Date
सोम, कार्तिक ३०, २०८३
Mon, November 16, 2026
Home Blog Page 543

मुक्त हरवाचरवाकाे सवाल सम्बोधनको माग गर्दे गाउँपालिकामा ज्ञापन

0

वीरगंज । पर्साको पकहाँ मैनपुर गाउँपालिकाका पालिका स्तरिय हारवाचारवा अधिकार मंचले आइतबार ७ बुदे मांग राख्दै गाउँपालिकामा ज्ञापन पत्र बुझाएको छ । हारवाचारवा अधिकार मंच पर्साकी कोषाध्यक्ष शोभा देवी राम तथा पालिका अध्यक्ष खुबलाल रामको अगुवाईमा दर्जनौ महिला तथा पुरुषहरुले पकहामैनपुर गाउँपालिकाका प्रमुख प्रशासकिय अधिकृत राज कुश्वाहालाई ज्ञापनपत्र बुझाएका हुन ।

ज्ञापनपत्र बुझ्दै अधिकृत कुश्वाहाले यो समस्या देश भरीको भएकोले हामी आफनो पालिकाको लागी रायसल्लाह गरी समस्या सामाधान गर्ने बताए । ७ बुद्धे मांगलाई कुश्वाहाले अगामी आर्थिक बर्षको निती, कार्यक्रम र बजेटमा समेटन प्रयास गर्ने वताए ।

संघ र प्रदेश सरकार संगको समन्वयमा स्थानिय सरकारद्वारा मुक्त हरवाचारवाको वास्तविक तथ्यांक संकल्न गरी उनिहरुलाई बर्गीकृत परिचय पत्र प्रदान गर्न, मुक्त हरवाचारवाको शिक्षा, स्वास्थ्य र रोजगारीको अधिकार सुनिश्चित गर्न र लैगिंक भेदभाव बिना सबैलाई समान र उचित ज्याला सुनिश्चित गर्न, मुक्त घोषित मुक्त हरवाचारवाको सम्मपुर्ण शान्ति सुरक्षाको ब्यवस्था गर्न हरवाचरवा अधिकार मंचले माग गरेकाे छ ।

यसैगरी मंचले दिगो पुर्नस्थापना योजना जारी कार्यान्वयन गर्न र मुक्त हरवाचारवाको भुमी, खाना र आश्रयको अधिकार सुनिश्चित गर्नुका साथै महिला र बालबालिकाको अधिकारलाई प्रर्याप्त रुपमा सम्बोद्धन गर्न, सरकारका सबै नितीगत, निर्णय गर्ने तहहरुमा मुक्त हरवचारवाहरुको सामुनिपातीक र अर्थपुर्ण आवाज र प्रतिनिधीत्व सुनिश्चित गर्न, आगामी आर्थिक बर्षको निती, कार्यक्रम र बजेटमा हरवाचारवाको पक्षमा निती, कार्यक्रम र बजेट बिनियोजन गर्न लगायतकाे माग गरेकाे छ ।

मुक्त हरवाचरवाको आन्दोलन शुरु

0

वीरगंज । राष्ट्रिय हरवाचरवा अधिकार मञ्चको अगुवाईमा मधेस प्रदेशका ८ वटा जिल्लाका ३२ वटा पालिकाहरुमा स्थानिय सरकारसंग बिभीन्न मागहरु राख्दै दोश्रो चरणका आन्दोलका कार्यक्रमहरु तय गरेको छ । स्थानिय सरकारको आगामी निति तथा कार्यक्रममा मुक्त हरवाचरवाको सवाल सम्बोधन गराउनका लागि उक्त पालिकाहरुमा भोली देखि डेलीगेशन आयोजना गरिने भएको हो ।

पलिका स्तरका हरवाचरवा अधिकार मञ्चद्वारा आयोजना गरिने उक्त डेलीगेसनमा यस अघि मिति २०७९ चैत्र २५ देखि २८ सम्म आयोजना गरिएको पुनःस्र्थापनाका लागि हरवाचरवा अधिकार यात्रा २०७९ को दौरानमा मधेस प्रदेशका ८ वटा जिल्लाका बिभीन्न पालिका प्रमुखबाट गरिएको प्रतिबद्धता कार्यक्रमको पुनरावलोकन गरिनेछ ।

