Date
मङ्ल, मंसिर १, २०८३
Tue, November 17, 2026
Home Blog Page 616

प्रदीप यादवले दिए निर्वाचन केन्द्रित गतिविधिलाई तीव्रता

0

वीरगंज । पर्सा क्षेत्र नम्बर १ बाट प्रतिनिधिसभा सदस्य पदका उम्मेदवार प्रदीप यादवले निर्वाचन केन्द्रित गतिविधिलाई तीव्रता दिएका छन् । यादवले शनिबार बिहानदेखि नै क्षेत्रमा विभिन्न कार्यक्रमहरु गरेर निर्वाचन केन्द्रित गतिविधिलाई अगाडि बढाएका हुन् ।

पूर्वमन्त्री समेत रहेका यादवले वीरगंज महानगरपालिका वडा नम्बर १६ नगवामा अगुवा नेता तथा कार्यकर्ता भेला गरेका हुन् । कार्यक्रमलाई सम्बोधन गर्दै यादवले नेताको जनताले मूल्यांकन गर्ने बेला आइसकेको बताए ।

उनले भने, “पर्सा १ मा यसअघि जितेका पाँच जना सांसदले कति विकास गरे अनि विगत पाँच बर्षमा मैले कति काम गरे त्यो सबैका सामु छर्लङ्ग नै छ, अब यसको मूल्यांकन तपाईहरुले गरिदिनु होला ।”

यहि क्षेत्रले विगतमा प्रधानमन्त्रीसमेत पाएपनि उनि जितेर गइसकेपछि क्षेत्रमा एकपटक पनि फर्केर नआएको दृष्टान्त दिदै यादवले भने ,‘म जनताको सेवक हुँ, जिते पनि हारे पनि जनताकै दु:ख सुखमा साथ दिँदै आएको छु र दिरहने छु ।’ यादवले आफुले गरेका कामका बारेमा मतदातालाई बुझाउन कार्यकर्तासँग अनुरोध समेत गरे ।

यादवले भने, ‘हुन त जनतालाई सबै थाहा छ, को नेता कस्तो छ, जितेर कसले कती काम गरेको छ, तै पनि चुनाव भएकाले जनता माझ आफना कामहरुका बारे सन्देश लिएर पुग्नै पर्छ ।’

कार्यक्रममा मधेस प्रदेशका मुख्यमन्त्री लालबाबु राउतका साथै स्थानीय जसपाका अगुवा नेता कार्यकर्ताको उल्लेख्य संख्यामा सहभागीता रहेकाे थियो ।

ड्राइपाेर्टमा पुन: सवारी दुर्घटना, वीरगंज निवासी कुशवाहाकाे मृत्यु

0
bike accident_kalikatimes

वीरगंज । वीरगंज महानगरपालिकाकाे वडा नं.२५ ड्राईपोर्टमा माेटरसाइकललाई ट्रकले ठक्कर दिदाँ पुन: एक जनाकाे मृत्यु भएकाे छ । ट्रकले माेटरसाइकललाई ठक्कर दिदाँ वीरगंज महानगरपालिकाकाे वडा नं. २३ सवैठवा निवासी ३० बर्षिय सन्तोष कुशवाहाकाे मृत्यु भएकाे प्रहरीले जनाएकाे छ ।

शुक्रबार दिउसाे २:२५ बजेको समयमा ड्राईपोर्ट गेट अगाडी उत्तरबाट दक्षिण दिशातर्फ गईरहेको प्रदेश २-०३-०२० प ८७९९ नम्वरको पल्सर मोटरसाईकललाई सोही दिशा तर्फ गईरहेको ना.५ ख २२६१ नम्बरको ट्रकले पछाडीबाट ठक्कर दिदा मो.सा.चालक कुशवाहा गम्भीर घाईते भएका थिए ।

