Date
मङ्ल, मंसिर १, २०८३
Tue, November 17, 2026
Home Blog Page 632

रानिघाटमा घुम्ति स्वास्थ्य शिविर सम्पन्न

0
वीरगंज । स्व. सुशील खेतान (टेपु खेतान)को सम्झनामा बुधबार नि:शुल्क स्वास्थ्य शिविर सम्पन्न भएकाे छ । वीरगंज महानगरपालिकाकाे वडा नं. ११ स्थित अस्थायी प्रहरी पोष्ट रानिघाटमा भएकाे शिविरमा २८५ जना स्थानियले स्वास्थ्य परिण गराएकाे वीरगंज सामुदायिक आखाँ हस्पिटलका संयाेज डा. महेश सिंह धामीले जानकारी दिए ।
 
सामुदायिक प्रहरी साझेदारी कार्यक्रम अन्तर्गत ग्रिनसिटी सामुदायिक सेवा केन्द्र तथा ग्रिनसिटी सामुदायिक प्रहरी सेवा केन्द्र आदर्शनगर १० पर्सा, वीरगंज सामुदायिक आँखा हस्पिटल वीरगंज, रुँगटा वेल फेयर सोसाइटी वीरगंज र प्रभु हस्पिटल वीरगंजको सयुक्त आयोजनामा र सामुदायिक प्रहरी सेवा केन्द्र मुर्ली श्रीपुरको सहयोगमा शिविर सम्पन्न भएकाे हाे ।
 
घुम्ति शिविरमा निशुल्क औषधी समेत वितरण गरिएकाे उनले जानकारी गराए ।
 
ग्रिनसिटी सामुदायिक प्रहरी सेवा केन्द्रका अध्यक्ष जय प्रकाश खेतानकाे अध्यक्षता र जिल्ला प्रहरी कार्यालय पर्साका प्रहरी उपरिक्षक रमेश कुमार बस्नेतकाे प्रमुख आतिथ्यतामा भएकाे शिविरमा जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरी, प्रहरी नायब उपरिक्षक निर्मल बुढाथोकी, वीरगंज १० का वडाध्यक्ष सशिल कुमार कानु, वडा प्रहरी कार्यालय बिर्ताका प्रहरी निरिक्षक विशाल मल्ल, वडा प्रहरी कार्यालय श्रीपुरका प्रहरी निरिक्षक डिल्ली राज सापकाेटा, रूगटा वेल फेयर सोसाइटी वीरगंज पर्साका सुरेश रुंगटा, व्यवस्थित वीरगंज अभियानका संयाेजक दिलिप राज कार्की, सामुदायिक प्रहरी सेवा केन्द्र मुर्लीका अध्यक्ष राम सर्राफ लगायतकाे उपस्थिती रहेकाे थियाे ।

जिल्ला वन पैदावार आपूर्ति समिति, पर्साको अध्यक्षमा कुशवाहा

0

वीरगंज । जिल्ला वन पैदावार आपूर्ति समिति, पर्साको अध्यक्षमा किशोरी प्रसाद कुशवाहा न्युक्त भएका छन् । बहुदरमाई नगरपालिकाकाे वडा नं. ९ निवासी कुशवाहालाई मधेश प्रदेश सरकारकाे उद्याेग, पर्यटन तथा वन मन्त्रालयले समितिकाे पर्सा अध्यक्षमा मनाेनयन गरेकाे हाे ।

मन्त्रालयकाे २०७९/०५/०९ गतेकाे मन्त्रिस्तरिय निर्णय अनुसार कुशवाहालाई जिल्ला वन पैदावार आपूर्ति समिति, पर्साको अध्यक्षको रुपमा मनोनयन गरिएको मन्त्रालयका सहायक वन अधिकृत लालबाबु यादवले जानकारी दिए ।

मधेश प्रदेश, प्रदेश वन ऐन, २०७० को दफा ९४ (१) को प्रावधान अनुसार कुशवालाई मनाेनयन गरिएकाे उनले वताए । कुशवाहा नेकपा एकीकृत समाजवादीका केन्द्रिय लेखा आयाेगका सदस्य हुन् ।

मन्त्रालयले अपेक्षा राख अनुसार  मधेश प्रदेश सरकारको उद्देश्य बमोजिम जिल्ला वन पैदावार आपूर्ति समितिमा रही जिल्लामा वन पैदावारको आपूर्ति र न्यायोचित वितरणमा महत्वपूर्ण भूमिका निर्वाह गर्ने नवनियुक्त अध्यक्ष कुशावाहाले वताए । 

