वीरगंज । एमनेस्टी इन्टरनेशनल समूह–१६ वीरगंजद्वारा आयोजित मानव अधिकार शिक्षा सम्बन्धी एकदिने प्रशिक्षण कार्यक्रम आइतबार सम्पन्न भएको छ । कार्यक्रम सम्पन्न भएको हो ।
कार्यक्रमको अध्यक्षता समूह–१६ वीरगंजका अध्यक्ष रजनीश झाले गरेका थिए भने एमनेस्टी इन्टरनेशनल सचिवालयबाट आएका कुन्दन राज शर्माले प्रशिक्षण दिएका थिए । उनले विश्वभरका मानव अधिकारका मापदण्ड, नेपालमा मानव अधिकारको अवस्था तथा नागरिक सरोकारका विषयमा विस्तृत जानकारी प्रदान गरे ।
वीरगंजस्थित होटल वृन्दावनमा भएकाे प्रशिक्षणमा विभिन्न संघ–संस्था र मानव अधिकारकर्मी गरी ३५ जनाले सहभागिता जनाएका थिए । सहभागीहरूलाई मानव अधिकारको सिद्धान्त, उल्लंघन रोकथामका उपाय, र अधिकारको संरक्षणमा नागरिकको भूमिकाबारे व्यावहारिक प्रशिक्षण दिइएको थियो ।
कार्यक्रममा समूहका पूर्व संयोजक राजेश बोहरा, पत्रकार अभिलाष गुप्ता, अनिल ओझा, संतोष कुश्वाहा, एमनेस्टी समूह–१६ वीरगंजका पूर्व अध्यक्ष प्रकाश बाहेती, र दलित महिला संघ वीरगंजकी अध्यक्ष निला रामलगायतको उपस्थिति रहेको थियो ।
