Date
मङ्ल, मंसिर १, २०८३
Tue, November 17, 2026
Home Blog Page 631

वडाध्यक्ष यादवकाे स्व. आमाकाे पुन्य तिथीमा बृक्षाराेपण

0

वीरगंज । पर्साकाे जगरनाथपुर गााउँपालिका वडा नं.३ का वडाध्यक्ष सुभाष कुमार यादव र वीरगंजनगरपालिकाकाे एडिबी परियोजना व्यवस्थापक इन्जिनियर नगिना यादवकी आमा स्व. शारदा देवीको १३ औं दिनकाे पुन्य तिथिमा बिहिबार श्रद्धाञ्जली सभा र बृक्षाराेपण कार्यक्रम सम्पन्न भएकाे छ ।

जगरनाथपुर गाउँपालिकाकाे वडा नं.३ गढैयास्थित निजनिवासमा भएकाे श्रद्धान्जली सभामा सहभागिहरुले स्व. आमाकाे तस्बिरमा फुल माला र अविरकाे टिका लगाएर श्रद्धान्जली अर्पण गरेका थिए । श्री बाबा बैजनाथ आधारभुत बिद्यालय गढैयामा बृक्षाराेपण गरिएकाे नेपाली कांग्रेस पर्सा क्षेत्र नं. ४ का सचिव बलिष्टर अहमदले वताए ।

साथै आमाकाे सम्झनामा छाेराद्वय सुभाष र नगिनाले श्री बाबा बैजनाथ आधारभुत बिद्यालय गढैयालाई व्हाट बोर्ड समेत सहयाेग गरेकाे क्षेत्रिय सचिव अहमदले जानकारी दिए ।

नेपाली काङ्ग्रेस पर्साका सभापति जनार्दन सिंह क्षेत्रीकाे प्रमुख आतिथ्यतामा भएकाे श्रद्धान्जली सभा तथा बृक्षाराेपण कार्यक्रममा प्रदेश सभा सदस्य शंकार प्रसाद चौधरी, जगरनाथपुर गाउँपालिका अध्यक्ष श्रीकान्त प्रसाद यादव, नेपाली कांग्रेस पर्साका जिल्ला कोषाध्यक्ष प्रेमबहादुर थापा, नेता सहरुम राउत गद्दी, क्षेत्रीय सचिव बलिष्टर अहमद, क्षेत्रीय कोषाध्यक्ष बिनय भूषण द्विवेदी, सुरेन्द्र सिंह क्षेत्री, वडाध्यक्ष बिहारी महताे नुनिया, नेपाली प्रसाद कुशवाहा लगायतको उपस्थिती रहेकाे थियाे ।

नेपाल रेडक्रस दिवसको अवसरमा निबन्ध प्रतियोगिता

0
वीरगंज । नेपाल रेडक्रस स्थापना दिवसको अवसरमा नेपाल रेडक्रस सोसाइटी पर्सा जिल्ला शाखा अन्तर्गत विद्यालयहरुको अन्तर विद्यालय निबन्ध प्रतियोगिता सम्पन्न भएकाे छ ।
 
जुनियर/युवा रेडक्रस समितिका संयोजक बिनोद गिरिको सभापतित्वमा र नेपाल रेडक्रस सोसाइटी पर्सा जिल्ला शाखाका सभापति बिरेन्द्र राज कँडेलकाे प्रमुख आतिथ्यतामा भएकाे प्रतियाेगिता सम्पन्न भएकाे हाे ।
 
काेभिड १९ संक्रमणमा जुनियर/युवाको भुमिकाको बिषय निबन्ध प्रतियाेगितामा श्री त्रिभुवन हनुमान मा.बि., राम चरण साह पन्नालाल, त्रीजुद्ध मा.बि, नृसिह मा.बि लगायतका छात्र/छात्राहरुले भाग लिएकाे रेडक्रसका राजन श्रीवास्तवले वताए ।
 
प्रतियाेगितामा रेडक्रस पर्सा शाखाका उपमन्त्री साबिर अहम्मद एराज, शिक्षकनायक उमेस गुप्ता, रामबाबू रौनियार, बसिर अहम्मद, निमित शाखा अधिकृत बिरसमसेर प्रसाद कुर्मी, कर्मचारि मिना क्षेत्री, लक्ष्मिनारायन राउत, रामनरेस यादव लगायतको उपस्थिति रहेकाे थियाे ।

