Date
सोम, कार्तिक ३०, २०८३
Mon, November 16, 2026
Home Blog Page 485

अखिल क्रान्तिकारीकाे पदाधिकरीमा पर्साबाट ४ जना मनोनित

0

वीरगंज । नेकपा (माओवादी केन्द्र) निकट विद्यर्थी संगठन विस्तार गरिएको छ । अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) काे केन्द्रिय समिति विस्तार गरिएको हो ।

अखिल क्रान्तिकारीको काठमाडौंमा बसेको बैठकले अखिल क्रान्तिकारीको केन्द्रीय कमिटि विस्तार गरेकाे अखिल क्रान्तिकारीका महासचिव दिपेश पुनले जानकारी दिए । संगठनका अध्यक्ष पंचा सिंहकाे अध्यक्षतामा बसेकाे संगठनकाे केन्द्रिय कार्यालयकाे एघाराैं पुर्ण बैठकले ९९९ सदस्यीय केन्द्रिय समिति बिस्तार गरेकाे पुनले वताए ।

विस्तारित कमिटिमा पर्साबाट पनि चार जना विद्यार्थी नेता विभिन्न पदमा मनोनित भएका छन् ।

अखिल क्रान्तिकारीको केन्द्रीय कमिटीको बैठकले केन्द्रीय उपमहसचिवमा पर्साका प्रभाकर गुप्ता, केन्द्रीय सचिवमा शिवम साह, केन्द्रीय सचिव तथा मधेस प्रदेश उपाध्यक्षमा इश्क कुमार, केन्द्रीय सचिव तथा प्रदेश प्रमुख सचिवममा मोहम्मद जुबैर आलमलाई पदाधिकारीमा मनोनित गरेको हो ।

मनोनित भएका चारजना मध्य गुप्ता यसअघि सचिवको जिम्मेवारीमा थिए भने साहलाई केन्द्रीय सदस्य तथा विदेशविभाग उपप्रमुखको जिम्मेवारी थियो ।

यसैगरी इश्क कुमार केन्द्रीय स्वयंसेवक संघका संयोजकमा थिए । आलम यसअघि प्रदेश सचिवको जिम्मेवारीमा थिए ।

वडाध्यक्ष चतुर्वेदी विरुद्ध प्रहरीमा उजरी

0

वीरगंज । वीरगंज महानगरपालिकाका वडा नं. २५ का वडाध्यक्ष आशुताेष चतुर्वेदीले सरसफाई कर्मचारी कुटेकाे भन्दै जिल्ला प्रहरी कार्यालय पर्सामा उजरी परेकाे छ । 

वडाध्यक्ष चतुर्वेदीले आफुलाई कुटेर टाउकाे फुटाइदिएकाे भन्दै वीरगंज महानगरपालिकाका सरसफाइ शाखामा कार्यरत ट्याक्टर ड्राइभर वीरगंज १ छपकैया निवासी ३१ बर्षिय नेक महमदले प्रहरी कार्यालयमा उजरी दिएका हुन् । 

वडाध्यक्ष चतुर्वेदीले हेलमेट र मोबाइल प्रहार गरि मेराे टाउकाे फुटाई दिएकाे ट्रेक्टर ड्राइभर महमदकाे आराेप छ । बाटोघाटोलाई सफाइ गर्ने क्रममा राती साढे १० बजे वडाध्यक्ष चतुर्वेदीले ट्याक्टरलाई राेकेर आफुलाई कुटपिट गरेका महमदले वताए ।

घाइते महमदकाे वीरगंजस्थित नारायणी अस्पतालमा उपचार गरिएकाे छ । महमदकाे टाउकाेमा दुईटा टाका लागेकाे छ ।

रक्सीले मातेका वडाध्यक्ष चतुर्वेदीले वीरगंजकाे आदर्शनगरमा आइतबार राती महानगरपालिकाको ना १ ८ २६१ नम्बरको ट्याक्टर रोकेर सफाइ काम बन्द गर भन्दै आफू र मेयरलाई तथानाम गाली गर्दै कुटपिट गरेको ड्राइभर महमदले आराेप समेत लगाएका छन् ।

