Date
सोम, कार्तिक ३०, २०८३
Mon, November 16, 2026
Home Blog Page 489

युवकसँग भारत जान लागेकी ५ बालिकाको वीरगंजबाट उद्धार

0

वीरगंज । घरबाट हराएका पाँच जना बालिकाहरूलाई नेपाल भारत सीमा क्षेत्रबाट उद्धार गरिएको छ । 

बारा करैयामाई गाउँपालिका-१ हरैया गाउँबाट असोज २२ गते हराएका पाँच जना बालिकाहरूलाई प्रहरीले एक भारतीय युवकका साथ नेपाल भारत सीमाबाट उद्धार गरेको हो ।

उद्धार गरिएका बालिकामध्ये एक जना १३ वर्षको, १४ वर्षका दुई जना र १६ वर्षका दुई जना रहेका छन् । उनीहरू सबै एउटै विद्यालयमा अध्ययनरत रहेको जिल्ला प्रहरी कार्यालय बाराका प्रवक्ता एवम् प्रहरी नायव उपरीक्षक (डिएसपी) दधिराम न्यौपानेले बताए ।

उद्धार गरिएका बालिकाहरूलाई प्रहरीले अभिभावकको जिम्मा लगाएको छ भने भारतीय युवकलाई नियन्त्रणमा लिएको छ । मोतिहारी, पूर्वी चम्पारण, थाना ढाका, बिक्रमपुर गाउँ घर बताउने वर्ष अन्दाजी १८ को कवि कुमार पाललाई प्रहरीले नियन्त्रणमा लिएको हो ।

बालिकाहरूले योजनाबद्ध तरिकाले नै आफ्ना लुगाफाटा र भएको नगद लिएर घरबाट हिँडेका थिए ।  

उद्धार गरिएका बालिकाहरूसँग अभिभावकले कुराकानी गर्ने क्रममा उक्त भारतीय युवकसँग सामाजिक सञ्जाल फेसबूकबाट चिनजान भएको बताएका छन् ।

मानव बेचबिखनको लागि बालिकाहरूलाई भारततर्फ लैजान खोजेको आशङ्कामा पक्राउ परेका युवकउपर अनुसन्धान सुरु भएको डिएसपी न्यौपानेले बताए । 

कांग्रेस क्षेत्रीय कोषाध्यक्ष द्विवेदीद्वारा पुरस्कार घाेषणा

0

वीरगंज । नेपाली कांग्रेस पर्सा निर्वाचन क्षेत्र नं.४ को क्षेत्रीय कोषाध्यक्ष बिनय भूषण द्विवेदीले शिक्षक सेवा आयाेगबाट माद्यमिक तहमा नाम निकाल्न सफल एक शिक्षककाे लागि पुरस्कार घाेषणा गरेका छन् । 

जगरनाथपुर गाउँपालिका वडा न.४ जगरनाथपुर निवासी द्विवेदीले आफ्नै गाउँ निवासी मध्यम परिवारका इन्द्रजित ठाकुर हजामले माद्यमिक तहकाे शिक्षकमा नाम निकालेपछि खुशि व्यक्त गर्दै उनलाई रु ११ हजारले पुरस्कृत गर्नुकाे साथै सम्मान समेत गर्ने जनाएका हुन् ।

उनले बिकाशको पुर्बाधारमा शिक्षालाई पहिलो प्राथमिकतामा राखिएकोले वडा न.४ लगायत गाउँपालिका भरी कै बिद्यार्थीहरुले यसै गरि अब्बल दर्जामा स्थान हासिल गरे आफ्नो तर्फबाट सके सम्म सहयोग गर्ने प्रतिवद्धता समेत जनाएका छन् ।

ठाकुर गण्डकी प्रदेशबाट शिक्षा सेवा आयोगबाट लिखित तथा मौखिक परिक्षामा मा.बि. गणित बिषयबाट नाम निकाल्न सफल भएका छन् । 

द्विवेदी जगरनाथपुरस्थित जय श्रीराम दुग्ध सहकारी संस्था लिमिटेडका अध्यक्ष हुनुको साथै युवा बचत कोषको संस्थापक सदस्य समेत हुन ।