वीरगंजमा मधेश विश्वविद्यालयकाे स्थापना

0

वीरगंज । मधेश विश्वविद्यालयकाे बुधबार औपचारिक रुपमा स्थापना गरिएकाे छ । पर्सा जिल्लाको सदरमुकाम वीरगंजमा कार्यालय रहने विश्वविद्यालयको स्थापना गरिएकाे हाे । वीरगंजस्थित भिस्वा हाेटमा आयाेजिक एक भन्य कार्यक्रमका बिच पूर्व उप प्रधानमन्त्री एवम् जनता समाजवादी पार्टी (जसपा) नेपालका अध्यक्ष उपेन्द्र यादवले विश्व विद्यालयकाे उद्घाटन गरे ।

विश्व विद्यालयकाे उद्घाटन गर्दै अध्यक्ष यादवले प्राविधिक शिक्षा आजको आवश्यक्ता रहेको बताए । यादवले अहिलेको वैज्ञानिक युगमा प्राविधिक शिक्षाको बढि माग रहेकोले सामान्य शिक्षा भन्दा पनि आजको शिक्षाको आवश्यक्तालाई मध्यनजर गर्दै गुणस्तरीय शिक्षा प्रदान गर्नुपर्ने बताए ।

यस विश्व विद्यालयबाट उत्पादन भएको विद्यार्थीहरु कहिँ पनि भौतारिनुपर्ने अवस्था नरहोस् भन्ने खालको शिक्षा प्रदान गर्नुपर्ने उनको भनाई थियो । विकसित मुलुकहरुमा काम गर्न जाँदा डिग्री भन्दा पनि कुन काम गर्न सक्ने क्षमता बढि अर्थ राख्ने गरेकोले यहाँका शिक्षालाई पनि डिग्री भन्दा काम गर्न सक्ने जनशक्ति उत्पादन गर्न सक्ने विश्वविद्यालयको रुपमा स्थापित गर्नुपर्ने बताए ।

कार्यक्रममा नेपाल सरकारका वन तथा वातावरणमन्त्री प्रदीप यादवले धेरै चुनौतिकाबीच वीरगंजमा मधेश विश्वविद्यालयको स्थापना भएको बताए । मधेश विश्वविद्यालय स्थापना हुनु आफैमा चुनौति थियो, यहाँ विश्व विद्यालय हुनुपर्छ भनेर हामी देशका ठूलठूला राष्ट्रिय नेताहरुको चौकठमा गएर गुहारेका छौं, तर कसैले सुनेन, मधेश आन्दोलनको अगुवाई गर्ने उपेन्द्र यादवले यसको पहल गरे, जसको परिणाम अहिले वीरगंजले विश्व विद्यालय पाएको बताए ।

भोलिका दिनमा यसलाई कसरी संचालनमा ल्याउने, हामीसँग आफ्नो जग्गा छैन, यस्ता धेरै चुनौतिहरु छन्, तर मधेश सरकारले एउटा असर व्यक्तिलाई जिम्मेवारी दिएको छ, मलाई विश्वास छ, उहाँको देनले यो सबै समस्याको समाधान हुने बताए ।

वीरगंजमा बनेका नारायणी रंगशाला, नारायणी अस्प्ताल, ठाकुरराम बहुमुखी क्याम्पस लगायत विभिन्न संस्थाहरु यहाँको जनताको सहयोगले बनेको छ, र मधेश विश्वविद्यालय पनि यहाँको जनताको सहयोगले नै स्थापित हुने विश्वास व्यक्त गरे ।

गुठी सँस्थानको जग्गा धेरै छ, तर त्यहाँ माफियाहरुको रजगज छ, वनको पनि धेरै जग्गा छ तर त्यो पनि माफियाहरुको चँगुलमा छ, हामी विश्व विद्यालय स्थापनाको लागि जग्गाको व्यवस्थामा छौं, उपकुलपतिको योगदान र यहाँको नागरिकहरुको सहयोगले पक्कै यो विश्वविद्यालय स्थापित हुने बताए ।

मधेश प्रदेशका मुख्यमन्त्री एवं मधेश विश्वविद्यालयका कुलपति लालबाबु राउत गद्दीले वीरगंज विश्व विद्यालयको स्थापना २५ वर्षको सपना पुरा भएको बताए । उनले २०५४ सालदेखि नै वीरगंजमा विश्वविद्यालयको स्थापना हुनुपर्छ भनेर विभिन्न पक्षबाट संघर्ष हुँदै आएकोमा राजनीतिक पहुँच पुग्न नसकेको स्थापना हुन नसकेको भन्दै हाल आएर २५ वर्षको संघर्षको सपना पुरा भएको बताए ।

