Date
सोम, कार्तिक ३०, २०८३
Mon, November 16, 2026
Home Blog Page 493

समाचार लेखन र इन्सेक अनलाइन निर्देशिका बारे प्रशिक्षण

0

वीरगंज । अनौपचारिक क्षेत्र सेवा केन्द्र (इन्सेक) को आयोजनामा मानव अधिकार अभिलेखः घटना पहिचान, तथ्य सङ्कलन र प्रसारसम्बन्धी तालिम बुधबारबाट चितवनको सौराहामा सुरु भएको छ ।

उक्त तालिममा इन्सेकका अध्यक्ष डा. कुन्दन अर्यालले इन्सेकको परम्परा र मानव अधिकार अभियानको वर्तमान कार्यदिशा सम्बन्धमा प्रस्ट पारेका थिए । कमैया उन्मुलन, द्वन्द्वको समयमा मानव अधिकार अभियान सञ्चालन, मावन अधिकारमैत्री कानुन निर्माण, निर्वाचनको समयमा मतदाता शिक्षा, राष्ट्रिय मानव अधिकार आयोगको स्थापनामा इन्सेकको भूमिका उल्लेखनीय रहेको अध्यक्ष डा. अर्यालले बताए ।

मानव अधिकारको संरक्षण, सम्वद्धन, अनुसन्धान, वकालत, सङ्घर्ष क्षेत्रमा काम गरिरहेको तथा देशव्यापी र विश्वव्यापी समन्वयमा काम गरिरहेको अध्यक्ष डा. अर्यालले बताए । मानव अधिकारको प्राथमिकता क्षेत्र व्यापक हुँदै गएको सन्दर्भमा मानव अधिकारका घटना देखिने र नदेखिने खालका हुने भएकाले नदेखिने घटनालाई सुक्ष्म तरिकाले खोज्नु पर्ने डा. अर्यालकाे भनाइ छ ।

तालिममा सञ्चार एवम् परामर्शदाता विनोद भट्टराईले पत्रकारको समाचार श्रोत सिडियो, प्रहरी र अदालत मात्र भएको वताउँदै तथ्य खोज्न तल्लो तहसम्म रिपोर्टिङ जरुरी भएको वताए ।

“मानव अधिकारको होस वा पत्रकारिताको, जुनसुकै सूचना संकलन गर्दा समेत पीडित संग कुराकानी वा भेटघाट हुन आवश्यक हुन्छ । तर आजकाल त पत्रकारिता नै मरेको छ ।” उनले भने, “पत्रकार हुँ भन्नेहरुलाई गालि गर्न मात्र मनलाग्ने स्थिति छ ।” नयाँ पुस्तालाई इँकित गर्दै उनले १० बर्षपछि आफु के बन्छु भन्ने कुरामा पूर्व योजना आज नबनाए प्रगति नहुने बताए ।

तालिममा इन्सकेका २३ जिल्लाका सूचना सङ्कलकको सहभागिता रहेको इन्सेक अनलाइनका प्रधान सम्पादक मदन पौडेलले जानकारी दिए । समाचार लेखन र इन्सेक अनलाइन निर्देशिका सम्बन्धमा प्रधानसम्पादक पौडेल र सम्पादक रमेशप्रसाद तिमल्सिनाले जानकारी गराएका थिए ।

पकहाँकाे सडक अतिक्रमण गरि बनाइएकाे संरचना हटाइयाे

0

वीरगंज । पर्साकाे पकहाँ मैनपुर गाउँपालिकाले सडक अतिक्रमण गरि बनाइएकाे संरचना हटाएकाे छ ।

सडक अतिक्रमण गरि बनाइएकाे संरचना र माटाे पुरेका कारण पानीकाे निकास रुकेपछि गाउँपालिका अध्यक्ष सुरेश मेहताकाे निर्देशनमा गाउँपालिकाकाे जेसिबिबाट साे संरचानाहरु हटाइएकाे हाे ।

