Date
सोम, कार्तिक ३०, २०८३
Mon, November 16, 2026
Home Blog Page 542

मन्त्री रिजाल र बेलायती राजदूतबीच शिष्टाचार भेट

0

वीरगंज । उद्योग, वाणिज्य तथा आपूर्ति मन्त्री रमेश रिजालसँग बेलायतका राजदूत निकोला पोलिटले शिष्टाचार भेटवार्ता गरेका छन्। मंगलबार मन्त्रालयमा भएको शिष्टाचार भेटवार्तामा द्विपक्षीय सम्बन्ध, आर्थिक सम्बन्ध तथा विकास सहयोग, व्यापार तथा लगानी लगायत बिषयमा छलफल भएको थियो।

भेटमा मन्त्री रिजालले नेपालको विकासमा बेलायतले गर्दै आएको सहयोग सह्रानीय रहेको बताउदै आगामी दिनहरूमा पनि द्विपक्षीय सम्बन्ध थप सुदृढ हुँदै जानेमा आफू विश्वस्त रहेको स्पष्ट पारे । 

नेपाल र संयुक्त अधिराज्यबीच वर्षदेखिको मित्रता रहेको बताउदै मन्त्री रिजालले बेलायती राजदूत निकोलाको कार्यकालमा नेपाल र बेलायतको सम्बन्ध अझै प्रगाढ रहने विश्वास ब्यक्त गरे । 

साथै महामहिम राजदुतको कार्यकाल तथा नेपालको बसाइँ उपलब्धिमुलक र सुखद रहोस् भन्‍ने कामना व्यक्त गरे । मन्त्री रिजालले नेपालका सम्भावनायुक्त क्षेत्रमा बेलायतबाट लगानी बढाउन अपेक्षा ब्यक्त गरे । 

बेलायती लगानीकर्ताहरू नेपालमा मुख्यतया ऊर्जा, सूचना प्रविधि र सेवा क्षेत्रमा लगानी गर्न उत्सुक रहेको स्मरण गराउदै मन्त्री रिजालले नेपालका सम्भावनायुक्त क्षेत्रमा बेलायतबाट लगानी बढाउन र विविधीकरण गर्नको लागि बेलायती राजदूत निकोलाको महत्तम प्रयास रहने अपेक्षा रहेको स्पष्ट पारे ।

भेटका क्रममा मन्त्री रिजालले नेपालले सन् २०२६ सम्ममा अति कम विकसित मुलुकबाट स्तरोन्नति हुने लक्ष्य राखेको समेत स्मरण गराए ।

नेपालको नवीकरणीय ऊर्जा विकास, जलवायु परिवर्तन सम्बन्धी अनुकूलन र न्यूनीकरण प्रयासहरूमा बेलायत सरकारको सहयोग प्रति मन्त्री रिजालले कृतज्ञता समेत व्यक्त गरे । 

बेलायती राजदूत निकोलाले नेपालको विकासमा बेलायत सरकारको हर सहयोग रहने विश्वास समेत दिलाए । 

चाेर्नीमा उपमेयर आलमद्वारा विद्यालय भवनकाे शिलान्यास

0

वीरगंज । वीरगंज महानगरपालिकाकाे वडा नं. ३२ मा रहेकाे श्री नेपाल राष्ट्रिय आधारभुत विद्यालय चोर्निमा मंगलबार दुई काेठे भवन शिलान्यास गरिएकाे छ  । एक कार्यक्रमका बिच वीरगंज महानगरपालिकाका उप मेयर इम्तियाज आलमले विद्यालय भवनकाे शिलान्यास गरेका हुन् । 

