Date
मङ्ल, मंसिर १, २०८३
Tue, November 17, 2026
Home Blog Page 582

शिक्षक संघ पकहा मैनपुरकाे दाेस्राे अधिवेशन सम्पन्न

0

वीरगंज । नेपाल शिक्षक संघ पकहा मैनपुर गाउँपालिकाकाे दाेस्राे अधिवेशन शुक्रबार सम्पन्न भएकाे छ । अधिवेशनले उपदेश मेहताकाे अध्यक्षतामा १८ सदस्यीय स्थानिय गाउँपालिका समिति सर्वसहमत चयन गरेकाे छ ।

समितिकाे उपाध्यक्षमा रामानन्द प्रसाद चाैहान, महिला उपाध्यक्षमा मनाेरमा कुमारी चाैहान, सचिव हलिम मियाँ अन्सारी, प्रकाश कुमार चाैहान लगायतका रहेका छन् । यसैगरी अधिवेशनले २० जना जिल्ला प्रतिनिधि समेत छनाैट गरेकाे जनाइएकाे छ ।

यस अघि अधिवेशनकाे उद्घाटन नेपाली कांग्रेस पकहा मैनपुर गाउँपालिकाका सभापति सुरेश प्रसाद चाैहानले गरेका थिए ।

शिक्षक उपदेश मेहताकाे अध्यक्षतामा भएकाे उद्घाटन कार्यक्रममा पकहा मैनपुर गाउँपालिकाका अध्यक्ष सुरेश मेहता, नेपाल शिक्षक महासंघ पर्साका अध्यक्ष तिर्थ राज  प्रसाद यादव, नेपाल शिक्षक संघ पर्साका अध्यक्ष प्रदिप कुमार जयसवाल, नेपाली कांग्रेस प्रदेश सभा निर्वाचन क्षेत्र नं. ३(२) का सचिव राकेश कुशवाहा, माेहनलाल प्रसाद कुर्मी, अशाेक कुमार साह, सुरेन्द्र प्रसाद यादव लगायतकाे सहभागिता रहेकाे थियाे ।

वीरगंजमा ७ दिने महिला प्राथमिक शिक्षा वर्ग सम्पन्न

0

वीरगंज । राष्ट्र सेविका नेपाल वीरगंजकाे आयोजनामा ७ दिने महिला प्राथमिक शिक्षा वर्ग प्रशिक्षण शुक्रबार सम्पन्न भएको छ । वीरगंजमा भएकाे प्रशिक्षण समापन कार्यक्रमका प्रमुख अतिथि वीरगंज महानगरपालिका नगर प्रमुख राजेशमान सिंहले प्रशिक्षणमा सिकेका कुरा दैनिक जीवनमा प्रयोगमा ल्याउन आग्रह गरे ।

उनले महिला दिदी बहिनीलाई सक्षम बनाउन प्रशिक्षणले महत्वपूर्ण भुमिका निर्वाह गरेको भन्दै यस्तो प्रशिक्षणलाई निरन्तरता दिन आग्रह गरे । वीरगंजस्थित पशुपति शिक्षा मन्दिरमा गएको २३ गतेदेखि सुरु भई ७ दिनसम्म चलेको शिविरमा पर्सा, बारासहित विभिन्न जिल्लाबाट ६४ जना किशोरी तथा महिलाहरुको सहभागिता रहेको थियो ।

जसमा १३ वर्षकी किशोरी देखि ६७ वर्ष उमेरसम्मका महिलाले प्रशिक्षण लिएका छन् । प्रशिक्षार्थीहरुले परेड प्रदर्शन गर्नुका साथै योग तथा प्रणायाम अभ्यासहरु प्रस्तुत गरेका थिए ।

सहभागिहरुलाई आफ्नो सुरक्षाका साथै धार्मिक गतिबिधिका बारेमा प्रशिक्षण दिइएको वर्गाधिकारी शशिलता गिरीले जानकारी दिइन ।

