वीरगंज । “मुक्त हरवाचरवाको न्यायिक पुर्नस्थापन हाम्रो सरोकार । शिक्षा, स्वास्थ्य, रोजगारी र सामाजिक सुरक्षा हाम्रो अधिकार ।।” भन्ने मुल नाराका साथ जिल्ला हरवाचरवा अधिकार मञ्च सर्लाहीको दोश्रो जिल्ला सम्मेलन बिहिबार ईश्वरपुरमा सम्पन्न भएको छ ।

कार्यक्रमका प्रमुख अतिथी राष्ट्रिय दलित नेटवर्क नेपालका केन्द्रीय अध्यक्ष एवं उच्च स्तरीय भूमि आयोगका पुर्व सदस्य गणेश बिश्वकर्माले मुक्त हरवाचरवाको नेपाल सरकारद्वारा २०७९ श्रावण २ गते तत्कालिन प्रधानमन्त्री शेर बहादुर देउबाद्वारा गरिएको हरवाचरवा मुक्तिको घोषणालाई कार्यान्वयन गरि पुनःस्थापनाको सार्थक प्याकेज घोषणा गर्नुपर्ने कुरामा जोड दिए ।

साथै उनले मधेश प्रदेश सरकारको नीति तथा कार्यक्रम र बजेटमा समेत उल्लेख भएको हरवाचरवा पुर्नस्थापन लागी तत्काल तथ्यांक संकलन गरि परिचयपत्र वितरण गरिनु पर्ने, राष्ट्रिय भूमि आयोग समक्ष मुक्त घोषित हरवाचरवाको लागि कम्तीमा १० कठ्ठा जमीन दिने गरि पहिचान गर्न गरिनुपर्ने र हरवाचरवा पुर्नस्थापनका लागि प्रदेश सरकार भूमि ब्यवस्था, कृषि तथा सहकारी मन्त्रालय समक्ष अधिकार सम्पन्न हरवाचरवा पुर्नस्थापन समिति गठन गरिनुपर्ने कुरामा जोड दिए ।

कार्यक्रमका बिशीष्ट अतिथी एवं चन्द्रनगर गाउँपालिकाका अध्यक्ष राजकुमार महतोले गाउँपालिकाले कार्यबिधी निर्माण गरि मुक्त हरवाचरवाको पहिचान, प्रमाणीकरण र परिचयपत्र बितरणका मार्फत उनीहरुको पुर्नस्थापन गरिने वताए । साथै उनले यसका लागि प्रदेश र संघीय सरकारसंग पनि समन्वय गरिने कुरामा जोड दिए ।

कार्यक्रमको उद्घाटन सत्रमा प्रतिनिधी सभाका पुर्व सदस्य प्रमोद शाह, द फ्रिडम फण्डका कार्यक्रम सल्लाहकार ब्रहमदेव राम, राष्ट्रिय हरवाचरवा अधिकार मञ्चका सहसचिव रामदयाल सदा, जनता समाजवादी पार्टीका नेता रामचन्द्र महतो, दलित नेता भगलु माँझी, रामकेवल माँझी, वडाअध्यक्ष दर्शन सिंह लगायतले शुभकामना ब्यक्त गरेका थिए ।

जिल्ला हरवाचरवा अधिकार मञ्चका अध्यक्ष रामदयाल माँझीको अध्यक्षतामा सम्पन्न कार्यक्रमा जिल्ला एक्टीभिष्ट नबिना माँझीले स्वागत गरेका थिए ।

सम्मेलनले रामदयाल माँझीको अध्यक्षतामा १२ सदस्यीय जिल्ला हरवाचरवा अधिकार मञ्च सर्लाही गठन गरेको छ । जसको उपाध्यक्ष, सचिव, सहसचिव र कोषाध्यक्षमा क्रमस सोनी माँझी, देवेन्द्र राम, भगलु माँझी र सितादेवी राम चयन भएका छन् ।

मञ्चका सदस्यहरुमा रामबाबु पाशवान, रिनादेवी माँझी, रजरनिया देवी माँझी, सत्या माँझी, सतनी गिरी, रिता माँझी र मिरादेवी माँझी चुनिएका छन् ।

यसैगरी जिल्ला हरवाचरवा अधिकार मञ्च रौतहटको दोश्रो जिल्ला सम्मेलन बुधबार गरुडामा सम्पन्न भएकाे छ । 