राष्ट्रपति शैक्षिक सुधार कार्यक्रम अन्तर्गत निर्माण हुने भवनकाे शिलान्यास गर्दै उप मेयर आलमले विद्यालयमा थप कक्षाकोठा निर्माण र खानेपानीसहित शाैचालय निर्माण गर्ने प्रतिबद्धता जनाए । उनले भने “विद्यालयमा मसंग कुनै किसिमको सहयोग चाहियो भने तपाईहरु प्रत्यक्ष रुपले मसंग भेटि आफ्नो कुरा राख्न सक्नु हुन्छ । सार्वजनिक शैक्षिक संस्थाको भौतिक पूर्वाधार विकास र पुनसंरचना, विद्यार्थीको सिकाइ उपलब्धी स्तर अभिवृद्धि, गुणस्तरीय शिक्षाका लागि नवीन प्रविधि, नवप्रवर्तन तथा सिकाइ सामग्री व्यवस्थापन, प्राविधिक तथा व्यावसायिक शिक्षामा पहुँच अभिवृद्धि र सामुदायिक विद्यालयहरूमा खेल सामग्री व्यवस्थापन गर्ने छुं ।”

उप-मेयर आलमकाे प्रमुख अतिथ्यतामा भएको शिलान्यास कार्यक्रममा वीरगंज महानगरपालिका शैक्षिक प्रशासन महाशाखा प्रमुख अरबिन्द लाल कर्ण, शिक्षक महासंघ पर्साका अध्यक्ष तिर्थ राज यादव, प्रदीप जैसवाल, रामेश्वर पटेल लगायतकाे उपस्थिति रहेको थियो भने कार्यक्रमको सहजिकरण श्री ने.रा.आ.वि.चोर्नीका प्रधानाध्यापक विजय कुमार यादवले गरेका थिए ।

वीरगंजमा नि:शुल्क नर्सिङ तयारी कक्षा सुरु

0

वीरगंज । वीरगंज महानगरपालिकाका मेयर राजेशमान सिंहले वीरगंजकाे शैक्षिक क्षेत्र मजबुत बनाउन कुनै कसर बाकि नराख्ने बताएका छन् । वीरगंज महानगरपालिकाको आर्थिक सहयोग र आर्या एजुकेशनको आयोजनामा आजबाट सुरु भएकाे दुई महिने निशुल्क नर्सिङ तयारी कक्षाको उद्घाटन गर्दै उनले यस्तो बताएका हुन् ।

यसै शैक्षिक सत्रबाट ४ वटा सामुदायिक विद्यालयमा निशुल्क अंग्रेजी माध्यकाे पठनपाठन सुरुवात गरेको भन्दै उनले आउँदा दिनमा आवश्यकता हेरि यो संख्या बढाउँदै लगिने बताए । महानगरले यहाँका युवा दक्ष बनाउन विभिन्न किसिमका तालिम तथा तयारी कक्षाहरु संचालन गरिरहेको भन्दै युवा लक्षित कार्यक्रमलाई प्राथमिकतामा राखेर काम गरिरहेको बताए ।

एसईई दिएर बसेका विद्यार्थीलाई लक्षित गर्दै सुरु गरिएको २ महिने निशुल्क नर्सिङ तयारी कक्षामा सहभागिहरुलाई मेयर सिंहले ध्यान लगाएर अध्ययन गर्न आग्रह पनि गरे ।

आजदेखि सुरु निशुल्क नर्सिङ तयारी कक्षामा ३५ जनाको सहभागिता रहेको छ ।

सशस्त्र प्रहरीद्वारा रु २४ लाख बराबरकाे पशुचाैपाया पक्राउ

0

वीरगंज । सशस्त्र प्रहरीले रु २४ लाख १० हजार बराबरको पशुचाैपाया नियन्त्रणमा लिएकाे छ । सशस्त्र प्रहरी बल नेपाल नं. १३ गणका प्रहरी उपरिक्षक सुमन थपलियाकाे कमाण्डमा खटिएको अनुगमन टोलीले पर्साकाे बिन्दवासिनी गाउँपालिका र बहुदरमाई नगरपालिकाबाट ६५ वटा पशुचाैपाया नियन्त्रणमा लिएकाे हाे ।