दुर्घटना बारे जानकारी हुनासाथ प्रहरी चौकी सिर्सियाबाट खटिएकाे प्रहरी टाेलीले घाईते भएका भारत जिल्ला आदापुर घर भई हाल जिल्ला पर्सा वीरगंज महानगरपालिकाकाे वडा नं. २३ सवैठवा निवासी कुशवाहालाई तत्कालै उपचारको लागि नारायणी अस्पताल वीरगंजमा पठाएकाे थियाे ।

गम्भीर घाईते कुशवाहाको अस्पताल पुर्‍याउँदा चिकित्सकले मृत्यु भएको जानकारी गराएको जिल्ला प्रहरी कार्यालय पर्साले जनाएकाे छ ।

ठक्कर दिने ट्रक र चालक वीरगंज महानगरपालिका कै वडा नं. २४ रामगढवा निवासी ४० बर्षिय ओमबाबु कुर्मीलाई नियन्त्रणमा लिएर मृतकको लास जाँच प्रकृती मुचुल्का लगायतको अनुसन्धान कार्य भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

जुडे खेलाडीलाई गाउँपालिकाबाट बिदाई

0

वीरगंज । पर्साकाे कालिकामाई गाउँपालिकाले नाैं राष्ट्रिय जुडाे प्रतियाेगितामा मधेश प्रदेशबाट सहभागि हुने खेलाडीलाई खेल सामग्री प्रदान गर्दै बिदाई गरेकाे छ ।

पोखरामा हुन लागेकाे प्रतियोगितामा मधेश प्रदेशबाट छनोट भएर सहभागी हुने कालिकामाई गाउँपालिकाकाे वडा नं. १ तिन्डोभिया निवासी जुडो खेलका खेलाडी अर्जुन पटेललाई गाउँपालिकाले बिदाई गरेकाे हाे । एक कार्यक्रमकाे बिच गाउँपालिका अध्यक्ष बशिष्ट गुप्ताले फटेललाई खेल सामग्री प्रदान गर्दै खादा ओढाएर बिदाई गरेका हुन् ।

गाउँपालिका अध्यक्ष गुप्ताले राष्ट्रिय स्तरकाे प्रतियाेगिता खेल्न कालिकामाई गाउँपालिकाबाट छनाैट भएर गाउँपालिकाकाे नाम गरेकाे वताए । उनले प्रतियाेगतामा विजेता भएर फर्कन पनि शुभकामना दिए । 

पटेल असाेज ३१ गतेदेखि कात्तिक ३ गते सम्म पाेखरामा हुने नाैं राष्ट्रिय जुडाे प्रतियाेगितामा सहभागि हुन लागेका छन् ।  

साे अवसरमा कालिकामाई गाउँपालिका वडा नं. १ का वडाध्यक्ष लालबाबु चौरसिया, वडा नं. ३ का वडाध्यक्ष संजय पटेल, ताजिन्द्र साह कलवार लगायतकाे पनि उपस्थिती रहेकाे थियाे ।

ठाेरीमा उम्मेदवार रिजालकाे भव्य स्वागत

0

वीरगंज । ठोरीमा पर्सा क्षेत्र नम्बर ४ का सत्तागठबन्धनबाट प्रतिनिधीसभा सदस्यका साझा उम्मेदवार रमेश रिजाललाई भव्य स्वागत गरिएको छ ।

ठोरी गाँउपालिकाको निर्मलवस्तीमा शुक्रबार आयोजित कार्यकर्ता भेटघाट कार्यक्रममा सहभागी हुन पुगेका काँग्रेस केन्द्रिय सदस्य समेत रहेका रिजाललाई स्थानीयवासीले भव्य स्वागत गरेका हुन् । काँग्रेस नेता कार्यकर्ता र स्थानीयले समेत काँग्रेस उम्मेदवार रिजाललाई खादा, गम्छा र माला लगाएर स्वागत गर्दै उनको जितका लागि नारा पनि लगाएका थिए ।

