वीरगंज । जेन-जि आन्दोलनका क्रममा केन्द्रिय कारागार, जगन्नाथदेवल काठमाडौँबाट फरार भएका कैदीलाई पर्सा प्रहरीले वीरगंजबाट पक्राउ गरेको छ।
विशेष सूचनाको आधारमा जिल्ला प्रहरी कार्यालय पर्साबाट खटिएको टोलीले वीरगंज महानगरपालिका–८ बस्ने ३७ वर्षीय दिपक कुमार महरालाई पक्राउ गरेको हो । महरालाई पर्सा जिल्ला अदालतले कर्तव्य ज्यान मुद्दामा २५ वर्ष कैद सजाय तोकेको थियो ।
महराले मिति २०८२ साल भदौ २४ गते जेन जि आन्दोलनका क्रममा केन्द्रिय कारागारबाट फरार भई आफ्नो गाउँ वीरगंजमा लुकीछिपी बस्दै आएको सूचनाको आधारमा आइतबार दिउँसो पक्राउ गरिएको प्रहरीले जनाएको छ ।
पक्राउ परेका महरालाई आवश्यक कानूनी प्रक्रिया पूरा गरी कारागार कार्यालय वीरगंजमा पठाइएको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक हरि बहादुर बस्नेतले जानकारी दिए ।