जीतपुर सिमराका पूर्वमेयर डा. पौडेल मृत भेटिए

0

वीरगंज । बाराको जीतपुर सिमरा उपमहानगरपालिकाका पूर्वमेयर डा. कृष्ण पौडेल मृत भेटिएका छन् । पौडेल जितपुर सिमरा २ स्थित आफ्नै घरमै मृत भेटिएका हुन् ।

बिरामी रहेका पौडेलका परिवारका सदस्य बुधबार मात्रै काठमाडौँबाट सिमरा आएका थिए । दुई दिनदेखि कोठा थुनेरै बसेका पौडेलको कोठाको ढोका नखुलेपछि प्रहरी लगाएर खोलिएको थियो । कोठा खोल्दा पौडेल कोठामै बेडमा मृत भेटिएका हुन् । प्रहरीले थप अनुसन्धान गरिरहेको छ ।

पौडेल राजनीतिका अलावा, सिमरा क्याम्पसका प्राध्यापक, स्थानीय सहकारीमा आवद्ध थिए । नेकपा एमाले बाराका सचिव मनोज पौडेलले कृष्ण पौडेल घरमै मृत भेटिएको बताए ।

पौडेलले कांग्रेसका कृष्णव्रत सिंहलाई हराएका थिए । पौडेल नेकपा एमाले मधेश प्रदेश समितिका सचिवसमेत हुन् । 

सशस्त्र प्रहरीको मिलोमतोमा दशैंको मुखमा तस्करीको लाइन खुल्ला

0

वीरगंज । नेपालीहरुकाे महान चाँड वडा दशैं नजिकिएसँगै नेपाल भारत सीमा क्षेत्रबाट व्यापक तस्करी सुरु भएको छ । वीरगंज भन्सार, अलौं, सिर्सिया, धोरे, भिस्वा नाकाबाट अहिले व्यापक तस्करी सुरु भएको हो ।

सशस्त्र प्रहरी उपरीक्षक किसन कर्मचार्यले वीरगंज भन्सार नाकाबाट सर्वसाधारणहरुलाई चेकजाँचको बहानामा दुःख दिई तस्करीमा कडाई गरेको ढोल पिटेर भन्सारदेखि ग्रामीण नाकाबाट तस्करीको लाइन खोलेको श्रोतले बताएको छ ।

इमान्दारिको ढोल पिट्ने सशस्त्र प्रहरी अहिले तस्करहरुसँग महिनावारी असुली तस्करीको लाइन खोलेको बताइएको छ । वीरगंज भन्सार नाकाबाट रातिको समयमा कपडा, काजुहरुको खुलेयाम तस्करी हुने गरेको छ । रातिको समयमा मात्रै होइन, दिनमा पनि टेम्पो, अटोमा कपडाको तस्करी भइरहेको तस्कर श्रोतले जनाएको छ ।

लामो समयदेखि बन्द रहेको भारतीय नामुद तस्कर मुक्तारको तस्करीको लाइन वीरगंज भन्सार मुख्य नाकाबाट नै सुचारु भएको छ ।

त्यसैगरि शत्रुधन यादवको पनि कपडा तस्करीको कार्य निर्वाद रुपमा चलि रहेको छ । मुक्तारले दिनदहाडै वीरगंज भन्सार मुख्य नाकाबाट टेम्पो तथा अटोमा कोची कोची कपडा तस्करी गर्ने गरेका छन् भने शत्रुधन यादवले रातिको समयमा अहिरवाटोला हुँदै बासघारी नाकाबाट इनर्वा, नगवा गाउँ हुँदै वीरगंज बजारसम्म पुर्‍याउने गरेको बताइएको छ ।

वीरगंज भन्सारको मुख्य नाकामा दुई वटा ठाउँमा सशस्त्र प्रहरीको चेकिङ्ग छ, एक दर्जन भन्दा बढि सशस्त्र प्रहरीहरु ड्युटीमा खटेका हुन्छन् तर दिन दहाडै मुक्तारको तस्करीको कपडा वीरगंज बजारसम्म पुगि रहेको छ । अर्कोतर्फ शत्रुधन यादवको अहिरवाटोला, इनर्वा एवं नगवाबाट कपडा रातिको ११ बजेपछि काजुको तस्करी हुने गरेको छ तर सीमा क्षेत्रमा खटेका सशस्त्र प्रहरी इमान्दारको ढोल पिट्दै आएको छ ।

