनाएकाे छ ।

जगरनाथपुर गापा अध्यक्ष यादवद्वारा शिक्षा सुधार अभियानलाई निरन्तरता

0

वीरगंज । पर्साकाे जगरनाथपुर गाउँपालिका अध्यक्ष श्रीकान्त प्रसाद यादवले शिक्षा सुधार अभियानलाई निरन्तरता दिएका छन् ।गाउँपालिकाकाे वडा नं. ५ मा रहेकाे श्री नेपाल राष्ट्रिय माध्यमिक विद्यालय मसिहानीमा शनिबार अभिभावक भेला गर्दै अध्यक्ष यादवले विद्यालयकाे समस्या र समाधान बारे छलफल गरेका हुन् ।

भेलामा सहभागि अभिभावहरुले विद्यालयमा शिक्षक अभाव, दिवा खाजा संचालन नभएकाे,  प्लस २ का शिक्षकहरुले तलब नपाए लगायतकाे गुनासाे गरेका थिए ।  

त्यसपछि भेलालाई सम्बाेधन गर्दै अध्यक्ष यादवले शिक्षक अभावकाे समस्या समाधान गर्ने प्रतिबद्धता जनाए । उनले लामाे समयदेखि विद्यालयमा रहेकाे शिक्षक अभावकाे समस्या चाँडै समाधान गर्ने वताए । उनले भने “हामी गाउँपालिकाबाट शिक्षक न्युक्ति गरेर भए पनि शिक्षक अभावकाे समस्या चाँडै नै समाधार गर्छाैं । काेई कसैले शिक्षक न्युक्ति गराईदिने भन्दै पैसा मागेपछि नदिनु हाेला, जाे याेग्य हुन्छ त्यसकाे मात्र हुन्छ ।”   

साथै  दिवा खाजा अर्काे हप्ताबाट संचालन हुने र प्लस २ का शिक्षकहरुले पनि पारिश्रमिक उपलब्ध गराउने अध्यक्ष यादवले वताए ।यसअघि बिहिबार मात्र श्री ने.रा.मा. जगरनाथपुरको निरिक्षण गर्दै अध्यक्ष यादवले स्थगित रहेको ९ र १० काे कक्षा संचालन गर्ने निर्देशन दिएका थिए ।