Date
मङ्ल, मंसिर १, २०८३
Tue, November 17, 2026
Home Blog Page 642

सिमेन्ट उधोगीहरुको जायज मागलाई सम्बोधन गर्छु : वनमन्त्री यादव

0

वीरगंज । वन तथा वातावरणमन्त्री प्रदीप यादवले नेपालका सिमेन्ट उधोगीहरुको जायज मागलाई सम्बोधन गर्न आफू सकारात्मक रहेको बताएका छन् ।

बुधबार वन मन्त्रालय पुगेका नेपाल सिमेन्ट उत्पादक सङ्घका प्रतिनिधिहरुसँगको छलफल गर्ने क्रममा मन्त्री यादवले नेपालका सिमेन्ट उद्योगीलाई प्रोत्साहन गर्न उद्योगीहरुको जायज मागहलाई सम्बोधन गर्न आफू सकारात्मक रहेको बताए ।

उनेले भने “उद्योगीहरुलाई प्रोत्साहन गर्नु सरकारको दायित्व हो, तपाईँहरुलाई परेका समस्याहरुको समाधानका लागि वन मन्त्रालय सकारातमक छ । हामीबाट हुने कामहरु हामी गर्छौं र अन्य मन्त्रालयसँग पनि समन्वय र समाधानका लागि पहल गर्नेछौँ,” ।

भेटघाटका क्रममा सिमेन्ट उत्पादक सङ्घका अध्यक्ष धूर्वराज थापाले वन नियमावली २०७९ का केही प्रावधानहरुका कारण सिमेन्ट उद्योग सङ्कटमा परेको जानकारी गराएका थिए । थापाले प्रावधानहरु संसोधन नहुँदा नेपाली सिमेन्टको मूल्य बढेर जाने र अन्य मुलुकमा निर्यात गर्न नसकिने बताउँदै प्रावधानहरुलाई संसोधन गरेर नेपालको सिमेन्ट उद्योगलाई सङ्कटबाट बाहिर निकाल्न आग्रह गरे ।

उद्योगीहरुले उठाएको माग प्रति आफू गम्भीर भएको बताउँदै जायज मागलाई नियमावली संसोधन गरेर भएपनि सम्बोधन गर्ने आफू प्रतिवद्ध रहेको मन्त्री यादवले बताए । “म उद्योग बुझेको मान्छे हुँ । उहाँले उठाएको माग प्रति मेरो ध्यानाकर्षण भएको छ,” उनले भने, “त्यसमाथि यहाँहरुको उद्योगले नेपालको अर्थतन्त्रमा ठूलो योगदान पुर्‍याउने गरेको छ र पछिल्लो समय निर्यात गर्दै देशको व्यापार घाटालाईसमेत कम गर्न सहयोग गरिरहेको छ । यस्तो अवस्थामा नियमावली संसोधन गरेर भएपनि यहाँहरुको समस्या समाधान गर्छु,” उनले भने ।

मन्त्री यादवले नियमावलीमा रहेका बाधा व्यवधानहरुलाई आवश्यक संसोधन गर्नका लागि अध्ययन गर्न एउटा विज्ञहरुको टोली गठन गर्न निर्देशनसमेत दिए । टोलीले सात दिन भित्र उद्योगी, व्यवसायी र त्यस क्षेत्रका प्राविधिक जानकारहरुसँग छलफल गरी आवश्यक अध्ययन गरेर प्रतिवेदन प्रस्तुत गर्ने र सोही प्रतिवेदनको आधारमा नियमावलीका प्रावधानहरु सच्च्याएर उद्योगीहरुको जायज मागलाई पूरा गरिने उनका स्वकीय सचिव निखिल बरनवालले जानकारी दिए ।

उद्योगीहरुले वन नियमावलीमा बढाइएको चुनढुङ्गा रोयालटी रकम संसोधन गर्न, वातावरण शूलक लाग्ने व्यवस्था हटाउन लगायतका माग गरेका छन् ।

