Date
मङ्ल, मंसिर १, २०८३
Tue, November 17, 2026
Home Blog Page 555

जातिय विभेदमा लागेकाहरु अपराधि हुन् : उपेन्द्र यादव

0

बारा । जनता समाजवादी पार्टीका अध्यक्ष एवं बारा निर्वाचन क्षेत्र नं. २ का प्रतिनिधि सभा सदस्यका उमेदवारद उपेन्द्र यादवले संघर्षबाट प्राप्त उपलब्धीलाई संस्थागत गर्नु पर्ने कुरामा जोड दिएका छन् । महागढीमाई नगरपालिकाको बिभिन्न वडाहरुमा घरदैलो तथा जनता दर्शन कार्यक्रममा बोल्दै नेता यादवले अहिलेको आवश्यता एकताको रहेको बताए ।

उनले जब जब नेपालका लोकतान्त्रिक शक्तिहरु एक ठाउँमा उभिएका छन्, देशको लोकतन्त्र मजबुत भएको बताए । अहिलेको मुल आवश्कता शिक्षा, स्वास्थ्य, कृषि क्षेत्रको सुधार तथा गरिबी, बेरोजगारी, जातिय बिभेद उन्मुलन रहेको कारण गठबन्धनको उमेदवारलाई भोट दिन यादवले सबैमा अपिल गरे ।

जातिय बिभेद गर्नु समाजिक अपराध भएको कारण यस्ता क्रियाकलापमा लागेकाहरु अपराधी रहेको उनकाे भनाई थियाे । उनले केहि गैर लोकतान्त्रिक शक्तिहरु मधेशीलाई लडाएर निरकुंश सत्ता लादन खोजी रहेको कारण त्यसता शक्तिबाट सचेत रहनु पर्ने सबैलाई आग्रह समेत गरे । एकतामै बल रहेको कारण सबै मिलेर विकासको मुल फुटाउनु पर्ने यादवको तर्क थियो ।

५ दलिय गठबन्धनका उमेदवार उपेन्द्र यादवले सोमवार बिहान महागढीमाई नगरपालिकाको वडा नं. १ सेमरा त्यसैगरी वडा नं. ६ को पत्तरहटी र बर्वा लगायतको टोलहरुमा घरदैलो तथा जनता दर्शन कार्यक्रम सम्पन्न गरेको हुन् ।

घरदैलो कार्यक्रममा जनता समाजवादी पार्टीका नेता रामकिशोर यादव, नेपाली कांग्रेसका सभापती राजेशराय यादव, जसपा बारा अध्यक्ष रामबाबु प्रसाद यादव, महागढीमाई नगरपालिका मेयर उपेन्द्र यादव, कलैया अस्पतालका अध्यक्ष प्रकाश चौलागाई सहित गठबन्धन दलका स्थानिय नेता कार्यकर्ताहरुको सहभागीता रहेको थियो ।

पर्सा भएर अझै राेकिएन लागु औषधकाे तस्करी, ४ जना पक्राउ

0
वीरगंज । पर्सा प्रहरीले प्रतिबन्धित लागु औषध सहित ४ जनालाई पक्राउ गरेकाे छ । पटेर्वासुगौली गाउँपालिका वडा नं.५ देउरीयाबाट ३ जना र ठोरी गाउँपालिका वडा नं.२ स्थित हनुमाननगरबाट एक जनालाई प्रहरीले नियन्त्रणमा लिएकाे हाे ।
 
गोप्य सुचनाको आधारमा प्रहरी निरिक्षक प्रज्वल थपलियाकाे कमाण्डमा वडा प्रहरी कार्यालय श्रीपुरका प्रहरी निरिक्षक आशुतोष शाही समेतको खटिएकाे प्रहरी टोलीले पटेर्वा सुगाैलीबाट लागु औषध गाँजा सहित ३ जनालाई नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।
 

पटेर्वासुगौली गाउँपालिकाकाे वडा नं. ५ बस्ने वर्ष अं. ६० को प्रदेशी राउत (थारु), जिल्ला मकवानपुर रक्सीराङ गा.पा. वडा नं. ८ बस्ने वर्ष ३८ को रमेश मोक्तान र मकवानपुर जिल्ला कै मनहरी गा.पा. वडा नं. ६ बस्ने वर्ष २५ को रोशन मोक्तानलाई नियन्त्रण लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

आइतबार दिउसाे ४:४५ बजेको समयमा पटेर्वासुगौली गाउँपालिका वडा नं.५ देउरीया स्थित प्रदेशी राउतको घरमा लागु औषध चरेश छ भन्ने गोप्य सुचनाको आधारमा खटिएकाे प्रहरी टोलीले निज प्रदेशी राउत समेतको घर तथा टहरा समेतमा कानूनी रीत पुर्‍याई खानतलासी गर्दा लुकाइ छिपाइ राखिएको प्रतिबन्धित लागु औषध चरेश ११८ के.जी. र गाँजा ४ के.जी फेला परेको प्रवक्ता गिरीले जानकारी दिए ।

