जगरनाथपुरमा भूमि सम्बन्धी अभिमुखीकरण सम्पन्न
खाे खाे संघ पर्साकाे नयाँ कमिटी गठन
वीरगंज । खाे खाे संघ पर्साकाे नयाँ कमिटी गठन भएकाे छ । संघकाे प्रथम बार्षिकाेत्सवकाे अवसरमा भएकाे एक भेलाले राजकपुर चाैधरीकाे अध्यक्षतामा १५ सदस्यीय कमिटी गठन गरेकाे हाे ।
पुर्नगठित कमिटीकाे उपाध्यक्ष दिपक साह, सचिव रानु दास, सह सचिव रबिन्द्र यादव, काेषाध्यक्ष बजरंगी पटेल, सदस्यहरु शुसिल गुप्ता, प्रेम यादव, सुनिल यादव, निभा चाैधरी, उपेन्द्र पटेल, संगिता चाैधरी, महलक्ष्मी चाैधरी, चन्दन महताे, दिपेन्द्र साह र सकलदेव यादव चुनिएका छन् ।
संघका जिल्ला अध्यक्ष राजकुरकाे अध्यक्षता र संघका मधेश प्रदेशका सचिव अकाश पटेलकाे प्रमुख आतिथ्यतामा मध्यमांचल क्षेत्रिय खेलकुद विकास समिति नारायणी रगंशाला, वीरगंजमा भएकाे कार्यक्रममा युवा संघ नेपालका केन्द्रिय सदस्य अनिल पटेल, नेपाल खेलकुद महासंघ समाजवादी पर्साका अध्यक्ष विशेश्वर पटेल लगायतकाे उपस्थिती रहेकाे थियाे ।
अजिज मियाँ मावि धोबिनीमा अत्तिरिक्त कक्षा संचालन
वीरगंज । पर्साकाे धाेबिनी गाउँपालिका वडा नं. ५ मा रहेकाे श्री अजिज मियाँ माध्यमिक विद्यालय धोबिनीमा शनिबार अत्तिरिक्त कक्षा संचालन भएकाे छ ।
कक्षा ११ र १२ मा अध्ययनरत छात्र/छात्राहरुलाई लक्षीत गर्दै उनीहरुकाे अर्नादित क्षमता तथा वौदिक विकाश र विषय वस्तुमा थप सहयोग पुर्याउने उद्देश्यले शनिबार स्थानिय शिक्षा प्रेमी सलाउदीन अहमद र नेपाल सरकारका लेखा अधिकृत तथा लेखा विषयका प्रध्यापक खेमराज शाहले कक्षा लिनु भएकाे विद्यालयका प्रधानाध्यापक जितेन्द्र रामले वताए ।
पर्साकाे ग्रामिण क्षेत्रमा एक मात्र नमुना समुदायिक विद्यालय रहेकाे छ, जहाँ भौतिक पूर्वाधार कमि भएपनि विद्यार्थीहरुमा थप उर्जा प्रदान गर्न शनिवार पनि अत्तिरिक्त कक्षा संचालन गरिएकाे हाे ।
विद्यार्थीहरुलाई आफ्नो जीवनको लक्ष्य प्राप्त गर्न पढाई र लेखाई थप उर्जा प्रदान गर्ने कुराहरु प्रशिक्षकद्वयले जनकारी गराएका थिए । त्यस कार्यमलाई थप उर्जा प्रदान गर्न धोबिनी गाउँपालिकाकाे वडा नं. ५ का वडाध्यक्ष तथा विद्यालय व्यवस्थापन समितिका अध्यक्ष मनौवर अहमद, प्रधानाध्यापक जितेन्द्र राम, शिक्षक सुनिल मुखिया, सुबाश चौधरी र मदन प्रसादको समेत उपस्थितीमा कक्षा संचालन गरिएको थियो ।
समाजमा रहेकाे कुरुती हटनु पर्छ : अध्यक्ष साह