कार्यक्रममा बोल्दै रिजालले आफु पदमा रहे पनि नरहेपनि ठोरी र क्षेत्र नम्बर ४ को जनताको सुखदुखमा सदैव साथमा रहदै आएको बताए । उनले ठोरी र यस क्षेत्रको विकास र समृद्धिका लागि लामो समय देखि सांसद पदमा नरहेपनि सकेको जति योगदान दिदै आएको जिकिर पनि गरे ।

रिजालले भने ,‘ म कस्तो नेता हु ठोरीका जनतालाई बताइरहन जरुरी छैन, यहाका जनताको हरेक सुखदुखमा साथमा रहदै आएको छु, त्यस कारण आगामी निर्वाचनमा जनताले मलाई एक पटक अवसर दिने कुरामा म विश्वस्त छु ।

उनले भने ,‘ २०७४ को निर्वाचनमा जितेका सांसदले चुनाव जितेपछि क्षेत्र नम्बर ४ का लागि के के गरे ? ठोरीलाई माया गरे कि गरेनन् ? अहिले उनि कुन क्षेत्रमा भागे ? यसको मुल्यांकन ठोरीका जनताले गरिरहेका छन् ।

रिजालले जनताले २/३ बहुमत दिदा समेत पद र सत्ताका लागि तीन बर्ष पनि सरकार चलाउन नसक्ने र पार्टी भित्रको आन्तरिक किचलोका कारण दुई दुई पटक सांसद नै बिघटन गर्ने एमालेलाई पनि आगामी चुनावमा जनताले तह लगाई दिने बताए ।

संविधान र लोकतन्त्र रक्षाका लागि काँग्रेसले पाँचदलीय गठबन्धन गर्नु परेको प्रस्ट्याउँदै रिजालले आगामी निर्वाचनमा संविधान र मधेस विरोधी एमालेलाई परास्त गरेर फेरि काँग्रेसकै नेतृत्वमा सरकार बन्ने ठोकुवा पनि गरे । उनले संविधान र लोकतन्त्रको रक्षाका लागि भएपनि काँग्रेसलाई मत दिन अपिल पनि गरे ।

काँग्रेसका ठोरी गाँउपालिका सभापति सन्तोष श्रेष्ठको अध्यक्षतामा भएको कार्यक्रममा काँग्रेसका प्रदेशसभा सदस्य उम्मेदवार शंकर चौधरी, काँग्रेसका मधेस प्रदेश महामन्त्री बृहस्पतिकृष्ण श्रेष्ठ, पार्टी प्रवक्ता रमेश पाण्डे, महाधिबेशन प्रतिनिधि एंव जिल्ला सहसचीव नवीन सिन्ह, क्षेत्रीय सभापति एंव जगरनाथपुर गाउँपालिकाका अध्यक्ष श्रीकान्त यादव, सचीव बालिस्टर अहमद, युवा नेता राकेश यादव लगायतका नेताकार्यकर्ताको सहभागीता रहेको थियो ।

ड्राईपोर्टमा सवारी दुर्घटना हँदा पाेखरियाकाे रामकाे मृत्यु

0
bike accident_kalikatimes

वीरगंज । वीरगञ्ज महानगरपालिकाकाे वडा न.२४ बहुअरी चोकस्थित ड्राईपोर्टमा सवारी दुर्घटना हुँदा एक जनाकाे मृत्यु भएकाे छ । पोखरिया नगरपालिकाकाे वडा नं. १ वनकटवा निवासी ६० बर्षिय विगा रामकाे मृत्यु भएकाे प्रहरीले जनाएकाे छ ।

शुक्रबार विहान ११० बजे ड्राईपोर्टबाट परवानिपुर तर्फ जाँदै गरेको ना ३ ख ५७४३ नम्बरको खाली लहरीले बाटो काट्दै गरेको पैदल यात्री रामलाई ठक्कर दिँदा उनी गम्भिर घाइते भएका थिए ।