उक्त लागु औषध, ओसारपसार तथा किन बेच समेतमा संलग्न तीनै जनालाई नियन्त्रणमा लिइ जिल्ला प्रहरी कार्यालयमा ल्याइ निजहरू विरुद्द लागु औषध सम्बन्धी कसुरमा थप अनुसन्धान भइरहेकाे उनले जानकारी गराए ।

 

यसैगरी विशेष सुचनाको आधारमा ईलाका प्रहरी कार्यालय ठोरीबाट प्रहरी निरीक्षक श्रीशंकर श्रेष्ठको कमाण्डमा खटिएकाे प्रहरी टोलीले एक जनालाई नियन्त्रणमा लिएकाे प्रहरीले जनाएकाे छ ।

जिल्ला चितवन लोथर नगरपालिका वडा नं. ९ बस्ने वर्ष ५७ को राम बहादुर तामाङलाई नियन्त्रणमा लिईएकाे जिल्ला प्रहरी कार्यालय पर्साले जनाएकाे छ ।

प्रहरीका अनुसार ठाेरी गाउँपालिका वडा नं.२ स्थित हनुमाननगर तर्फबाट ढेडु खोलाको बाटो हुँदै संकाष्पद रुपमा सेतो बोरा बोकी आउँदै गरेका तामाङलाई नियन्त्रणमा लिई रितपुर्वक उक्त बोराको तलासी लिदा निजले बोकेको सेतो रङको बोरा भित्र रातो र पहेलो प्लाष्टिकले बेरी कालो प्लाष्टिकको डोरीले बाधिएको अवस्थामा प्रतिबन्धित लागु औषध गाँजा ६१ के.जी. फेला परेको हाे ।

उक्त लागु औषध सहित तामाङलाई नियन्त्रणमा लिई प्रहरी कार्यालयमा ल्याइ निज विरुद्द लागु औषध सम्बन्धी कसुरमा चैत २५ गते पर्सा जिल्ला अदालतबाट ४ दिन म्याद थप गरी अनुसन्धान कार्य भइरहेकाे जिल्ला प्रहरी कार्यालय पर्साले आइतबार सांझ प्रेस विज्ञप्ती मार्फत जानकारी गराएकाे छ ।

बारा २ मा उपेन्द्रलाई जिताउन कांग्रेसले ताेक्याे अजयलाई कमान्डर

0

वीरगंज । बैशाख १० मा हुने उपनिर्वाचनका लागि बारा २ मा सत्तागठबन्धनबाट जसपाका उम्मेदवार उपेन्द्र यादवलाई जिताउन नेपाली कांग्रेसले पर्सा क्षेत्र नम्बर २ का सांसद अजयकुमार चौरसियालाई पार्टीका तर्फबाट चुनावी कमान्डर तोकेको छ ।

कांग्रेसका सभापति एंव पूर्वप्रधानमन्त्री शेरबहादुर देउवाले बारा–२ मा गठबन्धनका साझा उम्मेदवार जसपा अध्यक्ष यादवलाई जिताउन पूर्व राज्यमन्त्री एंव कांग्रेस केन्द्रिय सदस्य समेत रहेका चौरसियालाई चुनावी कमाण्डर तोकेका हुन् ।

‘बारा–२ मा गठबन्धन दलका उम्मेदवार जसपाका उपेन्द्र यादवलाई विजयी बनाउने गहन दायित्वलाई हृदयंगम गर्दै तपाईलाई बारा जिल्लाको विशेस जिम्मेवारी दिइएको छ,’ सभापति देउवाले जारी गरेको पत्रमा उल्लेख छ ।

चौरसियाले बारा २ को उपनिर्वाचनलाई परिणाममुखी बनाउन कांग्रेस केन्द्रसँग समन्वयमा रही बारा जिल्लाका सबै तहका पार्टी संगठनिक संरचनाहरुलाई व्यापक रुपमा परिचान गर्दै आवस्यक पर्ने रणनीतिक तथा व्य्वास्थाप्किया निर्णयसमेत गर्ने गरी महत्वपूर्ण भूमिका निर्वाह गर्नेछन् भन्ने देउवाको विश्वास छ ।

बारा २ बाट निर्वाचित रामसहाय प्रसाद यादवलाई जसपाले उपराष्ट्रपति बनाएपछि खाली भएको उक्त क्षेत्रबाट अध्यक्ष यादव आफै उम्मेदवार बनेका छन् ।