आइतबार सांझ ५:०० बजे पर्साकाे बिन्दवासिनी गाउँपालिका १ स्थित गदौलाबाट र  साेही दिन सांज ६:४५ बहुदरमाई नगरपालिका २ स्थित तिलाबे खोलामा जनिकबाट रु २४ लाख १० हजार बराबरको पशुचाैपाया नियन्त्रणमा लिएकाे सशस्त्र प्रहरी बल अलाैंका प्रहरी नायब उपरिक्षक याेगेश बरालले जानकारी दिए ।

भारतबाट ल्याइरहेकाे साना ठूला भैंसी ५६ वटा, पाडी ३ वटा र पाडा ६ वटा गरी ६५ वटा पशुचौपाया नियन्त्रणमा लिई आवश्यक कारबाही प्रकृयामा रहेको उनले वताए ।

श्रीसिन्दुरिया माईकाे विद्यालय व्यवस्थापन समिति अध्यक्षमा इश्वर यादव

0

वीरगंज । वीरगंज महानगरपालिकाे वडा नं. १५ लक्षमणवामा रहेकाे श्रीसिन्दुरिया माई आधारभुत विद्यालयकाे विद्यालय व्यवस्थापन समिति गठन भएकाे छ । विद्यालय प्राङ्गणमै साेमबार भएकाे अभिभावक भेलाले इश्वर यादवकाे अध्यक्षमा विद्यालय व्यवस्थापन समिति गठन गरेकाे हाे । 

नवगठित विद्यालय व्यवस्थापन समितिकाे सदस्यमा फुलमति देवी, पुनम देवी कानु, हरिशंकर यादव, धर्मेन्द्र साह, फुल देवी साेनारिन सर्वसहमत चयन भएका छन् । विद्यालय व्यवस्थापन समितिकाे पदेन सदस्यमा वडाध्यक्ष रमेश प्रसाद यादव र सचिवमा विद्यालयका प्रधानाध्यापक हरेन्द्र प्रसाद चाैरसिया रहेका छन् ।

सर्वसहमत नवगठित विद्यालय व्यवस्थापन समितिका अध्यक्ष यादवले विद्यालयकाे शैक्षिक अवस्था सुधार गर्ने प्रतिवद्धता जनाए ।

आर्थिक गतिविधि सुस्त छ, उपभोक्ता महंगीको मारमा छन् : पूर्वमन्त्री यादव

0
संघीय संसद भवन नयाँबानेश्वरमा सोमबार बसेको बैठकमा आगामी बजेटको प्राथमिकतासम्बन्धी छलफलमा धारणा राख्नुहुँदै सांसद प्रदीप यादव । तस्बिरः नवीन पौडेल/रासस

वीरगंज । जनता समाजवादी पार्टी (जसपा) नेपालका सांसद प्रदीप यादवले देशमा आर्थिक गतिविधि सुस्त भएको बताएका छन् ।सोमबार प्रतिनिधिसभा बैठकमा सांसद यादवले आर्थिक गतिविधिमा सुस्ता आएको र निजी क्षेत्र, उपभोक्ताले महंगीको मार खेपिरहनु परेको बताएका हुन् ।

चालू आर्थिक वर्षमा १.८६ प्रतिशत मात्रै आर्थिक बृद्धिदर हुने प्रक्षेपण आउँदै गर्दा पछिल्लो लगातार तीन त्रैमासमा आर्थिक बृद्धिदर नकरात्मक भएको बताउँदै उनले देश आर्थिक मन्दीतर्फ होमिइसकेको बताए ।

‘औपचारिक ढंगले न सरकारले न राष्ट्र बैंकले बोलेको छ मन्दी भयो भनेर’, यादवले भने, ‘तर, अर्थतन्त्रमा मन्दीको सङ्केत केही महिना अगाडि देखि नै परिसकेको छ । हामी मन्दीको अहिले सबै भुक्तभोगी छौँ । ४ प्रतिशतको आर्थिक बृद्धिदर घटेर एकै चोटी २ प्रतिशतभन्दा तल आउनु भनेको हामी चरम शिथिलतामा पुगिसकेका छौं ।’