मधेस विश्वविद्यालयका उपकुलपति प्रा. डा दिपक शाक्यले विश्वविद्यालयको लागि पर्साको ग्रामीण भेगमा १० बिघा जग्गामा भौतिक संरचना निर्माण गर्ने र आवश्यक तयारी ५ वर्षमा पूरा गर्ने प्रतिबद्धता व्यक्त गरे ।

जग्गा खरीदको लागि १ अर्ब लगानी गर्ने दाता पनि भेटिसकेको र थप लगानी केन्द्र सरकार, प्रदेश सरकार तथा स्थानीय तहबाट समन्वय गरी अगाडि बढ्ने योजना रहेको बताए ।

वीरगंज, मुर्लीमा रहेको नेशनल ट्रेडिङभित्र विश्वविद्यालयकाे कार्यालय स्थापना गरिएको छ । यसको बिहीवार बिहान औपचारिक उद्घाटन गर्ने कार्यक्रम छ ।

मधेश प्रदेशका सामाजिक विकास मन्त्री नवल किशोर साहको सभापतित्वमा भएकाे कार्यक्रममा पूर्वाञ्चल युनिभरसिटिका पूर्व उपकुलपति डा. रामअवतार यादव, पश्चिमाञ्चल युनिभरसिटिका पूर्व उपकुलपति उपेन्द्र कोइराला, वीरगंज महानगरपालिकाका मेयर राजेशमान सिंह लगायतले आ आफ्नो शुभकामना व्यक्त गरेका थिए ।

कार्यक्रममा मधेश विश्वविद्यालयमा उपकुलपतिमा नव नियुक्ति प्राध्यापक डा. दिपक शाक्यलाई मुख्यमन्त्री लालबाबु राउत गद्दीले नियुक्ति पत्र समेत प्रदान गरेका थिए ।

परवानीपुरमा थ्रिल फ्याक्ट्री नामक इन्टरटेन्मेन्ट र फन पार्क संचालन

0

वीरगंज । बाराकाे परवानीपुर गाउँपालिका वडा नं. ४ च‌ैनपुरस्थित थ्रिल फ्यक्ट्री नामक इन्टरटेन्मेन्ट जुन र फन पार्क संचालनमा आएकाे छ । केडिया आँखा अस्पताल र डेएभि स्कुल नजिक मेनराेड मै १० कठाकाे क्षेत्रफलमा थ्रिल फेक्ट्री संचालनमा आएकाे हाे ।

बच्चादेखि युवा सम्मकाे खेलकुद र इन्टरटेन्मेन्ट गर्ने स्थलकाे रुपमा थ्रिल फ्याक्ट्री संचालनमा ल्याइएकाे संचालक निखिल चचानले वताए । यस क्षेत्रमा इन्टरटेन्मेन्ट साधानकाे अभाव महसुस भएपछि इन्टेरटेन्मेन्ट जुन र फन पार्ककाे रुपमा संचालनमा ल्याएकाे उनले वताए ।

बुधबारदेखि संचालनमा आएकाे थ्रिल फेक्ट्रीमा १५ किसिमकाे खेलकुद तथा इन्टरटेन्मेन्टकाे साधन उपलब्ध रहेकाे संचालक चचानले जानकारी गराए । जसमा जग्गाकाे मुल्य छाडेर १० कराेड र जग्गासहित १५ कराेड भन्दा बढी लगानी लागेकाे उनले वताए ।

परवानीपुरकाे चैनपुस्थित संचालनमा आएकाे थ्रिल फ्याक्ट्री देश भर कै इन्टरटेन्मेन्ट जाेन र फन पार्क मध्ये एक ठाउँमा सब भन्दा बढी किसिमकाे खेलकुद गर्ने पहिलाे स्थल भएकाे संचालक चचानले दाबी समेत गरे ।  

हैसियत अनुसार सिट नपाए जसपा एक्लै चुनाव लड्छ : उपेन्द्र यादव

0

वीरगंज । जनता समाजवादी पार्टी (जसपा) का राष्ट्रिय अध्यक्ष उपेन्द्र यादवले गठबन्धनमा उपेक्षा गरिए जसपा एक्लै चुनाव लड्न तयार रहेको बताएका छन् ।

वीरगंजमा बुधबार जसपाको अगुवा कार्यकर्ता भेलालाइ सम्बोधन गर्दै अध्यक्ष यादवले भने ,‘ गठबन्धनको बैठकमा सिट बाडफाडको छलफल हुँदा जसपालाइ उपेक्षा गरिएको जस्तो महशुस हुन्छ, यदि साच्चै उपेक्षा गरियो भने जसपा एक्लै चुनाव लड्न तयार छ ।
यादवले जसपाको हैसियत अनुसार सिट बाडफाँड नगरिए एक्लै चुनाव लड्ने उद्घोष गर्दै त्यहि अनुसारको तयारीमा लाग्न नेता कार्यकर्तालाइ निर्देशन पनि दिए ।

