Date
सोम, कार्तिक ३०, २०८३
Mon, November 16, 2026
Home Blog Page 544

नगर विकासको सिर्सिया प्लटिङको जग्गा नापजाँच सुरु

0

वीरगंज । वीरगञ्ज महानगरपालिकाको वडा नम्वर २५ सिर्सियामा नगर विकास समितिले प्लटिङ गरेको जग्गा आजबाट नापजाँच गरेर छुट्याउन सुरु गरिएको छ ।

नगर विकास समितिले व्यवस्थित शहर विकास गर्न भन्दै २०४२ चैत २८ मै २६ विघा जग्गामा प्लटिङ गरेको थियो ।
प्लटिङको बीचमा ६० फिटको फराकिलो बाटो र सहायक सडकहरु ३५/३५ फिटको छुट्याएर नगर विकासले व्यवस्थित वस्ति बसाल्न खोजेको थियो ।

प्लटिङको जग्गा नगर विकाससँग व्यक्तिहरुले खरिद गरेको भए पनि अहिलेसम्म त्यसमा वस्ति भने बस्न सकेको छैन । नगर विकासले नक्सांकन गरेर प्लटिङ गरे पनि नापी कार्यालयले नापजाँच गरेर नक्सा छुट्याउन अवरोध गर्दा अहिलेसम्म पनि त्यहाँ वस्ति विकास हुन नसकेको जानकारहरु बताउँछन् ।

आजबाट नापी कार्यालय र महानगरपालिकाको संयुक्त टोली नापजाँचमा खटेर सडक तथा नाला छुट्याउने काम गरिरहेको छ ।

बुधबार जिल्ला प्रशासन कार्यालयमा नापी कार्यालयका प्रमुख नारायण श्रेष्ठले एक हप्ता भित्रमा प्लटिङको जग्गा नापजाँचको काम सक्ने लिखित प्रतिबद्धता जनाए अनुरुप आजैबाट काम अघि बढेको हो ।

टोलीले बुधबार दक्षिण तर्फ ६० फिटको सडकका साथै ३५/३५ फिटको ५ वटा सडक नापजाँच गरेर छुट्याइदिनुका साथै किलाकाटी समेत गरेको छ । एक हप्ता भित्र नापजाँच सक्ने गरी काम भइरहेको महानगरको नापी शाखाका प्रमुख देवलाल प्रसादले जानकारी दिनुभयो ।

मेयर सिंहले गरे नारायणी अस्पतालको निरीक्षण, बन्द आई.सी.यू.संचालन गर्न सहयोग गर्ने

0

वीरगंज । नारायणी अस्पतालको बन्द अवस्थामा रहेको २३ बेडको आई.सी.यू. वार्ड वीरगञ्ज महानगरपालिकाको सहयोगमा संचालनमा आउने भएको छ ।

महानगरपालिकाका प्रमुख राजेशमान सिंहले बुधबार अस्पतालको अनुगमन गर्नुहुँदै बन्द अवस्थामा रहेको आई.सी.यू.वार्ड आउँदो आइतबारबाट पूर्ण क्षमतामा संचालनमा ल्याउन आवश्यक जनशक्ति सहयोग गर्ने बताउनु भयो ।

आई.सी.यू. संचालनमा ल्याउन २८ जना जनशक्ति आवश्यक पर्ने अस्पतालले जनाएको छ ।

यस्तै अस्पतालको प्रसुती गृहमा बिरामीलाई सहज सेवा प्रदानका लागि आवश्यक संरचना निर्माण गर्न पनि महानगरले आउँदो अर्थिक वर्षमा लगानी गर्ने महानगर प्रमुख सिंहले बताउनु भयो ।

अस्पतालमा आउने बिरामीहरुलाई उपचारमा कुनै कमी नराख्न पनि उहाँले चिकित्सक, स्वास्थ्यकर्मीलाई आग्रह गर्नु भयो ।

अनुगमनमा पुग्नु भएका नगरप्रमुक सिंहलाई अस्पतालका मेडिकल सुपरिटेन्डेन्ट डा.चित्तरन्जन साहले अस्पतालको समसामयिक विषयमा जानकारी गराउनु भएको थियो ।