सम्मेलनले दशरथ रामको अध्यक्षतामा १३ सदस्यीय जिल्ला हरवाचरवा अधिकार मञ्च रौतहट गठन गरेको छ । जसको उपाध्यक्ष, सचिव, सहसचिव र कोषाध्यक्षमा क्रमसः किसमतीयादेवी पासवान, सुनिल पाशवान, शान्ती राम र डिकाकुमारी ठाकुर चयन भएका छन् ।

मञ्चको सदस्यहरुमा उपेन्द्र दाश, खुब्बु पाशवान, गोलीयादेवी राम, सचितानन्द राम, मालती चौधरी, रामसुधार पासवान र धरमशिलादेवी राम चुनिएका छन् ।

वीरगंज । वीरगंज महानगरपालिका वडा नम्बर २१ मा बुधबार बृद्धबृद्धा एंव विपन्नहरुलाई सिरक वितरण गरिएको छ ।

जाडो बढ्दै गएपछि त्यसैलाई मध्यनजर गरि वीरगंज महानगरपालिकाको सहयोगमा संसारीमाई युवा समाजले २ सय जनालाई सिरक बाँडेको हो । एक कार्यक्रमका बिच वीरगंज महानगरका मेयर राजेशमान सिंहले स्थानीयलाई सिरक वितरण गरे ।

कार्यक्रमलाई सम्बोधन गर्दै वीरगंज महानगरपालिकाका मेयर सिंहले वीरगंजलाई बदल्ने अभियानमा सबैले हातेमालो गर्न आग्रह गरे । आफु एक्लैको प्रयासले परिवर्तन सम्भव नहुने बताउँदै मेयर सिंहले सबैको सामुहिक प्रयासमा वैभब वीरगंज बन्ने दाबी गरे ।

रमिता कुशवाहाको अध्यक्षता तथा मेयर सिंहको प्रमुख आतिथ्यतामा भएको सिरक वितरण कार्यक्रममा वडाध्यक्ष राधाकृष्ण रौनियार, साहिब दरबारका अध्यक्ष उमेशलाल सहनी, कोषाध्यक्ष जिनु मियाँ, स्थानीय नेताहरू संजय मण्डल, कृष्णा पटेल, पुरुषोत्तम पटेल, सिपलाल राम, नवीन मण्डल लगायतको पनि उपस्थिति रहेको थियोे ।

वीरगंज । वीरगंज महानगरपालिकाको आमसंचार माध्यम प्रर्बद्धन तथा नियमन समितिको बुधबार सम्पन्न बैठकले ज्येष्ठ पत्रकार पेन्सन योजनाको कार्यबिधी तयार भईसकेको हुँदा त्यसलाई नगर परिषदबाट पारित गरेर कार्यान्वयनका लागि लैजाने निर्णय गरेको छ ।

बैठकले संचारकर्मीहरुका सूचना विज्ञापन प्रकाशन बापत लेखा शाखामा रोकिएको भुक्तानीको लागि आवश्यक समन्वय गरी तत्काल भुक्तानी गराउने निर्णय गरेको छ । यसैगरी बैठकले महानगरपालिकाबाट जारी हुने सूचना विज्ञापनहरु एकद्वार प्रणालीबाट बितरण गर्ने र सूचना शाखाबाट समानुपातिक ढंगले सूचना र विज्ञापन वितरण गरी भुक्तानीका लागि सूचना शाखाको सिफारीस अनिवार्य गर्ने निर्णय गरेको छ ।

बैठकले सूचना शाखाको जानकारी बिना सूचना टेण्डरहरु जाने गरेको देखिएको हुँदा अन्यथा यस्ता गतिबिधिको जवाफदेहि समिति नहुने निर्णय गरेको छ ।

यसैगरी बैठकले लोक कल्याणकारी विज्ञापनको दोस्रो त्रैमासिक भुक्तानीको लागि आवश्यक प्रक्रिया अगाडि बढाउने समेत निर्णय गरेको छ ।

आमसंचार माध्यम प्रबर्धन तथा नियमन समितिका संयोजक ध्रुब अधिकारीको अध्यक्षतामा सम्पन्न बैठकमा समितिका सदस्य अनुप तिवारी, राम शर्राफ, बृजलाल पासवान, मनोज पटेल, माधुरी महतो, अमित अग्रवाल, आबिद हुसैन, महानगरपालिकाका प्रशासन प्रमुख राजकृष्ण ताम्राकार, प्रकाशन प्रशारण तथा सूचना शाखा प्रमुख एवं समितिका सदस्य सचिव हरिओम प्रसाद चौधरी, कानुन अधिकृत ईश्वर बराल लगायतको सहभागिता रहेको थियो ।