सेढवा । उपकार सेवा नेपालले श्री नेपाल राष्ट्रिय प्राथमिक विद्यालय बडगो, जगरनाथपुर ३ पर्सामा १ सेट खानेपानीको लागि चापाकल (धारा) जडान गरि दिएकाे छ । संस्थाका अध्यक्ष बिद्या कुमारी सरावगीले विद्यालयमा जडान गरिएकाे धाराको उद्घाटन गरेकी हुन् ।

यसका साथै सरावगीले सो बिद्यालयमा अध्ययनरत १ सय जना छात्र/छात्राहरुलाई कापी, सिसाकलम, कटर लगायतका शैक्षिक सामग्री समेत बितरण गरेकी छन् ।

साे बिद्यालय स्थापना भएको करिब २५ बर्ष बिति सक्दा पनि खानेपानीका लागि धारा जडान भएका थिएन । जसका कारण बिद्यार्थीहरुलाई खानेपानीका लागि बिद्यालय बाहिर जानु पर्ने वाध्यता रहेकाे थियाे ।

खानेपानीकाे समस्या समाधानका लागि सामाजिक अभियान्ता प्रकाश थारुको पहलमा सो धारा जडान गर्न सकिएको बिद्यालयका प्रधानाध्यापक ओमप्रकाश चौधरीले बताए । धरा जडान गर्ने संस्था उपकार सेवालाई श्री नेपाल राष्ट्रिय प्राथमिक बिद्यालय बडगोले प्रशन्सा पत्र प्रदान गरेकाे छ ।

साे अवसरमा उपकार सेवा नेपालका सदस्य पदमा देवी सरावगी, अंकुर शर्मा, जगरनाथपुर गाउँपालिका वडा नं. ३ का सदस्य हारण राउत गदी, शिक्षक मोस्लीम राउत गदी, यूवा अजय राम, सन्तोष राम लगायत स्थानीय बुद्धिजीवी, अभिभावकहरुको सहभागिता रहेका थियाे ।

वीरगंज । हिन्दु स्वयंसेवक संघ नेपाल वीरगंजले माघे संङ्क्रान्तिको अवसरमा सामुहिक खिचडी कार्यक्रम सम्पन्न गरेको छ । हिन्दु स्वयंसेवक संघ नेपाल वीरगंजले समता, ममता र समरसताको पर्व मकर संङ्क्रान्तिको अवसर पारेर वीरगंजकाे बाइपास राेडस्थित केशव धाममा एक कार्यक्रम अयोजना गरि माघे संक्रान्ति मनाएकाे हाे ।

कार्यक्रममा सहभागिहरुले हिन्दू धर्ममा दलित शब्दको कहि उच्चारण नभएको र दलित राजनीतिक शब्द भएकोले हिन्दु धर्मको ग्रन्थमा दलित नभएकोले यसलाई अहिले केही ब्यक्तिहरुले आफ्नो स्वार्थ पुरा गर्ने उदेश्यले विभिन्न जातजातिको बर्णन गरिएको वताए ।

सहभागिहरुले हिन्दु धर्म ग्रन्थमा उल्लेख भए अनुसार महिला र पुरुष मात्र रहेकाले हिन्दुले छुवाछूतको अन्त अहिले होइन उहिले हिन्दु धर्म ग्रन्थमा उल्लेख रहेको बताए । पहिला दलितहरुको पानी नचल्ने तथा छुवाछूतको भेदभाव राखने भएकोमा हिन्दु स्वयंसेवक संघले छुवाछूतलाई अन्त गर्न हामी सबै हिन्दु हु र हाम्रो धर्म संस्कृति पहिचान एउटै हो भन्ने उदेश्यले यो कार्यक्रम आयोजना गरिएको संघले जनाएको छ ।

कार्यक्रममा कथित दलित जसलाई नेताहरुले आफ्नो राजनितिक आखडा र राजनीतिक भाेटबैंक मात्र बनाउने उदेश्यले आम धर्मलाई विभाजन गरिएको संघको बुझाई रहेको छ । भाषामा दलित भनिएको छ, कार्यक्रममा डोम, चमार, दुशाद लगायत हिन्दुका विभिन्न जात जातिका ब्यक्तिहरुलाई एकै ठाउमा बोलाएर भेला गरि सबैको घरबाट तिल, चिउराको लड्डु ल्याउने र सबै मिलाएर परिकारमा मिसाएर खिचडी बनाईएको थियो ।

उक्त कार्यक्रममा सबै जातजातिका ब्यक्तिहरु र संघका स्वयंसेवकहरु एकै ठाउँमा बसेर सामुहिक खिंचडी खाएका थिए । हिन्दु सबै हामी भाइ भाइ हौ हामी जातिय भेदभाव हुनु हुँदैन हामी हिन्दूहरुमा समता, ममता र समरसताको भाव हुनु पर्ने संघको बुझाइ रहेको छ ।