Date
मङ्ल, मंसिर १, २०८३
Tue, November 17, 2026
Home Blog Page 660

बहुदरमाईमा ७ महिलासहित ५३ जनाद्वारा रक्तदान

0

वीरगंज । पर्साको बहुदरमाई नगरपालिका वड़ा नं. ७ छपकैयामा साेमबार रक्तदान कार्यक्रम सम्पन्न भएको छ । श्री हनुमान मन्दिर संचालन समितिको आयोजनामा भएकाे कार्यक्रममा ७ महिलासहित ५३ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले जानकारी दिए ।

पूर्ब वडा अध्यक्ष प्रभु पटेलको अध्यक्षतामा भएकाे कार्यक्रममा रोमा कुशवाहा,रीमा देवी, अनवर देबी, बबिता देबी, राधेश्याम शाह, चन्दू पटेल, रमोद कुशवाहा, बिकाश कुशवाहा, बिरेन्द्र कुशवाहा लगायतकाले रक्तादान गरेकाे उनले वताए ।

कार्यक्रमकी प्रमुख अतिथी बहुदरमाई नगरपालिकाकी उपमेयर सुष्मा कुशवाहाले रक्तदान जीवनको सब भन्दा ठुलो दान भएको वताउँदै सबैले रक्तदान गर्नु पर्नेमा जोड़ दिइन ।

नेकपा एमालेका नेता शिव पटेलले एक एक थोपा रगतले कसैको ज्यान बच्न सकिने भएकाेले रक्तदान महादान भएकाे वताए । 

रक्त संचार केन्द्र वीरगंजकाे प्राविधिक सहयाेगमा भएकाे रक्तदान कार्यक्रममा आयाेजक संस्थाका अध्य्क्ष जटाशंकर शर्मा, प्रभु पटेल, प्रमोद कुशवाहा, फकरोदिन देवान लगायतकाे सहभागीता रहेको थियो ।

अदालतको फैसला विपरित निजी विद्यालयहरुले लिने गरेकाे बार्षिक शुल्क फिर्ता गर्न माग

0

वीरगंज । अभिभावक संघर्ष समिति वीरगंजले साेमबार वीरगंज महानगरपालिकाका मेयर राजेशमान सिंह र पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाएका छन् ।

वीरगंजमा रहेका नीजी विधालयहरुको मनोमानी विरुद्ध स्वस्फूर्त रुपमा भेला भएर गठन गरेकाे संघर्ष समितिले सोमबार वीरगंज महानगरपालिकाका कार्यालयमा पुगि मेयर सिंहलाई र जिल्ला प्रशासन कार्यालयमा पुगी प्रमुख जिल्ला अधिकारी ढकाललाई ज्ञापन पत्र बुझाएकाे हाे ।

संघर्ष समितिले ज्ञापन पत्र मार्फत उच्च अदालतको फैसला विपरित निजी विद्यालयहरुले लिने गरेकाे बार्षिक शुल्क फिर्ता गर्न, प्रत्यक बर्ष पाठय पुस्तक परिवर्तन नगर्न, निजी विद्यालयकाे मनाेमानी शुल्क लिन कार्य बन्द गर्न, धराैटी शुल्क लिने कार्य बन्द गर्न, नयाँ भर्ना शुल्क नियम अनुसार लिन, पाेशाक खरिद गर्ने व्यवस्था खुल्ला गर्न, प्रत्यक दिन एकै किसिमकाे पाेशाक लागु गर्न माग गरेकाे छ ।

यसैगरी निजी विद्यालयकाे मनाेमानी /आफुखुशी ५० प्रतिशत सम्म मासिक शुल्क वृद्धि गर्ने कार्य बन्द गर्न, मासिक शुल्क वाहेक अन्य शुल्क लिने कार्य बन्द गर्न, निजि विद्यालयहरुले सम्पूर्ण अभिभावकहरुकाे भेला गरेर विद्यालय व्यवस्थापन समिति गठन गर्नु पर्ने, अभिभावक संघर्स समितिलाई प्रत्येक शिक्षा सम्बन्धि कार्यक्रममा प्रतिनिधित्व गराउनु पर्ने, विद्यालयकाे शुल्क बैंक वा विद्यालय लेखा शाखामा जम्मा गर्ने व्यवस्था गर्न, लिएकाे धराैटी फिर्ता गर्न र विद्यालय प्राङ्गण भित्र घटना दुर्घटना हुँदा उपचारकाे सम्पूर्ण व्यवस्था विद्यालयले गर्नु पर्ने माग गरिएकाे छ ।