पर्साकाे एक नगरपालिका र ३ गाउँपालिकाले अझै पेश गरेनन् बजेट

0

वीरगंज । पर्साकाे कालिकामाई र धाेबिनी गाउँपालिकाकाे गाउँ सभा अझै हुन सकेकाे छैन् । गाउँ सभा नहुँदा आर्थिक बर्ष २०७९/०८० काे बजेट आउन सकेकाे छैन् । गाउँ सभाबाट बजेट पारित नहुँदा विकास निर्माणकाे काम अगाडी बढन सकेकाे छैन् । 

पर्सा कै पाेखरिया नगरपालिका र सखुवा प्रसाैनी गाउँपालिकाकाे सभा सम्पन्न भए पनि संघिय मामिला तथा सामान्य प्रशासन मन्त्रालयमा पेश गर्नु पर्ने बजेटकाे विवरण पेश भएकाे छैन् ।

मन्त्रालयका्े वेभसाइडमा अपलाेड भएकाे विवरण अनुसार अझै सम्म पर्साका एक महानगरपालिका, दुई नगरपालिका र ७ पालिकाले मात्र वजेटकाे विवरण पेश गरेका छन् । एक नगरपालिका र ३ गाउँपालिकाले बजेटकाे विवरण पेश गरेका छैनन् ।

वजेट पेश गर्नेमा वीरगंज महानगरपालिका, बहुदरमाई नगरपालिका र पर्सागढी नगरपालिका रहेका छन् ।

यसैगरी छिपहरमाई, जगरनाथपुर, पटेर्वा सुगाैली, पकहा मैनपुर, बिन्दवासिनी, ठाेरी र जिराभवानी गाउँपालिकाले पनि आर्थिक बर्ष २०७९/०८० काे बजेट विवरण पेश गरेकाे संघिय मामिला तथा समान्य प्रशासन मन्त्रालयकाे वेभसाइडमा देखिन्छ । 

यसैगरी दुई नगरपालिका र दुई गाउँपालिकाले बजेट विवरण पेश गरेका छैनन् । बारामा रहेकाे दुई उपमहानगरपालिका, ५ नगरपालिकाका मध्ये ५ नगरपालिका र ९ गाउँपालिकाका मध्ये ७ गाउँपालिकाले आर्थिक बर्ष २०७९/०८० काे बजेट विवरण पेश गरेकाे मन्त्रालयकाे वेभसाइडमा देखिन्छ ।

कलैया उपमहानगरपालिका, जितपुर-सिमरा उपमहानगरपालिका, काेल्हवी नगरपालिका, निजगढ नगरपालिका र सिम्राैनगढ नगरपालिकाले बजेट विवरण पेश गरेकाे छ भने महागढीमाई नगरपालिका र पचराैता नगरपालिकाले बजेट विवरण पेश गरेका छैनन् ।

यसैगरी बाराकाे करैयामाई, देवताल, परवानीपुर, फेटा, बारागढी, सुर्वण र बिश्रामपुर गाउँपालिकाले बजेट विवरण पेश गरिसकेकाे छ भने प्रसाैनी र आदर्शकाेतवाल गाउँपालिकाले मन्त्रालयमा अझै सम्म बजेट विवरण पेश गरेका छैनन् ।

नयाँ आर्थिक समान्तकाे एक महिना सक्दा पनि कहीं गाउँ सभा नहुँदा बजेट पारित हुन सकेकाे छैन् भने कहिँ बजेट गाउँ सभाबाट बजेट पारित भएपनि बजेट सुत्रमा एन्ट्री नहुँदा विकास निर्माणकाे काम अगाडी बढन सकेका छैनन् ।

जगरनाथपुरको वडा नं. २ र ३ मा माओवादीकाे कमिटि गठन

0

वीरगंज । पर्साकाे जगरनाथपुर गाउँपालिकाकाे वडा नं. २ र ३ मा नेकपा (माओवादी केन्द्र) काे वडा कमिटी गठन भएकाे छ । वडा नं. २ दसाैतामा भएकाे कार्यक्रममा जनता समाजवादी पार्टी (जसपा) वडा समितिका १०५ जनाले माओवादी केन्द्रमा प्रवेश गरेकाे वताइएकाे छ ।

पार्टी प्रवेशपछि छोटेलाल महतो केवटको अध्यक्षतामा ३१ सदस्यीय माओवादीकाे वडा इकाई कमिटी गठन गरिएको नेकपा माओवादी केन्द्रका मधेस प्रदेश समिति सदस्य सलाउद्दीन अहमदले जानकारी दिए ।