आफुहरु गठबन्धनको विरोधी नभएको प्रस्ट्याउदै उनले अहिलेको गठबन्धनलाई निरन्तरता दिनु पर्ने आजको आवश्यकता भएको बताए । उनले भने ,‘प्रतिगमनकारी शक्तिहरु फेरि पनि सल्बलाउन खोजी रहेका छन्, त्यसैले उनिहरुले फेरि टाउको नउठाउन भनेर अहिलेको गठबन्धनलाई निरन्तरता दिनु आजको आवश्यकता हो ।

अध्यक्ष यादवले आगामी निर्वाचनमा संघीयता र गणतन्त्र विरोधी प्रतिगमनकारी शक्तिलाई जसरी भएपनि परास्त गर्नु पर्ने पनि बताए । त्यसका लागि पनि गठबन्धनलाइ निरन्तरता दिनु अहिलेको आवश्यकता भएको उनले बताए ।

आगामी निर्वाचनमा संघीयता र गणतन्त्रका पक्षधरहरु पराजित भए प्रतिगमनकारी शक्तिले संघीयता र लोकतन्त्रलाइ समाप्त पार्ने र मधेस फेरि गुलाम (नोकर) बन्ने खतरा रहेको यादवले भनाई छ ।

संघीयता र गणतन्त्रको जननी मधेसी दल रहेको दाबी गर्दै उनले मधेस विद्रोहकै कारण मुलुकमा संघीयता र गणतन्त्र आएको बताए । यादवले भने,‘ मधेस विद्रोहकै कारण संघीयता र गणतन्त्र आएको हो, यदि मधेस विद्रोह नभएको भए यो देशमा न संघीयता आउथ्यो न गणतन्त्र नै ।

त्यसैले संघीयता, गणतन्त्र लगायतका प्राप्त राजनीतिक उपलब्धीको रक्षा गर्ने मुख्य अभिारा जसपाकै भएको उनले बताए ।

जसपा पर्साका अध्यक्ष रामनरेश प्रसाद यादवको अध्यक्षतामा भएको अगुवा कार्यकर्ता भेलालाई जसपाका राजनीतिक समिति सदस्यहरु हरिनारायण रौनीयार, देवेन्द्र मिश्र, बालकिशोर यादव, मोहन चौधरी, केन्द्रिय सदस्य करिमा बेगम, सलमा खातुन, जिल्ला इन्चार्ज सिंहासन साह कलवार लगायतकाले पनि सम्बोधन गरेको जिल्ला सचिव तबरेज अहमदले जानकारी दिए ।

हरवाचरवा तथा भूमिहिन दलित संगठनहरुको ऐक्यबद्धता

0

काठमाण्डौ । नेपाल १४ औ मुक्त हलिया दिवशको सन्दर्भमा मधेस प्रदेशका ८ वटा जिल्लाका ४० वटा पालिकामा गठन गरिएका स्थानिय हरवाचरवा अधिकार मञ्चले सम्बन्धित स्थानिय सरकार र सुदुरपश्चिम प्रदेशका ९ वटा जिल्लाका १८ पालिकामा गठन गरिएका दलित भूमि अधिकार यूनियनले सम्बन्धित जिल्लाका प्रमुख जिल्ला अधिकारी मार्फत प्रधानमन्त्रीलाई बिभीन्न मागहरु राखि ज्ञापनपत्र बुझाएर ऐक्यबद्धता जनाएका छन ।

नेपालमा दास प्रथाको रुपमा विद्यमान रहेको एक मात्र हरवाचरवाप्रथाको मिति २०७९ श्रावण ०२ गतेका दिन एक भव्य समारोहका बीच कमैया मुक्त घोषणाको २२ बर्ष पुगेको अवसरका कमैया श्रमिक हरवा चरवा को लागि प्रधानमन्त्री शेरबहादुर देउवाकाे बिशेष सन्देश मार्फत मुक्तिको घोषणा भएको थियो ।