गत शनिबार भेला भएका अभिभावकहरुले नीजी विधालयहरुको मनोमानी विरुद्ध चरणबद्ध आन्दोलन गर्ने भन्दै सन्दिप कुमार साहको संयाोजकत्वमा अभिभावक संघर्ष समिति गठन गरेका थिए । त्यहि समितिले सोमबार १४ बुंदे माग सहितको  प्रमुख जिल्ला अधिकारी ढकाल र मेयर सिंहलाई ज्ञापन पत्र बुझाएको कन्हैया पटेलले वताए ।

संघर्ष समितिले आफ्ना मागहरु समयमा कार्यन्वयन नभए चरणबद्ध आन्दोलन गर्ने र त्यसबाट उत्पन्न हुने सम्पूर्ण परिस्थितीकाे जिम्मेवारी सम्बन्धि निकायकाे हुने जनाएकाे छ ।

ज्ञापन पत्र बुझ्दै मेयर सिंहले शिक्षा समिति गठन गरेर निजि विद्यालयहरुकाे शुल्क निर्धारण गरिने वताए । उनले सामुदायिक विद्यालहरुले पनि अंग्रेजी माध्येमकाे नाममा लिने गरेकाे शुल्क तुरुन्त खारेज हुने पनि वताए ।

लागुऔषध दुर्व्यसन तथा ओसारपसार विरुद्धको ७ दिने अभियान सुरु

0

वीरगंज । लागुऔषध दुर्व्यसन तथा ओसारपसार विरुद्धको ७ दिने अभियान आइतबारदेखि वीरगञ्जमा सुरु भएको छ । लागुऔषध दुर्व्यसन तथा ओसारपसार विरुद्धको अन्तर्राष्ट्रिय दिवसको अवसर पारेर सानाे पाइलाले अभियान सुरु गरेकाे हने ।

अभियानको पहिलो दिन लागुऔषध दुव्र्यसन तथा ओसार पसार विरुद्ध मार्च (र्याली) गर्दै ७ दिने अभियानको औपचारिक उद्घाटन गरिएकाे थियाे ।

वीरगञ्जस्थित घण्टाघरदेखि सुरु भएकाे र्‍याली माईस्थान, आदर्शनगर, अलखियामठ हुँदै ग्रिनसिटी चोक, घडिअर्वा भएर पुनः घण्टाघरमा पुगेर कोण सभामा परिणत भएको थियो । ¥यालीमा सहभागीहरुले ‘हग्स नट ड्रग्स, लागु औषधबाट टाढा रहौँ, लागु औषध दुव्र्यसनविरुद्ध एक हौँ, ड्रग्स् किल्स्, ड्रग्स्लाई नाई’ लगायतका सचेतनामुलक नारा अंकित प्ले कार्ड बोकेका थिए ।

काेण सभालाई सम्बोधन गर्दै पर्साका प्रमुख जिल्ला अधिकारी उमेश कुमार ढकालले लागुऔषध विरुद्ध सबै क्षेत्रको साझा सहकार्यमा जोड दिएका थिए । लागुऔषधको क्षेत्रमा कार्य गर्दै आएका संस्थाहरुलाई प्रशासनबाट पनि सहयोग रह्ने उनले बताए ।

खुल्ला सिमानाका कारण देखिएको लागुऔषध दुर्व्यसन तथा ओसारपसारको समस्याहरुलाई अबको दिनमा सुधार गर्दै लैजाने उनले प्रतिबद्धता समेत जनाए ।