सुखचैना हुन लागेकाे महायज्ञमा पनि दलितलाई सहभागि गराइएन

0

वीरगंज । यही चैत ८ गतेदेखि १६ गतेसम्म वीरगंज महानगरपालिका वडा नम्बर १७ अलौमा सम्पन्न शतचण्डी महायज्ञमा भएको विभेद फेरी वडा नम्बर १८ सुखचैनामा पनि दोहोरिएको छ । अलौका दलित समुदायले निरन्तर विरोध र प्रदर्शन गर्दा पनि वेदी (पूजास्थल) मा बस्न नपाएरै महायज्ञ सम्पन्न भएपछि जति कराएपनि केही हुँदैन भन्ने सोचको विकास भएको सर्वदलिय दलित अधिकार संघर्ष समिति पर्साका अध्यक्ष बुनेल रामले बताउँछन् ।

सबै दलको प्रतिनिधित्व हुने गरी गठन गरिएको संघर्ष समितिकै नेतृत्वमा आइतवार जिल्ला प्रशासन कार्यालय पर्सामा ज्ञापन पत्र र जिल्ला प्रहरी कार्यालय पर्सामा उजुरी दिइएको छ ।

वैशाख १२ देखि सुखचैनामा हुन लागेको महायज्ञमा सहभागी गराउन माग गर्दै प्रमुख जिल्ला अधिकारी हिरालाल रेग्मीलाई दलित अगुवा एवम् स्थानीयले निवेदन दिएका हुन् । स्थानीय दलित अगुवा धुरुपलाल राम र प्रहलाद रामसहित जिल्लाका दलित अगुवाहरूको टोलीले निवेदन दिँदै महायज्ञमा दलितलाई सहभागी गराउन माग गरेको हो ।

बिष्णु महायज्ञ व्यवस्थापन समितिले यज्ञमा सहभागी गराउन इन्कार गर्नुका साथै प्रशासन वा अन्य कुनै निकायमा उजुरी दिएमा कुटपिट गर्ने र ज्यानै मार्नेसमेत धम्की दिएको निवेदनमा दाबी गरिएको छ ।

स्थानीय दलित अगुवा प्रहलाद रामले भने, ‘सुखचैनामा हामी ४२ घर दलित छौँ, महायज्ञ व्यवस्थापन समितिमा ६१ जना सदस्य राखेपनि दलितबाट कसैलाई पनि नराखेपछि हामीमाथि विभेद गर्ने मनसाय रहेको हामीले बुझ्यौँ । हामीसँग चन्दा पनि माग्न आएनन्’, उनले थपे, ‘जे गर्नुपर्छ हामी गर्छाैँ तर दलितबाट पनि सहभागी गराउन माग राख्दा महायज्ञ व्यवस्थापन समितिले बस्न नदिने अडान राखे ।’

उनका अनुसार महायज्ञ व्यवस्थापन समितिले भनेका थिए, ‘तिमीहरुको पुर्खाहरु पनि कोही बसेका थिएनन्, तिमीहरुलाई पनि हामी बस्न दिँदैनौँ ।’ महायज्ञ आयोजक समितिका अध्यक्ष खोभारी महतो प्रतिक्रिया दिनबाट पन्छिए । उनले हामी जे गरेपनि तपाईलाई के मतलब भन्दै फोन काटे भने समितिका सचिव गोपाल प्रसाद यादवले उनीहरु आफै बस्न नचाहेको प्रतिक्रिया दिए ।

प्रमुख जिल्ला अधिकारी हीरालाल रेग्मीले छुवाछुतजस्तो गम्भिर विषयमा छलफल नगर्ने बताउँदै जिल्ला प्रहरी कार्यालयमा किटानी जाहेरी दिन सुझाव दिए । उनकै सुझाव बमोजिम आइतवार नै दलित अगुवाहरुले महायज्ञ व्यवस्थापन समितिका अध्यक्ष खोभाडी महतो, सचिव गोपाल प्रसाद यादव र मन्द्रिका महतोको नामै किटानी गरी जिल्ला प्रहरी कार्यालय पर्सामा उजुरी दिएका छन् ।

किटानी बुझ्दै जिल्ला प्रहरी कार्यालय पर्साका प्रहरी नायब उपरीक्षक दिपक गिरीले भोली नै महायज्ञ समितिका अध्यक्षसहितका पदाधिकारीलाई जिल्लामा हाजिरी गराउन निर्देशन दिएका छन् ।

सुवर्ण गाउँपालिकाको महायज्ञमा पनि दलितलाई पूजापाठमा रोक

उता बाराको सुवर्ण गाउँपालिकामा पनि आइतबारबाट सुरु भएको विष्णु महायज्ञमा दलित समुदायलाई पूजापाठ र प्रवेश गर्नसमेत रोक लगाइएको छ । महायज्ञमा रोक लगाएपछि स्थानीय दलित अगुवाहरुले जिल्ला प्रशासन कार्यालय बारामा उजुरी दिएका छन् ।

