Date
मङ्ल, मंसिर १, २०८३
Tue, November 17, 2026
Home Blog Page 640

तस्करीकाे सामानसहित ट्रक प्रहरीले नियन्त्रणमा लिएर राअका बुझायाे

0

वीरगंज । बिल बिजक भन्दा बढी सामानहरू लोड रहेकाे ट्रक प्रहरीले नियन्त्रणमा लिएर राजश्व अनुसन्धान कार्यालयमा बुझाएकाे छ । जिल्ला प्रहरी कार्यालय पर्साबाट खटिएको विशेष टोलीले वीरगंजकाे घण्टाघरबाट ना.६ ख ३५१६ नम्बरको मालवाहक ट्रक नियन्त्रणमा लिएकाे हाे ।

बिल विजक भन्दा बढी बिभिन्न किसिमका मेडिकल सामाग्री तथा खुद्रा सामानहरू बोकेको सूचना प्राप्त भई खटिएकाे टाेलीले भदाै ३ गते शुक्रबार राति १०:४५ बजे वीरगंज महानगरपालिकाकाे वडा नं.८ घण्टाघर चोकस्थित सडकखण्डमा ट्रक नियन्त्रणमा लिएकाे जिल्ला प्रहरी कार्यालय पर्साले जनाएकाे छ । 

ट्रकलाई रोकी जाँच गर्ने क्रममा विल बिजक शंकास्पद देखिएको तथा विल बिजक बिनाका विभिन्न किसिमका मेडिकल सामाग्री तथा खुद्रा सामानहरू समेत फेला परेको जि्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

त्यसपछि उक्त ट्रक नियन्त्रणमा लिई रू. ३६ लाख  ६० हजार मूल्याङ्कन गरी आवश्यक कारवाहीको लागि आइतबार राजश्व अनुसन्धान कार्यालय पथलैया, बारामा बुझाइएको प्रवक्ता गिरीले जानकारी दिए ।

दलित नेटवर्कको स्थापना दिवश सप्ताह ब्यापी कार्यक्रम गरी मनाइदै

0

वीरगंज । दलित अधिकार, भूमि अधिकार र मानव अधिकारका क्षेत्रमा क्रियाशिल राष्ट्रिय दलित नेटवर्कको २२ औ स्थापना दिवस सप्ताह ब्यापी कार्यक्रमकाे जारी रहेकाे छ । २०७९ श्रावण ३२ देखि भाद्र ०६ गते सम्म दलित अधिकार सप्ताह २०७९ आयाेजना गरी दिवस मनाउन थालिएकाे हाे ।

दलित अधिकार सप्ताह अन्तर्गत श्रावण ३१ गते हयाविटयाट फर हुमनिटी नेपालका राष्ट्रिय निर्देशक एलिजा स्थापीतकाे बिशेष सहभागितमा बेदकोट नगरपालिका वडा नं. ५ धरमपुरमा निर्माणधीन सुरक्षित आवाशको अनुगमन भई भाद्र १ गते कैलारी गाऊँपालिका ८ बिपतपुरमा स्थानिय सरकार, सरोकारवाला र मुक्त कमैयाका बिचमा सुरक्षित आवास सम्बन्धी अन्तरक्रिया कार्यक्रम भएको थियो ।

त्यसैगरी भाद्र २ गते कैलाली जिल्लाको घोडाघोडी नगरपालिका प्रमुख खडक रावत ज्यूसंग सुरक्षित आवाश सम्बन्धी छलफल भएको थियो । भाद्र ३ गते शुक्लाफाँटा नगरपालिका ८ फुलेलीमा हलिया अधिकार मंचका अध्यक्ष धन बहादुर लुहारकाे उपस्थितीमा सुरक्षित आवाश सम्बन्धी अन्तरक्रिया कार्यक्रम आयोजना गरिएको थियो ।

भाद्र ४ गते राष्ट्रिय दलित नेटवर्कको कार्यक्षेत्रमा कार्यरत सम्पुर्ण कर्मचारी र अभियान्ता बिचमा समन्वय सहकार्य गरियो ।