यता महिला सफाइकर्मीहरूले वडा अध्यक्ष चतुर्वेदी माथि झाडु प्रहार गर्दै लखेटेकाे समाजिक संजालमा भिडियाे समेत भाइरल भएकाे छ । घटना बारे बुझ्न घटना भएकाे दिनदेखि नै वडाध्यक्ष चतुर्वेदीसंग फाेनमा सम्पर्क गर्न खाेज्दा उनकाे माेबाइल अफ भएका कारण सम्पर्क हुन सकिरहेकाे छैन् ।

वडाध्यक्ष चतुर्वेदी विरुद्ध उजरी परेकाेले उनकाे खाेजी कार्य भइरहेकाे जिल्ला प्रहरी कार्यालय पर्साका प्रहरी उपरिक्षक (एसपी) काेमल साहले वताए ।

नगवाका सई तुराहाले वडाध्यक्ष कुटेकाे भन्दै कारवाहीकाे माग

0

वीरगंज । वीरगंज महानगरपालिकाकाे वडा नं. ७ का वडाध्यक्ष हिराकाजी महर्जनले प्रहरी चाैकी नगवाका प्रहरी नायब निरिक्षक (सई) रविन्द्र साह तुराहाले आफुमाथि कुटपिट गरेकाे भन्दै कारवाहीकाे माग गरेका छन् ।

बुधबार पत्रकार सम्मेलन गर्दै वडाध्यक्ष महर्जनले वडामा भइरहेकाे दुर्गा पुजामा सहभागि एक जनालाई प्रहरीले नियन्त्रणमा लिएकाे बेला आफु साेधपुछ गर्न पुग्दा सई तुराहाले आफुमाथि मुकाले हिर्काएर आँखा फाेडेकाे आराेप लगाएका हुन् । 

उनले भने “महाअष्टमीकाे दिन टाेलमा दुर्गा पुजा भएकाे पण्डालमा सांस्कृतिक कार्यक्रम भइरहेकाे थियाे । मैले घरमा सुतेका थिए, प्रहरीले पण्डालमा भइरहेकाे सांस्कृतिक कार्यक्रम बन्द गर्न भन्याे । त्यसपछि पुजा समितिका भाईहरु मेराे घरमा पुगी मलाई बाेलाएर लिएर आए । मैले भइरहेकाे भाेजन कार्यक्रम केही समय अरु हुन दिनु भनेर प्रहरीलाई भने । जिल्लाबाट पुगेका इन्सपेक्टर साव मेराे कुरा मान्नु पनि भयाे । त्यस अनुसार नै कार्यक्रम भइरहेकाे थियाे । साेही क्रममा समितिका एक जना भाईलाई प्रहरीले नियन्त्रणमा लियाे । त्याे भाईलाई छुटाउन जादा ममाथि सई सावले पछाडीबाट हिर्काउनु भयाे र म तल खसिहाले ।

मैले तल खसिसक्दा पनि प्रहरीले ममाथि लठीले हिर्काएकाे वडाध्यक्ष महर्जनले पत्रकार सम्मेलनमा सुनाए । प्रहरीकाे लठीले हानेका कारण मराे शरिरकाे विभिन्न भागमा चाेटपटक समेत लागेकाे उनले पत्रकार सम्मेलन मै देखाए ।

त्यसपछि कार्यक्रममा सहभागि भएका स्थानियहरुले प्रहरी विराेध प्रदर्शन गर्न थालेपछि प्रहरीले गुण्डागर्दी शैलीमा मलाई नियन्त्रणमा लिएर रक्सी खाएकाे आराेपमा जिल्ला प्रहरी कार्यालय पर्सामा लगेर रात भरि राखेकाे वताए । उनले मसंगै सुरुमा अन्य २ जनालाई पनि प्रहरीले नियन्त्रणमा लिएकाे वताए । त्यसपछि पनि प्रहरी विराेधकाे प्रदर्शन नराेकिएपछि प्रहरीले लाठी चार्ज गर्दै अन्य २ जनालाई पनि नियन्त्रणमा लिएकाे वताए ।