यसैगरि पत्रकारिताको आडमा एक व्यापारीले माछाको तस्करी गर्दै आएका छन् । नगवाको ४० फिट मुख्य सडकमा माछाको गोदाम राखेका ति तस्करले आफूलाई पत्रकार भन्दै सशस्त्र प्रहरीलाई नजराना बुझाई माछाको तस्करी गर्ने गरेका छन् ।

त्यसैगरि ग्रामीण नाका अलौं, सिर्सिया, धोरे, भिस्वा लगायतका नाकाबाट पनि कपडा, काजु, हार्डवेयर, भैसी लगायतको तस्करी खुलेको बताइएको छ । सम्बन्धित सशस्त्र प्रहरी युनिटका इन्चार्जहरुलाई महिनावारी बुझाई तस्करहरुले दशैंको बेला तस्करीको लाइन खुलाएका हुन् ।

कृषि औजार कारखाना सञ्चालनमा सरकार बाधक : प्रदीप यादव

0

वीरगंज । जनता समाजवादी पार्टी (जसपा) का प्रमुख सचेतक प्रदीप यादवले सरकारको लापरवाहीका कारण वीरगंजस्थित कृषि औजार कारखाना पूर्ण रूपमा सञ्चालनमा आउन नसकेको बताएका छन् ।

सरकारले कृषि औजार कारखानाको जिम्मा समाजसेवी महावीर पुनलाई दिएपनि अनुदान वापतको रकम नदिँदा कारखाना पूर्ण रूपमा सञ्चालनमा आउन नसकेको यादवले बताएका हुन ।

पूर्व वन तथा वातावरण मन्त्री समेत रहेका यादवले भने, “वीरगंजस्थित कृषि औजार कारखानालाई पुन: सूचारु गर्ने जिम्मा सरकारले समाजसेवी महावीर पुनलाई दिएको थियो । उनले आफ्नो टोलीसँग कारखाना सञ्चालनमा ल्याएर परीक्षण समेत गरिसकेका छन् । तर उनलाई सरकारले दिनुपर्ने २७ करोड रुपैयाँ नदिँदा कारखाना पूर्ण रूपमा सञ्चालनमा आउन सकेको छैन ।

पर्सा निर्वाचन क्षेत्र नम्बर १ का प्रतिनिधिसभा सदस्य समेत रहेका यादवले सरकारले घोषणा गरेको रकम महावीर पुन तत्काल उपलब्ध गराउन माग समेत गरे ।

त्यस्तै यादवले प्यालेस्टाइनी विद्रोही समूह हमासले इजरायलमाथि गरेको आक्रमणमा परेर निधन भएका नेपाली नागरिकहरूप्रति श्रद्धाञ्जली पनि अर्पण गरे । उनले इजरायलमा अझै पनि फसेका नागरिकहरूको उद्धार गरेर स्वदेश फिर्ता ल्याउनका निमित्त प्रधानमन्त्री पुष्पकमल दाहाल (प्रचण्ड) र परराष्ट्र मन्त्रीले देखाएको तदारुकताका लागि समेत आभार प्रकट गरे ।

यादवले डेङ्गु संक्रमणबाट अस्पतालमा उपचाररत उपराष्ट्रपति रामसहाय यादवको स्वास्थ्य लाभको कामना पनि गरे ।

रोट्रयाक्ट क्लबद्वारा विद्यालयमा जडान गरिएकाे धारा उद्घाटन

0

दिपु बर्णवाल/
वीरगंज । रोट्रयाक्ट क्लब अफ वीरगंजले ‘हैप्पी स्कूल प्रोजेक्ट’ अन्तर्गत विद्यार्थी, शिक्षक र व्यवस्थापन पक्षलाई सहजरुपमा शुद्ध पिउने पानी उपलब्ध होस् भन्ने उद्देश्यले विद्यालयमा धारा जडान गरेकाे छ ।