राष्ट्र सेविका नेपालकी राष्ट्रिय सञ्चालिका शुभद्रा पौडेलको सभापतित्वमा सम्पन्न समापन समारोहमा विश्व हिन्दु परिषद नेपालका महासचिव प्रह्लाद रेग्मी, उद्योगी अशोक वैद्य लगायतको सहभागिता रहेको थियो । कार्यक्रमको सहजिकरण रेखा वर्णवालले गरेकी थिइन ।

घनश्याम भुसालद्वारा एकीकृत समाजवादीमा प्रवेश गरेको स्वघोषणा

0

काठमाडौं । वामपन्थी नेता घनश्याम भुसालले माधव नेपाल नेतृत्वको नेकपा एकीकृत समाजवादी पार्टीमा प्रवेश गरेको स्वघोषणा गरेका छन् । शुक्रबार काठमाडौंको एक होटलमा पत्रकार सम्मेलन गर्दै भुसालले नेकपा एकीकृत समाजवादी प्रवेश गरेको घोषणा गरेका हुन् । 

भुसालले नेकपा एकीकृत समाजवादी सैद्धान्तिक वैचारिक रूपमा तत्कालीन नेकपाको खास उत्तराधिकारी रहेकाले आफूले यो पार्टी रोज्नुपरेको बताए । भुसाल गत मंसिर ४ मा सम्पन्न निर्वाचनमा एमालेबाट टिकट नपाएपछि स्वतन्त्र उम्मेदवार बनेका थिए । उनी एमालेका सचिव समेत रहेका छविलाल विश्वकर्मासँग पराजित भएका थिए ।

भुसालले नेकपा एकीकृत समाजवादीले वाम एकताका लागि गठन गरेको वार्ता समितिसमक्ष ५ बुँदे प्रस्ताव राखेका थिए । भुसालको प्रस्तावलाई एकीकृत समाजवादीले स्वागत गरेपछि उनी पार्टी प्रवेश गरेका हुन् । 

पार्टी प्रवेशको घोषणा गर्दै भुसालले नेकपा विभाजनका कारण मुलुकले समृद्धि र विकास गर्ने अवसर गुमाउनु परेको बताए । ‘ओली सिद्धान्त, ओलीवाद र ओली संगठनका कारण कम्युनिस्ट आन्दोलन अप्ठेरोमा परेको छ । यस तर्कमा म बहस गर्न जहिल्यै तयार छु’, उनले भने, ‘यस्तो अवस्थामा म नेकपा एमालेमा रहन सकिनँ ।’

उनले एमालेले जनताको बहुदलीय जनवादको हुर्मत लिएको आरोप समेत लगाए । ‘सौराहा काण्डका नेताहरू जनताको बहुदलीय जनवादी भएपछि त्यहाँ फस्यो । व्यवहारिक रूपमा भन्ने हो भने एकातिर हलो र अर्कोतिर घण्टी राखेर बालकोटबाट शासन चलाउने व्यवहार भइरहेको छ’, भुसालको भनाइ छ । उनले अहिले पनि एमालेले संसद्मा राम्रो भोट पायो भने फेरि संसद् विघटन गर्छ भनेर संसदमै देखिएको भन्दै माओवादी पनि हिजोकै अवस्थामा फर्किएको आरोप लगाए ।

उनले भने, ‘म एमालेमा रहन सकिनँ । धेरैले साथीभाइले भन्छन्– एमाले किन छाडिस् ? मेरो निर्वाचन क्षेत्रमा अर्का कसैलाई उठाइँदै छ भन्ने मलाई थाहा थियो । मैले सबैलाई भनेको थिएँ मलाई उम्मेदवारी दिइँदैन । यो सामान्य कुरा थियो तर मैले अघिल्लो निर्वाचन हराएको मण्डलेलाई ल्याएर मलाई निकालेको कुरा पनि म सहेर बस्नु हो भने जिउँदै बस्नु पर्छ कि पर्दैन होला ? त्यो कुरा जोसुकैले सोच्ने कुरा हो जस्तो लाग्छ । त्यसैले मैले त्यसको सामान्य प्रतिवाद गरेको हुँ ।’