अस्पतालको निरीक्षणमा महानगर पालिका प्रमुख प्रशासकीय अधिकृत  लक्ष्मीप्रसाद पौडेल, नगर प्रमुखको सल्लाहकारद्व्य प्रकाश अमात्य, महेश दास, नर्सिङ प्रमुख हेमा थापा लगायतको सहभागिता रहेको थियो ।

प्रतिबन्धित भारतीय नोटसहित दुई जना पक्राउ

0

वीरगंज । पर्सा प्रहरीले वीरगंजबाट प्रतिबन्धित भारतिय नाेटसहित दुई जनालाई पक्राउ गरेकाे छ । प्रहरीले भारत उत्तर प्रदेश जिल्ला गोरखपुर ग्राम महूई सुघरपुर बस्ने वर्ष ४२ को बिनोद कुमार गुप्ता र जिल्ला मोतीहारी ग्राम करमवा रघुनाथपुर बस्ने वर्ष ३९ को अमित कुमार सिंहलाई पक्राउ गरेकाे हाे ।

वडा प्रहरी कार्यालय विर्ता र प्रहरी चौकी ईनर्वा पर्साबाट खटिएकाे टाेलीले वीरगंज महानगरपालिकाकाे वडा नं.१६ रजतजयन्ती चोकबाट आइतबार दिउसाे ३:३० बजे बिनोद कुमार गुप्तालाई पक्राउ गरेकाे जिल्ला प्रहरी कार्यालय पर्साले जनाएकाे छ ।  

प्रहरीका अनुसार भारतबाट वीरगञ्जतर्फ संकास्पद पैदल हिँडी आउदै गरेको गुप्तालाई रोकी कानूनी रीतपुर्‍याई जाँच गर्दा गुप्ताले पछाडि भिरेको निलो रंगको झोलामा प्रतिबन्धित भारतीय रू.५ सय दरको नोट-३६३ थान रु.२ सयको नोट-१३ थान, रु.१ सय दरको नोट-१ सय ४५ थान रू.५० दरको नोट-२८ थान गरी जम्मा रु दुई लाख फेला परेको  हाे ।

यसैगरी, प्रहरीले वीरगंज महानगरपालिका कै वडा नं.१६ रजतजयन्ती चोक स्थित सडकखण्डबाट अमित कुमार सिंहलाई पक्राउ गरेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक निर्मल बुढाथाेकीले जानकारी दिए ।

वडा प्रहरी कार्यालय विर्ता र प्रहरी चौकी ईनर्वाबाटै खटिएको संयुक्त चेकिङ टोली साेमबार राती ९ बजेको समयमा वीरगंजबाट रक्सौलतर्फ संकास्पद रूपमा हिडिँरहेका सिंहलाई चेकिङ टोलीले चेकजाँच गर्ने क्रममा निजले बोकेको झोलाभित्र लुकाई छिपाई राखिएको भारतीय प्रतिबन्धित नोट रु ३ लाख ७५ हजार बरामद गरेकाे उनले वताए ।

पक्राउ परेका सिंहकाे साथबाट रु.२ सय दरका नोट-२१ थान, रू.५ सय दरको नोट-६४४ थान रू.२ सय दरको नोट-३३ थान रु.१०० दरको नोट-४५ थान र रू.५० दरको नोट-१४ थान गरी फेला परेकाे प्रवक्ता बुढाथाेकीले जानकारी गराए । 

 दुबै जनालाई बरामद रकमकाे साथमा राजश्व अनुसन्धान कार्यालय पथलैया, बारामा बुझाइसकिएकाे उनले वताए ।

वीरगंजका ३० नं. वडाले विद्यार्थीलाई निशुल्क शैक्षिक सामग्री दिँदै

0

वीरगंज । वीरगंज महानगरपालिका वडा नम्बर ३० ले वडाका विद्यार्थीलाई आगामी पाँच वर्षसम्म नि:शुल्क शैक्षिक सामग्री उपलब्ध गराउने भएको छ ।  वडाअध्यक्ष मनोजकुमार यादवले वडामा रहेका तिनवटा सामुदायिक विद्यालयमा अध्यनरत विद्यार्थीलाई आगामी पाँच वर्षसम्म नि:शुल्क रुपमा शैक्षिक सामग्री उपलब्ध गराउने घोषणा गरेका हुन् ।