त्यस्तै जगरनाथपुर गाउँपालिका कै वडा नं. ३ मा अमिरुल हसनको अध्यक्षतामा ५७ सदस्यीय माओवादीकाे वडा कमिटी गठन भएकाे उनले वताए । त्यस अघि वडा नं. ३ मा पनि जसपा परित्याग गरि २०० जनाले माओवादी केन्द्रमा प्रवेश गरेकाे नेता अहमदले वताए ।

माओवादी केन्द्रका केन्द्रिय सदस्यद्वय बिरेन्द्र प्रसाद यादव, टेक बहादुर शाक्य, प्रदेश समिति सदस्य सलाउद्दीन अहमद, स्थानीय नेता कृष्णमोहन प्रसाद यादवको विशेष उपस्थितिमा पार्टी प्रवेश तथा कमिटि गठन कार्यक्रम भएकाे थियाे ।

कार्यक्रममा बोल्दै नेताहरुले वर्तमान परिवेशमा नेकपा माओवादी केन्द्र बाहेक अरु पार्टीले देशको विकास गर्न नसक्ने बताएका छन् । माओवादी केन्द्रले बर्षौदेखिको उत्पीडत गरिब, सीमान्तकृत, पिछडिएका समुदायलाई राजनीतिक चेतना स्तरको विकास गरेकै कारण अहिले सबैमा राजनीतिक चेतनाको विकास भएको तर मधेस आन्दोलनपछि मधेसमा मधेसी दलहरुमा राजनीतिक अराजकता बढेको वक्ताहरुकाे भनाई थियाे ।

वप्रका श्रीपुरद्वारा १८ जना फरार प्रतिवादी पक्राउ

0

वीरगंज । वडा प्रहरी कार्यालय श्रीपुरले १८ जना फरार प्रतिवादीलाई पक्राउ गरेको छ । वडा प्रहरी कार्यालय श्रीपुरको विशेष टोलीले अदालतबाट विभिन्न मुद्दामा फैसला पाएर लामो समयदेखि फरार रहेका १८ जना प्रतिवादीलाई विभिन्न स्थानबाट पक्राउ गरेको हो । 

पक्राउ पर्नेमा वीरगंज महानगरपालिकाकाे वडा नं. २० निवासी ५० वर्षीय अमनी पैठानीन, सोही ठाउँका ५८ वर्षीय जैतुनेसा पठानीन, ६० वर्षीय बिगा खाँ पैठान, ६४ वर्षीय कासिम महमद खाँ पैठान, ५५ वर्षीय देव बहादुर प्रसाद यादव, ५२ वर्षीय शेषनाथ बरै, ७३ वर्षीय ठग राउत बरै र सोही ठाउँका रामराज प्रसाद चौरसिया रहेका छन् । 

यस्तै वीरगञ्ज महानगरपालिका वडा नं. १४ पिपराका ५० वर्षीय पुष्पराज पटेल भन्ने पुष्पराज प्रसाद कुर्मी, ३४ वर्षीय जितेन्द्र प्रसाद कुर्मी, वडा नम्बर २८ बगहीका ७० वर्षीय लक्ष्मण ठाकुर लोहार, ६७ वर्षीय सिताराम ठाकुर लोहार, ६४ वर्षीय शंकर ठाकुर लोहारलाई पनि प्रहरीले पक्राउ गरेकाे छ । 

यस्तै वीरगंज महानरपालिकाकाे वडा नम्बर २८ बगही कै ४६ वर्षीय गोपाद प्रसाद सोनार, वडा नम्बर २० हरपतगञ्जका ७० वर्षीय पन्नालाल साह कलवार, सोही ठाउँका ६५ वर्षीय किशोरी साह कलवार र वडा नम्बर २७ उदयपुरघुर्मीका ५० वर्षीय छोटी यादवलाई पनि पक्राउ गरिएकाे वप्रका श्रीपुरले जनाएकाे छ । 

