वीरगंज । पर्साकाे पकहाँ मैनपुर गाउँपालिकाले सडक अतिक्रमण गरि बनाइएकाे संरचना हटाएकाे छ ।
सडक अतिक्रमण गरि बनाइएकाे संरचना र माटाे पुरेका कारण पानीकाे निकास रुकेपछि गाउँपालिका अध्यक्ष सुरेश मेहताकाे निर्देशनमा गाउँपालिकाकाे जेसिबिबाट साे संरचानाहरु हटाइएकाे हाे ।
गाउँपालिकाकाे वडा नं. २ स्थित मधुवनी र पकहाँ चाैककाे सडक अतिक्रमण गरि बनाइएकाे संरचनाहरु हटाउनुकाे साथै सडक समेत सफाई गरिएकाे गाउँपालिकाले जनाएकाे छ ।
सडक अतिक्रमणका कारण पकहाँदेखि वीरगंज जाने मुख्य कालाेपत्रे सडकमा पानी जम्नुकाे साथै हिलाे समेत भएकाे थियाे । जस कारण सवारी अवागमनमा कठिनाई भइरहेकाे थियाे ।