डेलीगेसन अन्तरर्गत स्थानिय सरकारको आगामी निति तथा कार्यक्रममा मुक्त हरवाचरवाको सवाल सम्बोधन गराउनका लागि सम्बन्धित पालिका प्रमुखलाई ज्ञापन पत्र पेश गरिने कुरा जिल्ला हरवाचरवा अधिकार मञ्चका अध्यक्ष श्याम सुन्दर सदाले बताए ।

ज्ञापनपत्रमा संघ र प्रदेश सरकारसंगको समन्वयमा स्थानीय सरकारद्वारा मुक्त हरवाचरवाको वास्तविक तथ्याँक संकलन गरी उनीहरूलाई बर्गिकृत परिचय पत्र प्रदान गरिनुपर्ने, मुक्त हरवाचरवाको शिक्षा, स्वास्थ्य र रोजगारीको अधिकार सुनिश्चित गरियोस् र लैंङ्गिक भेदभाव बिना सबैलाई समान र उचित ज्याला सुनिश्चित गरिनुपर्ने लगायत मुक्त घोषित मुक्त हरवाचरवाको सम्पूर्ण शान्ति सुरक्षाको व्यवस्था गरिनुपर्ने कुरा उल्लेख गरिनेछ ।

दिगो पुनर्स्थापना योजना जारी गरी कार्यान्वयन गरियोस र मुक्त हरवाचरवाको भूमि, खाना र आश्रयको अधिकार सुनिश्चित गर्नका साथै महिला र बालबालिकाको अधिकारलाई पर्याप्त रूपमा सम्बोधन गरिनुपर्ने, सरकारका सबै नीतिगत निर्णय गर्ने तहहरूमा मुक्त हरवाचरवाहरुको समानुपातिक र अर्थपूर्ण आवाज र प्रतिनिधित्व सुनिश्चित गरिनुपर्ने र आगामी अर्थिक बर्षको निति,कार्यक्रम र बजेटमा हरवाचरवाको पक्षमा निति, कार्यक्रम र बजेट बिनियोजन गरिनुका साथै हरवाचरवाको पहिचान, परिचयपत्र र पुनःस्थापनाका लागी स्थानिय तहबाट कार्यबिधि निर्माण गरिनुपर्ने लगायतका मागहरु राखीने जनाईएको छ ।

आन्दोलन अन्तरगत मधेश प्रदेश सरकार दलित विकास समितिसंगको सहकार्यमा वृहत अन्तरक्रियाको आयोजना गरी आगामी नीति तथा कार्यक्रम र बजेटको लागि सुझाव पेश गर्ने, तत्काल सम्माननीय प्रधानमन्त्री समक्ष ध्यानाकार्षण गराउने र आगामी नीति तथा कमार्यक्रम र बजेटमा हरवाचरवा सवाल सम्बोधनको लागि सुझाव पेश गर्ने तथा उक्त मागहरु पूरा नभए पहिलो चरणमा पालिकामा, दोस्रो चरणमा प्रदेशको राजधानीमा र तेस्रो चरणमा जनकपुरदेखि काठमाडौंसम्म पैदल यात्रा गरि अन्तमा सिंहदरवार समेत घेर्न बाध्य हुने कुरा राष्ट्रिय हरवाचरवा अधिकार मञ्चका केन्द्रीय महासचिव लागिन्द्र सदाले बताए ।

मधेश प्रदेशमै पहिलो परवानीपुरमा खुल्यो वाटर पार्क

0

वीरगंज । देशकै प्रतिष्ठित व्यापारिक घराना चाचान समूहले मधेश प्रदेशमै पहिलो वाटर पार्क संचालनमा ल्याएको छ । बाराको परवानीपुरमा शुक्रबारबाट ‘थ्रिल वाटर पार्क’ सञ्चालनमा ल्याइएको हो ।