घोषणासंगै यादवले मंगरबार वडा अन्तर्गतका नेपाल राष्ट्रिय आधारभूत विद्यालय प्रसुतिपुर, नेपाल राष्ट्रिय प्राथमिक विधालय र मुस्लिम समुदायका बालबालिकाहरु पढ्ने इस्लामिया मदर्शामा शैक्षिक सामग्री वितरण गरेका छन् । तीन वटै विद्यालयमा अध्ययनरत विधार्थीहरुलाई चालु शैक्षिक सत्रका लागि आवश्यक पर्ने कपी र कलम वितरण गरेका हुन् । ती विद्यालयहरु कुल १ हजार २ सय विधार्थी अध्ययनरत छन् ।

तीन वटै विधालयहरुमा अध्यनरत कक्षा १ देखि ८ सम्मका सबै विधार्थीहरुलाई आफनो कार्यकालभरि वडा कार्यालयबाट निशुःल्क शैक्षिक सामाग्री (कपी , कलम , स्कुल ब्याग इत्यादि) उपलब्ध गराउने निर्णय गरिएको वडाध्यक्ष यादवले बताए ।

सोही निर्णय अनुरुप मंगलबार तीन वटै विधालयमा पुगेर विधार्थीहरुलाई शैक्षिक सामाग्री वितरणपनि गरिएको जानकारी उनले दिए । यादवले भने,‘ किताब र पोशाक सरकारले नै निशुल्क दिदै आएको छ , त्यो बाहेक कापी, कलम, स्कुल ब्याग इत्यादि शैक्षिक सामाग्री मेरो कार्यकालभरि अर्थात ५ वर्षसम्म वडाको बजेटबाट निशुल्क उपलब्ध गराइन्छ ।

उनले थपे,‘ सरकारी विधालयमा एक त अधिकांश गरिब विपन्नका बालबालिकाहरु नै पढ्छन् , त्यसमा पनि कापी कलम किन्न पैसा छैन भनेर कतिपय अभिभावकले बालबालिकालाई विधालय नै पठाउदैनन् , तीनै बालबालिकालाई लक्षित गरि मैले यो काम थालेको हुँ ।

वीरगंजमा श्री नृसिंह भगवानको शोभा यात्रा तथा महाआरती हुने

0

वीरगंज । वीरगंजमा श्री नृसिंह भगवानको शोभा यात्रा तथा महाआरती हुने भएकाे छ । वीरगंज महानगरपालिकाकाे वडा नं. १४ पिपरामा रहेकाे श्री नृसिंह भगवान पिपरामठ मन्दिर संरक्षण समितिले बैशाख २१ गते बिहिबार शाेभा यात्रा र महाआरतीकाे आयाेजना गर्न लागेकाे हाे ।

समितिले मंगलबार मन्दिर परिसर मै पत्रकार सम्मेलनकाे आयाेजना गरी आयाेजना गर्न लागेकाे शोभा यात्रा तथा महाआरती बारे जानकारी गराएकाे हाे । पत्रकार सम्मेलनमा वाेल्दै मन्दिर संरक्षण समितिका अध्यक्ष रामप्रबेश प्रसाद कुर्मीले १३५ बर्ष पुराेनाे मन्दिरलाई संरक्षण प्रबर्धनकाे लागि शाेभा यात्रा तथा महाआरती आयाेजना गर्न लागिएकाे वताए ।

श्री नृसिंह भगवानको जन्म उत्सवकाे अवसरमा विहिबार विहान ६:३० बजेदेखि मन्दिर परिसरबाट निस्कने शाेभा यात्रा नगर परिक्रमा पश्चात सम्पन्न हुने र पुन: विहिबार सांझ ७ बजे मन्दिर परिसर मै महाआरती हुने अध्यक्ष कुर्मीले वताए ।