यहि सन्देशलाई ध्यानमा राख्दै उक्त ऐतिहाँसिक घोषणाको कार्यान्वयनका लागि मधेस प्रदेशका ८ वटा जिल्लाका ४० वटा पालिकामाबाट आवश्यक पहल गरि दिनका लागि ज्ञापनपत्र पेश गरिएको थियो । उक्त ज्ञापन पत्रमा सर्वप्रथम सम्बन्धित नगरपालिका/गाउँपालिकाको संयोजकत्वममा हरवाचरवा अधिकार मंचको प्रतिनीधित्व अनिवार्य हुने गरी तथ्याँक सँकलन समिति गठन गरी हरवाचरवाको यथार्थ तथ्याँक संकलन गरी उनीहरुको प्रमाणीकरण सहित वर्गीकरण गर्न माग गर्दै हरवाचरवाहरूको मुुक्ति कमैया निषेध गर्न बनेको ऐन २०५८ अनुसार गरिएको हुनाले हरवाचरवाको तथ्यााक संकलनगर्दा २०५८ श्रावण २ गतेसम्म हरवाचरवा बसेकोलाई आधार मानी उनीहरु बस्दै आएको जमिनलाई उनीहरुकै नाममादर्ता हुने गरी राष्ट्रिय भूमि आयोगसंगको सहकार्यमा भूस्वामित्वको लालपुर्जा प्रदानगर्न माग गरिएको छ ।

त्यसैगरि मुक्त हरवाचरवापरिवारको सुनिश्चितजीविकाको लागि स्थान बिशेषको बजारको माग हेरी दीर्घकालीन र अल्पकालीन सीप तालिमको अवसर प्रदानगरि सीप तालिमपछि तालिम लिएको बिषयमा पेशा संचालनको लागि अनुदानको रुपमा कम्तिमा रु १ लाखदेखि ५ लाखसम्म बीउ पुँजी र जरुरी औजारहरू प्रदान गर्न माग गर्दै नेपाल सरकारले तोके बमोजिमको न्युनतम ज्याला दर कडाइपूर्वक लागू गर्न, त्यसको चौतर्फी निरीक्षण तथा नियमन गर्ने संस्था र संयन्त्रनिर्माण गर्दै त्यसको उल्लङ्घन गर्ने ब्यक्तित्व संस्थालाई कडा दण्ड हुने कानुनी ब्यवस्था गर्नका लागि जोड दिईएको छ ।

साथै मुक्त हरवाचरवा बस्तीमा मानवोचित आधुनिक बस्तीका लागिनभई नहुने भौतिक पूर्वाधारहरु जस्तै शुद्ध खानेपानी, सडक, बिजुली, खेतीको लागिसिँचाइ, शौचालय र टेलिफोन/मोबाइल नेटवर्कको ब्यवस्था गर्न माग गरिएको छ ।

साथै भूमिहिन दलित र मुक्त हलियाहरुको सवाल सम्बोधन गराउनका लागिसुदूरपश्चिम प्रदेशका ९ जिल्लामा गठन गरिएका दलित भूमि अधिकार यूनियनको अगुवाईमा सम्बन्धित प्रमुख जिल्ला अधिकारी मार्फत प्रधानमन्त्रीलाई ज्ञापन पत्र पेश गरिएको छ । उक्त ज्ञापन पत्रमा भूमिहीनहरुलाई राज्यका तर्फबाट बितरण गरिने भूमिका सन्दर्भमा दलित भूमिहीन र कृषिबधुवामजदुरहरु : मुक्त हलियालाई पहिलो प्राथमिकतामा राख्नुपर्ने कुरामा जोड दिईएको छ ।

त्यसैगरी अहिले पनि कृषीमा संग्लन हुन ईच्छुक दलित भूमिहीन, सुकुम्बासी र मुक्त हलियाहरुको लागि प्रति घरधुरीहरुको लागि बर्षभरी धान्ने कृषियोग्य जमीन, घर भएका र घर नभएका दुबै भूमिहीन परिवारको लागि जमिनको प्रबन्ध सहित मुक्त हलिया पुनस्र्थापनाकाभएका बस्तीहरुमा एकिकृत बस्ती बिकास आयोजना सिफारिश गर्न माग गरिएको छ ।

साथै तत्काल प्रदेश सरकारको समन्वयमा छुट मुक्त हलियाहरुको तथ्याँक संकलन गरी उनीहरूलाई बर्गिकृत परिचयपत्र प्रदान गरि पुनस्र्थापिनाको कार्यक्रम अगाडी बढाइनुपर्ने, मुक्त हलिया परिवारको लागि छोटो अवधिको अल्पकालीन सीप तालिम प्रदान गरेर बीउपुँजी र औजार प्रदान गरेर तत्काल रोजगारीको अवसर सिर्जना गरिनुपर्ने, मुक्तहलियाका सन्तानको लागि १२ कक्षा सम्म निशुल्क शिक्षा सुनिश्चित गर्दै प्राबिधीक शिक्षामा पहुँच बृद्धी गरिनुपर्ने, हरेक मुक्तहलिया बस्तीमा स्वास्थ्य केन्द्र वा स्वास्थ्यचौकीको र आधारभूत औषधिहरूको बन्दोबस्त गरि मुक्त हलियाका सन्तानका लागि सबै खाले खोपको प्रबन्ध गर्नुपर्ने माग गरिएकाे छ ।