नगवाका सई सावले पुरानाे रिसवीका कारण आफुमाथि दुर्व्यवहार गरेकाे वडाध्यक्ष महजर्नकाे आराेप छ । तिजकाे बेला उनीसंग भएकाे विवादलाई लिएर सई सावले म वडाध्यक्षलाई देखाउन्छु भन्दै हिडेकाे समेत महर्जनकाे भनाई थियाे ।

प्रहरी चाैकी नगवाका सई तुराहाले घटना बारे डिएसपी सावसंग बुझ्न भन्दै आफुले कसैमाथि कुटपिट नगरेकाे वताए । पर्सा प्रहरीका प्रवक्ता डिएसपी कुमार बिक्रम थापाकाे फाेन नउठेका कारण सम्पर्क हुन सकेन ।

पर्सा प्रहरी प्रमुख प्रहरी उपरिक्षक (एसपी) काेमल साहले राति अवेर सम्म गरिएकाे सांस्कृतिक कार्यक्रम बन्द गराउन खाेज्दा रक्सी खाएर केही मानिसहरुले हाेहल्ला गरेका कारण नियन्णमा लिइएकाे वताए । प्रहरीले कसैलाई कुटपिट नगरेकाे उनले वताए ।  

घटना भएकाे स्थल मै आयाेजित पत्रकार सम्मेलनमा वीरगंज महानगरपालिका वडा नं. ४ का वडाध्यक्ष जगत साह कानु, वडा नं. ९ का वडाध्यक्ष जवाहर प्रसाद गुप्ता, वडा नं. २० का वडाध्यक्ष रामकिशाेर सिंह पराग, वडा नं. २४ का वडाध्यक्ष विजय प्रसाद कुर्मी, वडा नं. २६ का वडाध्यक्ष शम्भु मिश्रा, वडा नं. २७ का वडाध्यक्ष हृदयनारायण प्रसाद कुर्मी, वडा नं. २८ का वडाध्यक्ष सर्जुग महताे, कार्यपालिका सदस्य कन्हैया ठकुर लगायतकाे पनि उपस्थिती रहेकाे थियाे ।

जसपा युवा नेता संताेष यादवको निधन

0

वीरगंज । जनता समाजवादी पार्टी (जसपा) नेपालका युवा नेता संताेष यादवकाे निधन भएको छ । बाराको परवानीपुर गाउँपालिका-३ लिपनी निवासी ३७ बर्षिय सन्तोष यादवको निधन भएको हाे ।

जन्डिस रोगबाट ग्रसित यादवकाे काठमाडौंस्थित नर्भिक हस्पिटलमा गएराति साढे १२ बजे निधन भएको परिवारजनले जनाएका छन् । जसपा निकट समाजवादी विद्यार्थी यूनियनका केन्द्रिय उपाध्यक्ष समेत रहेका यादव एक महिनाअघि उपचारको लागि काठमाडौंस्थित नर्भिक हस्पिटलमा भर्ना गरिएको थियो ।

उपचारत निजको लिभरले काम गर्न छोडेपछि मृत्यु हुन गएको बताइएको छ । बुवा आमाका एकल सन्तान नेता यादवकाे दुई छोरा छन् ।

वीरगंजमा रावण दहन

0

वीरगंज । प्रत्येक वर्ष झै यस वर्ष पनि वैष्णोंदेवी माता मन्दिर परिसरमा रावण दहन भएको छ ।

वीरगंज महानगरपालिका वडा नं. १६ गणेश टोलस्थित रहेको वैष्णोंदेवी माता मन्दिर परिसरमा मंगलवार रावण दहन गरिएको हो ।

वैष्णोंदेवी माता मन्दिर सेवा ट्रस्टद्वारा बडा दशैंको अवसरमा मन्दिर परिसरमा प्रत्येक वर्ष विभिन्न कार्यक्रम गरी वैष्णों देवी माता एवं दुर्गा भवानीको १० दिन सम्म मनाऊने गरिन्छ । सोहि क्रममा मंगलवार दशमीको दिन रावण दहन गरिएको हो ।