उनले भने “पिपरा एक प्राचीन गांउ हो । यस गांउमा नरसिंह भगवानको मठ १३५ वर्ष पहिला हुनु आफैमा लामो इतिहास देखाउन्छ । नेपाल र भारतमा समेत प्रसिद्ध पिपरा मठको विशेषता भनेको एकै थलोमा देवालय, औषधालय, पुस्तकालय र विद्यालय हुनु हो । यस्तो विशेषता रच्ने काम नेपालमा केवल पिपरा मठले गरेको हो ।”

वीरगंज नगरको आधुनिक स्वरुप रेखांकित हुनुभन्दा अगाडिदेखि हिन्दुहरुको धार्मिक स्थलको रुपमा रहेको पिपरा गाउँको मठ एक आराध्यस्थल रहेको अध्यक्ष कुर्मीले वताए । उनले यो सहर नबन्दै भारतीय तिर्थयात्रुहरू पशुपति नाथ, मुक्तिनाथ र देवघाट जस्ता धार्मिक स्थलमा तीर्थाटनको लागि आउँदा पिपरा मठ विश्रामस्थलको रुपमा रहेकाे वताए । 

उनका अनुसार पिपरा मठमा दुई पटक विश्व हिन्दु सम्मेलन भएको छ । यसले गर्दा पिपरा मठ विश्वभरिका हिंदूहरूमा परिचित र प्रणम्य रहेको विदित नै छ । विश्व हिन्दू सम्मेलनको स्थायी चिनारीको रूपमा स्तूप र सरोबर निर्माण गरिएको छ, जो आज पनि विद्यमान छ । मठमा नरसिंह भगवानको भव्य एवं दिव्य प्रतिमा छ।

यो मठको इतिहास निकै पुरानो रहेपनि यो मठ पछिल्ला दशकमा ओझलमा प-यो । त्यसैले पिपरा गाउँ यस विरासतको संरक्षण र पुनर्निर्माणका लागि मन्दिर संरक्षण समिति सक्रिय भएको छ ।

पहिला पिपरा मठकाे ३० विगहा जग्गा थियाे तर अहिले आएर ९ विगहामा सिमित भएकाे छ । साे ९ विगहा जग्गा पनि गुठि संस्थाले विभिन्न व्यक्तिहरुले लिजमा दिएकाे समितिले जनाएकाे छ । 

समितिका अध्यक्ष कुर्मीकाे अध्यक्षता र हिन्दु परिषद नेपालका अध्यक्ष संताेषानन्द महाराजकाे प्रमुख आतिथ्यतामा भएकाे पत्रकार सम्मेलनमा मन्दिर संरक्षण समितिका उपाध्यक्ष गजेन्द्र प्रसाद कुर्मी, सह सचिव जयमंगल कापर केवट, काेषाध्यक्ष श्याम कुमार प्रसाद कुर्मी लगायतकाे उपस्थिती रहेकाे थियाे । 

उपनिर्वाचन जितेर सांसद बनेका उपेन्द्र यादवले लिए शपथ

0

वीरगंज । बारा क्षेत्र नं. २ काे उपनिर्वाचनबाट प्रतिनिधि सभा सदस्यमा निर्वाचित जनता समाजवादी पार्टी नेपालका अध्यक्ष उपेन्द्र यादवले मंगलबार पद तथा गोपनीयताको शपथ ग्रहण गरेका छन् । उनलाई सभामुख देवराज घिमिरेले शपथ खुवाएका हुन् ।

यही वैशाख १० गते भएको उपनिर्वाचनमा यादव जनमत पार्टीका शिवचन्द्र कुशवाहालाई हराउँदै विजयी भएका थिए ।

वैशाख १० गतेकै उपनिर्वाचनमा चितवन क्षेत्र नम्बर २ बाट निर्वाचित रास्वपा सभापति रवि लामिछाने र तनहुँ क्षेत्र नम्बर १ बाट निर्वाचित डा. स्वर्णिम वाग्लेले भने गत शुक्रबार नै शपथ ग्रहण गरिसकेका थिए । यादव काठमाडौं उपत्यका बाहिर रहेकाले सो दिन उनको शपथ ग्रहण हुन सकेको थिएन ।