वीरगंज । कालिकामाई युवा समाजकाे आयाेजनामा शनिबार वीरगंजमा सम्मान कार्यक्रम सम्पन्न भएकाे छ । वीरगंजकाे रानिघाटस्थित सत्यम कलेजमा भएकाे कार्यक्रमलाई सम्बाेधन गर्दै गैर सरकारी संस्था महासंघ नेपाल पर्साका अध्यक्ष छठु साहले समाजमा रहेकाे कुरुती हटाउन जरुरी रहेकाे वताए ।
कार्यक्रमलाई प्रमुख अतिथीकाे रुपमा सम्बाेधन गर्दै अध्यक्ष साहले बालविवाह र दाेइजाे प्रथा नियन्त्रणकाे लागि समाजिक बहिस्कार जरुरी रहेकाे वताए । उनले बालविवाह र दाइजाे लिएर गर्नेमा विवाह हामीले बहिस्कार गर्नु पर्ने धारणा राखे ।
कालिका टाईम्सका प्रबन्ध निर्देशक समेत रहेका अध्यक्ष साहले यसका साथै बालविवाह गर्नेकाे जम्मदर्ता, विवाह दर्ता लगायकाे सिफारिसमा राेक लगाएर गए नियन्त्रण गर्न सकिने वताए ।
सत्यम कलेजका निर्देशक संजय यादवकाे अध्यक्षतामा भएकाे कार्यक्रममा कालिकामाई गाउँपालिकाका उपाध्यक्षकी प्रतिनिधि राधाकिशुन प्रसाद चाैरसिया, बाबा बि फिल्म प्राेडक्सनकी कलाकार साेमिया पाेखरेल, निर्देशक कृष्ण पण्डित, संताेष साह, प्रिया मिश्र, कालिका एकेडमीका संचालक जय प्रकाश चाैरसिया लगायतले मन्तव्य राखेका थिए ।
कार्यक्रमकाे संचालन युवा समाजका आकाश चाैरसियाले गरेका थिए भने स्वागत मन्तव्य युवा समाज कै सुजित कुशवाहले राखेका थिए ।
कार्यक्रममा बालवाह र दाइजाे प्रथा विरुद्ध काम गर्ने विभिन्न संघ/संस्था, कलाकार र व्यक्तिहरुलाई सम्मान गरिएकाे थियाे । युवा समाजका साबिर मियाँ, राजकिशाेर साह, शेखर पटेल, राजेश कुशवाहा, विशाल कुशवाहा लगायतकाले खादा र अविरकाे टिका लगाएर कदर पत्रले विभिन्न व्यक्ति र संघ/संस्थाका प्रतिनिधिहरुलाई सम्मान गरेका थिए ।
ठाेरीबाट लागु औषधसहित एक जना पक्राउ
वीरगंज । पर्साकाे ग्रामिण भेगबाट लागु औषधसहित एक जनालाई प्रहरीले पक्राउ गरेकाे छ । ठोरी गाउँपालिकाकाे वडा नं. २ सितागुफा नजिक सडक खण्डबाट साेही ठाउँ निवासी ३० बर्षिय रबिन्द्र कुमार साहलाई प्रहरीले पक्राउ गरेकाे हाे ।
बिहिबार राति १०:४५ बजे राती ठोरी गाउँपालिकाको बाटो हुँदै पैदल यात्रीहरूले लुकाइछिपाई अवैध लागु औषध भारतबाट नेपालतर्फ भित्र्याउदै गरेको भन्ने विशेष सूचनाको अधारमा ईलाका प्रहरी कार्यालय ठोरीबाट खटिएको गस्ती टोलीले साहलाई पक्राउ गरेकाे हाे ।
ठोरी गाउँपालिका वडा नं. २ सितागुफा नजिक सडक खण्डमा भारतको भिखनातर्फबाट नेपालको सुन्दरबस्ती तर्फ आउँदै गरेका साह संकाष्पदरूपमा टाउँकोमा जुटको बोरा लिई हिँडिरहेकोमा उक्त व्यक्तिलाई रोकी जाँच गर्दा लागु औषध फेला परेकाे जिल्ला प्रहरी कार्यालय पर्साले जनाएकाे छ ।