सुवर्ण गाउँपालिका वडा नम्बर १ घुसुकपुरमा आइतबारदेखि भएको यज्ञमा स्थानीय दलित समुदायका भक्तजनहरुलाई छुवाछुत गरी प्रवेश गर्न नदिइएको भन्दै गत चैत्र १९ गते नेपाल दलित मुक्ति संगठनले जिल्ला प्रशासन कार्यालयमा उजुरी दर्ता गराएको हो ।

गाउँका माथिल्लो समुदायका भनिएका केही मान्छेहरुको पहलमा घुसुकपुरमा आइतवारदेखि आगामी ५ वैशाखसम्म धार्मिक यज्ञ हुन लागेको हो । यज्ञको सबै तयारी भएपछि स्थानीय करिब ९० घरपरिवारका दलित समुदायका श्रद्धालुहरुलाई सहभागी हुन वञ्चित गरिएको आरोप उजुरीमा लगाइएको छ ।

आयोजकले आफ्ना बालबालिकालाई पनि यज्ञमा बस्न नपाउन र उर्दी विपरीत पठाएको खण्डमा कुटपिट गर्ने धम्की समेत दिएको पीडितको गुनासो छ । यज्ञस्थलको मण्डप, पण्डाल, ध्वजापूजा, सरसफफाइ र चन्दा संकलनजस्ता कार्यमा दलित समुदायका मानिसहरुलाई प्रयोग गरिएको थियो ।

आफूहरुलाई यज्ञमा पूजापाठ, हवनलगायत धार्मिक कार्यबाट वञ्चित गराएको भन्दै दलितहरुले आयोजक मध्येका रामदेवप्रसाद यादव, इनरदेव यादव, पप्पु यादव, रामअश्रय यादव, दिनेश उपाध्याय, चन्द्रिका उपाध्यायलगायत एक दर्जनविरुद्ध जिप्रकामा लिखित उजुरी दिएका हुन् ।

संविधानमा जातिय विभेद तथा छुवाछुतलाई दण्डनीय अपराधको रुपमा उल्लेख गरिएपनि दलितलाई दमन गर्ने प्रवृति अझै पनि यथावत रहेकाे दलित अभियानता मनोज रामले वताए । पछिल्लो केही साता यता पर्सा तथा बारामा भइरहेका महायज्ञमा दलित समुदायलाई बञ्चित गरिनुले जातिय विभेद तथा छुवाछुत अझै जिवितै रहेको प्रस्ट पारेकाे उनकाे भनाई छ ।

जातीय भेदभाव तथा छुवाछूत (कसुर र सजाय) ऐन, २०६८ ले सार्वजनिक तथा निजी दुवै स्थलमा जातीय भेदभाव वा छुवाछूतजन्य कार्य गरेको अवस्थामा ऐनअन्तर्गत फौजदारी दण्डको भागीदार बन्नुपर्ने व्यवस्था गरेको छ । ऐनको दफा ४ को उपदफा २ (ख) मा व्यक्तिगत वा सामूहिक रूपमा सार्वजनिक स्थान वा समारोहमा कुनै प्रकारको भेदभाव गर्न नहुने उल्लेख छ ।

भेदभाव गरेमा ३ महिनादेखि ३ वर्षसम्म कैद र ५० हजारदेखि २ लाख रुपैयाँसम्म जरिमाना हुने व्यवस्था भएपनि दलितलाई दबाएरै राख्ने प्रवृति अझै पनि हाबी देखिनु दुर्भाग्यपूर्ण भएको दलित अभियानता मनोज रामको बुझाई छ । रामकाअनुसार अहिलेको २१ औँ शताब्दीको अन्त्यतिर आउँदा पनि १८ औँ शताब्दीको मानसिकताकै पराकाष्टा स्वरुप जातकै आधारमा विभेद भइरहेको छ ।

विकासमा सबैको अधिकार सुनिश्चित गर्न गैसस महासङ्घको माग

0

काठमाडौँ । गैरसरकारी संस्था महासङ्घ नेपालले विपद् जोखिम न्यूनीकरणका लागि भूउपयोग र सुरक्षित बसोबास योजना ल्याउन तथा विपद् व्यवस्थापन संयन्त्रको सही परिचालन गर्न माग गरेको छ ।

यही चैत २३ र २४ सम्म चलेको महासङ्घको राष्ट्रिय नागरिक सम्मेलनले १९ बुँदे ‘नागरिक सम्मेलन घोषणापत्र’ जारी गर्दै सुरक्षित सडक सञ्जाल निर्माण एवं जलवायु न्याय कार्यमार्फत विपद् उत्थानशील राष्ट्र निर्माण हुनेगरी सरोकारवालासँग सहकार्य गर्न माग गरेको हो ।