उनले सरकारले लक्ष्यअनुसार खर्च नगर्ने, नीजि क्षेत्रमा बैंकको कर्जा निरुत्साहित हुने, अघिल्लो तीन त्रैमासमा लगातार ऋणात्मक आर्थिक बृद्धिदर हुने कारणले अर्थतन्त्र शिथिलता र मन्दीतर्फ होमिएको प्रष्ट रहेको बताए ।

मौसमि प्रभाव समायोजित भएर आएको बृद्धिदरको आकंडाले आर्थिक जरजरतर्फ मुलुक प्रवेश गरेको देखिने बताउँदै सांसद यादवले मन्दीले सबै तह र तप्कालाई छाएको यादवको भनाई छ ।

‘घरायासी तहमा व्यक्तिमा आथिृक मन्दी छाएको छ’, उनले भने, ‘आम्दानी घटेको र खर्च चाहिँ उस्तै छ । व्यवसाय तहमा पनि मन्दी छ । व्यापार व्यवसाय चलेको छैन । उधारोमा गएको पैसा उठ्दैन । समाजमा बैमानी प्रवृति हाबी भएको छ । उद्योगमा मन्दी आएको छ । आयातित सस्तो वस्तु् वा सेवासँग प्रतिस्पर्धा गगरिरहनु पर्ने लागत दिनदिननै बटेर उत्पादनको क्षमताभन्दा निकै तल उत्पादन गर्नुपरेको छ । कर्मचारी र मजदुरको तलब ज्यादा भुक्तानी बढ्दै जाने भएकाले त्यहाँ पनि अवस्था सन्तोषजनक छैन ।’

रेडक्रस उपशाखा धाेरेकाे भवन उदघाटन

0

वीरगंज । पर्साको पकहाँ मैनपुर गाउँपालिका वडा नम्बर १ धोरेमा साेमबार नेपाल रेडक्रस सोसाईटी उपशाखाको भवन उदघाटन भएको छ । एक कार्यक्रमकाे बिच पकहाँ मैनपुर गाउँपालिकाका अध्यक्ष सुरेश मेहताले रेडक्रसकाे भवन उदघाटन गरेका हुन् ।

भवन उदघाटन गर्दै गाउँपालिका अध्यक्ष मेहताले भवन निर्माणले समाजिक कार्य गर्दै आएकाे रेडक्रस उपशाखा धाेरेकाे कार्यालय संचालनमा रहज हुने वताए । उनले अब रेडक्रस उपशाखा धाेरेले कार्यालय व्यवस्थापना गर्दै समाजिक कार्यमा अझै सक्रिय हुनु पर्ने वताए । 

रेडक्रस उपशाखा धाेरेका उपसभापति त्रिलाेकी पाण्डेको अध्यक्षतामा भएको उदघाटन समारोहमा गाउँपालिकाअध्यक्ष मेहतालाई धोरे उपशाखाले दोसाला ओढाई सम्मान समेत गरेकाे थियाे । साेही कार्यक्रममा रेडक्रस सोसाईटी शाखा कार्यालय पर्साकी मधु राणाले धोरे उपशाखा संचालनका लागी रु १० हजारको चेक पनि हस्तान्तरण गरेकी थिइन ।

उदघाटन समारोहमा जिल्ला शाखाका महामन्त्री शैलेन्द्र चौरसिया, पकहाँ मैनपुर गाउँपालिका वडा नम्बर ३ का वडाध्यक्ष संजय चौहान, वडा नम्बर ४ का वडाध्यक्ष ढेडी यादव, प्रमुख प्रशासकीय अधिकृत राज कुश्वाहा, लेखापाल निरन्जन पटेल लगायतकाले शुभकामना मन्तब्य राखेका थिए ।

गाउँपालिका अध्यक्ष मेहताद्वारा जग्गा दान

गाउँपालिका अध्यक्ष सुरेश मेहताले नवनिर्मित भवनको लागि जग्गा दान गरेका थिए । साथै उनले भवन निर्माणकाे लागि गाउँपालिकाकाे आर्थिक बर्ष २०७९।०८० को बजेटबाट रु १५ लाख रकम बिनियोजन गराएका थिए ।

