वीरगंज । वीरगंज उद्योग वाणिज्य सङ्घ र ENSSURE/Helvetas को संयुक्त आयोजनामा सङ्घको सभाहलमा “Skill Upgrading Training का लागि आवश्यक सीपहरूको पहिचान” विषयक एकदिने कार्यशाला (वर्कसप) कार्यक्रम सफलतापूर्वक सम्पन्न भएको छ ।
कार्यक्रममा सङ्घका अध्यक्ष हरिप्रसाद गौतम, उपाध्यक्ष आशिष कुमार लाठ, सह–कोषाध्यक्ष निरज कुमार अग्रवाल, तथा ENSSURE/Helvetas मधेश प्रदेशका प्राविधिक संयोजक भरत साहनीकाे विशेष उपस्थिति रहेको थियो।
कार्यक्रमको संयोजन अनिल कुमार जयसवाल र एसडियु संयोजक मेराजुल हवारीले संयुक्त रूपमा गरेका थिए । साथै, इन्जि. विकास कुमार, इन्जि. गुनानन्द साह र वरिष्ठ आईटी विज्ञ बृजेश प्रधानको प्राविधिक सहयोग उल्लेखनीय रह्यो ।
यस कार्यशालामा विभिन्न २१ उद्योगका ३२ जना प्रतिनिधिहरूको सक्रिय सहभागिता रहेको थियो । सहभागीहरूले औद्योगिक क्षेत्रमा आवश्यक सीपहरू, आगामी सीप अभिवृद्धि तालिमका प्राथमिक क्षेत्रहरू, र सीप विकासका सम्भावित रणनीतिहरूका सम्बन्धमा महत्वपूर्ण सुझावहरू प्रस्तुत गरे ।
कार्यक्रमले औद्योगिक क्षेत्रमा दक्ष जनशक्ति विकासका लागि आगामी तालिम तथा कार्यक्रमहरूको योजना बनाउन ठोस मार्गनिर्देशन प्रदान गरेको सङ्घले जनाएको छ ।