शिथिल अर्थतन्त्र र खस्कँदो व्यापार व्यवसायको ओरालो यात्राको निरासाजनक आँकडा सञ्चार भइरहँदा चाचान समूह भने वीरगंजमा नयाँ र फरक उद्यममा हात हालिरहेको छ । चाचान समूहले गरेको नयाँ उद्यमले अरुलाई पनि उत्साहको सञ्चार गरेको छ कि चाचान समूहले सम्भावना देखाएको छ र व्यवसाय गर्न अझै उद्योगी घरानाहरु इच्छुक छन्, सक्रिय छन्, नयाँ उद्यमका लागि वीरगंज क्षेत्र उर्वर भूमिकै रुपमा स्थापित पनि छ ।

पार्क सञ्चालनमा आएपपछ मनोरञ्जन तथा घुमघामका लागि अब वीरगंज बाहिर जानु पर्ने बाध्यता पनि हटेको छ । सुविधासम्पनन थ्रिल वाटर पार्क नयाँ आकर्षणसहित सञ्चालनमा आएपछि यसले मधेश प्रदेशको सर्लाही, रौतहट, बारा, पर्सा, बागमती प्रदेशको नारायणगढ र हेटौँडा तथा सीमाका भारतीय बजारका सर्वसाधारणलाई पनि आकर्षित गर्ने अपेक्षा गरिएको छ ।

परिवारसहित कतै घुमेर, आनन्द लिएर बस्नका लागि वाटर थ्रिल पार्क भरपर्दो, व्यवस्थित र सुरक्षित गन्तव्य बन्न सक्ने अनुमान लगानीकर्ताको पनि छ ।

बजारको माग अनुसार लगानी
‘समय लगानीमैत्री वातावरणको छैन, यद्यपि हामी बजारको नयाँ माग र चाहनालाई अध्ययन गरेर लगानी गरिरहेका छौँ,’ शुक्रबार चाचान समूहका कार्यकारी अध्यक्ष बाबुलाल चाचानले पार्क उद्घाटन गर्दै भने, ‘नयाँ पुराना सबै पुस्ताको एउटै आकर्षण र गन्तव्य हुनसक्ने थ्रिल वाटर पार्क सञ्चालनमा ल्याएका छौँ । यसले थोरै भए पनि रोजगारी पनि सिर्जना गर्दछ ।’

थ्रिल वाटर पार्कमा ७ करोड रुपैयाँ लगानी भएको बताइएको छ ।

पार्कका सुविधाहरुः
वाटर स्लाइड स्विमिङ, ज्याउजी वाटर मसाज, वेव पुल, रेन डान्स, स्विमिङ पुल, अन्तर्राष्ट्रियस्तरको रेष्टुरेन्टसहित नेपालमै पहिलो पटक ४० फिटको ट्रक डोर स्लाइप सुविधा पार्कमा उपलब्ध गराएका छौँ : निखिल चाचान, सञ्चालक, थ्रिल वाटर पार्क

‘बालबालिका, महिला, पुरुष सबैका लागि पारिवारिक वातावरणमा मनोरञ्जनपूर्ण स्थलका रुपमा वाटर पार्क सञ्चालनको तयारी गरेका हौँ,’ सञ्चालक चाचाले भने, ‘आवश्यक सम्पूर्ण सुविधा एकै स्थानमा मिलाएका छौँ ।’

बाराको परवानीपुर गाउँपालिका वडा नम्बर ४ मा स्थापना गरिएको पार्कमा वीरगंजसहित सिमरा, जीतपुर, हेटौँडा, रौतहटसहित भारतको रक्सौल, मोतिहारी, बेतियाका बासिन्दा आएर भरपुर मनोरञ्जन लिन सक्ने छन् ।

आठ महिनाअघि चाचान समूहद्वारा स्थापना गरिएको थ्रिल फ्याक्ट्रीमा २३ हजार भन्दा बढी आन्तरिक तथा बाह्य पर्यटकले अवलोकन गरेका छन् ।