रावण दहनका त्रममा हजारौंको शंख्यमा भक्तजनहरुको सहभागीता रहेको थियो । यस अघी सोमवार नवमीको अवसरमा मन्दिर परिसरमा महाआरती आयोजना गरिएको थियो ।

मंगलवार रवण दहन पश्चात ट्रष्टले वृहत प्रसाद वितरण कार्यक्रम पनि गरेको थियो ।

यसैगरी मंंगलबार वीरगंजकाे पिपरामा पनि रावण दहन गरिएको छ । बिजयादशमीको अवसरमा गरिएको रावण दहन कार्यक्रममा सयौंको संख्यायामा स्थानियहरुको सहभागिता रहेको थियो ।

जनकपुरबाट पेस्तोलसहित भारतीय किशोरी पक्राउ

0

वीरगंज । जनकपुरबाट पेस्तोलसहित एक जना भारतीय किशोरी पक्राउ परेकी छिन् ।

मङ्गलवार सशस्त्र प्रहरीले जनकपुरधामको रेल्वे स्टेसननजिक रहेको हनुमान मन्दिरबाट भारतीय किशोरीलाई पक्राउ गरेको हो ।

पक्राउ पर्नेमा भारतको बिहार राज्य जिल्ला लख्खी शेराई ग्रामपञ्चायत बडीपोखरी वडा नम्बर ९ की १६ वर्षीय पुजा कुमारी सहनी छिन् ।

प्रहरीका अनुसार रेल्वे सुरक्षा बेस जनकपुरबाट खटेको सशस्त्र प्रहरीको टोलीले विशेष सूचनाको आधारमा चेकजाँच गर्दा उनको साथबाट एक थान कटुवा पेस्तोलसहित पक्राउ गरेको हो ।

छिपहरमाईको मेला सम्पन्न, बिरन्चिबर्वाको सुरु

0

वीरगंज । पर्साको छिपहरमाई गाउँपालिकाको वडा नम्बर ४ बंजारीस्थित रहेको छिपहरमाई मन्दिरमा मंगलबार लागेको मेला सम्पन्न भएको छ । प्रत्येक बर्ष झै यश बर्ष पनि विजयादशमीको दिन लाग्ने मेला लागेको थियो ।

छिपहरमाई मन्दिरमा आईतवार विहाननै देखि दर्शनार्थीहरुको भिड लागेको थियो । मेलाको भिड व्यवस्थित गर्नको लागि सशस्त्र प्रहरी, नेपाल प्रहरी पुजा समिति स्वमसेवक र गाउँपालिका प्रहरीहरु परिचालन गरिएको थियो ।

प्रसिद्ध छिपहरमाई मन्दिर दर्शन गर्न नेपालका विभिन्न ठाउँको साथै भारतको सिमावर्ती जिल्लाको विभिन्न ठाउँका दर्शनार्थीहरु पग्ने गर्छन् । मेलामा हर्न जगरनाथपुर गाउँपालिकाका अध्यक्ष श्रीकान्त प्रसाद यादव, नेपाली काङ्ग्रेस पर्साका सह सचिव नवीन सिंह, क्षेत्रीय सचिव बलिस्टर अहमद लगायताका नेताहरु समेत पुगेका थिए ।

मेलामा छिपहरमाई गाउँपालिका, मधेश प्रदेश सरकारको उर्जा, सिचाई तथा खानेपानी मन्त्री सिंहासन साह कलवार र राष्ट्रिय स्वतन्त्र पार्टी पर्सा क्षेत्र नं. ४ काे तर्फबाट दर्शनार्थीहरुको लागि निःशुल्क रुपमा खाजा समेत वितरण गरिएको थियो ।

छिपहरमाई मन्दिरमा दशै शुरु भएपछि घटस्थापनाको दिन देखि नै विभिन्न ठाउँका भक्तजनहरुले अस्ठजामको समेत आयोजना गर्दै आएका छन् ।

यसैगरी कालिकामाई गाउँपालिकाको वडा नं. ३ मा पर्ने कालिकामाई मन्दिरमा पनि मेला लागेको थियो ।

