वीरगंज । पर्साकाे जगरनाथपुर गाउँपालिका वडा नम्बर–४ सुपुरमा नेकपा (माओवादी केन्द्र) काे पार्टी प्रवेश तथा वडा कमिटी गठन कार्यक्रम सम्पन्न भएको छ । शनिबार भएको कार्यक्रममा वडा कमिटी, वाइसियलकाे वडा स्तरिय कमिटी र किशान संगठन गठन भएकाे माओवादी केन्द्रका प्रदेश सदस्य सलाउद्दीन अहमदले जानकारी दिए ।
जितेन्द्र चौधरीको अध्यक्षता ३१ सदस्यीय वडा कमिटी, अमलेश कुमार यादवको अध्यक्षतामा २५ सदस्यीय वाइसियल वडा समिति र जितन ठाकुरको अध्यक्षतामा २५ सदस्यीय किसान सङ्गठ्न गठन गरिएको प्रदेश सदस्य अहमदले जानकारी गराए ।
माओवादी केन्द्रका केन्द्रिय सदस्यद्वय बिरेन्द्र प्रसाद यादव, टेक बहादुर शाक्य, प्रदेश सदस्य सलाउद्दीन अहमद, कृष्णमोहन प्रसाद यादव, नेता सरिफ गद्दी, दिपेन्द्र चौधरी लगायतकाे बिशेष उपस्थितीमा कमिटी गठन भएकाे हाे ।
त्यसअघि कार्यक्रममा जसपा परित्याग गरि वडा समितिका १५० जना स्थानिय नेता तथा कार्यकर्ताहरु माओवादी केन्द्रमा प्रवेश गरेकाे जनाइएकाे छ ।