यसैगरी प्रदेश सरकारको बजेट बिनियोजनमा आफ्नो हिस्सा समेत थपी हरेक हलिया बस्तीमा भौतिक पूर्वाधारहरू खानेपानी, बिजुली, सडक, टेलिफोन र इन्टरनेट नेटवक पु¥याईनुपर्ने, थानीयतहको सामाजिक तथा राजनीतिक नेतृत्वमा हलियाको पहुँचको लागि स्थानीय तहले कानुन ल्याएर २ प्रतिशत सीट सुनिश्चित गर्नुपर्ने, हरेक पालिका भित्र न्युनतम ज्यालाको प्रावधान कडाइपूर्वक लागू गर्दै सो नगर्ने कडादण्डदिने स्थानीय कानुन ल्याईनुपर्ने र स्थानीयतहमा हरेक वडाबाट अनिवार्य रुपमा छानिने दलित वडा सदस्यमा मुक्तहलिया बस्ती ज्यादा रहेको वडामा त्यस्तो दलित सदस्य अनिवार्य रुपमा हलिया नै हुनुपर्ने कानुन र नियम तर्जुमा गर्न भूमिका खेलिनुपर्ने सवालहरु ज्ञापनपत्रमा उल्लेख गरिएको छ ।

“रहबर केयर फिजियो थेरापी“ ले रहबरकाे चर्चा

0

परवानीपुर । राजनीतिबाट एउटा अलग नै पहिचान बनाउन सफल भएका वीरगंजका चर्चित युवा तथा नेकपा (माओवादी केन्द्रका) केन्द्रिय सदस्य रहबर अन्सारी यतिबेला निकै चर्चामा देखिएका छन । त्यो चर्चाको बिषय भनेको उनले सञ्चालन गरेका निःशुल्क “रहबर केयर फिजियो थेरापी“ हाे ।

वीरगंज महानगरपालिकाकाे वडा नं. १४ बहुअरीमा संचालित रहबर केयर फिजीयो थेरापी जुन निःशुल्क रूपमा आम नागरिकलाई ५ दिनदेखि सेवा दिदै आएको छ । रहबर फाउन्डेसनबाट संचालित कोरियन प्रविधि र पद्धतिबाट गरिने निःशुल्क थर्मल थेरापी सेवाबाट दिनहु १५० भन्दा बढीले निरन्तर सेवा लिईरहेका छन ।

खासगरी मृगौला सम्बन्धी समस्या, हातखुट्टा, कम्मरको दुखाइ, मुटु सम्बन्धी समस्या, पायल्स, ग्यास्टिक, कब्जियत, थाइराइड, प्यारालाइसिस, निन्द्रा नलाग्ने, निमोनिया आदि रोग भएका बिरामीहरूलाई रहबर केयरले निःशुल्क रूपमा फीजियो थेरापीको मदतले उपचार गर्दै छ ।

यो सेवा वडा नं. १४ बहुअरी र वडा नं ३१ मिलन चोकमा बिगत दुइ महिनादेखि गरी दुई ठाउँमा सञ्चालनमा रहेको फाउन्डेसनका प्रदीप श्रेष्ठले जानकारी दिए । उनले वडा नं. १४ बहुअरी टोलमा पर्सा र बाराका स्थानीयहरूले निरन्तर रूपमा सेवा लिइरहेको र सेवा गर्न अवसर पाएकोमा फाउन्डेसनका संचालक रहबर अन्सारी अति नै खुसि बयक्त गरे । साथै उनले मेरो चाहना नै यहि थियो भन्ने कुरा बताए ।

युवा नेता अन्सारी राजनीतिको साथ साथै सामाजिक कार्यमा पनि निरन्तर साथ र सहयोग गर्दै आएका छन । सेवाको भावनाले नै यो कार्यको आरम्भ गरिएको फाउन्डेसनले जनाएकाे छ । यती बेला देशभर प्रदेश र प्रतिनिधि सभाको निर्वाचनको तयारी पनि सुरु भइसकेको छ । विगतमा स्थानीय र प्रदेश सभाको निर्वाचनमा माओवादी पार्टीबाट टिकट लिई चुनाव लडेका युवा नेता रहबर यसपालि प्रदेश सभाको र्निवाचनमा गठबन्धनबाट चुनाव लडने तयारीमा छन ।