प्रदेशकै पहिलो वाटर पार्क
परवानीपुरमा शुक्रबारदेखि सञ्चालनमा ल्याइएको ‘थ्रिल वाटर पार्क’ मधेश प्रदेशकै पहिलो वाटर पार्क हो । सञ्चालक निखिल चाचानले भने, ‘काठमाडौं, चितवन, भक्तपुरबाहेक मधेश प्रदेशमै पहिलो वाटर पार्क सञ्चालनमा ल्याएका छौँ ।’

बालबालिकादेखि जेष्ठ नागरिकसम्मलाई लक्षित गरी सञ्चालनमा ल्याइएको ‘थ्रिल वाटर पार्क’ मा पानीको फोहोराले मसाज गर्ने ‘ज्याक उ पुल’ सेवा उपलब्ध छ । यस्तै, समुन्द्रको जस्तो छाल आउने ‘वेभ पुल’, ‘रेन डान्स’, ‘ट्याप डूर स्लाइड’ का साथै रेष्टुरेन्ट पनि सञ्चालनमा ल्याइएको सञ्चालक चाचानले बताए ।

कति छ शुल्क ?
वाटर पार्कमा बालबालिकाका लागि प्रतिव्यक्ति ५ सय रुपैयाँ, वयष्कका लागि प्रति व्यक्ति ७ सय रुपैयाँ शुल्क तोकिएको छ । ‘थ्रिल वाटर पार्क ’मा २२ जनाले रोजगारी पाएका छन् ।

मन्दीमा उत्साहित
देश आर्थिक मन्दीको सिकार भएको छ । शिथिल अर्थतन्त्रका बहसले सरकार, समाज र सामाजिक सञ्जाल भरिभराउ छ । आर्थिक उन्नयन कसरी गर्ने ? सबैको चिन्ता छ । व्यवसायी, उद्योगी पलायनको सिकार भइरहेका छन् ।

यस्तो अवस्था आठ महिनाका अवधिमा चाचान समूहले दुई वटा उद्योग सञ्चालनमा ल्याएर निरासा मात्रै छैन सम्भावना पनि छ र आफैँले त्यसका लागि पहल गर्नु पर्छ भन्ने सन्देश पनि दिएको छ ।

सञ्चालक निखिल चाचानले भने, ‘आठमहिना पहिले ‘थ्रिल फयाक्ट्री’ सञ्चालनमा ल्यायौँ, त्यसको कारोबारबाट उत्साहित भयौँ । र, ‘वाटर पार्क’ सञ्चालनमा ल्याएका हौँ । हामीले अध्ययन गरेर नै लगानी गरेका हौँ ।’

प्रेस युनियन बाराकाे अध्यक्षमा पुनः श्यामबाबु यादव

0

वीरगंज । नेपाल प्रेस युनियन बाराकाे अध्यक्षमा श्यामबाबु यादव पुन: चयन भएका छन् ।

शुक्रबार कलैयामा सम्पन्न साताैं जिल्ला अधिवेशनबाट युनियनकाे अध्यक्षमा यादव दाेश्राे कार्यकालका लागि सर्वसम्मत चयन भएका हुन् ।

युनियनको जिल्ला उपाध्यक्षमा बसन्त खतिवडा पनि दाेश्राे कार्यकालकालागि सर्वसम्मत चयन भएका छन् ।

समावेशी उपाध्यक्षमा अनिल कुमार साह, सचिवमा राजेश कुशवाहा, सहसचिवमा बिनिता चाैधरी तथा काेषाध्यक्षमा अरुण साह पनि सर्वसम्मत चयन भएका छन् ।

यस्तै सदस्यमा प्रभु यादव, पवन सिंह, चन्दन कुमार चन्दन, विनयराज शर्मा, अन्जली गुप्ता, राहुल गुप्ता, नुर आलम बादसाह, सन्दिप यादवर लगायत चयन भएका छन् ।

पचास रुपैयाँमै खाना पाईने भरपेट भोजनालय पुनः संचालन हुने

0

वीरगंज । वीरगंजमा गरिब विपन्न र मजदुरहरुलाई ५० रुपैयाँमै खाना खुवाँउदै आएको भरपेट भोजनालय जेठ पहिलो सात्तादेखि पुनः सन्चालनमा आउने भएको छ ।