चितवन राष्ट्रिय निकुञ्जमा हालसम्मकै धेरै पर्यटक भित्रिए

0

चितवन । चितवन राष्ट्रिय निकुञ्जमा चालु आर्थिक वर्षको चैत मसान्तसम्म दुई लाख २१ हजार पाँच सय तीन पर्यटक निकुञ्ज भित्रिएका छन् । यो सङ्ख्या हालसम्मको सबैभन्दा बढी हो । अझै आव सम्पन्न हुन तीन महिना बाँकी रहँदै सबैभन्दा बढी पर्यटक भित्रिएका हुन् ।

निकुञ्जका सूचना अधिकारी गणेशप्रसाद तिवारीका अनुसार निकुञ्ज भित्रिएका पर्यटकमध्ये एक लाख ५९ हजार सात सय आठ नेपाली, ३९ हजार चार सय पाँच विदेशी, २२ हजार तीन सय ९० सार्क राष्ट्रका पर्यटक छन् । चालु आवमा रु १९ करोड आठ लाख ४३ हजार आठ सय ४४ राजस्व सङ्कलन भएको छ ।

आव २०७८÷७९ मा एक लाख ९० हजार चार सय ५८ पर्यटक निकुञ्ज भित्रिएका छन् । यो आवमा रु ११ करोड ४९ लाख ९७ हजार चार सय १३ राजस्व सङ्कलन भएको छ । यसैगरी आव २०७७÷७८ मा ९८ हजार नौ सय २८ पर्यटक भित्रिँदा रु तीन करोड ५० लाख ८३ हजार तीन सय ७६ राजस्व सङ्कलन भएको छ । आव २०७६÷७७ मा एक लाख ८२ हजार चार सय ३५ पर्यटक निकुञ्ज प्रवेश गरेका छन् । सो आवमा रु १९ करोड ९२ लाख ५५ हजार छ सय ८१ राजस्व सङ्कलन भएको छ ।

तिवारीका अनुसार निकुञ्ज स्थापनासँगै आव २०३१÷३२ बाट निकुञ्जमा पर्यटकको तथ्याङ्क राख्न थालिएको हो । त्यस वर्ष आठ सय ३६ पर्यटक निकुञ्ज घुमेको तथ्याङ्क छ । यसबाट रु एक लाख ४० हजार दुई सय ९८ राजस्व सङ्कलन भएको थियो । दोस्रो वर्ष अर्थात् आव २०३२÷३३ मा दुई हजार दुई सय छ पर्यटक निकुञ्ज छिरेका थिए । जसले रु दुई लाख एक हजार चार सय २१ राजस्व बुझाएका थिए ।

पर्यटकको सङ्ख्याका हिसाबले हालसम्मकै यो वर्ष बढी हो । आन्तरिक पर्यटकको सङ्ख्या बढी भएकाले राजस्वको हिसाबले भने आव २०७५÷७६ मा सङ्कलन भएको रु २९ करोड ४४ लाख ६६ हजार छ सय ४० अहिलेसम्मको सबैभन्दा बढी हो । निकुञ्ज प्रवेश गर्ने नेपालीले रु एक सय ५०, सार्क देशकाले रु एक हजार र अन्य देशकाले रु दुई हजार राजस्व बुझाउने गर्दछन् । तिवारीले भन्नुभयो, “पहिले–पहिले विदेशी पर्यटक निकै धेरै हुँदा राजस्व बढी हुन्थ्यो, अहिले नेपाली पर्यटक बढी हुने भएकाले राजस्व कम पर्यटकको सङ्ख्या बढेको छ ।”

सशस्त्र द्वन्द्व, भूकम्प, नाकाबन्दी, कोभिड महामारीलगायतका कारण पर्यटकको सङ्ख्या बढ्न सकेको थिएन ।