आम जन समुदायमा र खासगरी युवा वर्गमा आफ्नो छाप बनाउन सफल भएका नेता रहबरलाई प्रदेश सभाको टिकट निश्चित जस्तै रहेकाे वताइन्छ । यदि नेता अन्सारी साच्चिकै प्रदेश सभाको निर्वाचनमा भाग लिने हो भने यसपाली राम्रो रिजल्ट ल्याउन सक्ने राजनीतिक जानकारहरु बताउँछन । यसका लागि नेता रहबर आफ्नो क्षेत्रमा चुनावको तयारी समेत सुरु गरिसकेका छन ।

वायू प्रदूषण न्यूनीकरण गर्न साझा पहल आवश्यक छ : मन्त्री यादव

0

काठमाडौँ । वन तथा वातावरणमन्त्री प्रदीप यादवले वायू प्रदूषण कुनै एक देशकाे मात्रै समस्या नभई यसको फैलावट तथा प्रभाव क्षेत्र सीमापार प्रकृतिको हुने भएकोले यसको प्रभाव न्यूनीकरण गर्नमा साझा पहल आवश्यक रहेको बताएका छन् ।

बुधबार वातावरण विभाग र इसिमोडको संयुक्त आयोजनामा “निलो आकाशका लागि स्वच्छ हावाको अन्तर्राष्ट्रिय दिवस” का अवसरमा आयोजित कार्यक्रमलाई सम्बोधन गर्दै मन्त्री यादवले वायू प्रदूषण न्यूनीकरण गर्न सबै क्षेत्र र तह तप्काबाट आवश्यक पहल गर्न जरुरी रहेको बताएका हुन् । उनले भने, “वायू प्रदूषण कुनै एक देशको मात्रै समस्या होइन, यो साझा समस्या भएकाले न्यूनीकरणका लागि सबैको पहल आवश्यक छ ।”

वायू प्रदूषणका नकारात्मक प्रभावले देशको पर्यावरणीय सन्तुलनमा मात्र भनई मानव स्वास्थ्य, कृषि उत्पादन तथा आर्थिक बृद्धिमा समेत असर पर्न गई समग्र विकास क्रम नै विथोलिन थालेको प्रति मन्त्री यादवले चिन्ता समेत व्यक्त गरे ।

यसैगरी उनले विकास र वातावरण एक आपसका प्रतिद्धन्द्धी नभई परिपूरक हुन् भन्ने दिगो विकासको अवधारणा बमोजिम नै नेपाल सरकारले सञ्चालन गर्ने कुनै पनि विकास निर्माण कार्यबाट वातावरणमा पर्न सक्ने सम्भावित असरलाई अनिवार्य रुपमा सम्बोधन गर्नु पर्ने व्यवस्था वातावरण संरक्षण ऐन, २०७६ र वातावरण संरक्षण नियमावली, २०७७ ले गरेको विदितै रहेको वताए ।

वायू प्रदूषण न्यूनीकरणका लागि सरकारले बिभिन्न कामहरु गर्नका लागि निती नियम बनाएको भएपनि कार्यान्वयन पक्ष फितलो भएका कारण समस्या भएको समेत मन्त्री यादवकाे भनाई छ । 

पूर्व तयारी नहुँदा पछिल्लो समय जङ्गलमा आगलागि हुँने तथा वायू प्रदूषण बढ्दै गइरहेकाले हामीले आगलागि जस्ता घटना हुन नदिनका लागि पूर्व तयारी अपनाउन आवश्यक रहेको समेत मन्त्री यादवले बताए ।

वातावरण संरक्षण गर्नमा बहुक्षेत्रगत, बहुआयामिक र बहु–संस्थागत समन्वय आवश्यक पर्ने क्षेत्र भएकोले कुनै एक संस्था वा निकायको प्रयासले मात्र यो सम्भव नभएकाले सरकार, गैरसरकारी क्षेत्र, प्राज्ञिक क्षेत्र, निजी तथा व्यवसायिक क्षेत्र, आम नागरिक र उपभोक्ता सबैको सक्रिय चासो, चिन्ता र सरोकार आवश्यक रहेको मन्त्री यादवले बताए ।

वायू, जल, ध्वनि तथा अन्य विभिन्न प्रकारका प्रदूषणहरु नियन्त्रण गर्न बनेका मापदण्डलाई अद्यावधिक गर्ने र आवश्यकतानुसार नयाँ मापदण्ड निर्धारण गर्ने कामलाई सरकारले तीव्रता दिएको समेत उन जानकारी दिए ।