महासङ्घले जलवायु परिवर्तनको असरस्वरुप देशका विभिन्न भूभाग बाढी, पहिरो, डुबान, कटानका कारण उच्च जोखिममा रहेको र ठूलो क्षति व्यहोर्नु परेको जनाएको छ । घोषणापत्रमा दिगो विकास लक्ष्यको मर्मलाई आतमसात् गर्दै सबै सरोकारवालासँगको सहभागितामा कार्यान्वयनको योजना निर्माण गरी स्थानीयकरण गर्न र हासिल भएका उपलब्धिलाई एकीकृत तथ्याङ्ककीकरण प्रणाली विकास गरी विकासमा सबैको अधिकार सुनिश्चित हुने वातावरण सिर्जना गर्न माग गरिएको छ ।

महिलामाथि हुने हिंसा, मानव बेचबिखन, बालबालिका ओसारपसार, बालबालिकामाथि हुने दुव्र्यवहार, जातीय विभेद तथा छुवाछूत जस्ता कुसंस्कारप्रति स्थानीय, प्रदेश र सङ्घीय सरकार संवेदनशील भई यस्ता गतिविधि रोक्न प्रभावकारी संयन्त्र निर्माण गर्नुपर्ने घोषणापत्रमा उल्लेख छ ।

घोषणापत्रमा नेपालका लागि लक्षित वैदेशिक सहायताको निश्चित प्रतिशत सामाजिक सङ्घसंस्थामार्फत लगानी गर्ने व्यवस्था मिलाउन, वैदेशिक सहयोग तथा विकास प्रभावकारिता अभिवृद्धि गर्न, नेपालका विकास लागि छुट्याइएको विकास सहायतामा विदेशी संस्थाले प्रतिस्पर्धा गर्ने वातावरण हटाउँदै नेपाली नागरिक संस्थाले मात्र प्रतिस्पर्धा गर्ने वातावरण सिर्जना गर्न माग गरिएको छ ।

महासङ्घले कोभिड¬–१९ महामारी तथा रसिया–युक्रेन युद्धका कारण परेको नकारात्मक असर तथा मूल्यवृद्धिलाई न्यूनीकरण गर्न तथा कोरोनाले गरिब तथा अल्पविकसित र विकाशील देशमा पारेको प्रभावलाई मध्यनजर गर्दैै लगानी बढाउनुका साथै शान्तिपूर्ण वार्ताका माध्यमबाट युद्धलगायत विवादको समाधान गर्न विश्व समुदायसमक्ष आह्वान गरेको छ । घोषणापत्रमा भ्रष्टाचार नियन्त्रण गर्न तथा महँगीका कारण सर्वसाधारणको जनजीविका कठिन भइरहेकाप्रति सरकारको ध्यानाकर्षण गराउँदै सुशासन प्रवद्र्धन र महँगी नियन्त्रण गर्न माग गरिएको छ ।

महासङ्घ नेपाली गैरसरकारी सामाजिक सङ्घसंस्थाको छाता सङ्गठनका रुपमा रहेको छ । महासङ्घको २८औँ साधारणसभा ‘विपद् उत्थानशीलता, दिगो विकास र समृद्धिका लागि साझेदारीः स्वतन्त्रता, सुशासन र सामाजिक क्षेत्रको पहिचानका लागि पहरेदारी’ भन्ने नाराका साथ सम्पन्न भएको थियो ।

देशभरका सात हजार आठ सय सामाजिक सङ्घसंस्था, करिब चार सय स्थानीय तह समन्वय समिति र ७७ जिल्ला तथा सात प्रदेश र सङ्घको समितिको प्रतिनिधित्व गर्दै गैससकर्मीको साधारणसभामा उपस्थिति थियो । रासस

वीरगंज महानगरले सुरु गर्यो पुर्व बजेट छलफल

0

वीरगंज । वीरगंज महानगरपालिकाले आगामी आर्थिक वर्षको लागि सरोकारवाला सित पुर्व बजेट छलफल सम्पन्न गरेको छ । स्थानीय तहको योजना तर्जुमा गर्न आर्थिक वर्ष २०८०/०८१ को योजना तथा बजेट तर्जमा सम्बन्धमा पुर्व बजेट छलफलमा सरोकारवालाले शिक्षा, स्वास्थ, पुर्वाधारमा बढी प्राथमिकता दिनु पर्ने बताएका छन् ।

बजेट उत्पादनमुलुक र व्यवहारिक हुनुपर्नेमा सरोकारवालाले जोड दिएका हुन् । गैरसरकारी संस्था र सहकारी संस्थाले आफ्नो श्रोतले गर्ने कार्य र कार्यक्रमको पुर्व जानकारी बैशाख २५ गते भित्र महानगरपालिकालाई गराउनु पर्ने प्रमुख प्रशासकीय अधिकृत लक्ष्मीप्रसाद पौडेलले बताए ।