नेकपा एकीकृत समाजवादी कम्युनिस्ट आन्दोलनका लागि असाधारण ठाउँ भएकाले यही पाटी आफूले रोजेको उनले बताए । उनले भने, ‘आज संक्षिप्‍त दस्तावेज मैले जुन पढेको छु । त्यसमा नेकपा एकीकृत समाजवादी त्यही ठाउँमा छ जहाँबाट यसले समग्रतामा हेर्न सक्छ ।’

सैद्धान्तिक रूपले र वर्तमानमा बसेर इतिहास हेर्दै अगाडि बढ्न सकिने ठाउँ पनि एकीकृत समाजवादी भएको उनको भनाइ छ । 

नियम विपरित वीरगंजका हाेटलहरु ‘मेनु’ बाहेककाे अन्य शुल्क लिदै

0

वीरगंज । मूल्य अभिवृद्धि कर नियमावली–०५३ काे विपरित सर्वसाधारणले रेस्टुराँमा ‘मेनु प्राइस’ बाहेककाे अन्य शुल्क पनि भुक्तानी गर्नु परेकाे छ । नियमावली अनुसार मेनु बाहेककाे कुनै पनि शुल्क भुक्तानी गर्नुपर्दैन तर वीरगंजका केही होटल–रेस्टुराँमा सर्वसाधारणलाई ‘मेनु प्राइस’ बाहेकको रकम तिर्नु परेकाे छ । 

‘मूल्य भनेको सर्भिससहित सबै लागत जोडेर मेनुमा उल्लेख गर्ने हो । ऐन, कानुन र अदालतका आदेशहरूमा यो विषय प्रस्ट उल्लेख हुँदा पनि उपभोक्ता ठगिइरहेका छन् ।

कानुनमा अतिरिक्त शुल्क लिन नपाउने प्रस्ट लेखिएकाले सर्वसाधारण स्वयं जागरुक भएर वीरगंजका युवाहरु यसका विरुद्धमा अदालतमा मुद्दा समेत गरेका थिए । उपभोक्ताले ठगीमा परेको भन्दै होटल–रेस्टुराँविरुद्ध दायर गरेको मुद्दामा फैसला सुनाउँदै अदालतले मेनुभन्दा बाहेक अतिरिक्त रकम लिन नपाउने आदेश दिएको थियो । अदालतले गरेको फैसलामा मेनुमा अतिरिक्त रकम जोड्ने कार्य उपभोक्ता संरक्षण ऐन, ०७५ र मूल्य अभिवृद्धि कर ऐन, ०५२ विपरीत भएको निष्कर्ष निकालिएको थियो । तर अतिरिक्त असुली प्रक्रिया रोकिएको छैन ।

वीरगंजकाे किंगस लंगेज नाम हाेटलमा मेनुअनुसार ५ सय ३२ रुपैयाँको बिल दिनुपर्नेमा थप १३ प्रतिशत भ्याट जोडेर ६०२ रुपैयाँ असुल गरेको भेटिएको छ । हाेटलकाे मेनुकाे खानाकाे परिकारहरुकाे मुल्य मात्र उल्लेख गरिए पनि पछि बिल लिने बेलमा थप १३ प्रतिशत भ्याट जाेडेर लिने गरेकाे छ । 

यी बिल उदाहरण मात्रै हुन् । यस्ता वीरगंजका धेरैजसो होटल–रेस्टुराँले उपभोक्ताबाट यसैगरी अतिरिक्त शुल्क असुली गरिरहेका छन् । केही हाेटलहरुले मेनुकाे अलावा थप १० प्रतिशत सेवा शुल्क पनि लिने गरेका छन् । तर ऐन नियम बनाउने निकाय र मूल्यसम्बन्धी हस्तक्षेप गर्ने निकाय मौनझैं बसेको छ । 