पक्राउ पर्नेमा कुटपिट सम्बन्धी मुद्दाका ७ जना, जालसाजी सम्बन्धी मुद्दाका ६ जना, काठ चोरी सम्बन्धी मुद्दाका ३ जना र चेक अनादर सम्बन्धी मुद्दाका २ जना रहेका छन् । पक्राउ परेका सबै जनालाई पर्सा जिल्ला अदालतमा फैसला कार्यन्वयनका लागि दाखिला गरिएको वप्रका श्रीपुरका प्रहरी निरीक्षक डिल्लीराज सापकोटाले जानकारी दिए । 

सुवोध स्मृति पुरस्कारबाट पत्रकार देवकोटा पुरस्कृत

0

वीरगंज । प्रतीक प्रकाशन समूहले स्थापना गरेको सुवोध स्मृति पत्रकारिता पुरस्कारबाट सामुदायिक रेडियो नारायणी एफएमका कार्यकारी अध्यक्ष गोविन्द देवकोटा पुरस्कृत भएका छन् ।

वीरगंजबाट प्रकाशन हुँदै आएको प्रतीक दैनिक पत्रिकाको ३६ औं बार्षिक उत्सवको अवसरमा बुधबार आयोजित कार्यक्रममा उक्त पुुरस्कार देवकोटालाइ प्रदान गरिएको हो । कार्यक्रमका प्रमुख अतिथी प्राध्यापक वासुदेलाल दासले ५१  हजार रुपैया नगद राशीको उक्त पुरस्कार देवकोटालाइ प्रदाद गरेका थिए ।

वीरगंजका फोटो पत्रकार स्वर्गीय सुबोध सिंहको स्मृतिमा प्रतीक प्रकाशन समुहले स्थापना गरेको उक्त पुरस्कार हरेक वर्ष एक जना पत्रकारलाइ प्रदान गरिदै आएको छ ।

यस्तै प्रतीक दैनिकको उत्कृष्ट संवाददाताकाे रुपमा पत्रकार रोधश्याम पटेल, उत्कृष्ट कर्मचारीको रुपमा मोहन दास तत्वा र स्तम्भकार विश्वराज अधिकारीलाई पनि नगद र कदरपत्र सहित सम्मानित गरिएको छ ।

प्रतीक प्रकाशन समूहकी अध्यक्ष विन्दु शर्माको अध्यक्षतामा भएको कार्यक्रममा पर्साका प्रमुख जिल्ला अधिकारी उमेश कुमार ढकाल, सहायक प्रमुख जिल्ला अधिकारी भीमकान्त पौडेल, वीरगंज उद्योग वाणिज्य संघका अध्यक्ष सुवोध गुप्ता, नेपाल पत्रकार महासंघका केन्द्रीय सदस्य केसी लामिछाने, मधेस प्रदेश महासचिव श्याम बन्जारा, प्रतीक दैनिकका प्रधान सम्पादक जगदीश प्रसाद शर्मा लगायतले शुभकामना मन्तव्य राखेका थिए ।

‘टाइगर ३’ टिजर : दमदार एक्शनमा देखिए सलमान र कट्रिना

0

अभिनेता सलमान खान र अभिनेत्री कट्रिना कैफ अभिनित ‘टाइगर ३’ प्रतिक्षित सुचिमा रहेको फिल्म हो । अघिल्ला दुई सिक्वेलले राम्रो व्यवसाय गरेको कारण पनि ‘टाइगर ३’ प्रति दर्शकको विषेश चासो छ ।

केही अगाडि फिल्म अर्काे वबर्ष प्रदर्शनमा आउने बताइएको थियो । अहिले भने निर्माण युनिटले फिल्मको एक टीजर सार्वजनिक गर्दै फिल्म नयाँ वर्षको २१ अप्रिलमा रिलिज गर्ने बताएको छ ।

टिजरमा सलमान र कट्रिना दमदार एक्शनका साथ देखिएका छन् । टिजर हेरेर फिल्म भरपुर एक्सनले भरिएको हुनसक्ने अनुमान गर्न सकिन्छ । फिल्मको टिजर र रिलिज मिति अभिनेत्री कट्रिनाले आफ्नो सामाजिक संजालमा पनि शेयर गरेकी छन् ।

उनले लेखेकी छन् ‘टाइगर र जोयाको यात्राको एक दशक । यो सफर ‘टाइगर ३’ २०२३ को इदमा रिलिज । फिल्म हिंदी, तमिल र तेल्गुमा रिलिज हुनेछ ।