त्यसैगरी भाद्र ५ गते आगामी निर्वाचन र दलित सहभागिता सम्बन्धमा राजनितीक दलका दलित जनवर्गिय संगठन, संभावित उम्मेदार र दलित एक्टिीभीष्टका बिचमा धनगढीमा अन्तरक्रिया कार्यक्रम आयोजना गरि भाद्र ६ गते राष्ट्रिय दलित नेटवर्कको सहयोग, दलित बिकास मंच सिराहासंगको सहकार्य र जिल्ला हरवाचरवा अधिकार मंच सिराहाको आयोजनामा सिराहाको गोलबजारमा हरवाचरवा मुक्तिको सन्दर्भ र पुनस्र्थापनाको सवाल बिषयक १ दिने अन्तरक्रिया कार्यक्रम आयोजना गरिने छ ।

सोही दिन राष्ट्रिय दलित नेटवर्कका केन्द्रीय अध्यक्ष गणेश बिश्वकर्माद्वारा बिशेष प्रेश बिज्ञप्ती जारी गरिने राष्ट्रिय दलित नेटवर्कका कार्यकारी निर्देशक हुकुम ब. सार्कीले बताए ।

राष्ट्रिय दलित नेटवर्क नेपाल मुलुकमा दलितअधिकारका लागि चलेका विभिन्न आन्दोलनहरुको एकीकृत आन्दोलन, धेरै लक्ष्यहरुको एउटै लक्ष्य, धेरै योजनाहरुको एउटै योजना, धेरै नीति तथा कार्यक्रमहरुको एउटै नीति तथा कार्यक्रम, धेरै संगठनात्मक स्वरुपहरुको एउटै संगठन, धेरै अवधारणाहरुको साझा अवधारणा र साझा भावनाकासाथ एकीकृत आन्दोलनका रुपमा स्थापीत मानव अधिकारमुखी पद्धतिमा विश्वास राख्ने दलित एक्टिीभिष्टमा आधारित राष्ट्रियस्तरको नागरिक जनसंगठन हो ।

नेपाली दलित समुदायका राजनीतिक, आर्थिक र सामाजिक/सांस्कृतिक समस्याहरुको एकीकृत रुपमा समाधान गर्न सृजनात्मक दवाव दिने उद्देश्यले वि.स. २०५७ भाद्र ६ गतेका दिन यसको स्थापना भएको थियो । स्थापनाका २२ वर्ष अर्थात आजको दिनसम्म आइपुग्दा यो संगठन देशका ७७ वटै जिल्लाहरु, ७ वटै प्रदेश र केन्द्रीयस्तरमा तथा एशियाली दलित अधिकार मन्च लगायतका एलाइन्स तथा संगठनहरुसंग आवद्धता हासिल गर्न सफल भएकाे वताइएकाे छ ।

राष्ट्रिय दलित नेटवर्क नेपालले दलित एक्टीभिष्टमा आधारित जनसंगठनको हैसियतमा स्थापनाको पहिलो चरणमा सुदूर तथा मध्यपश्चिमको जर्जर जातीय छुवाछूत र विभेदका विरुद्ध मानव अधिकारमुखी अभियान संचालन गर्दै त्यस क्षेत्रका मुद्दाहरुको राष्ट्रियकरण गर्ने साहसिक काम गरेकाे जनाइएकाे छ ।

जगरनाथपुर ४ सुपुरमा माओवादी केन्द्रकाे कमिटी गठन

0

वीरगंज । पर्साकाे जगरनाथपुर गाउँपालिका वडा नम्बर–४ सुपुरमा नेकपा (माओवादी केन्द्र) काे पार्टी प्रवेश तथा वडा कमिटी गठन कार्यक्रम सम्पन्न भएको छ । शनिबार भएको कार्यक्रममा वडा कमिटी, वाइसियलकाे वडा स्तरिय कमिटी र किशान संगठन गठन भएकाे माओवादी केन्द्रका प्रदेश सदस्य सलाउद्दीन अहमदले जानकारी दिए ।

जितेन्द्र चौधरीको अध्यक्षता ३१ सदस्यीय वडा कमिटी, अमलेश कुमार यादवको अध्यक्षतामा २५ सदस्यीय वाइसियल वडा समिति र जितन ठाकुरको अध्यक्षतामा २५ सदस्यीय किसान सङ्गठ्न गठन गरिएको प्रदेश सदस्य अहमदले जानकारी गराए ।