गाउँपालिकाकाे वडा नं. २ स्थित मधुवनी र पकहाँ चाैककाे सडक अतिक्रमण गरि बनाइएकाे संरचनाहरु हटाउनुकाे साथै सडक समेत सफाई गरिएकाे गाउँपालिकाले जनाएकाे छ । 

सडक अतिक्रमणका कारण पकहाँदेखि वीरगंज जाने मुख्य कालाेपत्रे सडकमा पानी जम्नुकाे साथै हिलाे समेत भएकाे थियाे । जस कारण सवारी अवागमनमा कठिनाई भइरहेकाे थियाे ।

रामनगरीमा दुई महिलासहित ३१ जनाद्वारा रक्तदान

0

वीरगंज । पर्साकाे बहुदरमाई नगरपालिका वडा नं. ८ रामनगरीमा बुधबार रक्तदान कार्यक्रम सम्पन्न भएकाे छ । नेपाल रेडक्रस साेसाइटी रामनगरी उप शाखा र रामनगरी युवा समाजकाे आयाेजनामा भएकाे कार्यक्रममा दुई महिलासहित ३१ जनाले रक्तदान गरेका हुन् ।

रामनगरीस्थित स्वास्थ्य चाैकी एवम् छठघाट प्राङ्गणमा भएकाे कार्यक्रममा अनुराधा पटेल, अन्जली यादव, जयनरेश साह, अमिर शर्मा, प्रभात पण्डित, रन्जित साह, अमित साह, प्रबिन पटेल, पप्पु साह, सुबाश सहनी, एकबाल चौधरी, कमलेश गुप्ता, राजेश पटेल, मुना चौधरी, बिन्देश्वरी राउत, साजन सहनी, रोशन साह, सोनालाल राउत लगायतले रक्तदान गरेकाे रेडक्रस रामनगरी ‍उपशाखाका अध्यक्ष हरिन्द्र साहले जानकारी दिनुभयाे ।

रक्त संचार केन्द्र वीरगंजकाे प्राविधिक सहयाेगमा भएकाे रक्तदान कार्यक्रममा जनहित बचत तथा ऋण सहकारी संस्था, स्थानिय शिक्षक रामपुजन राउत कुर्मी, राजेन्द्र प्रसाद तेली, वृजकिशाेर पटेल, रामप्रबेश साह, स्मार्ट इनसिएटिभ, पिन्टु साह लगायतले सहयाेग गरेका थिए ।

भन्सार छलीकाे सामान बरामद

0

वीरगंज । प्रहरीले भन्सार छली चोरी पैठारी गरी ल्याएको विभिन्न किसिमका सामानहरु बरामद गरेकाे छ ।

जिल्ला प्रहरी कार्यालय अर्न्तगतका प्रहरी कार्यालयबाट मंगलबार रु ३ लाख २३ हजार ३ सय पन्चान्वे बराबरकाे भन्सार छली चोरी पैठारी गरी ल्याएका समानहरु बरामद भएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक कुमार बिक्रम थापाले जानकारी दिए ।

सर्टिङ थान कपडा १२४ मिटर, कुर्ता सुरवाल ४८ पिस, सलको थान कपडा २४० मिटर, चामल ६ बोरा, चिनी ७७ के.जी., रेडबुल ८८ पिस, ग्याँस सिलिण्डर ३ थान, ग्याँस चुल्हा २ पिस, केराउ ५० के.जी., चक्लेट-२६४ प्याकेट, प्याज १८९ के.जी लगायतका सामानहरु बरामद गरिएकाे प्रवक्ता थापाले वताए ।

बरामद सामानहरु आवश्यक कारवाहीको लागि वीरगंज भन्सार कार्यालयमा पठाइएको प्रवक्ता थापाले प्रेस विज्ञप्ती मार्फत सार्वजनिक गरेका छन् ।