दुर्घटना बारे थाहा पाए लगतै प्रहरी चौकी सिर्सियाबाट खटिएको टोलीले घाईते रामलाई तत्कालै उपचारको लागि नारायणी अस्पताल वीरगंजमा पठाइएकोमा चिकित्सकले उनलाई मृत घाेषणा गरेकाे जिल्ला प्रहरी कार्यालय पर्साले जनाएकाे छ ।

ठक्दर दिने लहरी र चालक वीरगंज महानगरपालिका वडा नं.१९ बिन्दवासिनी निवासी २४ बर्षिय सुजित यादवलाई नियन्त्रणमा लिएर मृतकको लास जाँच प्रकृती मुचुल्का लगायतको अनुसन्धान कार्य भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

पकाहा मैनपुरमा एमालेको दाेस्राे दिन पनि घरदैलाे

0

वीरगंज । नेकपा एमाले पर्सा क्षेत्र नम्बर ३ का प्रतिनिधि सभा सदस्यका उम्मेदवार एवम् केन्द्रिय सदस्य राजकुमार गुप्ताले घरदैलो कार्यक्रममा आफ्नो सक्रियता बढाएका छन् । केन्द्रिय सदस्य गुप्ताले घरदैलोको दोश्रो दिन बिहिबार पकाहामैनपुर गाँउपालिकाको वडा नम्बर १ र २ अन्तर्गतका टोलहरु धोरे, मधुबनी, सुर्जाहा, मानिपुर लगायतको गाँउहरुमा घरदैलो कार्यक्रम गरेका छन ।

घरदैलो कार्यक्रममा गाउँबासीहरुले नेपाली कांग्रेसको सरकारले शिक्षा, स्वास्थ्य, कृषि एवं पूर्वधार विकासमा ध्यान नदिई मात्र कार्यकर्ता पालन पोषणमा लागेको आरोप सहित गुनासो गरेका थिए । गाउँबासीहरुको गुनासो सुन्दै नेता गुप्ताले अब आउने चुनावमा जनताको पक्षमा काम गर्न नेकपा एमालेलाई मतदान गर्न अनुरोध गरेका थिए ।

नेता गुप्ताले पर्सा क्षेत्र नम्बर ३ को बिकाशको लागि एमाले नेतृत्वका सरकार आवश्य पर्ने भएकोले एमालेलाई बिजयी गराउन आग्रह गरे । क्षेत्र नम्बर ३ को बिकाशको लागि आफु पहिलादेखि नै कार्यहरु गर्दै आएको र अधुरा बिकाश निर्माणको काम पुरा गर्न पुनः जिताउन नेता गुप्ताले आग्रह गरे ।

कार्यक्रममा नेकपा एमाले र जसपाका साझा प्रदेश सभा सदस्य ३ काे (ख) का उम्मेदवार डा. मधु गुप्ता, एमाले जिल्ला कमिटीका उप सचिव संजिव मिश्र, राष्ट्रिय युवा संघ पर्सा अध्यक्ष मोहमद निजाम, युवा संघका केन्द्रिय सदस्य रवि गुप्ता, नेता शिव पटेल, गाउँपालिका कमिटीका इञ्चार्ज विकास पाण्डेय, उपाध्यक्ष कृष्ण कुशवाहा, सचिव राजेश सहनी, पुर्व गाँउपालिका अध्यक्ष एवम् पकाहा मैनपुर गाउँपालिका निर्वाचन कमिटी अध्यक्ष बिचय चौरसिया, नेता हनिफ अंसारी, गम्भिरा साह, दीनानाथ साह, रामबाबु चौरसिया, जसपाकी नेतृ सलमा खातुन लगायत सयौं नेता तथा कार्यकर्ताहरुको सहभागिता थियो ।