जानकारका अनुसार पेय पदार्थमा होटलहरूले दोब्बर कर लगाउँछन् । ‘बियरकै उदाहरण दिँदा त्यसको भ्याट जोडेर मूल्य उल्लेख गरिएको हुन्छ । तर होटल व्यवसायीहरूले बिलमा फेरि १३ प्रतिशत जोड्छन्,’ एक व्यवसायीले भने, ‘होटलहरूले भ्याट रि–फन्डका लागि दाबी गर्छन् । एउटै वस्तुमा दुई पटक भ्याट लाग्दैन, सर्वसाधारणबाट असुलेको १३ प्रतिशत भ्याट फिर्ता हुन्छ । तर उक्त रकम होटलले नै लिन्छन् ।’

अन्य खाद्यको हकमा पनि मेनुबाहेक लिन नपाइने ती व्यवसायीको भनाइ छ । मूल्य अभिवृद्धि कर नियमावली–०५३ को नियम १४ ‘ख’ मा पनि अतिरिक्त शुल्क लिन नपाइने प्रस्ट व्यवस्था छ । यति हुँदाहुँदै पनि सर्वसाधारण बढी रकमको पासोमा परेको उनको भनाइ छ । नियमावलीमा दर्ता भएको व्यक्तिले आफ्नो औद्योगिक प्रदर्शनी कक्ष, बिक्री कक्ष, होटल, रेस्टुराँ, बार, कारोबारस्थल वा आपूर्ति गर्ने स्थानमा राखिएको कर लाग्ने वस्तु वा सेवाको बिक्री मूल्य (ट्याग प्राइस, मेनु प्राइस र सेल्फ प्राइस) मा करसहितको मूल्य उल्लेख भनिएको छ ।

‘ग्राहक होटलमा पुगेपछि मेनु हेरेर अडर गर्छन् । आफुसंग भएकाे पैसा अनुसार अडर गरेर खान्छन् । तर पछि बिल थपेर मेनु भन्दा बढी मुल्यकाे आउँदा समस्या हुने गरेकाे उपभाेक्ता बताउँछन् ।

अक्षयकुमारको ‘कट्पुतली’ बन्यो २०२२ मा ओटीटीमा धेरै हेरिने हिन्दी फिल्म

0

काठमाडौं । अक्षयकुमार र रकुलप्रीत सिंह स्टारर ‘कट्पुतली’ सन् २०२२ मा ओभर दी टप (ओटीटी) प्लेटफर्ममा सबैभन्दा धेरै हेरिने बलिउड फिल्म बनेको छ । मिडिया परामर्शदातृ संघ ओरम्याक्सको एक विवरण अनुसार डिज्नी हटस्टारमा रिलिज भएको उक्त मनोवैज्ञानिक थ्रिलर फिल्मलाई २६.९ मिलियन पटक हेरिएको छ ।

फिल्ममा सरगुन मेहता, जोशुआ लेक्लेयर, चन्द्रचुर सिंह र ऋषिता भट्टको पनि अभिनय रहेको छ । ओरम्याक्सको उक्त रिपोर्टअनुसार बलियो कन्टेन्ट भएको फिल्म उत्पादन कम्पनी पूजा इन्टरटेनमेन्टको कारण डिज्नी हटस्टारलाई दर्शकको साथ पाउन सहज भयो ।

उक्त प्लेटफर्मले शीर्ष १५ मध्ये सबैभन्दा धेरै हेरिएका मौलिक शो र फिल्ममध्ये सातवटालाई स्ट्रिमिङ गरेको थियो र कट्पुतली सूचीको शीर्षस्थानमा छ । सन् २०२३ मा पूजा इन्टरटेन्मेन्टसँग ‘गणपथ’, ‘क्याप्सुल गिल’, ‘बडे मिया छोटे मिया’, र ‘कर्ण’जस्ता फिल्म लाइनअपमा छन् ।