कोण सभा कै क्रममा पर्साका प्रमुख जिल्ला अधिकारी ढकाल, पर्सा प्रहरी उपरिक्षक रमेश कुमार बस्नेत, सशस्त्र प्रहरी उपरीक्षक तेज प्रकाश पोख्रेल, रिकभरिङ्ग नेपाल मधेश प्रदेशका सभापति गौरव वर्मा, वडा प्रहरी कार्यालय बिर्ताका प्रमुख प्रहरी निरीक्षक बिशाल मल्ल, सामुदायिक पुनस्र्थापना केन्द्रका व्यवस्थापन प्रमुख साविर हुसैन लगायतकाले संयुक्त रुपमा बैलुनको गुच्छा हावामा उडाउँदै ७ दिने अभियानको उद्घाटन गरेका थिए ।

अभियानको दोस्रो दिन सोमबार “समाज सुधारका लागि सँगसँगै” नाराका साथ जिल्ला प्रहरी कार्यालय पर्सा र सानो पाइलाका बीच क्रिकेट म्याच आयोजना हुने आयाेजक संस्थाले जनाएकाे छ ।

हिन्दूवादी अगुवाहरुको बृहत बैठक काठमाडौंमा सम्पन्न

0

वीरगंज । हिन्दूवादी अगुवाहरुको बृहत बैठक एवं छलफल कार्यक्रम आइतबार काठमाडौंमा सम्पन्न भएको छ । काठमाडौंस्थित मधेश मिडिया हाउसमा बसेकाे बैठकमा सनातन धर्मका अगुवा एवं अभियन्ताहरुको उपस्थिति रहेकाे थियो ।

हिन्दू परिषद नेपालका केन्द्रीय अध्यक्ष सन्तोष पटेलले सहजीकारण गरेको बैठकमा धर्मपाल गुरु वशिष्ठ, दीपक महराज आत्रेय, डा.नारायणचार्य देवबाबा, राममणि दास, श्याम कुमार भट्टराई, बिष्णु खड़का, बिनोद खड़का, श्याम बहादुर सापकोटा, शांति रेग्मी, मोहन कृष्ण निरौला, पपु यादव, रवनिस राज पाण्डेय, बिरेन्द्र ठाकुर,उद्धव राज तुलाधार, राज देवी थापा, सुनीता रौनियार, महेन्द्र केसी, रामसोबित नायक, कृष्ण हरि थापा, पिंकी महासेठ, सागर थापा, राजीव देव,किशोर यादव सहित उपस्थिती थियाे ।

कार्यक्रममा बोल्ने वक्ताहरुले हाम्रो आचरण सनातन धर्म अनुसार हुनु पर्ने, सहभोज कार्यक्रम ब्यापक रूपमा गर्ने, घरायसी संस्कारमा बिशेष जोड़ दिने, धार्मिक संघ संस्था बीच कार्य गर्दा सहकार्य गर्ने, हिन्दू धर्म र संस्कृति माथि आक्रमण हुँदा आ–आफ्नो क्षेत्रबाट नेतृत्वदायी भूमिका निर्वाह गर्ने, गुरुकुल स्थापनाबारे जनजागरण गर्नु पर्ने वताए ।

साथै गौ हत्या र तस्करी बारे आक्रमक कार्यक्रम गर्ने एवं संरक्षणका लागि रचनात्मक भूमिका निर्वाह गर्ने, लबजिहाद बारे ब्यापक जनचेतना जगाउने कार्य गर्ने, हाम्रो आस्था केन्द्र माथि बोलने र उत्तरीने समूह संग प्रतिकारको लागी तैयार रहने बिषय लगायतको सम्बन्धमा कार्य गर्न बक्ताहरुले जोड दिएका थिए ।

लागु औषधले पार्ने असर, चुनौती विषयक वक्तृत्वकाला सम्पन्न

0

वीरगंज । लागु औषध दुरुपयोग र अवैध ओसारपसार विरुद्धको अन्तराष्ट्रिय दिवशकाे अवसरमा आइतबार वीरगंजमा लागु औषधले पार्ने असर, चुनौती विषयक वक्तृत्वकाला प्रतियोगिता सम्पन्न भएकाे छ ।

किशाेरी सशक्तिकरणकाे लागि शिक्षा कार्यक्रम अन्तर्गत भएकाे प्रतियाेगितामा कन्हैया साह प्रथम, श्रेया राय द्वितिय र प्रिया सर्राफ तृतिय भएका हुन् ।