साेही रकमले २ वटा कोठा, १ वटा हाल र शौचालय सहित सुबिधा सम्पन भवन निर्माणकाे भएकाे रेडक्रस उपशाखा धाेरेका उपसभापति त्रिलाेकी पाण्डेले वताए ।

रक्तदान कार्यक्रम सम्पन्न 

बिश्व रेडक्रस दिवसको उपलक्षयमा नवनिर्मित रेडक्रस कै भवनमा साेमबार रक्तदान कार्यक्रम पनि सम्पन भएको छ ।

कार्यक्रममा अजय मेहता, बिजय मेहता, अनिल कुमार कुश्वाहा, राजबाबु मेहता, भवन सहनी, धिरज बर्णवाल, दिपेन्द कुश्वाहा, राजकुमार प्रसाद कोईरी, शिवनाथ दास र ओमप्रकास मेहता लगायत १० जनाले रक्तदान गरेको रक्त संचार केन्द्र वीरगंजका प्राविधिक प्रमुख शौरभराज पाण्डेले जानकारी दिए ।

बोल्न नदिएपछि संसद भवन मै कपडा खोले स्वतन्त्र सांसद सिंह

0

काठमाडौं । प्रतिनिधि सभाको बैठकमा स्वतन्त्र सांसद अमरेशकुरमा सिंहले कपडा खोलेका छन् ।

सभामुख देवराज घिमिरेले उनलाई बोल्न नदिएपछि बैठकमा कपडा उतारेर विरोध जनाएका हुन् ।

सांसद सिहंले बैठकमा उठेर कपडा खोलेपछि सभामुखले असभ्य व्यवहार नदेखाउन भन्दै प्रतिनिधि सभाको नियमावली अनुसार चेतावनी समेत दिए ।

 

व्यवसायीको समस्याप्रति सरकार गम्भीर छ : उद्योग मन्त्री रिजाल

0

वीरगंज । लगानीमैत्री वातावरण निर्माण गर्न उद्योगी व्यवसायीको समस्याप्रति सरकार गम्भीर रहेको उद्योग, वाणिज्य तथा आपूर्ती मन्त्री रमेश रिजालले बताएका छन् । आइतबार काठमाडौँमा आयोजित नेपाल बिजनेस समिट कार्यक्रममा बोल्दै मन्त्री रिजालले उद्योगी व्यवसायीले झेल्नु परेको समस्या समाधानका लागि ऐन कानुन परिमार्जन गर्नु पर्ने भए यसमा नेपाल सरकार गम्भीरतापूर्वक लाग्ने बताए ।

कृषि, ब्यापार, उत्पादन लगायतमा सरकार निक्कै गम्भीर रहेको स्पष्ट पार्दै मन्त्री रिजालले यसका लागि सरकारलाई आवश्यक सुझाब दिन समेत उद्योगी व्यवसायीलाई आग्रह गरे । कार्यक्रममा बोल्दै मन्त्री रिजालले उद्योग व्यवसाय सबल नभई देश आर्थिक समृद्धि तर्फ जान नसक्ने समेत बताए ।

विदेशी लगानीलाई आकर्षित गर्नका लागि हालसम्म फ्रान्स, बेलायत, मौरिसियस, फिनल्यान्ड र भारत गरी ५ मुलुकहरूसँग विप्पा सम्झौता भएको तथा एघार मुलुकहरूसँग दोहोरो करमुक्तिका लागि सम्झौता भएको मन्त्री रिजालले बताए ।

सरकारले तोकेको क्षेत्रहरूमा स्वचालित प्रणालीबाट रू. १० करोडसम्मको वैदेशिक लगानी गर्ने लगानीकर्ताको विदेशी लगानीको स्वीकृति विद्युतीय माध्यमबाट स्वचालित प्रणालीबाटै हुने व्यवस्था विदेशी लगानी तथा प्रविधि हस्तान्तरण नियमावली, २०८० मन्त्री रिजाले जानकारी दिए । “लगानीकर्ताहरूका लागि एकै स्थलबाट सबै सेवाहरु प्रवाह गर्न उद्योग विभागमै एकल विन्दु सेवा केन्द्रको स्थापना गरिएको छ,” उनले भने ।

