वीरगञ्ज, ५ मंसिर । सशस्त्र प्रहरीको वीरगञ्ज भन्सार सुरक्षा गुल्मले वीरगज महानरपालिका-१६ शंकराचार्य गेटदेखि दक्षिण दशगजा क्षेत्रबाट फेरि १२५ किलो मरिच बरामद गरेको छ । ना १ ह ४९२९ नम्बरको ई-रिक्सामा राखेर भारततर्फ लैजादै गरेको अवस्थामा मरिच बरामद गरिएको सशस्त्र प्रहरी नायब उपरीक्षक तिलक बहादुर खड्काले जानकारी दिए ।

बरामद गरिएको मरिचको मुल्य ४३ हजार ७ सय ५० रुपैयाँ अनुमान गरिएको छ । सशस्त्र प्रहरीलाई देख्ने वित्तिकै ई-रिक्सा चालक भने फरार भएकोले नियन्त्रणमा लिन नसकिएको जनाइएको छ । ई-रिक्सासहितको मरिच आवश्यक कारबाहीका लागि वीरगञ्ज भन्सार कार्यालयको जिम्मा लगाइएको सशस्त्र प्रहरी बल वीरगञ्ज भन्सार सुरक्षा गुल्मले जनाएको छ ।

भियतनाम लगायत तेस्रो मुलुकबाट मरिच ल्याएर भारततर्फ तस्करी गर्ने क्रम अझै रोकिएको छैन । नेपालमा भन्दा भारतमा मरिचको मुल्य बढी भएका कारण तस्करी नरोकिएको हो । वीरगञ्जमा ४/५ सय रुपैयाँ किलोमा पाइने मरिच भारतीय बजारमा त्यति नै भारतीय रुपैयाँमा बिक्रि हुने गरेको छ । त्यसले गर्दा पनि मरिच तस्करी नरोकिएको व्यापारीहरु बताउँछन् ।

वीरगंज, ४ मंसिर ।
पर्साका स्थानिय तहका जनप्रतिनिधि तथा सरोकारवालाहरुले बालसंरक्षण सम्बन्धी ५ बुंदे प्रतिवद्धता गरेका छन । हरिओम पार्टी प्यालेस, वीरगंजमा संचालित पालिका प्रतिनिधि तथा सरोकारवाला बीच बालसंरक्षण सम्बन्धी ३ दिने जिल्ला स्तरिय कार्यशाला गोष्ठीका सहभागि जनप्रतिनिधि र सरोकारवालाहरुले लिखित प्रतिवद्धता गरेका हुन ।

हामीले आ–आफ्नो पालिकामा बाल संरक्षण नीति तथा आचार संहिता निर्माण गरी कार्यन्वयन गर्ने छौं, बाल संरक्षणमा केन्द्रित भएर, योजना तर्जुमा गरि कार्यान्वयन गर्ने, बालअधिकार हननका घटना, सवाल तथा समस्याहरुलाई प्राथमिकतामा राखि तुरुन्त सम्बोद्धन तथा घटनाको व्यवस्थापन गर्ने, विद्यालयमा गुणस्तरीय शिक्षाका लागि गुनासो सुनवाई कार्यविधि २०७४ लाई आधार बनाई आ आफ्नो पालिकाबाट अनुमोदन गरि प्रत्येक विद्यालयमा लागु गर्ने र हामीले आ–आफ्नो गाउँ/नगरपालिकामा बालमैत्री कार्यक्रम लागु गरी गाउँ/नगरपालिकालाई बालमैत्री घोषणा गर्ने गोष्ठीका सहभागि पालिका प्रमुख, उप प्रमुख र सरोकारवालाहरुले प्रतिवद्धता गरेका हुन ।

युएसआईडी, युनिसेफ, रेसलेस डेभलपमेन्टको सहयोमा र लाईफ नेपाल जनकपुर, सामाजिक संस्था जिल्ला समन्वय समिति पर्साको सहयोगमा संचालित सुन्य सहनशिलता कार्यक्रम अन्तर्गत विद्यालयबाट सबै प्रकारको हिंसा अन्त्य गर्नको लागि गोष्ठी आयोजना गरिएको कार्यक्रम संयोजक रामनारायण रौनियारले वताए ।

सामाजिक संस्था जिल्ला समन्वय समितिका अध्यक्ष इब्राहिम देवानको अध्यक्षतामा र जिल्ला समन्वय समिति, पर्साका सह संयोजक ठाकुर न्यौपानेको प्रमुख आतिथ्यतामा भएको समापन समाहरोहमा वीरगंज महानगरपालिकाका उप प्रमुख शान्ति कार्की, लाईफ नेपालका अध्यक्ष सुरेत ठाकुरले मन्तव्य राखेका थिए भने कार्यक्रमको संचालन सामाजिक संस्थाका उपाध्यक्ष रामाकान्त पटेलले गरेका थिए ।

गोष्ठीको सहजिकरण केन्द्रि बाल कल्याणका समितिका प्रतिनिधि संजिव महतो, सामाजिक बिकास अधिकृत धर्मराज थापा र युनिसेफका बाल संरक्षण अधिकृत वृजकिशोर पटेलले गरेका थिए ।

वीरगंज, ३ मंसिर ।
तस्करहरुले केराउ लगायतका मालबस्तु नेपालबाट भंसार छलि चोरी निकासी गरी भारततर्फ लैजादै गरेको ट्रेलर सहितको ट्रयाक्टर प्रहरीले पक्राउ गरेको छ । विशेष सुचनाको आधारमा आइतबार जिल्ला प्रहरी कार्यालय, पर्साबाट खटिएको प्रहरी टोलीले खोज तलाश गर्दै जाने क्रममा राती ९ बजेको समयमा केराउ बोकेको ट्रेक्टर र ड्राइभर पक्राउ गरिएको प्रहरीले जनाएको छ ।

वीरगंज महानगरपालिकाको वडा नं. १७, अलौ  स्थितबाट भारततर्फ जादै गरको अवस्थामा पक्राउ गरिएको जिल्ला प्रहरी कार्यालय, पर्साले जनाएको छ ।

पर्साको पकाहामैनपुर गा.पा. वडा नं. बस्ने वर्ष ३५ को राजेध महतो र बहुदरमाई न.पा. वडा नं. ७ बस्ने वर्ष २२ को रामविनय रामले चलाई लैजादै गरेको ना २ त ७९१९ र ना १ त २५८७ नम्बरको ट्रेलर सहितको ट्रयाक्टर र ट्रेक्टर चालक पक्राउ गरिएको प्रहरी उपरिक्षक रेवती ढकालले जानकारी दिए ।

ट्रेलरमा १२,००० किलो ग्राम ९अं। मुल्य ११,५०,०००। ट्रयाक्टर सहित केराउ फेला पेरको र उक्त बरामद केराउ, ट्रयाक्टर तथा चालकहरु समेतलाई नियन्त्रणमा लिई आवश्यक कारवाहीको लागि वीरगंज भंसार कार्यालय, वीरगंज, पर्सा पठाइएको ढकालले वताए ।