सानो पाइला नामक सामाजिक संस्थाले गरिब विपन्न मजदुर र विधार्थीका लक्षित गरि सन्चालन गरेको भरपेट भोजनालय खर्च थेग्न नसकेको भन्दै चार महिना अघि बन्द भएको थियो । भोजनालय सन्चालनमा रहेको १७ महिनाको अवधीमा संस्थाले २८ लाख ७४ हजार रुपैयाँ घाटा व्यवहोर्नु परेको र त्यो रकम संस्थाको कोषबाट पुर्ति गर्नु परेको संस्थाका संस्थापक एंव सल्लाहकार कञ्चन झाले जानकारी दिए ।

उनले भने,‘ संस्थाको कोषपनि रित्तिएपछि अन्त्यमा केहि विल्कप नभएपछि गत पुष ११ देखि भोजनालय बन्द गर्नु पर्ने बाध्यता भयो ।

आर्थिक नगरी वीरगंजमा विशुद्ध सेवाभावले गरिब विपन्नका लागि सन्चालित भोजनालय बन्द भएको ४ महिना भइसक्दा समेत यसलाई पुन: सन्चालनका लागि कसैले चासो नलिदाँ दुख समेत लागेको झाले बताए ।

झाले भने,‘ यो सन्चालन गर्दाखेरि नै हामीले यसको स्वामित्व र अपन्तव स्थानीय सरकार वा प्रदेश सरकारले लिओस् भन्ने हाम्रो अपेक्षा र चाहना थियो, तर ती दुवैमध्ये कोहि पनि अगाडि सरेरनन्,जसका कारण चार महिनादेखि भोजनालय बन्द छ ।

स्थानीय सरकार र प्रदेश सरकारले चासो नदिएपनि गरिब, विपन्न र मजदुरको आशाको केन्द्र बनेको भोजनालय पुन सन्चालनका लागि अब संस्था आफैले दाताहरु खोजिरहेको झाले बताए । उनले पनि भने,‘ केहि दाताहरु अगाडि सरिसक्नु भएको छ, त्यसकारण जेठ पहिलोसाता देखि फेरि सन्चालनमा ल्याउने तयारीमा लागिसकेका छौं । स्थानीय सरकारले यसको स्वामित्व लिओस् भन्ने अपेक्षा अझैैपनि रहेको उनले बताए ।

बढ्दो महङगीका कारण खर्च थेग्न नसकेर चार महिना पहिले बन्द गरिएको भरपेट भोजनालय फेरि सन्चालनमा ल्याउने तयारी भइरहेको सानो पाइलाका संस्थापक दिपक बहादुर श्रेष्ठले बताए ।

शुक्रबार आयोजित पत्रकार भेटटघाट कार्यक्रममा उनले भने,‘ चार महिनादेखि भोजनालय बन्द छ, तर अहिलेपनि न गरिब , विपन्न र मजदुरहरु खाना खोज्दै दिनहँु यहाँ आउछन्, बन्द भएको देखेर निराश भएर फर्किन्छन्, त्यसका कारण खर्चको व्यवस्थापन गरेर फेरि जेठ पहिलो सातादेखि सन्चालनमा ल्याउने तयारीमा जुटेका छौं ।

भोजनालय पुन सन्चालनका लागि दीर्घकालीन उपाय खोज्नमा लागिरहेको भन्दै उनले भने,‘ दाताहरुबाट अहिलेसम्म ३० प्रतिशत रकम जम्मा भइसकेको छ , अब बाँकी रहेको ७० प्रतिशत रकम पनि दाताहरुबाटै जुटाउने अभियानमा लागिरहेका छौं ।

यसका लागि वीरगन्ज महानगरपालिकासंग पनि समन्वय गरिरहेको श्रेष्ठले बताए । श्रेष्ठले भने,‘ डेढ वर्षपहिले भरपेट भोजनालय सन्चालन गर्दाकै ताका यसको स्वामित्व स्थानीय सरकारले लिओस् भन्ने हाम्रो चाहना थियो तर त्यसो हुन सकेन, अहिले भने मेयरसाबसंग कुरा भएको छ , उहाँ सकरात्मक हुनुहुन्छ ।