साहले बाेकेकाे जुटको बोरा भित्र काेडिवेल कफ सिरफ १०० एमएलकाे ४७४ बाेत्तल फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । पक्राउ परेका साहमाथी लागु औषध सम्बन्धी कसूरमा अनुसन्धान भइरहेकाे उनले जानकारी दिए ।
संदिप लामिछानेकाे समर्थनमा वीरगंजमा प्रदर्शन
वीरगंज । नेपाली राष्ट्रिय क्रिकेट टिमका निलम्बित कप्तान सन्दीप लामिछानेको समर्थनमा वीरगन्जमा प्रदर्शन गरिएको छ ।सन्दीपलाई षड्यन्त्र गरेर फसाउन खोजिएको भन्दै उनका समर्थक युवाहरूले शुक्रबार अपराह्न वीरगन्जमा प्रदर्शन गरेका हुन्।
वीरगंजका युवा सागर लामाको नेतृत्वमा रहेका युवाहरूले सन्दीपको पक्षमा विभिन्न नाराहरू लेखिएको प्ललेकार्ड सहित घण्टाघरमा प्रदर्शन गरेका हुन् ।
प्रदर्शनमा सहभागी युवाहरूले सन्दीपलाई फसाउन पाइँदैन, हामी युवा सन्दीपको साथमा छौ, ‘सन्दीप दोषी हो भने निर्मला पन्तको दोषी को?’ नाबालिक भनिएकी पीडितलाई सार्वजनिक गर, सीसीटीभी फुटेज सार्वजनिक गर, कसैको चरित्र हत्या गर्न मिल्दैन, महिलामुखी अधिकार कानुन हुनु हुँदैन पुरुषलाइ दमन गर्न पाइँदैन, घटनाको सत्यतथ्य छानबिन गर लगायतका नारा पनि लगाएका थिए ।
उनीहरूले प्रहरीमा सन्दीपविरुद्ध परेको बलात्कारको जाहेरीको सत्यतथ्य अनुसन्धान गर्न माग पनि गरे। बलात्कार आरोपित सन्दीपलाई फसाउन खोजिएको र उनको चरित्र हत्या गर्न खोजिएको युवाहरूको आरोप थियो ।
अन्तर्राष्ट्रियस्तरमा नै देशको नाम उच्च बनाउने खेलाडी सन्दीपलाई फसाउन खोजिएको भन्दै उनीहरूले सन्दीपले न्याय पाउनुपर्ने बताए ।
१७ वर्षीया एक किशोरीलाइ भदौ ५ गते एक होटलमा लगेर बलात्कार गरेको भन्दै सन्दीपविरुद्ध प्रहरी वृत्त गौशाला काठमाडौंमा गत मंगलबार जबरजस्ती करणी मुद्दामा जाहेरी दर्ता भएको छ।
उक्त जाहेरी परेपछि मुलुकी अपराध (संहिता) ऐन, २०७४ को परिच्छेद-१८ को दफा २१९ को ‘जबर्जस्तीकरणी गर्न नहुने’ कसुरमा लामिछानेउपर थप अनुसन्धान गर्नका लागि काठमाडौं जिल्ला अदालतबाट पक्राउ पुर्जी जारी भएको छ ।
जाहेरी परेपछि सन्दीपलाई नेपाल क्रिकेट संघ (क्यान)ले राष्ट्रिय टोलीबाट निलम्बित गरेको छ । प्रहरी वृत्त गौशालामा उनीविरुद्ध जबरजस्तीकरणी कसुरमा जाहेरी परेको भन्दै क्यानले निलम्बन गरेको हो ।
धाेबिनीमा स्व. बिपी काेइरालाकाे जन्मजन्ती मनाइयाे
वीरगंज । पर्साकाे धाेबिनी गाउँपालिकामा नेपाली कांग्रेसका संस्थापक एवम् पूर्व प्रधानमन्त्री स्व. बिपी काेइरालाकाे १०९ औं जन्मजयन्ती मनाइएकाे छ ।
