Date
मङ्ल, मंसिर १, २०८३
Tue, November 17, 2026
Home Blog Page 612

बन्द रहेको स्कुलको संचालक नेशनल प्याब्सनको सचिव

0

वीरगंज । स्कुल नै संचालनमा नरहेको संस्थाका प्रधानाध्यपक नेशनल प्याब्सनमा रजाई गरी रहेका छन् । बिगत तीन बर्ष देखि बन्द रहेको क्याम्ब्रिज एजुकेशनल इगलिस बोर्डिङ्ग स्कुलका संचालक तथा प्रचार्य प्रमोदन रायमाजी नेशनल प्याब्सनको सचिव पदमा वसी रजाई गरी रहेका छन् ।

आफ्नो स्कुल संचालनमा नरहेको भएपनि रायमाजी नेशनल प्याब्सनको सचिवको हैसितमा संगठनमा आबद्ध रहेको स्कुलहरु माथी थिचोमोचो गर्ने गरेको तथा अबैध रुपमा रकम असुली गर्ने गरेको संगठनमा आबद्ध एक स्कुलका संचालकले बताए । उनले संगठन भित्र भाडभैलो मच्चाउन खाजेको तथा संगठनको बिधि र पद्धति बिपरित कामहरु गरी रहेको भन्दै संगठनबाट तत्काल हटाउने आवजहरु संगठनमा उठेको बताए ।

नेशनल प्याब्सनको सदस्य रहेको एक स्कुलका संचालकले स्कुल नै नरहेको व्यक्तिलाई संगठनको पदाधिकारीमा राख्न नहुने र तत्काल उनलाई सचिवबाट बर्खास्त गर्नको लागि संगठन भित्र छलफल भइरहेको नाम नछाप्ने सर्तमा एक स्कुलका संचालकले बताए । स्कुल नरहेको व्यक्ति पदमा नरहनु पर्ने हो तर लाज नै नभएपछि के नै गर्न सकिन्छ भन्नेहरु पनि संगठन भित्रै रहेको पदाधिकारीको भर्नाइ छ ।

निजि तथा आवासिय बिद्यालय संगठनको बिधानमै स्कुल नरहेको व्यक्तिलाई संगठनको कुनै पनि पदमा राख्न नहुने प्रावाधान रहेको छ । तर बिधान बिपरित रायमाजीले संगठनको पदाधिकारी भएर बसि रहेको पाइएको छ ।

एमाले प्रबेश गरेका पूर्व वडाध्यक्ष अहिर पुन: कांग्रेस मै फर्के

0

वीरगंज । पर्सामा दुई दिन पहिला मात्रै नेपाली काँग्रेस परित्याग गरि नेकपा एमालेमा प्रवेश गरेका एक नेता फेरि काँग्रेसमै फर्किएका छन् ।

पर्साको निर्वाचन क्षेत्र नम्बर ३ मा पर्ने विन्दवासीनी गाँउपालिका वडा नम्बर ५ का पूर्ब वडाध्यक्ष सुकदेव राउत अहिर, गत सोमबार मात्रै काँग्रेस परित्याग गरि एमालेमा प्रवेश गरेका थिए । पर्सा ३ का एमाले उम्मेदवार राज कुमार गुप्ताले चुनावी कार्यक्रममै अहिरलाई टिका र गम्छा लगाएर पार्टी प्रबेश गराएका थिए ।

तर अहिर दुई दिन पनि एमालेमा टिक्न सकेनन् । उनि बुधबार फेरि काँग्रेसमा फर्किएका हुन् । नेपाली काँग्रेसका विन्दवासीनी गाँउपालिकाका सभापति विवेक चौरसियाको पहलमा अहिर बुधबार फेरि काँग्रेसमा फर्किएका हुन् ।

बुधबार पुन काँग्रेसमा फर्किएका पूर्व वडाध्यक्ष अहिरले आफु कांग्रेस मै रहेकाे वताए । उनले आफनो सारा जिवन काँग्रेसमै बिताएको र अबको बाँकी राजनीतिक जीवन पनि काँग्रेसलाई नै समर्पित गर्ने बताए ।