११८ दिनकाे भन्सार फेल भारतिय कार सशस्त्र प्रहरीद्वारा पक्राउ

0

वीरगंज । सशस्त्र प्रहरीले ११८ दिन सम्म अबैध रुपमा नेपालमा बसेका भारतिय नम्बरकाे कार नियन्त्रणमा लिएकाे छ । सशस्त्र प्रहरी बल बाेर्डर आउट पाेष्ट वीरगंजले बिआर ०६ एभि ५९१४ नम्बरकाे सेताे रंगकाे कार नियन्त्रणमा लिएकाे हाे ।

मंगबलबार दिउसाे २:३० बजेको समयमा वीरगंज महानगरपालिकाकाे वडा नं. १६ भन्सार रोडस्थित  खटिएको ७ जनाको गाडी मोबाईल टोलिले साे कार नियन्त्रणमा लिएकाे सशस्त्र प्रहरी बल नेपाल नं. १३ गण, पर्साका सुचना अधिकारी सशस्त्र प्रहरी नायब उपरिक्षक संताेष कुमार बस्नेतले  जानकारी दिए ।

कार सोहि स्थानमा छोडी सवारी चालक भागेकोले उक्त गाडी चेकजाँच गर्दा मिति २०७९ ०१ । २६ गते देखि मिति २०७१।०१।२८ गते सम्म गौर भन्सार कार्यालय रौतहटबाट प्रज्ञापन पत्र बनाई नेपाल प्रवेश गरी ११८ दिन सम्म अबैध रुपमा नेपालमा बसेको पाईएको हुँदा नियन्त्रणमा लिइएकाे सुचना अधिकारी बस्नेतले बताए ।

नेरु २० लाख पर्ने उक्त कार नियन्त्रणमा लिई विरगंज भन्सार कार्यालय पर्सामा बुझाएको बस्नेतले जानकारी गराए ।

जगरनाथपुरमा कक्षा १२ पास भएकाहरु अध्यक्ष यादवद्वारा पुरस्कृत

0

वीरगंज । पर्साकाे जगरनाथपुर गाँउपालिका वडा नम्बर ५ मसिहानीमा रहेकाे श्री नेपाल राष्ट्रिय माध्यमिक विद्यालयबाट कक्षा १२ काे परिक्षामा उत्कृष्ट नतिजा ल्याउने विधार्थीहरुलाइ सम्मान गरिएको छ ।

विद्यालय मै मङ्गलबार आयाेजित कार्यक्रममा जगरनाथपुर गाउँपालिकाका अध्यक्ष श्रीकान्त प्रसाद यादवले कक्षा १२ काे परिक्षामा उत्कृष्ट नतिजा ल्याउन सफल ३ जना छात्र र ३ जना छात्राहरुलाई सम्मान गरेका हुन् । त्यस अवसरमा गाँउपालिका अध्यक्ष यादवले विधालयका शिक्षकहरुलाई पनि खादा लगाएर सम्मान गरेका थिए ।

त्यसैगरी कार्यक्रममा कक्षा १२ उर्तिण अन्य विद्यार्थीहरुलाई पनि डायरि र पेन दिएर पुरस्कृत गरिएको बलिस्टर अहमदले जानकारी दिए ।

कार्यक्रममा बाेल्दै गाँउपालिका अध्यक्ष यादवले कक्षा १२ पास गरेका छात्र छात्राहरुकाे आगामी उच्च शिक्षाको सफलता र उज्वल भविष्यकाे लागि शुभकामना दिए । उनले शिक्षा क्षेत्रकाे सुधार र विकास आफनाे मुख्य प्राथमिकतामा रहेकाे बताउदै यसमा आफुले कुनै सम्झौता नगर्ने पनि बताए ।

कार्यक्रममा जगरनाथपुर गाउँपालिकाकी उप-प्रमुख बबिता सिंह, प्रमुख प्रशाकिय अधिकृत कृष्णनन्दन राय, वडाध्यक्ष बिहारी महतो नुनिया, शिक्षा शाखा प्रमुख लालदेव प्रसाद यादव, विद्यालयका प्रधानाध्यापक नयाजुदिन मिया तेलि, नेपाल विधार्थी संघका गाँउपालिका सभापति मन्जय गिरि लगायतकाे पनि सहभागीता रहेको थियो ।

सामाजिक सञ्जाल नियन्त्रण बारे सचेतना कार्यक्रम सम्पन्न

0

वीरगंज । परिवर्तन नेपाल फाउन्डेसन र वडा प्रहरी कार्यालय, विर्ताकाे संयुक्त आयाेजनामा लागू औषधी, अपराध नियन्त्रण तथा सामाजिक सञ्जाल नियन्त्रण बारे सचेतना कार्यक्रम साेमबार सम्पन्न भएकाे छ ।