भरतपुर महानगरपालिकाका प्रमुख रेनु दाहालले भरतपुर क्षेत्रमा भएका भौतिक पूर्वाधारका कारण पनि पर्यटकको आगमन बढाउन सहयोग पुगेको बताउनुभयो । सन् २०२४ लाई भरतपुर भ्रमण वर्ष मनाउने तयारीमा रहेको भन्दै उहाँले निकुञ्ज प्रवेश गर्ने पर्यटकको सङ्ख्या बढ्दै गर्दा यहाँको आर्थिक गतिविधि बढ्ने बताउनुभयो । मेघौलीलाई बागमती प्रदेशको र पटिहानीलाई सङ्घको पर्यटकीय गन्तव्य घोषणा गरेर पर्यटकीय पूर्वाधार निर्माणमा महानगरको ध्यान गएको उहाँको भनाइ छ ।

रत्ननगर नगरपालिकाका प्रमुख प्रल्हाद सापकोटाले पर्यटन क्षेत्रमा विविधिकरण गरेर पर्यटकको बसाइ लम्ब्याउनुपर्ने बताउनुभयो । अहिलेसम्मकै बढी पर्यटक निकुञ्ज प्रवेश हुनु सुखद् भएको भन्दै उहाँले थप पर्यटक भित्र्याउन व्यवसायीले समेत योजना ल्याउनुपर्ने बताउनुभयो । उहाँले भन्नुभयो, “पर्यटक भित्र्याउन गरिने कार्यक्रममा नगरपालिका सधैँ सहकार्य गर्न तयार छ ।”

चितवन देशकै तेस्रो पर्यटकीय गन्तव्य हो । यहाँ अन्यत्र जिल्लाबाट राजधानी प्रवेश र बाहिरिने क्रममा समेत छोटो समयका लागि घुमफिर गर्ने पर्यटकसमेत बढी हुने गर्दछन् । यद्यपि अन्यत्रको तुलनामा यो सङ्ख्या निकै न्यून हो ।

हालै जिल्लामा प्याराग्लाइडिङ, क्रुजसीप र गैँडाकोटमा मौलाकालि केवलकार सञ्चालनमा आएसँगै यहाँको पर्यटकीय गतिविधि बढ्ने अपेक्षा गरिएको छ । यहाँ आउने पर्यटकको पहिलो रोजाइ जङ्गल सफारी हुने गर्दछ । यससँगै धार्मिक, ऐतिहासिक, सांस्कृतिक गतिविधिमा पर्यटक रमाउने गर्दछन् । रासस

भगौडा थुनुवा पक्राउ

0

महोत्तरी । उपचारका क्रममा प्रहरीको आँखा छली भागेको थुनुवालाई करिब एक महिनापछि प्रहरीले फेला परेको छ । महोत्तरी कारागारका थुनुवा कृष्णकुमार यादव गत चैत २४ गते बिरामी भई उपचारका लागि जनकपुर लगिएका बेला चिकित्सकको क्लिनिकबाटै भागेका थिए ।

सोमबार जलेश्वर नगरपालिका–३ स्थित भारतीय सीमावर्ती बस्ती मलिबारामा लुकीछिपी हिँडडुल गरिरहेका बेला यादवलाई पक्राउ गरिएको जिल्ला प्रहरी कार्यालय महोत्तरीका प्रहरी उपरीक्षक प्रकाश मल्लले जानकारी दिनुभयो ।

जिल्लाकै लोहारपट्टी नगरपालिका–९ खुट्टापिपराढीका स्थायी बासिन्दा यादव महोत्तरी जिल्ला अदालतको आदेशमा पूर्पक्ष थुनाका क्रममा महोत्तरी कारागारका थिए । जनकपुरधाम उपमहानगरपालिका–७ का १६ वर्षीय अजय भन्ने अर्जुन साहलाई २०७९ साउन २३ गते अपहरण गरेर घाँटी थिची हत्या गरेको यादवमाथि अभियोग छ । यादवउपर अपहरण तथा शरीर बन्धक, कर्तव्य ज्यान, चोरी र आपराधिक षड्यन्त्र समेतको मुद्दा महोत्तरी जिल्ला अदालतमा विचाराधीन छ । यसै मुद्दामा अदालतले २०७९ भदौ २६ गते यादवलाई पुर्पक्ष थुनामा राख्न आदेश गरेपछि उनी कारागारका थुनुवा रहँदै आएका हुन् ।