प्रधानमन्त्री देउवाले गरे जसपाका ४ मन्त्रीलाई पदमुक्त

0

वीरगंज । सत्ता गठबन्धन तोडेर नेकपा एमालेको गठबन्धनमा गएपछि सरकारमा सहभागी रहेका जसपाका मन्त्रीहरू पदमुक्त भएका छन् । प्रधानमन्त्री शेरबहादुर देउवाले बिहिबार उनीहरूलाई पदमुक्त गरेका हुन् । 

सामान्य प्र्रशासन तथा सङ्घीय मामिला मन्त्री राजेन्द्र श्रेष्ठ, कृषिमन्त्री तथा पशु पंक्षी मन्त्रि मृर्गेन्द्र सिंह यादव, वन तथा वातावरणमन्त्री प्रदीप यादव र भौतिक पूर्वाधार तथा यातायातमन्त्री मोहम्मद ईस्तिायक राइलाई प्रधानमन्त्री देउवाले पदमुक्त गरेका हुन् । 

मन्त्रीहरू पदमुक्त भएको र ती मन्त्रालयको जिम्मेवारी प्रधानमन्त्री देउवाले आफैँसँग राखेको कार्यविभाजन राष्ट्रपति विद्यादेवी भण्डारी गरेकी छन् । 

यस्तै ६ महिनामा सांसद हुन नसकेपछि गैर सांसद् मन्त्री भएका कानुनमन्त्री गोविन्द बन्दीको पनि मन्त्री पद गएको छ । उक्त मन्त्रालयको जिम्मेवारी सञ्चारमन्त्री ज्ञानेन्द्रबहादुर कार्कीलाई दिइएको छ । 

कानु र गिरीद्वयसहित ९ जना एमालेबाट निष्काशित

0

वीरगंज । नेकपा एमालेले आफ्ना ९ जना बागी उम्मेदवारहरुलाई कारवाही गरेकाे छ । मंसिर ४ गते हुने प्रतिनीधि सभा तथा प्रदेश सभा निर्वाचनमा पार्टीकाे निर्णय विपरित पर्साकाे विभिन्न निर्वाचन क्षेत्रमा स्वतन्त्र उम्मेदवारी दिने ९ जनालाई कारवाही गरिएकाे एमाले पर्साका अध्यक्ष जयप्रकाश थारुले वताए ।

जिल्ला अध्यक्ष थारुले बिहिबार एक प्रेस विज्ञप्ती जारी गर्दै एमाले र जसपाको केन्द्रीय निर्णय अनुसार सिट तालमेल गरी आ-आफ्नो पार्टीबाट अधिकारिक उम्मेदवारी दिने बाहेक स्वतन्त्र तथा अन्य राजनैतिक दलबाट बागी भई दिएका उम्मेदवारहरु पार्टीको निर्देशन अनुसार आफ्नो उम्मेदवारी फिर्ता नगरेकोले पार्टी विधान, निर्णय, निर्देशनको विपरीत काम गरेका उम्मेदवारहरुलाई आजैको मितिवाट साधारण सदस्य समेत नरहने गरी निष्काशन गरिएको जानकारी गराएका हुन् ।

उनले विज्ञप्ती मार्फत नै वागी उम्मेदवारहरुलाई पार्टी नेता, कार्यकर्ताहरुले कुनै किसिमको निर्वाचनमा सहयोग नगर्न निर्देशन समेत दिएका छन् ।

पार्टीबाट निष्काशन हुनेमा जिल्ला सदस्य संतोष कुमार, छिपहरमाई गाउँपालिका अध्यक्ष प्रहलाद साह कानु, शान्त कुमार जोशी, अफताब आलम, महमद आलम देवान, फरमान अंसारी, प्रहलाद गिरी, निरराज गिरी र सङ्गबो लामा तामाङ्ग (विनोद लामा) रहेका छन् ।

कारवाही बारे जिल्ला कमिटीले एमाले मधेश प्रदेश कमिटी जनकपुरधाम र एमाले केन्द्रीय कमिटि च्यासल, ललितपुरलाई समेत जानकारी गराएकाे छ ।