यसैगरी कालिकामाई गाउँपालिका कै वडा नं. ५ बिरन्चिबर्वामा पनि आज देखि ५ दिने मेला सुरु भएको छ ।

मेलाको पहिलो दिन आज लिलाकन्ठ निकालिएको हो । पुर्वकाल देखि लाग्दै आएको मेलाको पहिलो दिन लिलाकन्ठमा धोबिन चरा उडाएर मेलाको शुभारम्भ गर्ने गरिन्छ ।

बहुदरमाईको गम्हरियामा कुस्ती प्रतियोगिता सम्पन्न

0

वीरगंज । पर्साको बहुदरमाई नगरपालिका वडा नं. ६ स्थित गमहरिया गाउँमा सोमबार कतपुतरियामाईको मेला सम्पन्न भएको छ ।

मेलामा भारत र नेपालका चर्चित कुस्ती बाजहरु बिच कुस्ती लडाई समेत भएको थियो । प्रतियोगितामा बनारस, अयोध्या, बगहा लगयतका नेपालका प्रसिद्ध खलिफाहरु सहभागी थिए ।

वडा अध्यक्ष प्रमोद प्रसाद साहको सभापतित्वमा भएको कुस्ती प्रतियोगिताको उदघाटन गमहरियाका पुर्व मुखिया मंगल् प्रसाद कानु, पुर्व प्रदेेेश सांसद राजेस्वर प्रसाद साह, तेलि समाजका केन्द्रिय अध्यक्ष बिस्वनाथ साह तेलिले संयुक्त रुपमा गरेका थिए ।

प्रतियोगिता बहुदरमाई नगरपालिकाका नगरप्रमुख एवम्  जसपा पर्साका अध्यक्ष सिगांसन साह तेली, रेडियो वीरगंजका कार्यकारी अध्यक्ष ध्रुव साह, उधोग बाणिज्य तथा आपूर्ती मंत्री रमेश रिजालका स्वकिय सचिव राकेश यादव लगायतको सहभागिता रहेको थियो ।

असई तिवारीले मागेकाे पैसा नदिएपछि कुटपिट गरेकाे आराेप

0

वीरगंज । पर्साको विन्दवासिनीमा लागेको मेलामा बलुन (फुलौना) बेचिरहेका एक दलित व्यपारीले आफुले असई सावले मागेकाे पैसा नदिएपछि कुटपिट गरेकाे आराेप लगाएका छन् ।

वीरगंज महानगरपालिकाकाे वडा नं. १९ बिन्दवासिनी निवासी बरुण रामलाई अस्थायी प्रहरी पाेष्ट बिन्दवासिनीकाे प्रमुख प्रहरी सहायक निरिक्षक (असई) नवलेश तिवारीले कुटपिट गरेकाे भन्दै आइतबार स्थानियहरुले विराेध प्रदर्शन समेत गरेका थिए ।

बडादसैँको अवसरमा वीरगंज महानगरपालिका – १९ विन्दवासिनीस्थित बिन्दवासिनी मन्दिरमा लागेकाे मेलामा फुलाैना बेचिरहेका आफुलाई असई तिवारीले सबै व्यपारीहरुसंग उनले उठाइरहेकाे पैसा आफुले नदिएपछि कुटपिट गरेकाे रामले आराेप लगाएका हुन् ।

उनले भने  “बिन्दवासिनी मेलामा मैले फुलाैना बेचिरहेका थिए । असई साब आउनु भयाे र पैसा माग्नु भयाे, मैले पैसा दिएन । त्यसपछि बेचिरहेकाे ठाउँबाट फुलाैना हटाउन भन्नु भयाे । मैलाई फुलाैना हटाई नै रहेकाे थिए जब सम्म मन्दिरबाट दुई जना अरु प्रहरी आएर मेराे फुलाैना सबै बाटाेमा फालिदिए । मेराे फुलाैना किन फाल्नु भयाे भन्दै मैले प्रश्न गर्दा मलाई समातेर प्रहरी पाेष्टमा लगेर असई सावकाे सामुने २/३ जना प्रहरीले कुटपिट गरे ।”  