प्रहरी साझेदारी कार्यक्रम अन्तर्गत वीरगंजकाे रेल्बे राेडस्थित रहेकाे देव पार्टी प्यालेसमा भएकाे कार्यक्रममा विभिन्न विद्यालय र क्लेजमा अध्यनरत विद्यार्थीहरुकाे सहभागिता रहेकाे थियो ।

कार्यक्रममा वाेल्ने वक्ताहरुले समाजमा विकृति हुनुको कारण नै आजको युवा/युवतिहरु लागू औषधी सेवन गर्नु रहेकाे वताएका थिए । वक्ताहरुले आजको युगमा धेरै युवा/युवतिहरु लागु औषध सेवन गर्नमा लाग्नु चिन्ताकाे विषय भएकाे वताए ।

युवा भनेको देशको कर्णधार हुन ,घरको उज्यालो हुन, आमा बुवाको सपना हुन । त्यसैले युवाहरु बाट नै समाज देखि राष्ट्र सम्म र राष्ट्र देखि देश सम्म सकारात्मक परिवर्तन हुन्छ । सोका निम्ति यस्ता कुलतबाट आफू सुरक्षित बसी अरूलाई पनि सुरक्षित राख्नु पर्ने वडा प्रहरी कार्यालय विर्ताका प्रहरी निरिक्षक बिशाल मल्लले वताए ।

उनले भिडियो प्रस्तुत मार्फत संक्षिप्तमा व्याख्या गरी यस कार्यक्रमलाई ऊर्जावान, नाशा मुक्तको नारासहित निकै प्रभावशाली र लाभदायक बनाउनु भएकाे परिवर्तन नेपाल फाउन्डेसनका सचिव बिशेष साहले जानकारी दिए ।

सोही कार्यक्रममा हेरिटेज माध्यमिक विद्यालय, इम्पेरियल कलेज, मेरिगोल्ड माध्यमिक विद्यालय, शिक्षा इन्स्टिच्युट अफ म्यानेजमेन्टका विद्यार्थीहरूको उपस्थिति रहेको थियो । साथै कार्यक्रममा विभिन्न शैक्षिक संस्थाका शिक्षक, शिक्षिका, समाजसेवी युवा /युवतीहरुकाे पनि उपस्थिति रहेको थियो । कार्यक्रम परिवर्त नेपाल फाउन्डेसनका अध्यक्ष रणधिर बर्णवालकाे अध्यक्षतामा भएकाे थियाे ।

एमालेबाट पर्सा क्षेत्र नं. २ मा पूर्व मेयर सरावगीकाे नाम सिफारिस

0

वीरगंज । नेकपा एमालेले पर्सा निर्वाचन क्षेत्र नम्बर २ बाट प्रत्यक्ष तर्फ प्रतिनिधिसभा सदस्यकाे उम्मेदवारकाे लागि वीरगंज महानगरपालिकाका पूर्ब मेयर विजय कुमार सरावगीको नाम सिफारिस भएको छ ।

सोमबार बसेको पर्सा क्षेत्र नं. २ एमाले क्षेत्रीय समन्वय कमिटीको बैठकले प्रत्यक्ष तर्फकाे प्रतिनिधि सभा सदस्यकाे उम्मेदवारकाे लागि सरावगीको नाम सिफारिस गरेको हो । सरावगी २०७९ सालकाे स्थानिय तह निर्वाचनमा वीरगंज महानगरपालिकाकाे मेयर पदमा पनि चुनाव लडेका थिए ।

पर्साको निर्वाचन क्षेत्र नम्बर २ बाटै संघीय सांसदमा प्रत्यक्ष तर्फ सारावगीसंगै एमाले केन्द्रीय सदस्य प्रभु हजरा, निर्मला देवकोटा र बसरुदिन अन्सारिको नाम पनि सिफारिस भएको एमाले वीरगंज महानगर कमिटी उपाध्यक्ष महेश दासले जानकारी दिए ।

वीरगंजकाे बसपार्कबाट चाेरी भएकाे बस भिस्वामा फेला पर्याे

0

वीरगंज । वीरगंजकाे बसर्पाक एरियाबाट चोरी भएको यात्रुबाहक मिनि बस पर्साको छिपहरमाई गाउँपालिका वडा नं. ५ स्थित भिस्वा सिकटा नाकामा फेला पारेको छ ।

बस चाेरी भएकाे जानकारी पश्चात खाेज तलाशकाे क्रममा नेपाल भारत सिमा भिस्वा सिकटा नाका नजिकै वेवारिसे अवस्थामा भेटिएको जिल्ला प्रहरी कार्यालय पर्साका प्रवक्ता प्रहरी नायब उपरिक्ष दिपक गिरीले बताए ।