नेपाली काङ्ग्रेस धोबिनी गाउँपालिका कार्य समितिले शुक्रबार जनताकाे साथमा कांग्रेस कार्यक्रमकाे आयाेजना गरी स्व. नेता काेइरालाकाे जन्मजयती मनाएकाे हाे । धाेबिनी गाउँपालिकाकाे लंगडीमा भएकाे कार्यक्रममा वाेल्ने वक्ताहरुले स्व. बिपी काेइराला महामानव भएकाे वताए ।
वक्ताहरुले राष्ट्रियता, प्रजातन्त्र र समाजवादको सिद्वान्तलाई आत्मसात गरी आफ्नो राजनीतिक यात्रामा राष्ट्रिय मेलमिलापको नीतिलाई सर्वोपरी मानेका कोइरालाको योगदान वर्तमानमा पनि उत्तिकै महत्वपूर्ण ठानिएको वताए ।
नेपालको जारी संविधान निर्माण प्रक्रिया र राजनीतिक अस्थिरतामा बिपीको आदर्श, मूल्य र मान्यता अझ सान्दर्भिक रहेको वक्ताहरुकाे भनाई थियाे ।
गाउँपालिका सभापति कमल ठाकुर लोहारको अध्यक्षता र जिल्ला समितिका उपसभापति रामनारायण प्रसाद कुर्मीकाे प्रमुख आतित्यतामा भएकाे कार्यक्रममा महाधिवेशन प्रतिनिधि बशिष्ठ नारायण प्रसाद कुर्मी, नेता रामरुप प्रसाद कुर्मी, श्याम किशोर प्रसाद कुर्मी, रामबाबु प्र.कुर्मी, बलिष्टर अहमद, वडाध्यक्षहरु बन्धु साह, राजकिशोर प्र कुर्मी, अब्बास मिया चुरिहार, वडा सभापति गणेश साह, गाया राउत अहिर, बासदेव तिवारी, इसरायल देवान लगायत निर्वाचित जनप्रतिनिधि तथा अगुवा कार्यकार्ताहरुको उपस्थिती रहेकाे थियाे ।
जिराभवानीमा माओवादीकाे पालिका स्तरिय भेला सम्पन्न
वीरगंज । नेकपा माओवादी केन्द्रका केन्द्रिय सदस्य बिरेन्द्र प्रसाद यादवले देशको अहिलेको अवस्था परिवर्तनका लागि व्यावस्था परिवर्तन गरेको नेकपा माओवादी केन्द्रले नेतृत्व गर्नुपर्ने बताएका छन् ।
पार्टीको पर्सा क्षेत्र नम्बर ४ अन्तर्गत जिराभवानी गाउँपालिकाको सुपौलीमा शुक्रबार भएको पालिका स्तरीय कार्यकर्ता भेलालाई सम्बोधन गर्दै केन्द्रीय सदस्य यादवले नेपालको व्यावस्था परिवर्तन नेकपा माओवादी केन्द्रले नै गरेको बताउँदै अवस्था परिवर्तनका लागि अब माओवादी केन्द्रलाई नै विजयी गराउनु पर्ने बताए ।
उनले क्षेत्र नम्बर ४ मा माओवादी पार्टीमा जनलहर बढेको बताउँदै आगामी मंसिर ४ गते हुने निर्वाचनमा पार्टीलाई पर्सा जिल्ला मै पहिलो पार्टी बताउन कार्यकर्ताहरुलाई सहयोग गर्न आग्रह गरे । पार्टीका गाउँपालिका अध्यक्ष रामाकान्त चौधरीको अध्यक्षतामा भएको कार्यक्रममा पार्टीका केन्द्रिय सदस्य टेक बहादुर शाक्य, प्रदेश सदस्य सलाउदिन अहमद, नेताहरु कृष्णमोहन प्रसाद यादव, नेपाल दलित मुक्ति मोर्चा मधेस प्रदेश अध्यक्ष लवकुश बैठा, जिल्ला अध्यक्ष महेन्द्र राम लगायतले मन्तव्य व्यक्त गरेका थिए ।
कार्यक्रमको संचालन लहवर रामले गरेका थिए भने स्वागत मन्तव्य भोला दास थारुले राखेका थिए ।