माओवादी केन्द्रका केन्द्रिय सदस्यद्वय बिरेन्द्र प्रसाद यादव, टेक बहादुर शाक्य, प्रदेश सदस्य सलाउद्दीन अहमद, कृष्णमोहन प्रसाद यादव, नेता सरिफ गद्दी, दिपेन्द्र चौधरी लगायतकाे बिशेष उपस्थितीमा कमिटी गठन भएकाे हाे ।

त्यसअघि कार्यक्रममा जसपा परित्याग गरि वडा समितिका १५० जना स्थानिय नेता तथा कार्यकर्ताहरु माओवादी केन्द्रमा प्रवेश गरेकाे जनाइएकाे छ ।

प्रदेश सभा सदस्य गिरी एमाले प्रबेश

0

वीरगंज । प्रदेश सभा सदस्य प्रहलाद गिरी नेकपा एमालेमा प्रवेश गरेका छन । लोकतान्त्रिक समाजवादी पार्टी (लोसपा) मा रहेका  प्रदेश सभा सदस्य गिरी शनिबार काठमाडौंमा एमालेमा प्रवेश गरेका हुन ।

उनलाई पार्टीका अध्यक्ष एवं पूर्व प्रधानमन्त्री केपी शर्मा ओलीले अबिरकाे टिका र माला लगाई पार्टीमा प्रवेश गराएका थिए । गिरी संगै युवा नेता अरुण यादव, सुजित गिरी लगायत दर्जन भन्दा बढि नेता कार्यकर्ताहरु एमाले प्रवेश गरेकाे वताइएकाे छ । नेताहरुलाई एमालेका अध्यक्ष केपी शर्मा ओलीले अबिर टिका एवं फुलमाला लगाई पार्टीमा स्वागत गरेका थिए ।

गिरी तत्कालिन संघिय समाजवादी फाेरम नेपालबाट पर्सा निर्वाचन क्षेत्र नम्बर ३ काे (ख) मा निर्वाचित भएका थिए । त्यसपछि राजपा र संघिय समाजवादी पार्टी मिलेर बन्नेकाे जसपामा थिए । जसपा विभाजन भएपछि गिरी लोसपा लागेका थिए । अगामी मंसिर ४ गते हुने निर्वाचनमा प्रदेश सभा सदस्य मै अब एमालेबाट लडने गिरीकाे तयारी छ ।

काठमाडाैस्थित ओली निवासमा भएकाे पार्टी प्रबेश कार्यक्रममा पोखरीया नगरपालिकाका मेयर प्रद्युमन चौहान, नेकपा एमाले वीरगंज महानगरका सचिव सुन्दर कुर्मी, युवा नेता शिवजी गुप्ता लगायतको उपस्थिती रहेको थियो ।

कांग्रेस नेता प्रदीप गिरिको निधन

0

काठमाडौँ । नेपाली कांग्रेसका नेता तथा सांसद प्रदीप गिरिको निधन भएको छ।

७५ वर्षका नेता गिरिको उपचारको क्रममा ललितपुरको नख्खु स्थित मेडिसिटी अस्पतालमा शनिबार राति ९ः३६ मा निधन भएको अस्पताल स्रोतले जनाएको छ।

उनको विगत तीन सातादेखि मेडिसिटीमा उपचार हुँदै आएको थियो । परिवारको आग्रहमा शुक्रबार उनलाई भेन्टिलेटरबाट निकालेर आइसियूमा राखिएको थियो ।

वीरगंजबाट लागु औषध गाँजासहितको ट्याङ्कर र चालक पक्राउ

0

वीरगंज । पर्सा प्रहरीले तेल ट्याङ्करमा लागु औषध गाँजा बरामद गरेकाे छ । जिल्ला प्रहरी कार्यालयबाट खटिएको विशेष टोलीले वीरगंज महानगरपालिकाकाे वडा नं.२१ परवानीपुरबाट डब्लुबि ११ ई ९०३३ नम्बरकाे भारतिय ट्याङ्करबाट १७२ के.जी. लागु औषध गाँजा बरामद गरेकाे हाे ।

शनिबार विहा ०२:०० बजे वीरगञ्ज महानगरपालिका वडा नं.२१ परवानीपुरको बाटो हुँदै लागु औषध गाँजा ओसार पसार कार्य भैरहेको भन्ने प्राप्त सूचनाको अधारमा खटिएको टोलीलेवडा परवानीपुर सडकखण्डमा ट्याङ्करलाई रोकी जाँच गर्दा उक्त ट्याङ्करको तेल हाल्ने तेस्रो ट्याङ्की भित्र लुकाइछिपाइ राखेको अवस्थामा सानो ठुलो गरी ४६ पोका लागु औषध गाँजा फेला परेको जिल्ला प्रहरी कार्यालय पर्साले जनाएकाे छ ।