कार्यक्रममा वाेल्दै बहुदरमाई नगरपालिकाका मेयर सिंगासन साह तेलीले अहिलेकाे युवा जमात गलत संगतका कारण लागु औषधकाे कुलतमा फसन्ने गरेकाे वताए । उनले गतल संगत र सल्लामा नलाग्न युवाहरुलाई आग्रह समेत गरे । 

नेपाली कांग्रेस पर्साका सह सचिव नविन सिंहले लागु औषध दुरुपयोग र ओसारपसार नियन्त्रणको लागि प्रहरीको भुमिका महत्त्वपूर्ण रहेको वताए । उनले प्रहरीलाई सहयोग गर्ने काम पनि समुदायको रहेको वताए ।

सह सचिव सिंहले यस्ता कार्यक्रमहरु सहर केन्द्रित मात्र नगरी ग्रामिण भेगका पालिकाहरुमा पनि गर्न आयाेजक संस्थालाई सुझाव दिए ।

पाेखरिया नगरपालिकाकी पूर्व उप मेयर सल्लमा खातुनले तनावका कारण कतिले र कतिले रहरले लागु औषध सेवन गर्ने गरेको वताईन । उनले भनिन “विशेष गरी युवाहरु विभिन्न किसिमकाे तनावले लागु औषध सेवन गर्छन भने कतिपय युवाहरुले हेराैं नि के रहे छ साेचेर गर्ने गरेका छन् । तर त्याे गलत हाे, त्यस्ताे गर्नु हुँदैन ।”

जिल्ला बाल क्लब समन्वय सञ्जाल पर्साका अध्यक्ष अर्जुन साहकाे अध्यक्षतामा भएकाे प्रतियाेगितामा बिन्दवासिनी गाउँपालिकाकी उप प्रमुख ज्याेति चाैरसिया, बहुदरमाई नगरपालिका वडा नं. ७ का वडाध्यक्ष विरेन्द्र प्रसाद यादव, वडा नं. ८ का वडाध्यक्ष पुनिलाल साह तेली, अवार संसार नेपाल अध्यक्ष मुकेश साह, दिव्य युवा क्लबका परियोजना संयोजक गणेश बहादुर ठकुरी, श्रीचन्दन जैसवाल, पत्रकार शम्भु कुमार सुमन, नितिन नरेन सिंह, दीपक पटेल, आदित्य साह लगायतकाे उपस्थिती रहेकाे थियाे भने कार्यक्रमकाे सञ्चालन दिवश सर्रफले गरेको थिए ।

बगबन्नामा कांग्रेसकाे वडा स्तरीय प्रशिक्षण

0
वीरगंज । पर्सा निर्वाचन क्षेत्र नं. २ काे पर्सागढी नगरपालिका वडा नं. २ बगबन्नामा शनिबार नेपाली काङ्ग्रेसको एक दिने वडा स्तरीय प्रशिक्षण कार्यक्रम सम्पन्न भएको छ ।
 
कार्यक्रमलाई सम्बाेधन गर्दै नेपाली कांग्रेसका नेता एवम् प्रदेश सभा सदस्य राजेश्वर साहले सबै कांग्रेसीहरुलाई एक ढिका बनाएर अगाडी बढनु पर्ने वताए । उनले विगतलाई समिक्षा गर्दै सबै कांग्रेसहीहरु एक ठाउँमा उभेर पार्टीकाे प्रचार प्रसार लाग्नु पर्ने वताए ।
 
साेही अवसरमा प्रदेश सभा सदस्य साहले कांग्रेसका पूर्व वडा सभापति स्व. भागवती चाैधरीकाे स्मृति पार्टी कार्यालय निर्माणकाे लागि रु एक लाख एक हजार सहयाेग गर्ने प्रतिवद्धता समेत जनाए ।
 
वडा समितिकाे आयाे्जनामा भएकाे कार्यक्रममा कांग्रेस युवा नेता राकेश यादवले प्रशिक्षण दिएका थिए ।
 