आईतबार दिउँसो वीरगंजकाे बसपार्क नजिकै भिस्वा होटल चौकबाट वीरगंझ जनकपुर चल्ने यात्रुबाहक मिनि बसनै चोरी भएको थियो । भिस्वा होटल चोकमा पार्किङ्ग गरी राखिएको सौदागर कम्पनीको ना ८ ख ७६८४ नम्बरको मिनि बस चोरी भएको थियो ।

आईतबार बेलुका सम्म बस नभेटिएपछि पिडित बसका साहु लक्ष्मी नारायण रौनियारले सोमबार जिल्ला प्रहरी कार्यालय पर्सामा लिखित उजुरी नै दर्ता गराएका थिए । प्रहरीले उजुरीमाथि छानविन र घटना स्थलमा जडान गरिएको सिसी क्यामरा फुटेजको आधारमा अनुसन्धान गर्दै जाँदा सिकटा भिस्वामा उक्त चोरीको बस बेवारीसे अवस्थामा फेला परेको प्रहरी नायब उपरिक्षक गिरीले बताए ।

चोरीको आशंकामा बसका सहचालकलाई नियन्त्रणमा लिएर थप अनुसन्धान गर्ने काम भईरहेको उनले बताए । बेवारिसे भेटिएको बसलाई वीरगंज ल्याउँने तयारी भईरहेको प्रहरी नायब उपरिक्षक गिरीले बताए । चोरहरुले बसलाई ग्रामिण भिस्वा नाका प्रयोग गरी भारत भित्रियाउँने योजना हुन सक्ने आशंका समेत गरिएको प्रहरीले जनाएको छ ।

जिल्लाकाे सदरमुकाम वीरगंजबाट दिउसै बस चाेरीकाे घटना बाहिरिएकाे पछि वीरगंजकाे सुरक्षा ब्यवस्था फित्लाे रहेकाे सहजै अनुमान गर्न सकिन्छ । चाेरी भएकाे ठाउँमा बसपार्कमा समेत प्रहरी चाैकी रहेपनि दिउसै बस चाेरी हुनु घटनाले स्थानिय बासी अचम्मित भएका थिए ।

अहिले पर्सा प्रहरी सुरक्षा ब्यवस्थामा तादरुकता देखाउनु भन्दा तस्करी गराउनुमा ब्यस्थ देखिएकाे स्थानियहरुले आराेप समेत लगाउन थालेका छन् ।  

मानव बेचविखन बिरुद्धकाे राष्ट्रिय दिवस वीरगंजमा पनि मनाइयाे

0

वीरगंज । मानव बेचविखन बिरुद्धकाे १६ औं राष्ट्रिय दिवस साेमबार वीरगंजमा पनि मनाइएकाे छ ।  इसिएचओ/आइओएमको आर्थिक सहयोग सेभ द चिल्ड्रेन र आसमान नेपालको आयोजना र वीरगंज महानगरपालिकासंगको सहकार्य तथा समन्वयमा संचालित काेभिड १९ प्रतिकार्य, पुर्व तयारी, जिसिपिएस तथा केश व्यवस्थापन परियोजना अन्तर्गत र्‍याली तथा अन्तरक्रिया कार्यक्रम गरी दिवस मनाइएकाे हाे ।

वीरगंजकाे घण्टाघरबाट निस्केकाे र्‍याली लिंक राेड भएर बस स्टेन हुँदै पुन घण्टाघर मै पुगी काेण सभामा परिणत भएकाे थियाे । 

काेण सभालाई सम्बाेधन गर्दै पर्साका प्रमुख जिल्ला अधिकारी उमेश कुमार ढकालले मानव बेचविखन रोक्नका लागि हामी सबै आ आफना क्षेत्रबाट सहयोग गर्नु पर्ने वताए । त्यसकाे लागि आ आफ्नाे ठाउँबाट प्रतिबद्ध हुने उनले आग्रह समेत गरे ।

जिल्ला प्रशासन कार्यालय, जिल्ला प्रहरी कार्यालय, वीरगंज महानगरपालिका, सामुदायिक प्रहरी, एसओडिसिसी, डिवाईसी, आसमान नेपाल, भाइती नेपाल, सानाहातहरु, आफन्त नेपाल, सानो पाइला, आवर संसार, नगर वाल संजाल, टिपीओ नेपाल, फेडोको साथै अन्य कार्यालयहरुको संयुक्त आयोजनामा कार्यक्रम सम्पन्न भएकाे आसमान नेपालका परियोजना संयोजक हरेराम ठाकुरले जानकारी दिए । मानव बेचबिखन निर्मुल गर्ने उदेश्यले आयोजन कार्यक्रममा गरिएकाे उनले वताए ।