अनधिकृत रूपमा राखिएकाे २३ क्विन्टल केराउ बरामद

0

वीरगंज । भारतबाट तस्करी गरी ल्याइएको २३ क्विन्टल केराउ वीरगंजबाट प्रहरीले बरामद गरेको छ ।

वीरगंज महानगरपालिका १६ रेल्वे रोडमा अजय साहले सञ्चालन गरेको जय माँ गल्ला किराना स्टोर्समा प्रहरीले छापा मारेर २३ क्विन्टल २५ केजी केराउ बरामद गरेको हो ।

गोदाममा अनधिकृत रूपमा भण्डारण गरेर राखिएको ९३ बोरा केराउ बरामद गरिएको जिल्ला प्रहरी कार्यालय पर्साका प्रवक्ता एवम् प्रहरी नायव उपरीक्षक (डिएसपी) कुमार विक्रम थापाले जानकारी दिए ।

बरामद केराउको बजार मूल्य २ लाख ७९ हजार रुपैयाँ रहेको डिएसपी थापाले बताए । 

डिएसपी थापाका अनुसार बरामद केराउ थप अनुसन्धानका तथा कारबाहीको लागि सोमबार नै वीरगंज भन्सार कार्यालयमा बुझाइएको  छ ।

ट्रंक र डेडिकेटेड लाइनको वक्यौता नतिर्नेलाई कारवाही गर्न सांसद यादवको माग

0

वीरगंज । जनता समाजवादी पार्टी नेपालका प्रमुख सचेतक प्रदीप यादवले ट्रंक लाइन र डेडिकेटेड लाइनको वक्यौता रकम नतिर्ने उद्योग र प्रतिष्ठानलाई कारवाही गर्न माग गरेका छन् ।

प्रतिनिधि सभाको विशेष समयमा बोल्दै सांसद यादवले नेपाल विद्युत प्राधिकरणले १५ दिनको समय दिएर सूचना निकालेपछि नटेरेको भन्दै राज्यले वक्यौता रकम अविलम्ब उठाउन र भुक्तानी नगर्नेलाई कारवाही गर्न माग गरेका हुन् ।

केही दिनअघि सदनमा ट्रंक लाइन र डेडिकेटेड लाइनको वक्यौता रकमसम्बन्धी कुरा उठाएको थिए । त्यसपछि नेपाल विद्युत प्राधिकरणले सूचना जारी गर्यो । उद्योगपति र प्रतिष्ठानलाई १५ दिनको म्याद दियो ।

जुन राज्यको बिसौ अर्ब रुपैयाँ बाँकी राखेको छ, भुक्तानी गरेन भने प्राधिकरणले नियमानुसार कालोसूचीमा राख्ने र विजुली काट्ने भनियो । तर आज महिनौ वित्दा त्यो पैसा उठेन । प्राधिकरणको सूचनालाई कुनै उद्योगपतिले टेरेन ।

किन टेरेनभन्दा केही उद्योगपति र प्रतिष्ठानका अगुवाहरु तथा त्यसमध्येको मुखियाले सबै उद्योगपतिलाई प्रधानमन्त्रीकहाँ लग्यो । प्रधानमन्त्रीको मौखिक निर्देशनमा ट्रंक लाइन र डेडिकेटेड लाइनको वक्यौता २०औ अर्ब रुपैयाँ रोकिएको सुनियो । के राज्यको वक्यौता रकम प्रधानमन्त्रीको ठाडो आदेशमा प्राधिकरणले रोक्न पाइन्छ । त्यस्तो पाइन्छ भने सबै नागरिकको विद्युत फ्रि गरिदिए हुन्छ ।