गाउँपालिका सभापति चाैरसिया सहित नेपाली कांग्रेस पर्सा क्षेत्र ३ काे २ का सभापति अनोज चौरसिया,  वडा नं. ३ अध्यक्ष जयप्रकाश चौरसिया, वडा सदस्य बिरबल राम, नेपाल तरुण दल पर्साका सदस्य उपनेश चौरसिया, आनन्द चौहान अजय गुप्ता लगायतले अहिरलाई समझाई बुझाई पुन: कांग्रेसमा फर्काउन सफल भएका हुन् ।

नेकपा एस पर्सा क्षेत्र नं. १ को अगुवा कार्यकर्ता भेला सम्पन्न

0

वीरगंज । नेकपा (एकीकृत समाजवादी) पर्सा क्षेत्र १ को अगुवा कार्यकर्ता भेला बुधबार वीरगंजमा सम्पन्न भएकाे छ । भेलाले बाम लोकतान्त्रिक गठबन्धनका उम्मेदवारलाई मतदान गर्न निर्णय गरेकाे छ ।

भेलामा बाम लाेकतान्त्रिक गठबन्धनका पर्सा क्षेत्र नं. १ का प्रतिनिधिसभा सदस्यका उम्मेदवार लक्षमणलाल कर्ण र क्षेत्र नं. १ काे (१) का प्रदेशसभा सदस्यका उम्मेदवार माओवादी केन्द्रका रहबर अंसारी र १ काे (२) का उम्मेदवार नेपाली कांग्रेसका रामनारायण कुर्मीलाई समेत आमन्त्रण गरिएको थियो ।

नेकपा एकिकृत समाजवादी पार्टी पर्सा निर्वाचन क्षेत्र नं. १ को क्षेत्रिय कमिटि अध्यक्ष मंजुर अंसारीको अध्यक्षत एवम् पार्टीका पोलिट व्यूरो सदस्य एवं मधेश प्रदेशका सह संयोजक रामचन्द्र साहको प्रमुख आथित्यमा भएको कार्यक्रममा नेताहरुले पार्टीका सबै अगुवा कार्यकर्ताहरुलाई इमन्दारी पूर्वक गठबन्धनका उम्मेदवारलाई भोट हाल्न तथा समानुपातिक तर्फ पार्टीकाे चुनाव चिन्ह कलम छापमा मत हाल्न आग्रह गरेका थिए ।

कार्यक्रममा एकीकृत समाजवादीका वीरगंज महानगर इन्चार्ज एवं पोलिट व्यूरो सदस्य चिरञ्जिवी आचार्य, पर्सा जिल्लाका कार्यवाहक अध्यक्ष गंगा खड्का, वीरगंज महानगरका अध्यक्ष मनोज चौधरी, महानगरका सचिव बृजलाल पासवान, समाजवादी प्रेस संगठन पर्साका अध्यक्ष मनोज पटेल, लोसपा नेता नेजामोदिन समानी लगायतको उपस्थिती रहेको थियो ।

प्रहलाद गिरीकाे समर्थनमा माेटरसाइक र्‍याली

0

वीरगंज । पर्साको निर्वाचन क्षेत्र ३ को २ का प्रदेशसभा सदस्यका उम्मेदवार प्रहलाद गिरीको समर्थनमा पोखरिया युवा समाजले मोटर साइकल ¥याली निकालेको छ ।  

निवर्तमान प्रदेशसभा सदस्य समेत रहेका गिरी विकासवादी तथा युवा प्रेमी नेता भएको भन्दै युवा समाजका पदाधिकारीहरु सहितको टोलीले समर्थनमा मोटरसाईकल ¥याली निकालेको हो । नेकपा (एकीकृत समाजवादी) का उम्मेदवार गिरीलाई जिताउन युवाहरु स्वस्फूर्त रुपमा र्‍याली निकालेकाे युवा समाजका सुजित गिरीले वताए ।

पोखरिया युवा समाजका अध्यक्ष भगवान दास तत्वाको नेतृत्वमा जम्मा भएका युवाहरुको समूहले प्रदेशसभा सदस्यका उम्मेदवार गिरीलाई जिताउन अपिल गर्दै मोटर साइकल ¥याली निकालेको युवा समाज पोखरियाले जनाएको छ । २ सय भन्दा बढी बाइकमा सवार युवाहरुले क्षेत्रको बिभिन्न गाउँ र टाेलकाे प्ररिक्रमा गरेका थिए ।