रोट्रयाक्ट क्लबले श्री नेपाल राष्ट्रिय आधारभूत विद्यालय पर्सुतीपुर ३० मा एक कार्यक्रमको आयोजना गरेर शुद्ध पिउने पानीको धारा हस्तान्तरण गरेको हो । आरटीएन डा. आनन्द कुमार झा र ट्राफिक प्रहरी कार्यालय पर्साका इन्स्पेक्टर भास्कर खतिवडाले संयुक्त रुपमा रिबन काटेर धाराकाे उद्घाटन गरेका हुन् ।

साथै कपाल काट्ने परियोजना अन्तर्गत द बियर्ड शॉपको सहयोगमा उक्त विद्यालयमा अध्ययनरत विद्यार्थीहरुको कपाल पनि काटिएको छ ।

रोटरी क्लब अफ वीरगंजका अध्यक्ष निर्मल खातीरकाे अध्यक्षतामा भएकाे कार्यक्रममा रोटरी क्लब अफ वीरगंजका पूर्व अध्यक्ष सोहन पोद्दार, चिकित्सा संयोजक वीरगंजका सामुदायिक आँखा केन्द्रका महेश सिंह धामी, द बियर्ड शॉपका विशाल शाह, रोटर्याक्ट क्लब अफ वीरगंजका अध्यक्ष सन्नी सरार्फ, डिस्ट्रिक्ट रोटरी रोटर्याक्ट रिलेसन चेयर आयुष गुप्ता, सचिव विवेक पटेल लगायतकाे उपस्थिती रहेकाे थियाे ।

भन्सार छलीको लत्ताकपडा र साईकल बरामद

0

वीरगंज । सशस्त्र प्रहरीले विरगंज महानगरपालिकाकाे वडा नं. ५ स्थित रेल्वे राेडबाट बुधबार २ लाख ८१ हजार रुपैयाँ बराबरको भन्सार छली चोरीपैठारीको लत्ताकपडा र साईकल पक्राउ गरेकाे छ ।

विशेष सुचनाको अधारमा सशस्त्र प्रहरी बल नेपाल नं. १३ गण पर्साले भारतबाट अवैध रुपले तीन वटा साईकलमा राखी ल्याउँदै गरेको लत्ताकपडा बरामद गरेको सशस्त्र प्रहरी पर्साका सूचना अधिकारी सशस्त्र प्रहरी नायब उपरीक्षक (डिएसपी) सङ्गम श्रेष्ठले जानकारी दिए ।

बरामद लत्ताकपडा तथा साईकल भन्सार कार्यालय विरगंजमा बुझाईएको डिएसपी श्रेष्ठले बताए ।

पिकअपमा लागूऔषध गाँजा बरामद, दुई जना पक्राउ

0
वीरगंज । हेटाैंडाबाट पथलैया तर्फ जादै गरेकाे पिकअपमा ७० किलाे लागु औषध गाँजा बरामद भएकाे छ । उक्त लागु औषध गाँजा र पिकअप गाडी सहित प्रहरीले दुई जनालाई नियन्त्रणमा लिएकाे छ ।
 
ईलाका प्रहरी कार्यालय पशुपतिनगर र प्रहरी चाैकी रातोमाटे मकवानपुरबाट खटिएको संयुक्त टाेलीले मकवानपुर राक्सिराङ गाउँपालिका ५ निवासी २२ बर्षिय सन्देश प्रजा र साेही ठाउँ निवासी ३४ बर्षिय युबराज प्रजालाई नियन्त्रणमा लिएकाे हाे ।
 
हेटौडा उपमहानगरपालिकाकाे वडा नं. १५ रातोमाटे चेक प्वाईन्ट स्थित पुर्व-पश्चिम सडकखण्डमा खटिएकाे चेकिङ टोलीले मंगलबार राति ११ बजे हेटौडाबाट वीरगंज तर्फ जादै गरेको ना ५३ प ३९३० नम्बरको माेटरसाइकलमा सवार दुबै जनामाथि शंका लागेर नियन्त्रणमा लिएकाे थियाे ।
 
चेकजाँच गर्ने क्रममा निजहरुको मोबाईल नियन्त्रणमा लिई सोधपुछ गर्दा निजहरुको मोबाईल मार्फत हेटौडा बाट पथलैया तर्फ जादै गरेको बा १२ च ९७४२ नं.को पिकअप गाडीमा ला.औ.गाँजा आउदै छ भन्ने सुचना प्राप्त भयाे ।
 