बिसौ अर्ब वक्यौता राखेर एकातिर राज्यले कर्मचारीको तलब समयमा दिन सकिरहेको छैन । अर्कोतिर बिसौ अर्ब रुपैयाँ वक्यौता राख्ने यो कहाँको जायज कुरा हो ? त्यसकारण यसमा राज्य गम्भीर हुन जरुरी छ । राज्यले वक्यौता रकम अविलम्ब उठाउन जरुरी छ । र त्यो उद्योगपति र प्रतिष्ठानले वक्यौता रकम तुरुन्त भुक्तानी गरेन भने त्यसलाई कारवाहीको दायरामा ल्याउनुपर्छ ।

चाेरीकाे पोल खुल्ने डरले कान्ती देवीकाे हत्या, ३ जना पक्राउ

0

वीरगंज । चाेरीकाे पोल खुल्ने डरले एकल महिलाकाे हत्या गरेकाे आराेपमा प्रहरीले ३ जनालाई पक्राउ गरेकाे छ । पर्साकाे जगरनाथपुर गाउँपालिका वडा नं.५ मसिहानी टोल निवासी ५६ बर्षिय कान्ती देवी वीनकाे हत्या आराेपमा प्रहरी उनकाे जेठाजुसहित ३ जनालाई पक्राउ गरेकाे हाे ।

२०८० असाेज २ गते दिउँसो ३ बजेको समयमा विन कै घर कोठा भित्र घाटी रेटी हत्या गरेकाे अवस्थामा उनकाे शव फेला परेको थियाे ।

साेही हत्यामा सलंग्न जगरनाथपुर गाउँपालिका वडा नं.५ मसिहानी टोल निवासी ३६ बर्षिय भुट्टा भन्ने लालबाबु राउत वीन, साेही ठाउँ निवासी ५९ बर्षिय चन्द्रिका राउत र ५७ बर्षिय अमिका भन्ने अमीरीका राउत वीनलाई प्रकाउ गरिएकाे जिल्ला प्रहरी कार्यालय पर्साका प्रहरी उपरिक्षक (एसपी) काेमल साहले जानकारी दिए ।

उनका अनुसार सुरुमा शंकास्पद आधारमा लालबाबुलाई पक्राउ गरि अनुसन्धान गर्दा घटनामा मृतककाे जेठाजुहरु चन्द्रिका र अमीरीका समेतको संलग्नता खुलेकाे हाे ।

पक्राउ परेका लालबाबुले अधिकार प्राप्त अधिकारी समक्ष मृतकको जेठाजुहरु चन्द्रिका र अमीरीका समेतको संलग्नता रहेको व्यान समेत दिएका छन् । त्यसपछि निजहरूलाई समेत असाेज १४ गते पक्राउ गरि अदालतबाट म्याद थप गरी अनुसन्धान कार्य भइरहेको प्रहरीले जनाएकाे छ ।

प्रहरीका अनुसार प्रकाउ परेकाहरुले असाेज १ गते अन्दाजी राति ११:४५ बजेकाे समयमा मृतकको घरमा सुरुङ बनाइ (सेनकाटी) घर भित्र चोरी गर्नको लागि प्रवेश गरेका थिए । उनीहरुले घर भित्र रहेकाे बक्साहरू खोतिल्दै गरेको अवस्थामा मृतक बिउझेपछि आफुहरुलाई चिनेकाे भय र पोल खुल्ने डरले निजहरुले मिली मृतकको टाउकोमा रड र काठको फलेकले प्रहार गरी बेहोस बनाएका थिए ।

त्यस पश्चात, उनीहरुले सिरानीले मुख थुनि खुर्पीले घाँटी रेटी हत्या गरेको भनि प्रकाउ प्रतिवादी लालबाबुकाे बयानबाट खुलेको प्रहरीकाे भनाई छ ।

वैदेशिक राेजगारकाे शिलसिलामा विदेशमा बस्दै आएका मृतकको छोरा जाहेरवाला अर्जुन मुखिया वीन बिदेशबाट घर आए पश्चात प्रतिवादी लालबाबु राउत वीनको नाममा असाेज ०७ गतेका दिन किटानी जाहेरी दरखास्त दिएका  थिए । त्यस पश्चात निज प्रतिवादी लालबाबुलाई पक्राउ गरी प्रस्तुत मुद्दामा सोही दिन म्याद थप गरी अनुसन्धान कार्य जारी गरीएको थियाे ।

