वीरगंज । जिल्ला प्रशासन कार्यालय पर्साले जेन–जी आन्दोलनका क्रममा घाइते भएका व्यक्तिहरूलाई “घाइते परिचयपत्र” वितरणका लागि कार्यालयमा सम्पर्क गर्न आग्रह गरेको छ।
गृह मन्त्रालयले २०८२ भाद्र २३ र २४ गते भएको जेन–जी आन्दोलनका क्रममा घाइते भएका व्यक्तिहरूको परिचयपत्र वितरण गर्न र भैपरी खर्च वापत राहत रकम उपलब्ध गराउन निर्देशन दिइएको जिल्ला प्रशासन कार्यालय पर्साले जनाएको छ।
सहायक प्रमुख जिल्ला अधिकारी सुमन कुमार कार्कीले जारी गरेकाे सूचनामा हालसम्म पनि घाइते व्यक्तिहरूको तर्फबाट निवेदन प्राप्त नभएकाले परिचयपत्र र राहत वितरणमा समस्या भएको कार्यालयले जनाएको छ।
त्यसैले आन्दोलनका क्रममा घाइते भएका व्यक्तिहरूले आफ्नो प्रमाणसहित जिल्ला प्रशासन कार्यालय, पर्सामा यथाशीघ्र सम्पर्क गर्न अनुरोध गरिएको छ।
उक्त सूचनासंगै पर्साका जेन-जि आन्दाेलनकाे क्रममा पर्साका घाइते व्यक्तिहरुकाे नामवली समेत सार्वजनिक गरेकाे छ । जस अनुसार पर्साका आन्दाेलनकाे क्रममा ३१ जना घाइते भएका छन् । जस मध्ये सब भन्दा बढी घाइते वीरगंज महानगरपालिकाका २८ जना छन् । त्यसैगरी जगरनाथपुर गाउँपालिका, ठाेरी गाउँपालिका र बिन्दवासिनी गाउँपालिकाका एक/एक जना गरि ३ जना घाइते रहेका छन् ।