वीरगंज महानगरपालिकाको मुर्लीमा २०७८ साउन ३१ गतेदेखि ५० रुपैयामा एक छाक खाना खुवाउने गरि भरपेट भोजनालय सन्चालनमा ल्याईएको थियो ।

व्यपारभन्दा पनि सेवामुखी उदेश्यले सन्चालित भोजनालय बढ्दो महङगीका कारण खर्च थेग्न नसकि घाटामा गएको भन्दै सानो पाइलाले उक्त भोजनालय २०७९ पुष ११ गतेदेखि बन्द गरिदिएको थियो ।

मासिक १ लाख ६२ हजार ९ सय रुपैया घाटामा जानथालेपछि गत पुष ११ गतेदेखि भोजनालय बन्द गर्नु परेको श्रेष्ठले बताए । भोजनालयको मासिक खर्च ५ लाख ६ हजार ६ सय ६७ रुपैया हुदै आएपनि आम्दानी भने ३ लाख ५८ हजार ७ सय ५० रुपैयाँ मात्रै हुने गरेको उनले बताए ।

वीरगंजबाट नेपाली नक्कली नोटसहित दुई जना पक्राउ

0

वीरगंज । पर्सा प्रहरीले नक्कली नेपाली नोटसहित दुई जनालाई नियन्त्रणमा लिएको छ । पक्राउ पर्नेमा सर्लाहीको गौडाता नगरपालिका वडा नम्बर १२ मधुवनी निवासी ३४ वर्षीय आनन्द वर्दन सिंह र बाराको परवानीपुर गाउँपालिका वडा नम्बर ३ निवासी ३६ वर्षीय ओमप्रकाश साह रहेका छन् ।

उनीहरुको साथबाट प्रहरीले झन्डै पाँच लाख रुपैयाँ बराबर नक्कली नेपाली नोट र दुई लाख रुपैयाँको सक्कली नेपाली नोट बरामद गरेको छ । 

विशेष सूचनाको आधारमा जिल्ला प्रहरी कार्यालय पर्सा र मधेश प्रदेश प्रहरी कार्यालय जनकपुरबाट खटेको संयुक्त टोलीले बुधबार दिउँसो उनीहरुलाई वीरगञ्ज-१६ स्थित चालिसफिट्टे सडकखण्डबाट सक्रिपियो गाडीसहित नियन्त्रणमा लिएको थियो ।

पर्सा प्रहरीका प्रवक्ता एवम् प्रहरी नायव उपरीक्षक (डिएसपी) निर्मल बुढाथोकीकाअनुसार केही व्यक्ति नक्कली नेपाली नोटसहित भारतबाट नेपाल प्रवेश गरिरहेको विशेष सूचनाको आधारमा प्रहरी परिचालन गरिएको थियाे । सोही क्रममा भारत तर्फबाट  वीआर ०१ पीजी ६५७७ नम्बरको भारतीय नम्बर प्लेट भएको स्कर्पियो गाडीलाई रोकेर चेकजाँच गर्दा नक्कली र सक्कली नोट बरामद भयो ।

सिंह र साहको साथबाट प्रहरीले १००० रुपैयाँ दरको ४८६ थान गरी चार लाख ८६ हजार रुपैयाँको नक्कली नेपाली नोट र १००० रुपैयाँ दरकै २०० थान गरी दुई लाख रुपैयाँको सक्कली नेपाली नोट बरामद गरेको डिएसपी बुढाथोकीले जानकारी दिए ।

हालसम्म गरेको अनुसन्धानअनुसार नक्कली नोटहरु भारतमा उत्पादन भएर नेपाल भित्रिने गरेको डिएसपी बुढाथोकीले बताए । ‘पक्राउ परेकाहरुसँग सोधपुछका आधारमा नक्कली नोटहरु भारतमा उत्पादन भएर नेपाल भित्रिने गरेको हामीले पाएका छौँ,’ उनले भने”

