वीरगंज । सामाजिक युवा एकता क्लबको आयोजनामा शनिबार वीरगंज महानगरपालिकाकाे वडा नं.–२ स्थित ब्रम्हचोकमा  सम्पन्न भएकाे छ । क्लबका अध्यक्ष विक्की महतोको अध्यक्षता भएकाे कार्यक्रममा ३ महिला सहित ५१ जनाले रक्तदान गरेकाे नेपाल रेडक्रस साेसाइटी वीरगंजका राजन श्रीवास्तवले जानकारी दिए ।

वीरगंज महानगरपालिका वडा नं. १२ का अध्यक्ष सुरेश गुप्ताको प्रमुख आतिथ्यमा भएकाे कार्यक्रममा नेपाल रेडक्रस सोसाइटी पर्सा शाखाका सभापति बृजकिशोर पटेल, समाजसेवी प्रकाश उपाध्याय, नेपाल इनोभेट सोसाइटीका अध्यक्ष कमल चौगाई, रेडक्रसका अभिलाष गुप्ता, राजन श्रीवास्तव लगायतको उपस्थिति रहेको थियो ।

रक्त संचार केन्द्रकाे प्राविधिक सहयाेगमा भएकाे कार्यक्रममा विक्की महतो, विशाल कुमार महतो, जयकिसन साह, प्रमोद मण्डल, अनिष मण्डल लगायतले रक्तदान गरेका थिए । रक्त संचार केन्द्रका प्राविधिक धिरेन्द्र झा, विवेक यादव र बिरसमसेर कुर्मीले प्राविधिक सहयाेग गरेका थिए ।

वीरगंज । वीरगंज महानगरपालिकाकाे वडा नं.–१५ स्थित प्रतीमा चोकमा रहेको नेपाल इण्डो हस्पिटल एण्ड आई सेन्टर प्रा.लि.को आयोजनामा शनिबार रक्तदान कार्यक्रम सम्पन्न भएकाे छ । अस्पताल परिसर मै भएकाे कार्यक्रममा १ महिला सहित ४० जनाले रक्तदान गरेका छन्।

“रक्तदान जीवनदान” भन्ने सन्देशसहित आयोजित कार्यक्रममा डा. प्रमानन्द साह, डा. निरज कुमार क्याल र डा. महानन्द कुमार कुर्मीको विशेष उपस्थिति रहेको थियो। कार्यक्रममा तमन्ना खान, राधेश्याम साह, मोहम्मद कलाम हवान, धर्मेन्द्र साह, अमित श्रीवास्तव, नुरुल अन्सारी, राहुल साह लगायतकाले रक्तदान गरेका हुन् ।

कार्यक्रममा रक्त सञ्चार केन्द्र वीरगंजका प्राविधिक प्रमुख सौरभराज पाण्डे, प्राविधिक जितेन्द्र कुशवाहा, मनिष गुप्ता र नितेश साह लगायतको प्राविधिक सहयाेग गरेका थिए ।

रक्तदान कार्यक्रमले वीरगंजमा भएकाे रक्त अभाव न्यूनीकरण गर्न र जनचेतना अभिवृद्धि गर्न महत्त्वपूर्ण योगदान पुर्‍याएको आयोजकहरूको भनाइ छ । कार्यक्रममा सहभागी रक्तदाताहरूलाई प्रमाणपत्रसहित सम्मान गरिएको थियो ।

वीरगंज । वीरगंज–१५ स्थित द हिमाल नर्सिङ्ग इन्स्टिच्युटको परिसरमा शुक्रबार रक्तदान कार्यक्रम सम्पन्न भएको छ । साउथ सिटी हिमाल हस्पिटल प्रा.लि.द्वारा आयाेजित कार्यक्रममा कार्यक्रममा १२ महिला सहित ४१ जना रक्तदान गरेका छन्।

गर्मीको चर्को मौसम र अस्पतालहरूमा रक्त अभाव गहिरिँदै गएको सन्दर्भमा रक्त सञ्चारमा टेवा पु-याउने उद्देश्यले कार्यक्रम आयोजना गरिएको आयोजक संस्थाले जानकारी दिएको छ।

उक्त कार्यक्रममा नेपाल रेडक्रस सोसाइटी वीरगंज शाखाका सदस्य दया शंकर सिंह, वीरगंज कपडा बैंकका अध्यक्ष लाल बाबू सिंह, रेडक्रस रेशमकोठी उपशाखाका युवा संयोजक अभिलाष गुप्ता, सञ्चारकर्मी अर्जुन चौधरी, प्रहलाद चौरसिया लगायतकाे उपस्थिति रहेको थियो ।

रक्तदान गर्नेहरूमा अञ्जली यादव, प्रियंसु यादव, बनिता श्रेष्ठ, सोफिया मल्ल, अमृता थापा, दिलमाया, विशाल साह, मो. नुरबाबु हास्मी, कविन साह, रामबाबु मुखिया, सोनी प्रति साह, रामुजी यादव, शेती मगा, प्रणिस्ता न्यौपाने लगायतका रहेका छन् ।

कार्यक्रममा नेपाल रक्त संचार केन्द्र, वीरगंजका प्रमुख सौरभ राज पाण्डे, जितेन्द्र कुश्वाहा, नितेश यादव लगायतका स्वास्थ्यकर्मीहरूको प्राविधिक सहयोगमा भएकाे थियाे ।