धरौटी बुझाएर रिहा भए क्रिकेटर सन्दीप लामिछाने

0

काठमाडौं । बलात्कार आरोपी क्रिकेटर सन्दीप लामिछाने थुनामुक्त भएका छन् ।

उच्च अदालत, पाटनमा २० लाख रुपैयाँ धरौटी बुझाएर उनी छुटेका हुन् । लामिछानेलाई विभिन्न सर्तसहित २० लाख रुपैयाँ धरौटी लिएर छाड्न बिहीबार उच्च अदालत, पाटनले आदेश दिएको थियो ।

न्यायाधीश ध्रुवराज नन्द र रमेश ढकालको इजलासले पुर्पक्षका लागि थुनामा पठाउने जिल्ला अदालत, काठमाडौंको आदेश बदर गर्दै धरौटीमा छाड्न आदेश दिएको हो ।

लामिछानेलाई धरौटीमा छाड्न अदालतले ५ वटा सर्त राखेको छ । ती सर्त उलंघन भएको अवस्थामा पुर्पक्षका क्रममा धरौटी माग गर्ने आदेश स्वतः निष्कृय हुने भनिएको छ ।

बागमतीको सभामुखमा राप्रपाका भुवन पाठक निर्वाचित

0

काठमाडौं । बागमती प्रदेशसभा सभामुखमा राप्रपाका भुवन पाठक निर्वाचित भएका छन् । शुक्रबार बसेको प्रदेशसभा बैठकमा भएको निर्वाचनमा सत्तारुढ गठबन्धनका साझा उम्मेदवार पाठक निर्वाचित भएका हुन् ।

राप्रपा महामन्त्री समेत रहेका पाठकले ६२ मत पाएका छन् । उनको विपक्षमा ४९ मत परेको छ भने ७ जना प्रदेशसभा सदस्य तटस्थ बनेका छन् ।

शुक्रबार नै बागमती प्रदेशसभाले प्रमुख विपक्षी नेपाली कांग्रेसका शिवराज अधिकारी र नेपाल मजदुर किसान पार्टी (नेमकिपा) की सृजना सयजुलाई सभामुख निर्वाचित गरियोस् भन्ने प्रस्ताव बहुमतले अस्वीकृत गरेको थियो ।

मन्त्रालयको भागबण्डा नमिल्दा मन्त्रिपरिषद विस्तारमा ढिलाइ

0

काठमाडौँ । सत्तारुढ दलबीच मन्त्रालयको भागबण्डा नमिल्दा मन्त्रिपरिषद विस्तारमा ढिलाइ भएको छ । प्रधानमन्त्रीले विश्वासको मत लिएलगत्तै मन्त्रिपरिषदलाई पूर्णता दिने गृहकार्यमा जुटेका सत्ता साझेदार दलबीच अहिलेसम्म कुन पार्टीले कुन मन्त्रालय पाउने भन्नेमै स्पस्ट सहमति हुन सकेको छैन । केन्द्रसँगै प्रदेशका समते मन्त्रालयको भागवण्डा लगाउनेगरी प्याकेजसमै सहमति जुटाउने प्रयास भएपनि दलहरुबीच ठोस सहमति हुन बाँकी छ । 

प्रधानमन्त्री प्रचण्डले प्रतिनिधिसभाबाट विश्वासको मत लिएको ३ दिन वित्न लाग्दा समेत दलहरुबीच ठोस सहमति नजुट्दा मन्त्रिपरिषदलाई शुक्रबार पूर्णता दिने भनिए पनि असम्भव भएको हो । बिहीबारै बस्ने भनिएको सत्तारुढ दलको बैठक शुक्रबार बिहान बस्ने तय भएपनि अन्तिम अवस्थामा आएर साँझसम्मलाई भाखा सारिएको छ ।  शुक्रबार बिहान ११ बजे बस्ने भनिएको बैठक साँझसम्मका लागि स्थगित भएको एमाले अध्यक्ष केपी ओलीका प्रेस संयोजक रामशरण बजगाईंले जानकारी दिए । उनले साँझ बैठक बस्ने भनिएपनि स्थान तय भैनसकेको बताए ।

