वीरगंज । समाजप्रति उत्तरदायित्व निर्वाह गर्ने उद्देश्यका साथ पर्साका विभिन्न प्रहरी निरीक्षकहरूले आइतबार विहान मानवसेवा आश्रम, वीरगंजमा आश्रितहरूलाई सामूहिक भोजन खुवाएका छन्।
उक्त सामाजिक कार्यमा वडा प्रहरी कार्यालय बिर्ताका प्रमुख प्रहरी निरीक्षक विक्रम सुबेदी, जिल्ला ट्राफिक प्रहरी कार्यालय पर्साका प्रमुख प्रहरी निरीक्षक युवराज कटवाल, श्रीपुर वडा प्रहरी कार्यालयका प्रमुख प्रहरी निरीक्षक नविन थापा मगर, ट्राफिकका वरिष्ठ प्रहरी निरीक्षक गुननिधि खकुरेललगायतका सुरक्षाकर्मीहरूको सक्रिय सहभागिता रहेको थियो।
कार्यक्रममा मानवसेवा आश्रमका संस्थापक सदस्य देवेश गुप्ता, ओम कुमार झा, मुना मगर लगायतका सामाजिक अभियन्ताहरूको उपस्थितिमा आश्रममा आश्रित आमा–बुबाहरुलाई प्रेमपूर्वक खाना खुवाइएको थियो।
सामाजिक कार्यमा प्रहरीको यो सहभागिता निकै सराहनीय रहेको भन्दै सहभागीहरूले प्रहरी केवल अपराध नियन्त्रणमै सीमित नभई मानवीय कल्याणका कार्यमा पनि सकारात्मक उदाहरण प्रस्तुत गरिरहेको टिप्पणी गरेका छन्।