कार्यक्रमका प्रमुख अतिथी वीरगंज महानगरपालिकाका नगर प्रमुख राजेशमान सिंहले वीरगंजकाे समग्र विकास गर्न वीरगंज महानगरपालिका सबै गैरसरकारी संस्था, सहकारी संस्था सित हातोमालो र सहकार्य गर्न तयार रहेको बताए ।

कार्यक्रममा नगर उप प्रमुख इम्तियाज आलम, वडा अध्यक्षहरु, वीरगंज उघोग वाणिज्य संघ, गैर सरकारी संस्था महासंघ, सहकारी एवं गैरसरकारी संस्थाका प्रतिनिधिहरुको सहभागिता रहेकाे थियो ।

गरिबसँग मेयर, विद्युत महसुल भुक्तानीको ९ हजार बढीले लिए लाभ

0

वीरगंज । वीरगंज महानगरपालिकाले ३० युनिटसम्म बिजुली खपत गर्ने प्रयोगकर्ताको महशुल भुक्तानी गरिदिएपछि ९ हजार भन्दा बढी परिवार लाभान्वित भएका छन् । गएको माघ महिनाबाट महानगरभित्र बसोबास गर्ने विपन्न वर्गलाई सहुलियत दिन घरेलु मिटर प्रयोगकर्ताको ३० युनिटसम्मको विद्युत महशुल महानगरबाटै भुक्तानी हुन थालेपछि उनीहरु लाभान्वित भएका हुन् ।

माघ महिनामा ३ हजार ७ सय ६२ परिवारले ३० युनिटसम्मको विद्युत महशुल भुक्तानीको लाभ लिएका छन् । फागुनमा भने त्यो संख्या बढेर ५ हजार ३ सय ११ घरपरिवारले यस्तो लाभ लिएको विद्युत प्राधिकरणले उपलब्ध गराएको तथ्यांकमा उल्लेख छ ।
प्राधिकरण वीरगंज वितरण केन्द्र र सिमरा वितरण केन्द्रबाट ग्राहस्थ (घरेलु) मिटरमा ५ र १५ एम्पीआरको एमसीबी प्रयोग गरी अधिकतम ३० युनिट खपत गर्ने ग्राहकको भुक्तानी महानगरले तिरिदिएको हो ।

कृषि (सिँचाइ)मा लाग्ने विद्युतको सम्पूर्ण शुल्क भुक्तानीको दायित्व पनि महानगरले नै लिएको छ । अहिलेसम्म ६४ कृषि मिटरको ३५ हजार २७० रुपैयाँ भुक्तानी पनि महानगरले चुक्ता गरिदिएको छ ।

माघ महिनामा २५ वटा कृषि मिटरको शुल्क भुक्तानी भएकोमा फागुनमा त्यो बढेर ३९ वटा पुगेको छ । सिमरा वितरण केन्द्रबाट १ वटा कृषि मिटर प्रयोगकर्ताले लाभ लिएका छन् । कृषकहरूको उत्पादन क्षमता वृद्धि गर्दै उनीहरूलाई प्रोत्साहन गर्न कृषि मिटरमा लाग्दै आएको शुल्क पूर्ण रुपमा महानगरले नै तिरिदिएको हो ।

चुनावका बेला गरिएको प्रतिबद्धता बमोजिम नै निर्वाचित भएर पदभार ग्रहण गरेकै दिन महानगर प्रमुख राजेशमान सिंहले महानगरका वासिन्दाले प्रयोग गर्ने विद्युतको न्यूनतम शुल्क व्यहोर्ने निर्णय गराउनुभएको थियो ।

लाभग्राही पहिचान र तथ्याङ्क सङ्कलन गर्न समय लागेकाले आर्थिक वर्षको सुरुवात बाटै लागु गर्ने भनिएकोमा केही ढिला हुन पुगेको महानगरप्रमुख सिंहले बताए ।

महानगरले गएको पुष ७ गते प्राधिकरणको वीरगंज र सिमरा वितरण केन्द्रसँग न्यूनतम ३० युनिट विद्युत शुल्क मिनाहा गर्ने सम्झौता गरेको थियो । त्यही सम्झौता बमोजिम अहिले ३० युनिटसम्मको शुल्क मिनाहा हुनुका साथै कृषि मिटरमा लाग्दै आएको शुल्क पनि पूर्ण रुपमा मिनाहा भएको हो ।

माघ महिनामा भन्दा फागुनमा बढी प्रयोगकर्ता देखिएका छन् । सम्झौता अनुसार पुरानो बक्यौता बुझाएकाले मात्रै यो मिनाहामा सहभागी हुन पाउने छन् । त्यसैले मिनाहाको लाभ लिन पनि बक्यौता बुझाउनेको संख्या बृद्धि हुँदा मिनाहा हुने मिटरको संख्या बढेको वीरगंज वितरण केन्द्रका लेखापाल राजेश झाले बताए ।