‘साँझ बस्ने भनिएको छ । स्थान तय भैसकेको छैन । सायद बालुवाटार नै हुनसक्छ होला’,संयोजक बजगाईंको भनाइ छ ।  बुधबार र बिहीबार प्रधानमन्त्री प्रचण्ड र एमाले अध्यक्ष केपी शर्मा ओलीबीच मन्त्रालय भागबण्डा, सभामुख र राष्ट्रपति लगायतका विषयमा छलफल भएपनि ठोस सहमति जुट्न सकेको थिएन । यता, प्रधानमन्त्री प्रचण्डलाई नेपाली कांग्रेसले विश्वासको मत दिएपछि एमाले सशंकित बन्न पुगेको अवस्था छ । उसले प्रधानमन्त्री प्रचण्डलाई विश्वासको मत दिनुमा राजनीतिक स्थायित्व भन्दा पनि पनि दाउपेच र सत्ता गठबन्धन भत्काउने उदेश्य हुनसक्ने एमाले नेताहरुको बुझाई छ ।

कसलाई कति मन्त्रालय ? 
एमाले माओवादी र रास्वपासहित सत्ता गठबन्धनमा सात राजनीतिक दल रहेका छन् । दलहरुबीच सरकारमा रहेकामध्ये सवै भन्दा ठुलो दल नेकपा एमालेलाई ९,माओवादी ५, रास्वपा ४, राप्रपा ३, जसपा २ र नागरिक उन्मुक्ति पार्टीले २ मन्त्रालय लिनेगरी मोटो सहमति भएको नेताहरुको भनाइ छ । यो सहमति अनुसार एमालेले उप्रधान तथा गृहमन्त्रालयको जिम्मेवारीसहित विष्णु पौडेल, माओवादीले उपप्रधानसहिच भौतिक मन्त्रालयको जिम्मेवारी सम्हाल्ने गरी नारायणकाजी श्रेष्ठ, रास्वपाले उपप्रधानसहित गृहमा रवि लामिछाने पठाइसकेको छ । यस्तै एमालेका ३ र जनतमतका १ गरी चार मन्त्री विनाविभागीयको रुपमा सपथ खाइसकेका छन् । सभार : राताेपाटी

वीरगंज महानगरमा आज शोक विदा

0

वीरगंज । वीरगंज महानगरपालिकाले शुक्रबार शोक बिदा दिएको छ । महानगरको वडा नम्बर १४ मा कार्यालय सहयोगीको रुपमा कार्यरत जितेन्द्र कुमार कुर्मीको निधन भएकोले शोक बिदा दिएको वीरगंज महानगरपालिकाले जनाएको छ ।

शुक्रबार महानगर अन्तर्गतका कार्यालयमा अत्यावश्यक सेवा बाहेक अन्य सेवा बन्द गरिएकाे प्रमुख प्रशासकीय अधिकृत लक्ष्मी पौडेलले बताए  ।

कुर्मीको गएको १६ गते निधन भएको थियो । शुक्रबार तेर्हौं दिनको पुण्य तिथि पारेर महानगरले शोक बिदा दिएको हो ।महानगरले शुक्रबार ११ बजे शोकसभा समेत राखेको थियाे ।

मधेस सरकारका तीन मन्त्रीले पनि लिए शपथ

0

वीरगंज । मधेस प्रदेश सरकारका तीन मन्त्रीले पनि शपथ लिएका छ्न् । एमाले संसदीय दलका नेता सरोज यादव, जसपाका सञ्जय यादव र जनमतका वसन्त कुसवाहले विनाविभागीय मन्त्रीको रूपमा शपथ लिएका हुन् ।

प्रदेश प्रमुख हरिशंकर मिश्रले तिनै जनालाई पद तथा गोपनीयताको शपथ गराए । यस अघि प्रदेश प्रमुख मिश्रले मुख्यमन्त्री सराेज यादवलाई सपथ गराएका थिए ।

माओवादी केन्द्रबाट भरत साह मन्त्री बन्ने पक्का भए पनि अन्तिममा माओवादीलाई एउटा मन्त्रालय दिने भनेपछि उनले भने आज शपथ लिएनन् ।