भारतकाे उत्तर प्रदेश जिल्ला गाजीपुर ग्राम सिहोरी वरठी निवासी वर्ष ३९ को ट्याङ्कर चालक लाल विहारी यादवलाई समेत पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । उनलाई कानून बमोजिम नियन्त्रणमा लिई अवैध लागु औषध गाँजा र गाँजा बोक्ने प्रयोग भएको उल्लेखित नम्बरको ट्याङ्कर समेत बरामद गरी थप अनुसन्धान भइरहेकाे प्रवक्ता गिरीले जानकारी दिए ।

आफु जिते पनि, हारे पनि जनताकाे सेवा गरिरहन्छु : नेता रिजाल

0

वीरगंज । पर्साकाे कालिकामाई गाउँपालिका वडा नं. ३ हरिहरपुर विर्तामा शनिबार नेपाली काङ्ग्रेसकाे पार्टी प्रवेश कार्यक्रम सम्पन्न भएकाे छ ।

वडा समितिकाे आयाेजनामा भएकाे कार्यक्रममा गत स्थानिय तहकाे निर्वाचनमा नेकपा एमालेबाट वडाध्यक्षकाे उम्मेदवार भएका राजेश प्रसाद कुर्मीको नेतृत्वमा १३३ जना, जसपा जिल्ला सदस्य तबरेज आलमको नेतृत्वमा ६४ जना र सुशासन पार्टीका जाकिर मियाँको नेतृत्वमा २३ जन्ना गरी २२० जना  काङ्ग्रेसमा प्रवेश गरेकाे कांग्रेस पर्सा क्षेत्र नं. ४ का सचिव बलिष्टर अहमदले जानकारी दिए ।

कार्यक्रमा प्रमुख अतिथि नेपाली कांग्रेसका केन्द्रिय सदस्य रमेश रिजालले आफु जनताकाे सेवक भएकाे वताए । उनले आफु निर्वाचन हारे पनि जिते पनि सधै जनताकाे सेवा गरिरहने वताए । 

वडा समितिका सभापति रामशिष प्रसाद चाैरसियाकाे सभापतित्वमा भएकाे कार्यक्रममा भएकाे कांग्रेममा पार्टीका केन्द्रिय सदस्य अजय कुमार चौरासीया, जिल्ला सभापति जनार्दन सिंह क्षेत्री, मधेश प्रदेशका महामन्त्री बृहस्पति कृष्ण श्रेष्ठ, जिल्ला सह सचीव नवीन सिंह, जिल्ला पार्टीका प्रवक्ता रमेश पाण्डे, क्षेत्रीय सभापति तथा जगरनाथपुर गाउँपालिकाका अध्यक्ष श्रीकान्त प्रसाद यादव लगायतका नेता तथा कार्यकर्ताले मन्तव्य राखेका थिए ।

खेलकुद महासंघ समाजवादी पर्साकाे जिल्ला कमिटी गठन

0

वीरगंज । नेकपा एकीकृत समाजवादी निकट नेपाल खेलकुद महासंघ समाजवादीकाे पर्सा जिल्ला कमिटी गठन भएको छ ।  वीरगंजकाे घडिअर्वा पोखरीस्थित कबाड हलमा शनिबार भएकाे एक भेलाले बिशेश्वर पटेलकाे अध्यक्षतामा २१ सदस्यीय कमिटी गठन गरेकाे हाे ।

जुन समितिकाे उपाध्यक्षमा रामजन्म राउत, प्रेमदर प्रसाद थारु, सचिव उपेन्द्र पटेल, सह सचिव मनिषा चौधरी, कोषाध्यक्ष जय शंकर यादव, सदस्यहरुमा रितिका कुमारी, यसिका चौधारी, बबिता कुमारी, अजय दास, अवधकिश्वर पासवान, दीपक गुप्ता, अफ़जल अंसारी, खुसी आलम अंसारी, चन्दन महतो, संस्कार कुमार, रोहित साह, अभिषेक दास, रवि पटेल लगायतका चयन भएका छन् ।