अनुसन्धानको क्रममा प्रतिवादीहरूको पोलिग्राफ परीक्षण समेत गराइएको र घटना सम्बन्धमा थप अनुसन्धान कार्य भइरहेको एसपी साहले वताए ।

घटनाकाे सूचना प्राप्त हुनसाथ जिल्ला प्रहरी कार्यालयबाट एसपी साहकाे कमाण्डमा SOCO, तालिम प्राप्त कुकुर सहितको प्रहरी टोली घटनास्थलमा खटीएकाे थियाे । घटनास्थल तथा लाशजाँच मुचुल्का लगायतका कार्य पुरा गरी मृतक लाश पोष्ट मार्टमको लागि नारायणी अस्पताल बीरगंजमा पठाइएको थियाे । 

मृतकको छोरा बैदेशिक रोजगारको शिलसिलामा मलेसियामा रहेको हुँदा पोष्ट मार्टम पश्चत मृतक लास सदगतको लागि तत्काल मृतकको जेठाजु नाता पर्ने चन्द्रिका राउत वीनले जिम्मा बुझी लगेका थिए ।

सिर्सिया नदी प्रदुषित बनाउनेलाई फेरी कारबाही गर्ने चेतावनी

0

वीरगंज । वीरगंज महानगरपालिका कार्यालयले सिर्सिया नदीको प्रदुषण अझै नरोकिएको भन्दै नदी प्रदुषित गर्ने उद्योगहरुलाई कारबाही गर्ने चेतावनी दिएको छ ।

महानगरपालिकाको कार्यालयले आइतबार एक सूचना नै जारी गरेर यसअघि नदी प्रदुषित गर्ने पाँच वटा उद्योगलाई जनही ३/३ लाखका दरले जरीबाना गरेर कारबाही गर्दासमेत नदिको प्रदुषण नरोकिएको जनाएको छ ।

वीरगंज र छिमेकी भारतीय शहर रक्सौलवासीसंग प्रत्यक्ष जोडिएको सिर्सिया नदी लामो समयदेखि प्रदुषित हुदाँ पर्यावरणीय समस्याका साथै धार्मिक अनुष्ठानका कार्यमा समेत बाधा हुँदै आएकोले नदीलाई प्रदुषित नगर्न उद्योगहरुरुलाई असोज २६ गतेसम्मको समय महानगरपालिकाले दिएको छ ।

त्यो बेलासम्मपनि नदीको प्रदुषण नरोकिएको खण्डमा वीरगंज महानगरपालिकाले सम्बन्धित उद्योगहरुलाई वातावरण तथा प्राकृतिक श्रोत संरक्षण ऐन २०७७ बमोजिम कारबाही गर्ने जनाएको छ ।

यसअघि गत चैत १४ गते वीरगंज महानगरपालिकाले सिर्सिया नदी प्रदुषित गर्ने वीरगंज २१ स्थित ग्लोबल लेदर उद्योग प्रालि, अर्निका प्रोसेसिङ उद्योग प्रालि, श्रीसिधी टेक्सटायल्स प्रालि, मोरियम लेदर उद्योग प्रालि र वडा नम्बर ३२ मा अवस्थित दुर्गा पुल्प एण्ड पेपर प्रालिलाई ३/३ लाखका दरले जरीबाना गरेको थियो ।

तर जरीबाना सहितको कारबाही गर्दासमेत नदीलाई प्रदु्षित बनाउने कार्य अझै रोकिएको छैन । उद्योगहरुले आफना फोहोर पदार्थ, प्रदुषित रसायनयुक्त पानी, कोइलाको छाइ लगायतका वस्तु सिधै सिर्सिया नदीमा फाल्दै आएका छन् । जसका कारण सिर्सिया नदीमा कालो र दुर्गन्धित लेदोसहितको पानी बग्ने गरेको छ ।