पोखरियाबाट शुरु भएको ¥याली सतवरिया, पकहामैनपुर, प्रसौनी, गर्दाैल, हसवा, मधुवनी, मानिपुर हुँदै पुनः पोखरिया पुगेको थियो । ¥यालीमा राकेश महतो, मनु गिरी, मुम्ताज आलम, सन्तोष चौहान लगायतका युवाहरुले सहभागीता रहेको थियो ।

निर्वाचन आचारसंहिता पालना गर्न उम्मेदवारलाई सात बुँदे निर्देशन

0

वीरगंज । निर्वाचन आयाेगले राजनीतिक दल तथा उम्मेदवारलाई आचारसंहिता कार्यान्वयन गर्न सात बुँदे निर्देशन दिएकाे छ ।

आयाेगले बुधबार एक प्रेस विज्ञप्ती जारी गर्दै लाभको पदमा रहेका कतिपय राजनीतिक व्यक्तित्वहरूबाट निर्वाचन प्रचार प्रसार गर्दा सरकारी स्रोत साधन उपयोग गरी निर्वाचन प्रचार प्रसार गर्ने, घरदैलोको कार्यक्रम गर्दा सुरक्षाकर्मीहरूसहित पच्चीस जनाभन्दा बढी संख्याको जुलुस लिई हिँड्ने, राजनीतिक दलहरूले जुलुस, आमसभा, कोणसभा वा भेला आयोजना गर्ने, अनुमति नलिई निर्वाचन प्रचार प्रसारको लागि सवारी साधन प्रयोग गर्ने समेतका गतिविधि भएको भन्ने सूचना विभिन्न माध्यमबाट प्राप्त भएकोले निर्वाचन आयोगले निर्वाचनलाई स्वच्छ, स्वतन्त्र तथा निष्पक्ष ढंगले सम्पादन गर्नको लागि सबै राजनीतिक दल तथा उम्मेदवारलाई आचारसंहिता कार्यान्वयन गर्न निम्न लिखित सात बुँदे निर्देशन दिएको हाे ।

आयाेगले निर्वाचन आचारसंहिता, २०७९ को दफा ५ मा नेपाल सरकार तथा प्रदेश सरकारका मन्त्रीले आफू उम्मेदवार भएको क्षेत्रमा प्रचार प्रसार गर्न बाहेक निर्वाचन आयोगको सहमति नलिई अन्यत्र कुनै दल वा उम्मेदवारको प्रचार प्रसार गर्न नपाइने, प्रचार प्रसार गर्दा सरकारी स्रोत साधनको प्रयोग गर्न नपाइने व्यवस्था रहेको सन्दर्भमा नेपाल सरकार वा प्रदेश सरकारका मन्त्री उम्मेदवार भएको भए आफू उम्मेदवार भएको निर्वाचन क्षेत्रसम्म निर्वाचन आचारसंहिताको प्रतिकूल नहुने गरी प्रचार प्रसार गर्ने, प्रचार प्रसार गर्दा सरकारी साधन स्रोत तथा जनशक्तिको उपयोग नगर्ने, सरकारी कामको सिलसिलामा यात्रा गर्दा बाहेक निर्वाचन प्रचार प्रसारको लागि आफ्नो निर्वाचन क्षेत्रतर्फ जाँदा समेत सरकारी साधन स्रोतको उपयोग नगर्ने तथा आफू उम्मेदवार नभएको क्षेत्रमा आयोगको अनुमति लिई प्रचार प्रसार गर्न जाँदा समेत उल्लेखित व्यवस्थाको पालना गर्न निर्देशन दिएकाे छ ।