रामचन्द्र महतोकाे अध्यक्षतामा भएकाे कार्यक्रममा प्रदेश सभा निर्वाचन क्षेत्र नं. २ (क) का सभापति बेदमन दास थारु, महाअधिबेशन प्रतिनिधि शैलेन्द्र चौधरी, युवा नेताहरू देव प्रकाश पटेल, रमेश यादव, सन्जिव मिश्र, देवनाथ महतो लगायत वडा स्तरका क्रियाशिल सदस्यहरुको सहभागिता रहेको थियो । कार्यक्रमको संचालक वडा सचिव सन्तोष महतोले गरेका थिए ।

वीरगञ्जका निजी विद्यालयको मनोमानीको विरोधमा अभिभावक

0

वीरगंज । निजी विद्यालयले विभिन्न शीर्षकमा विद्यार्थीसँग मनोमानी शुल्क असुलेको बिरोधमा वीरगञ्जका अभिभावकहरु संघर्षमा उत्रिएका छन् ।

वर्षै पिच्छे किताब परिवर्तन गरेर अभिभावकलाई आर्थीक भार थोपर्नुका साथै किताब किन्न पनि तोकिएको पसलबाट मात्रै लिनु पर्ने बाध्यात्मक अवस्थाको अन्त्य गर्न यहाका अभिभावकहरु एक जुट भएका हुन् ।

अहिले निजी विद्यालयले विभिन्न शीर्षकमा उठाउँदै आएको शुल्क ५० प्रतिशतले बृद्धि गरेको पनि अभिभावकको आरोप छ । निजी विद्यालयहरुले प्रत्येक बर्ष यस बर्ष पनि बार्षिक शुल्क, मासिक शुल्क, बस शुल्कमा बृद्धि गरेकाे अभिभावकहरुले वताएका छन् । 

उनीहरुले स्कुल ड्रेसमा भइरहेको कमिसनखोरी बन्द गर, प्रत्येक वर्ष किताब परिवर्तन गर्न पाइँदैन, मनोमानी फि लिन पाइँदैन लगायतका प्लेकार्ड बोकेर प्रदर्शन पनि गरेका थिए ।

अभिभावकहरु स्वस्फूर्त रुपमा वीरगंजकाे बसपार्कस्थित अनमाेल पार्टी प्यालेसमा भेला भएर निजी विद्यालयको मनोमानीकाे विराेध गरेका हुन् । भेला भएका अभिभावकहरुले निजी विद्यालयकाे मनाेमानीकाे विषयमा वीरगञ्ज महानगरपालिकाका मेयर राजेशमान सिंहलाई समेत जानकारी गराउने बताएका छन् ।

निजी विद्यालयको शुल्क पनि महानगरपालिकाकाले नै तोक्ने व्यवस्था मिलाउन सिंहसँग अनुरोध गर्ने अभिभावकबीच सल्लाह भएको संघर्ष समितिका संयोजक सन्दिप कुमार साहले बताए । विद्यालय शिक्षाकाे मन्दिर हाे, शिक्षालाई व्यापारिकरण गर्न पाइदैन भन्ने नाराका साथ अभिभावकहरु निजी विद्यालयकाे मनाेमानीकाे बिराेधमा एक भएकाे उनले वताए ।

अभिभावकहरुले वीरगञ्जमा संघर्ष समिति नै बनाएर निजी विद्यालयको मनोमानीको विरोधमा संघर्ष थाल्ने तयारी गरेका छन् ।

सरकारले पेट्रोलको मूल्य २० र डिजेलको मूल्य २९ ले घटायो

0

काठमाडाैं । सरकारले पेट्रोलियम पदार्थको मूल्य घटाएको छ । शनिबार पत्रकार सम्मेलन गर्दै उद्योग वाणिज्य तथा आपूर्ति मन्त्री ‍दिलेन्द्रप्रसाद बडूले पेट्रोलियम पदार्थको मूल्य घटाएको जानकारी दिएका हुन् ।

उनले दिएकाे जानकारी अनुसार पेट्रोलमा २० रुपैयाँले घटाएर १७९ र डिजेल मट्टीतेलको मूल्यमा २९ रुपैयाँले घटाएर १६३ रुपैयाँ पुर्‍याएको छ । सरकारले लिँदै आएको कर कटौती गरेर मूल्य घटाएको हो ।