नेपाल भारतसंग २३ रनले पराजित

0

वीरगंज । १९ औँ एसियाली खेलकुदअन्तर्गत पुरुष क्रिकेटको क्वाटरफाइनलमा नेपाल भारतसँग २३ रनले पराजित भएको छ । २ सय ३ रनको लक्ष्य पाएको नेपालले निर्धारित २० ओभरमा ९ विकेट गुमाएर १७९ रन जोड्यो ।

नेपालका लागि दीपेन्द्रसिंह ऐरीले १५ बलमा चार छक्कासहित ३२ र सन्दीप जोराले १२ बलमा ३ छक्कासहित २९ रन बनाए । कुशल भुर्तेलले २८, कुशल मल्ल २९ र आसिफ शेखले १० रन बनाए । कप्तान रोहित पौडेलले ३ रन मात्र जोड्न सके । सोमपाल कामी ७ र गुल्सन झा ६ रन बनाएर आउट भए ।

भारतका रवि विस्नोई र आभेस खानले ३/३ र अर्सदिप सिंहले २ विकेट लिए। १४०/५ को अवस्थामा रहेको नेपालले सोही स्थितीमा जोरालाई गुमाएपछि थप संकटमा परेको थियो ।

नेपालले २९ रन जोड्द पहिलो विकेट गुमाएको थियो । ७६-२ को अवस्थामा नेपालले एक रनको अन्तरमा दुई विकेट गुमाएको थियो । नेपालले खेलमा १४ छक्का र ११ चौका प्रहार गरेको थियो ।

त्यसअघि टस जितेर ब्याटिङ थालेको भारतले निर्धारित २० ओभरमा ४ विकेट गुमाएर २०२ रन जोडेको थियो ।

भारतका यसस्वी जैसवाल एक सय रन जोडेर आउट भए । उनले ४८ बलमा सतक पुरा गरेका थिए । रुतुराज गाइक्वाडले २५ रन बनाए । रिंकु सिंहले १५ बलमा ३७ रन बनाए । नेपालका दीपेन्द्रसिंह ऐरीले दुई तथा सोमपाल कामी र सन्दीप लामिछानेले एक एक विकेट हात पारे । भारतले एक सय ३ रन जोड्दा पहिलो विकेट गुमाएको थियो । भारतले अन्तिम दुई ओभरमा मात्र ३९ रन जोड्यो ।

अविनाश बोहराले २० औँ ओभरमा २५ रन खर्चिएका थिए । अविनाशले ४ ओभरमा ५३ रन दिए । सन्दीपले ३ ओभरमा २८, सोमपालले ४ ओभरमा ३८, रोहित पौडेलले ३ ओभरमा २६ र दीपेन्द्रले ४ ओभरमा ३१ रन खर्चिए ।

पूर्व युवराज्ञी हिमानी शाहको जन्मदिन वीरगंजमा मनाइयाे

0

वीरगंज । पूर्व युवराज्ञी हिमानी शाहको ४८ औं जन्मदिन साेमबार वीरगंजमा मनाईएको छ । देशभक्त राजभक्त सेवक समुहले वीरगंजकाे महाविरस्थानमा एक कार्यक्रमकाे आयाेजना गरेर जन्माेत्सव मनाएकाे हाे ।

देश भक्त राजभक्त सेवक समुहका अध्यक्ष दीपेन्द्र प्रसाद रौनियारको अध्यक्षतामा भएकाे कार्यक्रममा अब्दुल सतार अंसारी, महेन्द्र प्रसाद साह, पशुपति विक्रम शाह, रवि कुमार लाठ, रामनारायण साह, विरेन्द्र थापा, हिरा बहादुर चन्द, उषा साह, सुशिल अग्रवाल, बिनिता कुमारी महताे लगायतको उपस्थिति रहेको थियो ।