त्यसैगरी स्थानीय कार्यपालिकाका पदाधिकारीले आफू बहाल रहेको स्थानीय तहमा निर्वाचन प्रचार प्रसार नगर्ने र सो नियमको प्रतिबन्धात्मक वाक्यांशको खण्ड (४) बमोजिम अन्य स्थानीय तहमा निर्वाचन प्रचार प्रसार गर्दा तथा प्रचार प्रसारका लागि जाँदा वा आउँदा समेत सरकारी साधन स्रोत तथा जनशक्ति उपयोग नगर्न, मतदान हुने दिन भन्दा सत्र दिन अघिदेखि मात्र जुलुस, आमसभा, कोणसभा गर्न वा सञ्चार माध्यममा कुनै प्रकारको प्रचार प्रसार सामग्री प्रकाशन वा प्रसारण गर्न पाइने व्यवस्था भएकाले सो अवधि (२०७९ साल कात्तिक १७) गतेभन्दा अघि कुनै पनि राजनीतिक दल तथा उम्मेदवारले जुलुस, आमसभा, कोणसभा जस्ता कार्यक्रम तथा सञ्चारमाध्यमबाट कुनै प्रकारको प्रचार प्रसार सामग्री प्रकाशन वा प्रसारण नगर्न पनि आयाेगले निर्देशन दिएकाे छ ।

त्यसैगरी, निर्वाचन प्रचार प्रसारका लागि घरदैलो कार्यक्रम गर्दा उम्मेदवार, प्रस्तावक, समर्थक सहित पच्चीस जना भन्दा बढीको जुलुस लिएर जान नहुने, यसरी जाँदा बाजागाजा तथा झाँकी सहित जान नहुने समेतको व्यवस्था भएकाले सबै राजनीतिक दलले सो व्यवस्थाको पालना गर्ने तथा नेपाल सरकार वा प्रदेश सरकारका मन्त्रीले त्यस्तो कार्यक्रममा सरकारी साधनस्रोत तथा जनशक्तिको उपयोग नगर्न, निर्वाचन प्रसार प्रसारको लागि आयोगले अनुमति दिएको सवारी साधन मात्र प्रयोग गर्न पाउने व्यवस्था रहेकाले सबै राजनीतिक दल तथा उम्मेदवारले आयोगले तोके बमोजिम अनुमति लिएर मात्र निर्वाचन प्रसार प्रसारको लागि सवारी साधन प्रयोग गर्ने, निर्वाचन प्रचार प्रसारको लागि अनुमति लिएका सवारी साधनबाहेक अन्य सवारी साधनमा दलको वा निर्वाचन चिन्ह अंकित झण्डा प्रयोग नगर्न पनि निर्देशन दिएकाे छ ।

त्यसैगरी, कसैको निजी घरजग्गा वा सार्वजनिक भवन, सार्वजनिक उद्यान, सार्वजनिक सडकको पोल वा कुनै पनि सार्वजनिक स्थानमा दलको झण्डा, दल वा उम्मेदवारको निर्वाचन चिन्ह राख्न वा टाँस्न नहुने व्यवस्था रहेको तथा त्यस्तो सामग्री राखेको वा टाँसेको भएमा सम्बन्धित निर्वाचन क्षेत्रको सम्बन्धित उम्मेदवारले राखेको मानी कारबाही हुने व्यवस्था रहेकोले कुनै पनि उम्मेदवारले आफ्नो निर्वाचन क्षेत्रमा आचारसंहिताको दफा १३ को उपदफा (१) को खण्ड (ज) विपरीत हुने गरी आफ्नो वा आफ्नो दलसँग सम्बन्धित प्रचार प्रसार सामाग्री नराख्ने वा नटाँस्ने तथा अरुलाई समेत त्यस्तो प्रचार प्रसार सामग्रि राख्न वा टाँस्न नदिने जनाएकाे छ ।

आयाेगका उपसचिव एवं सहायक प्रवक्ता ऋषिराम भुसालद्वारा जारी विज्ञप्ती निर्वाचन आचारसंहिता विपरीतका अन्य व्यवस्थाको उल्लंघन भएमा प्रचलित कानून बमोजिम जरिवाना तथा उम्मेदवारी खारेजसम्मको सजाय हुन सक्ने भएकाले राजनीतिक दल तथा उम्मेदवारहरूले निर्वाचन आचारसंहिताको व्यवस्था आफूले पालना गर्ने र अरुलाई समेत पालना गर्न लगाउने कडा निर्देशन दिएका छन् ।