आकाश पटेलकाे अध्यक्षतामा र नेकपा (एकीकृत समाजवादी) पर्साका अध्यक्ष बाल गोपाल थापाकाे प्रमुख आतिथ्यतामा भएकाे भेलामा युवा संघ नेपालका केन्द्रीय सचिवालय सदस्य अनिल पटेल, खेलकुद महासंघ समाजवादीका आकाश पटेल, जय शंकर यादव लगायतकाले मन्तव्य राखेका थिए ।

बगहीमा कांग्रेसकाे वडा स्तरिय भेला सम्पन्न, राजेशवर साहलाई नै टिक दिन्न माग

0

वीरगंज । पर्सा निर्वाचन क्षेत्र नं. २ काे (क) मा पर्ने वीरगंज महानगरपालिकाकाे वडा नं. २८ बगहीमा शनिबार नेपाली कांग्रेसकाे वडा स्तरिय भेला सम्पन्न भएकाे छ । वडा समितिका सभापति जाेगिन्द्र महताेकाे अध्यक्षतामा भएकाे भेलाले मंसिर ४ गते हुने निर्वाचनमा प्रदेश सभा सदस्यमा पुन: राजेश्वर साहलाई उम्मेदवार बनाउन पार्टीसंग माग गर्ने निर्णय गरेकाे छ ।

भेलामा सहभागिहरुले प्रदेश सभा सदस्य राजेशवर साहले आफ्नाे कार्यकालमा राम्राे काम गरेकाे निष्कर्ष निकाल्दै अगामी प्रदेश सभाकाे निर्वाचनमा पुन: उनलाई नै टिकट दिनु पर्ने वताएका छन् । गठबन्धनबाट पार्टीले चुनाव लडेपनि यस क्षेत्रकाे प्रदेश सभामा कांग्रेसकाे उम्मेदवार विजयी भएका कारण कांग्रेस कै भागमा पाउनु पर्ने उनीहरुकाे भनाई छ ।

पार्टीका केही नेताहरुले जितेकाे प्रदेश सभा जसपाकाे भागमा दिएर अक्राे प्रदेश सभा आफ्नाे भागमा लिने चलखेल गरिरहेकाे आफुहरुले सुनिरहेका कारण त्यसाे नगर्न पार्टीका नेताहरुलाई आग्रह गर्ने र त्यस पश्चात पनि त्यसाे गरेकाे खण्डमा बिद्राेह गर्ने चेतावनी समेत दिएका छन् ।

स्थानिय तह निर्वाचन २०७९ मा समेत सांसद एवम् नेता साहकाे कारण नै पार्टीका उम्मेदवार वडामा विजयी भएकाे भेलामा वाेल्ने वक्ताहरुकाे भनाई थियाे । 

भेलालाई सम्बाेधन गर्दै प्रदेश सभा सदस्य (सांसद) राजेश्वर साहले आफूलाई पार्टी र जनताले दिएकाे जिम्मेवारी इम्मानदारिता साथ पुरा गरेकाे वताए । स्थानिय तहकाे निर्वाचनमा आफुले पार्टीसंग घात गरेकाे आराेपकाे खण्डन गर्दै त्यसाे आफुले नगरेकाे स्पष्ट पारे । उल्टै पार्टीले आफुसंग विभेद गरेकाे उनले दु:खेसाे सुनाए ।

भेलाका प्रमुख अतिथी समेत रहेका सांसद साहले पार्टी भित्रकाे गुटबन्दी अन्त हुनु पर्नेमा जाेड दिए । उनले संघ र प्रदेशकाे निर्वाचन नजिकदै गएकाेले सबैलाई मिलाएर पार्टी एक ढिका गरी निर्वाचनकाे तयारीमा जुटन अग्रज नेताहरुलाई आग्रह समेत गरे ।

भेलामा कांग्रेसकाे वीरगंज महानगर कार्य समितिका उप सभापति एवम् २८ नम्बरका वडाध्यक्ष सर्जुग महताे, बुथ उप सभापति रामनारायण राय भर, छठु पटेल, सचिव जयकान्त तिवारी लगायत महाधिवेश प्रतिनिध, क्षेत्रिय प्रतिनिधि, पार्टीका स्थानिय नेता कार्यकर्ता एवम् क्रियाशिल सदस्यहरुकाे सहभागिता रहेकाे थियाे ।