शनिबार प्रधानमन्त्री निवास बालुवाटारमा बसेको सत्ता गठबन्धनको बैठकले पनि कर कटौती गर्दै पेट्रोलियम पदार्थको मूल्य घटाउन सरकारलाई निर्देशन दिने निर्णय गरेको थियो । 

यसअघि पेट्रोलको मूल्य १९९ र डिजेलको मूल्य १९२ थियो ।

पर्सागढीकाे साताैं नगर सभामा विराेध

0

वीरगंज । पर्साकाे पर्सागढि नगरपालिकाको सातौ नगर सभा शुक्रबार विराेधका बिच सम्पन्न भएकाे छ । ९ वटा वडा रहेकाे नगरपालिकामा ६ वडाध्यक्षहरुकाे विराेधका बाहजुद पनि नगर सभा सम्पन्न भएकाे हाे ।

नगर सभा सुरु भए लगतै वडाध्यक्षहरु सुकमान तामाङ्ग, शेख खुर्सेद, नवल किशोर प्रसाद कलवार, सुन्दरी देबी थरुनी, शंकर राय भर, रामबढाई प्रसाद यादव, कार्यपालिका सदस्य असलम आलम लगायतका नगर सभा सदस्यहरुले बिरोध प्रदर्शन गरेका थिए ।

नगर प्रमुख गोकर्ण पाठकले एकलौटी रुपमा नगरपालिका चलाउन खोजेको, बिषयगत समिति आफ्नो राजिखुसी बाँडफाँड गरेको, एउटै सदस्यलाई दुई दुई ओटा पद दिएको, म्यानिटिङकाे उपस्थितको ठाउँमा निर्णय समेत लेखी सहि गराउने कार्य भएकोले आफुहरुले विराेध गरेकाे वडाध्यक्ष शंकर राय भरले बताए ।

नगर सभामा आसन ग्रहण सुरु भएलगतै आफुहरु विराेध गर्न थालेपछि मेयर गाेकर्णका भाई बिनोद पाठक भनिने देव पाठकले धाधली समेत गरेकाे उनले आराेप लगाए ।

बिरोध प्रदर्शन मै नगर उप प्रमुख पुजा चौधरीले आर्थिक वर्ष २०७९/०८० काे नीती, कार्यक्रम तथा बजेट प्रस्तुत गरेकी थिइन ।

अगामी आर्थिक बर्षकाे नीती, कार्यक्रम तथा बजेटमा कृषि तथा पशुपन्छी बिकास पर्यटन प्रबर्द्धन, कला साहित्य र कृति प्रवर्द्धन, उद्योग घरेलु उद्योग, सहकारी, स्वास्थ्य सरसफाई पोषण तथा खाद्य सुरक्षा, शिक्षा, महिला बालबालिका आदिवासी जनजाति पिछडाकाे समुदायलाई प्राथमिकता दिएकाे उप प्रमुख चौधरीले वताइन ।

 गाउँ सभामा प्रमुख प्रशासकीय अधिकृत भरत प्रसाद यादव, नगर सभा सदस्य, नगरपालिकाको कर्मचारी लगायतको सहभागीता रहेको थियो ।

जगरनाथपुर ६ मा धर्मशालाको शिलान्यास

0

वीरगंज । पर्साकाे जगरनाथपुर गाउँपालिका वडा नं. ६ बहुवरीमा शनिबार धर्मशालाको शिलान्यास गरिएकाे छ । गाउँपालिकाकाे रु २५ लाखकाे लागतमा निर्माण हुने धर्मशालाकाे वडाध्यक्ष अयाेध्या प्रसाद कुर्मी शिलान्यास गरेका हुन् ।

शिलान्यास गरिएकाे धर्मशाला उपभाेक्ता समिति मार्फत निर्माण हुने वडाध्यक्ष कुर्मीले वताए । उनले धर्मशाला निर्माण भएपछि बहुअरी टाेल बासीकाे विवाह लगायतकाे कार्य गर्न सजिलाे हुने वताए ।

टाेलबासीकाे माग अनुसार नै चालु आ.व. २०७८/०७९ काे याेजना अन्तर्गत धर्मशाला निर्माण गर्न लागिएकाे वडाध्यक्ष कुर्मीले जानकारी गराए ।