नेकपा एस पर्सा क्षेत्र नं. २ समन्वय कमिटीको बैठक सम्पन्न

0

वीरगंज । नेकपा (एकीकृत समाजबादी) पर्सा निर्वाचन क्षेत्र नं. २ समन्वय कमिटीको बैठक मंगलबार सम्पन्न भएको छ । वीरगंज महानगरपालिकाकाे वडा नं. २७ कुहडिमा सम्पन्न बैठकले संघीय निर्वाचन क्षेत्र नं. २ अन्तर्गतको प्रदेश निर्वाचन क्षेत्रहरुको बैठक तय गरेको छ ।

क्षेत्रीय समन्वय कमिटीको संयोजक बृजलाल पासवानको अध्यक्षतामा बसेको बैठकले सो क्षेत्र अन्तर्गतका बाकी रहेका वडाहरुकाे कमिटी गठन र भएका कमिटीहरुको पुन:गठन गर्ने निर्णय गर्नुको साथै भदौ ७ गते भित्रमा क्षेत्र भरिका नयाँ र पुराना सदस्यहरुको सदस्यता नवीकरण गरि सक्ने निर्णय गरेको छ ।

बैठकले मंसिर ४ गते हुने संघ र प्रदेशको निर्वाचन केन्द्रित अभियान संचालन गर्ने निर्णय समेत गरेको छ ।

उक्त बैठकमा पार्टीको जिल्ला इन्चार्ज रामचन्द्र साह, जिल्ला अध्यक्ष बालगोपाल थापा, उपाध्यक्ष गंगा खड्का, पार्टीका केन्द्रिय सल्लाहकार समिति सदस्य प्रभु पासवान, प्रदेश कमिटी सदस्य रामेश्वर मण्डल लगायतको उपस्तिथि रहेको थियो ।

रोट्रयाक्ट क्लव अफ वीरगंज मेट्रोपोलिसको छैठौं पद हस्तान्तरण

0

वीरगंज । रोट्रयाक्ट क्लव अफ वीरगंज मेट्रोपोलिसको छैठौं पद हस्तान्तरण तथा धन्यवाद ज्ञापन कार्यक्रम सम्पन्न भएको छ । वीरगंजस्थित भिस्वा हाेटलमा भएकाे कार्यक्रममा सन् २०२१/०२२ का अध्यक्ष आलोक रंजन कर्णले २०२२/०२३ का अध्यक्ष रबिन श्रेष्ठलाई पद हस्तान्तरण गरेका थिए ।

कार्यक्रममा सन् २०२२/०२३ का डिस्ट्रिक्ट रोट्रयाक्ट रिप्रिजेन्टेटिभ लक्षमण खरेलले अध्यक्ष श्रेष्ठलाई रोट्रयाक्ट अध्यक्ष कोलार लगाएर क्लबको चार्टर सर्टिफिकेट तथा ग्यावल हस्तान्तरण गरेका थिए । कार्यक्रमका प्रमुख अतिथी समेत रहेका खरेलले अध्यक्ष श्रेष्ठलाई र अध्यक्ष श्रेष्ठले रोट्रयाक्टका बोर्ड पदाधिकारीलाई सपथ ग्रहण गराए ।

पद ग्रहण गर्दै अध्यक्ष श्रेष्ठले आफ्नो कार्यकालमा हुने कार्य योजनाको बारेमा प्रकाश पारेका थिए । कार्यक्रममा वर्ष २०२१/०२२ का अध्यक्ष आलोक रंजन कर्णले आफ्नो कार्यकालमा भए गरेका कार्य प्रगति प्रतिवेदन सँगै विभिन्न क्षेत्रबाट सहयोग गर्ने सबैमा धन्यवाद व्यक्त गरेका थिए ।

कार्यक्रम मै क्लवलाई विभिन्न क्षेत्रबाट सहयोग पुर्याउनेलाई सम्मान गर्नुका साथै क्लवका पदाधिकारी, सदस्यलाई समेत सम्मान गरिएकाे थियाे ।