पक्राउ परेकाहरुविरुद्ध मुद्रा सम्बन्धी कसुरमा (नक्कली मुद्रा प्रयोगमा ल्याउन नहुने) जिल्ला अदालत पर्साबाट सात दिनको म्याद थप गराई अनुसन्धान अगाडि बढाइएको उनले बताए ।

जथाभावी फोहोर फालेर दुर्गन्ध फैलाउनेलाई ५० हजार जरिबाना

0

वीरगञ्ज । वीरगञ्ज महानगरपालिकाले जथाभावी फोहोर फालेर दुर्गन्ध फैलाउने एक जनालाई ५० हजार रुपैयाँ जरिबाना गरेको छ ।

सफा, स्वच्छ वीरगञ्ज बनाउने अभियानका साथ सरसफाईलाई विशेष प्राथमिकतामा राखेर काम गरिरहेको महानगरले जथाभावी फोहोर फालेर दुर्गन्ध फैलाउनेलाई कारबाही गरेको हो ।

वीरगञ्जको बाइपास सडक खण्ड अन्तर्गत नगवाको वैष्णवी मन्दिर नजिकै राङ्गा, भैसीको सडेको हड्डी खसाएर दुर्गन्ध फैलाउने शिवपुजन चौरसियालाई महानगरको टोलीले नियन्त्रणमा लिएर ५० हजार जरिबाना गरेको हो ।

महानगरले यस अघि सीता अस्पताललाई सडकमा जथाभावी माटो खसाएर फोहोर गरेको भन्दै ५१ हजार रुपैयाँ जरिबाना गरेको थियो ।

नगर सफा राख्न वीरगञ्ज महानगरले मुख्य तथा सहायक सडकमा ट्र्याक्टर तथा ठेलाबाट दैनिक ३/३ पटक फोहोर संकलन गर्नुकासाथै ब्रुमरमार्फत सडक बढार्ने काम गरिरहेको छ ।

जनमत पार्टी पर्साको बिस्तारित बैठक सम्पन्न

0

वीरगंज । जनमत पार्टी पर्साको बिस्तारीत बैठक बिहिवार वीरगंजमा सम्पन्न भएको छ । वीरगंजस्थित क्लासिक बैन्केटमा बसेको बैठक पार्टीका केन्द्रिय अध्यक्ष डा. सिके राउतको प्रमुख आतिथ्यतामा वीरगंजमा बृहत पार्टी प्रवेश कार्यक्रम गर्ने निर्णय गरेको छ ।

त्यसैगरी बैठकले पार्टीलाई जिल्लाको प्रत्येक वडा र टोल सम्म बिस्तार गर्ने, वर्गीय संगठनहरु र बिभागहरुलाई चुस्त दुरुस्त र पुनःगठन गर्ने, जनसरोकारकाका मुद्दा र समस्याहरुलाई उठान गरि संघर्स र पहल मार्फत सरोकारवालाहरु संग सम्बोधन गर्ने, गराउने लगायतको निर्णय गरे जनमत पार्टी पर्साका संयाेजक ओमप्रकाश सरार्फले जानकारी दिए ।

जिल्ला संयोजक सरार्फको अध्यक्षतामा बसेको बैठकमा सह इन्चार्ज मुकेश दिवेदी, जिल्ला सह संयोजक रामजी रौनियार, श्याम चौरसिया, डा अजय यादव, अधिवक्ता हरिहर साह कानु,अजय चौरसिया, महिला नेताहरु अनिता रौनियार, अन्जना गुप्ता, राजेश चौरसिया लगायतको उपस्थित रहेको थियो।

वीरगंज महानगरको पक्षमा अदालतको फैसला

0

वीरगञ्ज । वीरगञ्ज महानगरपालिकालाई महानगरमा रहेका चार वटा विद्यालयमा पूर्ण रुपमा अ‌ंग्रेजी माध्यममा पठनपाठन गराउने बाटो खुलेको छ ।