सूचना प्राप्त हुन साथ उक्त पिकअपलाई साेही ठाउँमा रोक्न खोज्दा प्रहरीलाई देखी भित्री सडक खण्ड तर्फ भाग्ने क्रममा बिक्रम चोक नजिक पिकअप गाडी छाडी चालक फरार भएको र सो गाडी चेक जाँच गर्दा गाडीको ढाला र क्याबिन मुनी ११ वटा पोकामा लागु औषध गाँजा ७० के.जी.फेला परेको जिल्ला प्रहरी कार्यालय मकावनपुरले जनाएकाे छ ।

सुरक्षा निकायलाई पत्र लेख्दै जनकपुर विमानस्थल

0

जनकपुरधाम । जनकपुरधाम विमानस्थलका प्रमुख भीम दत्त पन्तले विमानस्थलको धावनमार्गमा अनधिकृत व्यक्तिहरु प्रवेश गरेको भन्दै सुरक्षा निकायलाई पत्र लेख्न लागेको बताएका छन् ।

नेकपा एमालेका अध्यक्ष केपी शर्मा ओलीको स्वागतमा एमाले कार्यकर्ताहरु धावनमार्गमै पुगेका थिए । यति एयर चढेर जनकपुरधाम पुगेका ओलीलाई स्वागत गर्न उनीहरु विमानको ढोकासम्मै पुगेका थिए ।

अतिथिलाई स्वागत गर्न भीआईपी कक्ष र धावन मार्ग बाहिरै पाँचजना मात्र जान पाउने नियम भए पनि नेता कार्यकर्ताले नियम मिच्ने गरेको उनले गुनासो गरे ।

यो घटनाले हवाई सुरक्षाको उल्लंघन भएको भन्दै सुरक्षा निकाय, सुरक्षा गार्डलाई पत्र लेख्न लागेको विमानस्थल प्रमुख पन्तले बताए । साभार : अनलाइन खबर

हाम्राे नेपाल दैनिककाे वार्षिकाेत्समा रक्तदान कार्यक्रम

0

वीरगंज । हन्ट नेपाल मिडिया प्रा.लि. वीरगंजद्वारा संचालित हाम्राे नेपाल दैनिक डट कमकाे तेस्राे वार्षिकाेत्सकाे अवसरमा बुधबार रक्तदान कार्यक्रम सम्पन्न भएकाे छ ।

वीरगंजकाे घण्टाघरमा भएकाे कार्यक्रममा ५ महिलासहित ३२ जनाले रक्तदान गरेकाे रक्त संचार केन्द्र वीरगंजका प्राविधिक प्रमुख साैरभ राज पाण्डेले जानकारी दिए ।

हन्ट नेपाल मिडिया प्रालिका अध्यक्ष रामेश्वर चाैरसियाकाे अध्यक्षतामा भएकाे रक्तदान कार्यक्रमकाे उद्घाटन नारायणी अस्पताल वीरगंजका निमित मेसु डा. चितरन्जन साहले गरेका थिए ।

कार्यक्रममा हरिशंकर गुप्ता, कृष्ण प्रसाद कुशवाहा, महेश महताे, सनम कार्की, प्रभु साह, रिंकु देवी, संगम दाहाल, दिपेन्द्र प्रसाद कलवार, निरन्जन कुमार साह, सकलदेव प्रसाद यादव, अन्तिमा कुमारी, राजन मण्डल, गाेपाल साह, अजित कुमार मण्डल लगायतकाले रक्तदान गरेका हुन् । 

रक्त संचार केन्द्र वीरगंजकाे प्राविधिक सहयाेगमा भएकाे कार्यक्रममा रेडियाे वीरगंजका कार्यकारी अध्यक्ष ध्रुव साह, प्रेस सेन्टर नेपालका केन्द्रि सदस्य जगत राई, समाजवादी प्रेस संगठन पर्साका अध्यक्ष मनाेज पटेल, उपाध्यक्ष शम्भु कुमार सुमन, समाजिक अभियान्ता प्रकाश थारु, दिलिप राज कार्की, राघव साह, श्याम सर्राफ लगायतले रक्तदाताहरुलाई प्रशंसा पत्र वितरण गरेका थिए ।