सो अवसरमा बोल्दै प्रमुख अतिथि डिआरआर लक्षमण खरेलले रोट्रयाक्ट क्लव अफ वीरगंज मेट्रोपोलिसले यस क्षेत्रमा हरणीय कार्यहरु गरेको बताए । उनले यस क्लवले डिस्ट्रिक्टमा छुट्टै छाप बनाएको बताउँदै आगामी दिनमा पनि सोही बमोजिमका कार्यक्रमलाई निरन्तरता दिन आग्रह गरे ।

कार्यक्रम रबिन श्रेष्ठको अध्यक्षतामा भएकाे कार्यक्रममा रोटरी क्लव अफ वीरगंज मेट्रोपोलिसका प्रेसिडेन्ट इलेक्ट अनिल जयसवाल, वीरगंज पब्लिक कलेजका काेर्डिनेटर अरविन्द श्रेष्ठ, श्रीष्ठी त्रिपाठी, आयुष गुप्ता, ओम श्रेष्ठ, जोन ३ का जेडआरआर संदिप ओझा लगायत रोट्रयाक्ट एवम् सामाजिक संघ/संस्थामा आबद्ध प्रमुख तथा प्रतिनिधीको सहभागिता रहेकाे थियो ।

मन्त्रालयका काम कारवाही थप प्रभावकारी बनाउँछु : वन मन्त्री यादव

0

वीरगंज । वन तथा वातावरण मन्त्री प्रदीप यादवले मन्त्रालयले गर्दै आएका विकासका काम कारवाहीलाई थप प्रभावकारी बनाइने बताएका छन् ।

मन्त्रालयद्धारा मंगलबार आयोजना गरिएको संघियतामा वन तथा वातावरण : समस्या र समाधानका उपायहरु सम्बन्धी बैठकमा आफ्ना भनाई राख्दै मन्त्री यादवले मन्त्रालयद्वारा गरिँदै आएका विकास निर्माणका कामहरुलाई थप प्रभावकारी बनाउँदै देशको अर्थतन्त्रमा योगदान पुर्‍याइने खालका काम र योजनाहरु अघि सारीने बताएका हुन् ।

उनले भने, “वन तथा वातावरण मन्त्रालयको काम कारवाहीलाई थप प्रभावकारी बनाउँदै देशको अर्थतन्त्रमा योगदान पुर्‍याउने खालका योजनाहरु अघि सारीने छ, स्वदेशको काठ उत्पादनलाई बढाउने र विदेशी काठ आयातलाई प्रतिस्थापन गरिने छ ।”

आगामी तिन वर्षभित्र नेपालमा काठ आयातलाई पूर्णरुपले अन्त्य गर्ने हिसाबले काम अगाडि बढाउँन मन्त्री यादवले कर्मचारीहरुलाई निर्देशन पनि दिए । त्यसकासाथै उनले नेपाल सरकारका मन्त्रालय र मातहातका निकायहरुमा समेत नेपालका वन जङ्गलको काठ प्रयोग गर्न प्रोत्साहन गर्नुपर्नेमा जोड दिए ।

यसैगरी मन्त्री यादवले सात वटै प्रदेशका मन्त्रालयहरुसँग समन्वय गरेर समग्रमा वन, जङ्गल र वन्यजन्तुको संरक्षण तथा प्रवद्धन गर्न, मानव र वन्यजन्तुका विच हुने द्वन्द्वलाई सधैका लागि अन्त्य गर्न आवश्यक समाधान खोजिने जानकारी दिए ।

यादवले मन्त्रालयमा भएका विभिन्न कानूनी अड्चनहरुको निक्र्योल निकाल्न र मुख्यतः यस क्षेत्रमा लामो समयदेखि काम गरिरहनु भएका कर्मचारीहरुसँग उनीहरुका अनुभव साझा गर्दै आगामी दिनको कार्यदिशा तय गरिने बताए । उनले कार्यक्रममा आएका कुराहरुको सुझावहरुलाई आफुले गम्भीरतापूर्वक लिई कार्यान्वयमा ल्याइने जानकारी गराए ।

कार्यक्रममा मन्त्रालयका सचिव डा. पेम नारायण कँडेल, सात वटै प्रदेशबाट सम्बन्धित मन्त्रालयका सचिव र कर्मचारी, मन्त्रालय मातहातमा रहेका विभिन्न महाशाखा र विभागका कर्मचारीहरुको सहभागिता थियो ।