क्षेत्रलाई एक बर्ष भित्र पूर्ण साक्षर बनाउन सर्राफकाे संकल्प

0

वीरगंज । प्रदेशसभा पर्सा निर्वाचन क्षेत्र नं. १ काे २ का उम्मेदवार ओमप्रकाश सर्राफले बुधबार पनि मतदातासंग भेटघाट गरेका छन् । लाैराे चुनाव चिन्ह रहेकाे प्रदेशसभा सदस्यका उम्मेदवार सर्राफले वीरगंज महानगरपालिकाकाे वडा नं. १६ नगवामा भेटघाट गरेका हुन् ।

भेटघाटकाे क्रममा स्वस्फूर्त रुपमा भेला भएकी महिलाहरुले आफुलाई जितकाे लागि अशिर्वाद दिएकाे उम्मेदवार सर्राफलाई वताए । उनले महिला दिदी, बहिनी, आमाहरुकाे अशिर्वादले आफ्नाे आत्मबाल बढेकाे वताए ।

उनले भने “आमा, दिदिबहिनीबाट आशीर्वाद ग्रहण गरियो । निश्चल र पबित्र शक्ति नारी शक्तिको हृदय देखिको आशीर्वादले न्याय, समानता र समृद्धिकाे लागि भ्रष्टाचार विरुद्धको युद्धमा अवस्य सफलता पाउने छु ।”

भेटघाट कै क्रममा उम्मेदवार सर्राफले एक वर्ष भित्र यस क्षेत्रलाई पुर्ण साक्षर बनाउने संकल्प लिएकाे वताए ।

चुनाव नजिकिएसंगै उम्मेदवार सर्राफले मतदाता भेटाघाट कार्यक्रमलाई तिब्रता दिएका छन् । उनी आफु समाजकाे लागि गरेकाे याेगदानकाे मुल्यांकन गरेर भएपनि यसपाली आफुलाई मतदाताहरु मतदान गरेर विजयी गराउनेमा विश्वसत छन् ।

जसपाका नेता कार्यकर्ता भन्छन् : “प्रदीप यादवको जित सुनिश्चित छ”

0

वीरगंज । वीरगंज महानगरपालिकाकाे वडा नम्बर १२ का जनता समाजवादी पार्टी (जसपा) का अगुवा नेता कार्यकर्ताले पर्सा क्षेत्र नम्बर १ का प्रतिनिधीसभा सदस्य उम्मेदवार प्रदीप यादवलाई विजयी बनाउन कुनै कसर बाँकी नराख्ने प्रतिबद्धता जनाएका छन् ।

बुधबार वीरगंज महानगरपालिकाकाे वडा नम्बर १२ को ब्रह्म चोकमा जसपाले आयोजना गरेको भेटघाट कार्यक्रममा सहभागी अगुवा नेता कार्यकर्ताले पर्सा १ मा यादवले विकासको लहर ल्याएकाले फेरि पनि उनको जित सुनिश्चित रहेको दाबी गरेका हुन् ।

सांसदका रुपमा यादवले विगत ५ बर्षको कार्यकालमा क्षेत्रको विकास र जनताको हितमा गरेका कामबाट क्षेत्रका सबै जनता सन्तुष्ट रहेकोले फेरि पनि यादवलाई नै जिताउने सोचमा रहेको पनि उनिहरुले बताए ।

उनिहरुले सांसद यादवले गरेका विकास निर्माणका कामहरुको नारा लिएर आफुहरु जनता माझ जाने पनि बताए ।

भेटघाट कार्यक्रममा अगुवा नेता कार्यकर्ताहरुको सुझाव सुनेपछि प्रतिनिधीसभा सदस्यका उम्मेदवार यादवले विगत पाँच बर्षको कार्यकालमा आफुले सुशासनलाई प्राथमिकता दिनुका साथै क्षेत्रको विकासमा नै ध्यान केन्द्रित गरेको बताए ।

उनले अबको जित पछि क्षेत्रमा बाँकी रहेका अधुरा योजनाहरुलाई पुरा गर्दै थप केहि ड्रिम पोजेक्टहरु ल्याउने प्रतिबद्धता जनाए । उनले भने ,‘ मेरो लक्ष्य र सोच भनेकै समग्र पर्सा जिल्ला र क्षेत्र नम्बर १ का जनतालाई समृद्ध बनाउने हो, त्यो लक्ष्यमा म पुगेरै छाड्छु ।

