वीरगंज । वीरगंज महानगरपालिकाको नगर शिक्षा समितिमा तीन नयाँ सदस्यहरूको मनोनयन गरिएको छ। महानगर शिक्षा नियमावली, २०७४ अनुसार नगर कार्यपालिकाको मिति २०८२ साल कात्तिक २४ गतेको निर्णयअनुसार सदस्य पदमा तथा विशेष आमन्त्रित सदस्य पदमा मनोनयन गरिएको हो।
नगर शिक्षा समितिको सदस्य पदमा प्याब्सन नगर कार्य समिति, वीरगंजका अध्यक्ष राहुल श्रीवास्तवलाई नियम २४ (१)(च) बमोजिम एक वर्षका लागि मनोनयन गरिएको शिक्षा समितिका सदस्य सचीव आनन्द लामिछानेले जानकारी दिए ।
त्यसैगरी, आलोक कुमार चौरसिया र एनप्याब्सन नगर कार्य समिति, वीरगंजका अध्यक्ष जियालाल गुप्तालाई शिक्षा नियमावलीको नियम २४ (१)(ज) अनुसार विशेष आमन्त्रित सदस्य पदमा एक वर्षका लागि मनोनयन गरिएको छ।
नयाँ मनोनीत सदस्यहरूलाई वीरगंज महानगरपालिकाका मेयर राजेशमान सिंहले औपचारिक रूपमा नियुक्ति प्रदान गर्दै बधाई ज्ञापन गर्नुभएको छ। उनले शिक्षा क्षेत्रको गुणस्तर वृद्धि र नीतिगत सुधारका लागि समितिको सक्रिय योगदान अपेक्षा गरिएको बताउनुभयो।