वैदेशिक लगानीको थ्रेसहोल्डलाई ५ करोडबाट घटाई २ करोड बनाइएको उनले जानकारी दिए। नेपालको दिगो अर्थतन्त्रको लागि लगानीमैत्री वातावरण निर्माण गर्दै स्वदेशी तथा विदेशी लगानी भित्र्याउने सरकारको प्राथमिकतामा मन्त्री रिजालको भनाइ थियो ।

पोटेन्सियल इन्भेस्टमेन्ट सेक्टर्स अफ नेपाल फर सस्टेनेबल इकोनिमी कार्यक्रमको सेसन मन्त्री रिजालको अध्यक्षतामा सम्पन्न भएको थियो ।

पोटेन्सियल इन्भेस्टमेन्ट सेक्टर्स अफ नेपाल फर सस्टेनेबल इकोनिमी कार्यक्रमको सेसन मन्त्री रिजालको अध्यक्षतामा सम्पन्न भएको थियो

नागरिकता विधेयक अगाडि बढाउन सांसद यादवको माग

0

वीरगंज । जनता समाजवादी पार्टी (जसपा) नेपालका सांसद प्रदीप यादवले नागरिकता विधेयक अगाडि बढाउन माग गरेका छन् ।

आइतबार प्रतिनिधि सभाको बैठकमा बोल्दै पूर्व वन तथा वातावरण मन्त्री समेत रहेका सांसद यादवले नागरिकता विहीनहरूको पीडा अरुले महसुस गर्न नसकेको भन्दै विधेयकलाई अगाडि बढाएर उनीहरुलाई न्याय दिनुपर्ने माग गरेका हुन् ।

‘नागरिका विहिनहरुको पिडा उनीहरुलाई मात्र थाह होला । बुवा र आमा नेपाली नागरिक तर सन्तान अनागरिक भएका छन् । कुन कानूनले अनागरिक बनाएको छ ?,’ उनले प्रश्न गरे,

संविधानमा स्पष्ट रुपमा आमा बुवाका नेपाली नागरिक भएको खण्डमा सन्तानलाई पनि वंशजको नेपाली नागरिकता दिनुपर्ने उल्लेख हुँदाहुँदै पनि पूर्वराष्ट्रपतिले नागरिकता विधेयकलाई होल्डमा राखेर अन्याय गरेको यादवको भनाई थियो ।

सांसदले दुई पटकसम्म पूर्व राष्ट्रपति समक्ष नागरिकता विधेयक पास नगरी होल्ड गरेको बताउँदै उनले भने, ‘एक पटक होइन । दुई-दुई पटकसम्म नागरिक विधेयक संसदद्वारा पास गरेर पठाउँदा तत्कालिन राष्ट्रपतिले होल्डमा राख्नुभयो । प्रमाणीकरण गर्नुभएन,’ पर्सा निर्वाचन क्षेत्र नम्बर १ बाट निर्वाचित सांसद यादवले भने, ‘की त संसदलाई फिर्ता पठाउनु पर्थ्यो तर उहाँले होल्डमा राखेर संसदलाई जानकारी पनि गराउनु भएन । आफैसँग राख्नुभयो ।’

नागरिकता विधेयक अहिलेपनि राष्ट्रपति कार्यालयमै भएको कारण वर्तमान राष्ट्रपतिले त्यसलाई प्रमाणीकरण गरेर नागरिकता विहिनलाई न्याय दिनुपर्नेमा उनले जोड दिए ।

यसअघि संसद्‍ले दुई-दुई पटकसम्म नागरिकता विधेयक पास गरिसक्दा पनि तत्कालीन राष्ट्रपति विद्यादेवी भण्डारीले रोकिदिँदा विधेयक अगाडि बढ्न सकेको छैन ।