वीरगंज । समाजवादी प्रेस संगठन नेपालकाे केन्द्रीय पदाधिकारी बैठक शुक्रबार वीरगंजमा सम्पन्न भएकाे छ ।
संगठनका केन्द्रिय अध्यक्ष विश्वमणि सुवेदीकाे अध्यक्षतामा बसेकाे बैठकले महासंघका सन्दर्भमा सम्पूर्ण विषयको समन्वय गर्ने कमिटी गठन गरेकाे छ । विश्वमणि सुवेदीकाे संयाेजकत्वमा गठित कमिटीकाे सदस्य नवराज छतकुली, रामकुमार एलन, कृपा भण्डारी, बृजलाल पासवान, जीवन बिसी, नरेन्द्र साउद रहेका छन् ।
पर्सा शाखाको आतिथ्यतामा वीरगंजमा बसेकाे बैठकले केन्द्रीय लेखा आयोगका संयोजक मदन ठाकुरको शपथ पनि गरेका छ ।बैठकले अध्ययनका क्रममा चीनमा रहेका उपाध्यक्ष तेजप्रसाद वाग्लेले दिएकाे राजीनामा स्वीकृत गरेकाे छ ।
यसैगरी बैठकले संगठनकाे एसोसिएट्स/प्रतिष्ठानमा उपाध्यक्षमा सविन शर्मा, ललितपुर/वातावरणमा पत्रकार समूहकाे केन्द्रीय अनुशासन आयोगको संयोजक हरि जोशी, कैलाली – केन्द्रीय सदस्य- नन्दराम जैसी, जुम्ला – केन्द्रीय सदस्य- जीवन हमाल, प्युठान चयन गरेकाे छ ।
यसैगरी बैठकले संगठ केन्द्रीय कमिटी बैठक चैत महिनाभरि भित्र लुम्बिनीमा गर्ने गरेकाे निर्णय गरेकाे छ । बैठकले संगठनले वितरण गर्ने सहाना प्रधान स्मृति पत्रकारिता पुरस्कार, वीरेन्द्र साह स्मृति पत्रकारिता पुरस्कार, डेकेन्द्रराज थापा स्मृति पत्रकारिता पुरस्कारकाे नाम अनुमाेदन गरेकाे छ ।
यसैगरी पत्रकार महासंघको निर्वाचनका क्रममा प्रदेश र जिल्लास्तरका सम्पूर्ण नीति र निर्णय प्रदेश कमिटीको बैठकले तय गरेबमोजिम हुने बैठककाे निर्णय छ ।
वीरगंजस्थित बृन्दावन हाेटलमा बसेकाे बैठकमा संगठनका महासचिव रामकुमार एलन, नेकपा (एकीकृत समाजवादी) पर्सा अध्यक्ष बालगोपाल थापा, वीरगंज महानगरका अध्यक्ष मनोज चौधरी लगायतकाे उपस्थिती रहेकाे थियाे ।