यादवले त्यो लक्ष्य पुुरा गर्नका लागि जसपा–एमालेको गठबन्धनका उम्मेदवारलाई जिताउन आवश्यक रहेकाले आफनो मत जसपा–एमाले गठबन्धनलाई नै दिन आग्रह पनि गरे ।

बुधबार नै प्रतिनिधीसभा सदस्य उम्मेदवार यादवले वीरगंज महानगरपालिका वडा नम्बर ११ श्रीपुरमा जसपाको सम्पर्क कार्यालयको उद्घाटन पनि गरेका छन् । कार्यालय उद्घाटनका लागि श्रीपुरमा पुगेका यादवलाई जसपाका नेता कार्यकर्ता र स्थानीयवासीले फुलमाला लगाएर भव्य स्वागत पनि गरेका थिए ।

दुवै कार्यक्रममा मधेस प्रदेशका मुख्यमन्त्री लालबाबु राउत, जिल्ला समन्वय समिति पर्साका पूर्ब प्रमुख नेक महम्मद अन्सारी, जसपाका वीरगंज महानगर अध्यक्ष इश्वर चन्द्र यादव लगायतको पनि सहभागीता थियो ।

प्रदीपलाई जिताउन एमाले नेता कार्यकर्ता पनि चुनावी प्रचारमा

0

वीरगंज । नेकपा एमालेका नेता कार्यकर्ताहरुले पनि पर्सा क्षेत्र नम्बर १ का प्रतिनिधीसभा सदस्यका उम्मेदवार प्रदीप यादवलाई जिताउन मतदाताहरुसंग आग्रह गरेका छन् । एमाले–जसपा गठबन्धनका साझा उम्मेदवार समेत रहेका यादवलाई जिताउन आग्रह गर्दै एमालेका नेता कार्यकर्ताहरु जनताको घरदैलोमै पुगिरहेका छन् ।

पर्सा क्षेत्र नम्बर १ मा पर्ने वीरगंज महानगरपालिकाका विभिन्न वडामा मंगलबार प्रतिनिधीसभा सदस्यका उम्मेदवार यादवसंगै प्रदेशसभा सदस्यका उम्मेदवार एमालेका विचारी यादवले रोड शो गर्दै मतदाताको घरदैलोमा पुगेर यादवद्वयलाई अत्याधिक मतले विजयी बनाउन आग्र गरे ।

एमाले नेता एंव उम्मेदवार विचारी यादवसंगै रहेका एमालेका नेता कार्यकर्ताले पनि प्रदीप यादवको पक्षमा मतदान गर्न मतदातासंग आग्रह गरेका छन् । जसपा एमाले गठबन्धनले मङगलबार वीरगंज महानगरपालिका वडा नम्बर १३ मुर्ली र नयका टोला, वडा नम्बर १४ पिपरा, बहुअरी र वडा नम्बर १८ सुखचैना र लीपनी वीर्तामा रोड शो गरेका हुन् ।

रोड शोका क्रममा मतदाताको घरदैलोमा पुगेका दुवै उम्मेदवारले जसपा–एमालेको पबित्र गठबन्धप्रति स्थानीय जनताले दर्शाएको आत्मियता र समर्थनले आफुहरुलाई थप उत्साहित बनाएको प्रतिक्रिया दिए । उनिहरुले मधेस र समग्र देशको हितमा यो चुनावी गठबन्धन बनेको यथार्थ जनताले बुझिसकेकाले आसन्न निर्वाचनमा आफुहरुकोे जित सुनिश्चित हुदै गएको पन जिकिर गरे ।

मतदातासंगको भेटघाटका क्रममा एमालेबाट प्रदेशसभा सदस्यका उम्मेदवार विचारी यादवले पर्सा १ को समृद्धिका लागि फेरि पनि एक पटक सांसदमा प्रदीप यादवलाई जिताउन आवश्यक रहेको बताए । उनले जनताको हरेक सुखदुखमा प्रदीप यादव साथमा रहदै आएको भन्दै काम गर्ने नेतालाई जनताले जिताउनेमा आफु ढुक्क रहेको बताए ।