रामजानकी मन्दिरको अतिक्रमण हटाउन आइतबार पनि डाेजर चल्याे

0

वीरगंज । वीरगंजकाे घडिअर्वा स्थित ऐतिहासिक रामजानकी मन्दिरको प्रवेशद्वार नै थुनेर अतिक्रमण गरी बनाइएको संरचनामा आइतबार पनि डोजर लगाइएको छ । महानगरपालिकाको वडा नम्वर १० घडिअर्वा पोखरीको मूलद्वार सामुन्ने रहेको मन्दिरमा भएको अतिक्रमण शनिबारदेखि डोजर लगाएर हटाउन थालिएको हाे ।

आफू मन्दिरको पुजारी हुँ भन्दै शम्भुनाथ तिवारीले महानगर विरुद्ध मन्दिर अतिक्रमण तथा तोडफोड गर्न नदिन माग गर्दै उच्च अदालत अस्थायी इजलाश वीरगंजमा रिट दिएका थिए । तर उक्त रिट अदालतबाट अस्वीकार भएसँगै शनिबार महानगरपालिकाले कथित पुजारी तिवारीले मन्दिर नै बन्धक बनाउने गरि निर्माण गरेको पक्की संरचनामा डोजर लगाएर भत्काउन थालेको हो ।

गत फागुन ४ गते पुजारी तिवारीकै पक्षमा जारी भएको अन्तरिम आदेश खारेजीको माग गर्दै महानगरपालिकाले अदालतमा निवेदन दिएकोमा शुक्रबार न्यायाधीशद्वय शारङ्गा सुवेदी र शान्ता सेढाई सापकोटाको संयुक्त इजलासले महानगरकै पक्षमा आदेश दिएसँगै मन्दिरलाई बन्धक बनाएर गरिएको अतिक्रमण हटाइएको हो ।

विक्रम संवत १९८२ सालदेखि नै रामजानकी मन्दिरको नाममा रहेको उक्त जग्गामा पुजारी तिवारीले विगत ३० वर्षदेखि मन्दिर नै बन्धक हुने गरी अतिक्रमण गरेर तीनै तर्फ पक्की संरचना बनाएर सटर भाडामा लगाएका थिए ।

मन्दिरमा भएको अतिक्रमण हटाउन शनिबार महानगरका मेयर राजेशमान सिंह आफै डोजर लिएर पुग्नु भएको थियो । शनिबार मन्दिरको उत्तर तर्फको संरचना हटाइएकोमा आइतबार पूर्वतर्फको संरचना पनि हटाइएको महानगरपालिकाका प्रशासन प्रमुख राजकृष्ण ताम्राकारले जानकारी दिए ।

बारा २ मा मेराे जित सुनिश्चित छ : उपेन्द्र यादव

0

वीरगंज । जनता समाजवादी पार्टीका अध्यक्ष एवम् बारा क्षेत्र नं. २ का प्रतिनिधि सभा सदस्यका उम्मेदवार उपेन्द्र यादवले आइतवार देवताल गाउँपालिकाको बिभिन्न वडा तथा टोलहरुमा चुनावी कार्यक्रम तथा जनता दर्शन कार्यक्रम सम्पन्न गरेका छन् । ५ दलिय गठबन्धनका उम्मेदवर यादवले बारा क्षेत्र नं. २ बाट आफ्नो जित सुनिश्चित रहेको दावी गरेका हुन् ।

बाराको देवताल गाउँपालिका अन्तर्गत पर्ने बडकी फुलवरीया, अमवा, कटहरिया, झिटकैया लगायतका टोलहरुमा सम्पन्न भएको चुनावी कार्यक्रमलाई सम्बोधन गर्दै उम्मेदवार यादवले घरदैलो कार्यक्रममा जनताको उत्साह जनक सहभागीता देखेर आफुपनि उत्साहित भएको बताए । उनले अहिलेको मुल आवश्यकता बिकास, समृद्धि तथा संघीय लोकतन्त्रको रक्षा गर्नु रहेको कुरामा जोड दिए ।

कार्यक्रमलाई सम्बोधन गर्दै गठबन्धनका नेताहरुले प्रजातन्त्रमा सबैलाई आफ्नो कुरा राख्ने अधिकार रहेको भएपनि बहुरुपियाहरुलाई बाराका जनताले पहिचान गरी सकेको कारण मधेश र मधेशीलाई अन्तराष्ट्रिय स्तरमै पहिचान दिलाउँन सफल रहेका नेता उपेन्द्र यादवलाई बाराका जनताले जिताएर प्रतिनिधि सभामा पठाउँने बताए । कार्यक्रमलाई सम्बोधन गर्ने गठबन्धनका नेताहरु उपेन्द्र यादवको जितसँगै बारा क्षेत्र नं. २ मा बिकासको मुल फुटने वताए ।