भगौडा यादव पक्राउ परेपछि उनीविरुद्ध कैदी/थुनुवा भागे/भगाएको थप कसुरमा कारागार ऐन, २०७९ बमोजिम कारबाही थालिएको जिल्ला प्रहरी कार्यालय महोत्तरीले जनाएको छ । यसका लागि सोमबार नै अदालतमा उपस्थित गराई म्याद लिई अनुसन्धान थालिएको प्रहरी उपरीक्षक मल्लले बताउनुभयो । रासस

वीरगंजमा ५० प्रतिशतले बढ्यो व्यवसाय दर्ता

0

वीरगंज । वीरगंज महानगरपालिकामा व्यवसाय दर्ता गर्नेको संख्यामा उल्लेख्य बृद्धि भएको छ । जुनसुकै व्यवसाय विना दर्ता संचालन गर्न कडाई भएपछि दर्ता गर्नेको संख्या बृद्धि भएको महानगरपालिकाका प्रमुख प्रशासकीय अधिकृत लक्ष्मी प्रसाद पौडेलले जानकारी दिए ।

व्यवसाय दर्ता महानगरका लागि दिगो आयस्रोत भएको र यसले राष्ट्रिय राजश्वमा समेत महत्वपूर्ण भूमिका खेल्ने भएकाले जुनसुकै व्यवसाय संचालन गर्न महानगरमा दर्ता अनिवार्य गरिएको उनले बताए ।

गएको आर्थिक वर्ष २०७५/०७६ मा ४ हजार ३ सय ७७ व्यवसाय दर्ता भएकोमा चालु आर्थिक वर्ष २०७९/०८० को बैशाख १५ सम्म आइपुग्दा त्यो संख्या ५० प्रतिशतले बढेर ६ हजार ५ सय ८३ पुगेको महानगरको तथ्यांकले देखाएको छ ।

पछिल्लो ४ वर्षमा व्यवसाय गर्नेको संख्या २ हजार २ सय ६ थपिएका छन् । व्यवसाय दर्तालाई प्रभावकारी बनाउन अहिले महानगरपालिकाले छुट्टै टोली नै परिचालन गरेको छ ।

स्थलगत रुपमै पुगेको टोलीले उद्योग तथा पसलमै पुगेर व्यवसाय नविकरण तथा नयाँ दर्ता गर्ने गरेको छ । व्यवसाय दर्ताको संख्या बढेसँगै राजश्व संलकनमा समेत बृद्धि भएको छ ।

गत आर्थिक वर्षमा १ करोड ८४ लाख रुपैयाँ राजश्व संकलन भएकोमा चालु आर्थिक वर्षको बैशाख १५ गतेसम्ममा २ करोड १४ लाख रुपैयाँ संकलन भइसकेको महानगरका राजश्व शाखा प्रमुख मनोज कुमार कर्णले जानकारी दिए ।

यसमा व्यवसाय करको हिस्सा औसतमा ५ प्रतिशत भन्दा बढी रहेको पनि उनले बताए ।

पटेर्वासुगौली गाउँपालिका आज शोक विदा

0

वीरगंज । पर्साको पटेर्वासुगौली गाउँपालिकाले आज (मंगलबार) शोक विदा दिएको छ ।

एकजना कर्मचारीको दुर्घटनामा परी निधन भएपछि गाउँपालिका कार्यालय र मातहातका वडा कार्यालय मात्र बन्द रहने गरी शोक विदा दिइएको हो ।

सोमबार राती एउटा सूचना जारी गर्दै वडा नम्बर ४ मा कार्यरत कार्यालय सहयोगी नीञ्जन महतो थारुको निधन भएको शोकमा विदा दिइएको जनाएको छ ।

गाउँपालिका अन्तर्गतका शैक्षिक संस्था, स्वास्थ्य संस्था लगायातमा भने विदा छैन । चौधरीको दुर्घटनामा परेर मृत्यु भएको बुझिएको छ ।