वायू गुणस्तर व्यवस्थापन गर्ने शिलशिलामा तथ्याङ्क सङ्कलनको कार्य महत्वपूर्ण हुन आउने हुँदा वातावरण विभागले सन् २०१६ देखि क्रमिक रुपमा देशका बिभिन्न स्थानमा वायू गुणस्तर मापन केन्द्रहरु सञ्चालन गर्दै आइरहेको र यस कार्यमा विभागलाई इसिमोड र एशियाली विकास बैङ्कको समेत सहयोग प्राप्त भइरहेको समेत उक्त कार्यक्रममा मन्त्री यादवले जानकारी गराए ।

वीरगंजकाे छपकैयाबाट शंकास्पद ३ भारतिय महिला पक्राउ

0

वीरगंज । प्रहरीले वीरगंज महानगरपालिकाकाे वडा नं. २ छपकैया स्थितबाट ३ जना शंकास्पद महिलाहरुलाई पक्राउ गरेको छ । वडा प्रहरी कार्यालय विर्ताले भारतकाे नरकटियागंज निवासी मैरुन नेशा, छाटाेटी खातुन र शैरी खातुनलाई नियन्त्रणमा लिएकाे हाे ।

बच्चा चोरी गर्न ति महिलाहरु आएकाे स्थानीयहरुको सूचनाको आधारमा वडा प्रहरी कार्यालय वीर्ताबाट प्रहरी निरीक्षक विशाल मल्लको कमाण्डमा खटिएको टोलीले तीनै जना अधवैशे महिलालाई नियन्त्रणमा लिएर अनुसन्धान थालेकाे छ ।

प्रहरी निरिक्षक मल्लाका अनुसार पक्राउ पर्ने तिनैजना महिला भारतीय नागरिक हुन् । भारतको रक्सौलस्थित इस्लामपुर बस्दै आएका तिनै जना महिला ५० देखि ५५ वर्ष उमेर समूहका रहेका छन् ।

भारतमा बच्चा चोर्ने घटनाहरु वृद्धि भएको सामाजिक सञ्जालमा छ्याप छ्यापी भएपछि नेपालमा पनि भारतीय महिलाहरुले बच्चा चोर्ने आएको हुन सक्ने आशंकामा छपकैयाबासीले प्रहरीलाई खबर गरेपछि तुरुन्तै छपकैयामा पुगी अनुसन्धानका लागि ति महिलाहरुलाई नियन्त्रणमा लिएकाे प्रहरी निरिक्षक मल्लले वताए । 

ति महिलाहरुको आफन्तले औठीको व्यापार गर्ने महिलाहरुलाई बच्चा चोरीको आरोप लगाई पक्राउ गरिएको बताएका छन्  । भारतको नरकटियागन्ज घर भई छपकैयास्थित डेरा लिई बस्दै औठीको व्यापार गर्दै आएको उनका आफन्तहरुकाे भनाई छ । 

यता जिल्ला प्रहरी कार्यालय पर्साका प्रहरी नायब उपरीक्षक दिपक गिरीले पनि ति महिलाहरु औठी बेच्ने, छारफुकको नाममा दुई चार पैसा लिई जडिबुटी दिने, राशीको औठी दिने कामहरु गर्दै आएको अनुसन्धानबाट खुलेको जानकारी दिए ।

उनका अनुसार अहिलेसम्म ति महिलाहरुले कुनै बच्चा चोरेको घटना जानकारीमा नआएकोले बच्चा चोर नै हो भनेर भन्न नमिल्ने भन्दै उनीहरुकाे साथबाट झारफुकमा प्रयोग हुने केही जडिबुटी, माला, पत्थरका ओठी लगायतका सामानहरु समेत बरामद भएको बताए ।

अनुसन्धानको क्रममा उनीहरुले कुनै विरामी बच्चाहरुलाई झारफुक गर्ने, जडिबुटी दिने, राशीको औठी हो भन्नै पत्थरको औठी दिने र त्यसबाट १ सयदेखि २ सय रुपैयासम्म लिने गरेको पाइएको बताए । उनीहरु भारतको रक्सौल स्थित इस्लामपुरमा बस्दै आएपनि विगत तीन चार दिनदेखि वीरगंजको विभिन्न टोलहरुमा गई झारफुकको नाममा पैसा ठग्ने गरेको पाइएको प्रहरी नायब उपरीक्षक गिरीले बताए ।

उनका अनुसार ति महिलाहरु विरुद्ध कुनै किटानी जाहेरी पनि परेको छैन, बच्चा चोरी नै गरेको छ भन्ने प्रमाणित भएको छैन, बाहिरबाट आएकोले शंकास्पद लाग्नु स्वभाविक हो तर कुनै बच्चा चोरी भएको घटना पनि जानकारी नआएको बताए ।