वीरगंज । बिल विजक भन्दा बढी सामानहरु बाेकेकेा ट्रक प्रहरीले नियन्त्रणमा लिएर राजश्व अनुसन्धान कार्यालयमा बुझाएकाे छ ।
वीरगञ्ज महानगरपालिकाकाे वडा नं.२१ परवानीपुरचोकस्थित सडकखण्डबाट ना.६ ख ५२७३ नम्बरको मालवाहक ट्रकलाई नियन्त्रणमा लिएर बुझाइएकाे जिल्ला प्रहरी कार्यालय पर्साले जनाएकाे छ ।
बिल विजक भन्दा बढी बिभिन्न किसिमका हार्डवेयर तथा खुद्रा सामानहरू बोकेको सूचना प्राप्त भई जिल्ला प्रहरी कार्यालय पर्साबाट खटिएको टोलीले मिति बुधबार राति १२ बजेकाे समयमा परवानीपुरचोक स्थित सडकखण्डबाट मालवाहक ट्रक नियन्त्रणमा लिएकाे थियाे ।
ट्रकलाई रोकी जाँच गर्ने क्रममा विल बिजक शंकास्पद देखिएको तथा विल बिजक बिनाका विभिन्न किसिमका हार्डवेयर पार्टस समेत फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले वताए ।
उक्त ट्रक नियन्त्रणमा लिई रू. ७४ लाख ८७ हजार २ सय २३ मूल्याङ्कन गरी आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको प्रवक्ता कार्कीले जानकारी दिए ।