उच्च अदालत जनकपुरको अस्थायी इजलास वीरगञ्जले सर्वसाधारणका छोराछोरीले समेत निशुल्क अंग्रेजी माध्यममा पठनपाठन गर्न पाउने मनसायले महानगरले ४ वटा विद्यालयमा अंग्रेजी माध्यम सुरु गरेको देखिएको भन्दै यस अघि गरेको अल्पकालिन आदेस खारेज गरेसँगै पठनपाठन गराउने बाटो खुलेको हो ।

अदालतले गएको १४ गते महानगरले अघि बढाएको योजना तत्कालका लागि यथास्थितिमा राख्न अल्पकालिन आदेस दिँदै बिहीबारका लागि छलफलमा बोलाएको थियो ।

बिहीबार दुबै पक्षको बहस पछि अदालतले अल्पकालिन अन्तरिम आदेश निरन्तरता दिइरहनु पर्ने नदेखिएको भन्दै नियमानुसार गर्न आदेश दिएको हो ।

पूर्ण रुपमा अंग्रेजी माध्यमको पठनपाठन गराउने महानगरको निर्देशनबिरुद्ध अभिनय गुप्ताले वीरगञ्ज महानगरसहितलाई बिपक्षी बनाई उच्च अदालतमा उत्प्रेरण परमादेशको रिट दायर गराएका थिए ।

बिहीबार उक्त रिटमाथि सुनुवाई गर्दै अदालतका न्यायाधीश लेखनाथ पौडेल र सुदर्शनदेव भट्टको संयुक्त इजलासले यस्तो आदेश दिएको हो ।

महानगरको तर्फबाट अधिक्ता कमलमोहन पोखरेल, प्रमोद प्रसाद र कानुन अधिकृत ईशवर बरालले  बहस गरेका थिए भने निवेदकको तर्फबाट अधिवक्ता सुधिर कुमार कर्णले बहस गरेका थिए ।

वीरगञ्ज महानगरपालिकाले यसै शैक्षिक सत्रबाट त्रिजुद्ध, नृसिंह, माइस्थान विद्यापीठ र सिदार्थ माविमा पूर्ण रुपमा अंग्रेजी माध्यममा पढाउन सुरु गरेको छ ।

नेपाली उत्पादनको बजारीकारणका लागि उद्योग मन्त्रालय सदैव लागि पर्ने छ : मन्त्री रिजाल

0

वीरगंज । उद्योग वाणिज्य तथा आपूर्ती मन्त्री रमेश रिजालले स्वदेशी उत्पादन र प्रयोगलाई प्रोत्साहन गर्नुपर्ने बताएका छन । स्वदेशी उत्पादनको प्रवर्द्धन गर्न बजेटमा विशेष व्यवस्था गरिने बताएका छन् ।

बिहिबार उद्यमी घरको शुभारम्भ एवं बृहत मेला तथा प्रदर्शनीको उद्घाटन गर्दै मन्त्री रिजालले यस्तो बताउनु भएको हो । स्वदेशी उत्पादनको बजारीकारणका लागि उद्योग मन्त्रालय सदैव लागि पर्ने विश्वास दिलाउदै मन्त्री रिजालले बजेटमा स्वदेशी उत्पादनको प्रवर्द्धनलाई विशेष व्यवस्था गरिने बताए ।

मन्त्री रिजालले विदेश भ्रमणका क्रममा नेपालको तर्फबाट लगिने उपहारमा नेपाली उत्पादनलाई नै प्रयोगमा ल्याउन मन्त्रीपरिषदमा समेत पहल गर्ने आश्वासन दिए ।

नेपालि उत्पादन मार्फत नेपाली कला र शैलीलाई अन्तर्राष्ट्रिय जगतमा समेत परिचित गराउन मन्त्री रिजालले उद्यमीहरुलाई आग्रह पनि गरे ।

मन्त्री रिजालले उद्यमी घरले हस्तकला, कृषि तथा नेपालि उद्यमीहरुले गरेका उत्पादनहरुको बृहत प्रदर्शनी गरेर उद्यमीहरु तथा उपभोगकर्ताका लागि प्रसंशनीय काम गरेको वताए ।