प्रहरीले हात र बुटले मलाई कुटपिट गरेकाे उनले वताए । प्रहरीले कुटपिट गर्नुकाे साथै मेराे ५/६ हजार जतिकाे फुलाैनामा क्षति समेत पुर्याएकाे वताए । 

रामलाई प्रहरीले कुटपिट गरि घाइते बनाएपछि स्थानीयहरूले त्यसको विरोधमा गर्दै केही बेर प्रहरी पोस्ट घेराउ समेत गरेका थिए ।

यस बिषयमा असई तिवारीसंग फाेनमा सम्पर्क गर्दा घटना बारे उनले केही बताउन चाहेनन् । उनले घटना भएकाे दिन इलाका प्रहरी कार्यालय पाेखरियाका प्रहरी निरिक्षक (इन्सपेक्टर) साव आउनु भएकाे बताउँदै उहाँसंगै बुझ्नु पर्ने वताए ।

इलाका प्रहरी कार्यालय पाेखरियाका इन्सपेक्टर माेहन बिक्रम केसीले विवाद सुल्झिसकेकाे वताए । 

वीरगंजमा एक महिलाकाे छुरा प्रहार गरि हत्या

0

वीरगंज । पर्सामा छुरा प्रहार गरि एक महिलाकाे हत्या भएकाे छ । छुरा प्रहारबाट वीरगंज महानगरपालिकाकाे वडा नं. १४ बहुअरी निवासी ३५ बर्षिय महिमा खातनुकाे ज्यान गएकाे प्रहरीले जनाएकाे छ ।

शनिबार राति ९ बजे श्रीमानकाे छुरा प्रहारबाट गम्भिर घाइते भएकी महिमाकाे आज (आइतबार) विहान १० बजे मृत्यु भएकाे हाे । छुरा प्रहारबाट गम्भिर घाइते महिमाकाे वीरगंज हेल्थ केयरमा उपचार क्रममा मृत्यु भएकाे जिल्ला प्रहरी कार्यालय पर्साका प्रहरी नायब उपरिक्षक (डिएसपी) ध्रुव कुमार श्रेष्ठले जानकारी दिए ।

मृतककाे शव पाेष्टमार्टमकाे लागि वीरगंजस्थित नारायणी अस्पतालमा राखिएकाे उनले वताए । घटना बारे अनुसन्धान भइरहेकाेले थप विवरण पछि पत्रकार सम्मेलन गरेर जानकारी गराइने डिएसपी श्रेष्ठले वताए । 

छुरा प्रहार गर्ने आराेपति श्रीमान ४५ बर्षिय इजहारुल हक अंसारी फरार रहेकाे प्रहरीले जनाएकाे छ । घटनामा सलंगन इजहारुलकाे जेठी श्रीमती ४० बर्षिय नुर जहान खातुनलाई प्रहरीले नियन्त्रणमा लिएकाे छ ।

मृतक महिमा इजहारुलका कान्छि श्रीमती हुन् । जेठी श्रीमतीसंग बालबच्चा नभएपछि इजहारुलले जिल्ला बारा कलैया उपमहानगरपालिकाको घुसुकपुरुवा निवासी मृतक महिमासंग विवाह गरेका थिए ।  महिमाकाे एउटा ३ बर्षिय छाेरी र एक बर्षिय छाेरा रहेका छन् । 

वीरगंज कै राधे‍माईस्थित ब्युटीपार्लर संचालन गर्दै आएकी मृतक महिमा केही समय पहिला श्रीमान इजहारुल विरुद्ध अदालतमा अंशकाे मुद्दा दिएकी थिइन । मुद्दा हाल विचारधिन अवस्थामा रहेकाे उनका आफन्तजनले जनाएका छन् । 

घटनाको जानकारी लगतै प्रहरी चौकी गण्डकबाट खटिएको प्रहरी टोलिले घटना स्थलबाट हत्यामा प्रयोग भएको छुरा समेत बरामद गरेको छ ।