कार्यक्रममा जसपाका नेता प्रदिप यादव, रामबाबु यादव, रामकिशोर यादव, लालबाबु राउत, रोशन यादव, आत्माराम साह, रामाकान्त यादव, अरुण सिंह लगायत गठबन्धन दलका स्थानिय तथा जिल्ला स्तरका नेताहरुको समेत सहभागीता रहेको थियो ।

हनुमान जयन्तीकाे अवसरमा बृहत शोभायात्रा, छपकैयामा ढुङ्गामुढा प्रहार

0

वीरगंज । श्रीरामभक्त हनुमान भगवानको जन्मोत्सवको अवसरमा वीरगंजमा शनिबार बृहत शोभायात्रा निकालेर हिन्दु धर्मावलम्बीहरुले प्रदर्शन गरेका छन् ।

वीरगंजकाे घण्टाघरबाट शुरु भएको भगवान हनुमानको शोभायात्रामा वीरगंज महानगरका अधिकांश वडाका हिन्दु धर्म प्रति आस्था राख्ने सर्वसाधरणले स्वस्फूर्त रुपमा सहभागीता जनाएका थिए । शोभायात्राले वीरगंज महानगरको शहरी क्षेत्रका विभिन्न भागको परिक्रमा गरेको थियो ।

हिन्दु धर्मको प्रतिक तरबार, त्रिशुल सहित भगवा झण्डा, डिजे र भगवान हुनमानको झाँकी सहित शोभा यात्रात्रमा सहभागीहरुले जय श्रीरामको जयकारा लगाउदा शनिबार दिउँसो देखि साँझ सम्म वीरगंज शहर पुरै जयश्रीरामको नाराले गुन्जयमान भएको थियाे ।

शोभायात्राका बेला वीरगंजकाे घण्टाघर देखि अलखीयामठ सम्मको मनेरोड यात्रामा सहभागीहरुको भिडले खचाखच भरिएको थियो । कुनै अप्रिय घटना हुन नदिन शनिबार दिउँसो देखि नै वीरगंज नगर क्षेत्रमा नेपाल प्रहरी र सशस्त्र प्रहरी भारी संख्यामा परिचालन पनि गरिएको थियो ।

यस्तै शोयात्रामा सहभागीहरुका लागि हिन्दुवादीका साथैै विभिन्न संघसंगठनहरुले नगरका विभिन्न स्थानमा सर्बत र पानीको स्टल पनि राखेका थिए । विश्व हिन्दु परिषदकाे अवहानमा शाेभा यात्रा निस्केकाे थियाे ।

शान्तिपुर्ण शोभा यात्रा परिक्रमाकाे क्रममा वीरगंज महानगरपालिकाकाे वडा नं. २ छपकैयामा ढुङ्गामुढा समेत प्रहार भएकाे थियाे । अज्ञात समुहबाट ढुङ्गामुढा प्रहार भएपछि केही बेर साे क्षेत्रमा तनाव समेत भएकाे थियाे । 

ढुङ्गामुढा प्रहार गर्ने माथि कारवाहीकाे माग

यसैबिच बिश्व हिन्दु परिषद नेपालले ढुङ्गामुढा प्रहार गर्ने माथि कारवाहीकाे माग गरेकाे छ । परिषदका अध्यक्ष टिका बहादुर पहारी र महासचिव जितेन्द्र कुमार सिंहले संयुक्त रुपमा शनिबार सांझ एक प्रेस विज्ञप्ती जारी गर्दै हनुमान जन्मोत्सवकाे उपलक्ष्यमा आयोजना गरिएको शान्तिपूर्ण शोभायात्रामाथि छपकैया २ स्थित फर्किने क्रममा ढुङ्गामुढा प्रहार गरिएको घटना प्रति गम्भीर ध्यानाकर्षण भएको जनाएका छन् ।

विज्ञप्ती मार्फत शान्तिपूर्ण शाेभा यात्रामा ढुङ्गामुढा गर्ने असामाजिक तत्वलाई यथासिघ्र अनुसन्धान गरी कडा कानुनी कारवाही गर्न सम्बन्धित निकाय समक्ष जोडदार माग गरेकाे छ । उपरोक्त घटनाका दोषीहरुलाई कुनै पनि बहानामा जोगाउने प्रयास गरियो भने तत्पश्चात् सिर्जना हुने परिस्थितिको जिम्मेवार सम्बन्धित पक्ष स्वयं नै हिन्दु परिषदले चेतावनी समेत दिएकाे छ ।