वीरगन्ज, २० बैशाख ।
भोजपुरी साहित्यका भिष्मपिता भनेर चिनिने बरिष्ठ साहित्यकार पंडित दिपनारायण मिश्रको बिहिवार राती निधन भएको छ । वीरगन्ज ७, रामटोल निवासी ८३ बर्षिय मिश्रको राती १०३८ बजे निधन भएको हो । लामो समय देखी चिनी, दम तथा मुटु सम्बन्धि रोगबाट ग्रसित मिश्रको उनकै निवासमा निधन भएको नेपाल भोजपुरी समाज पर्साका सचिव रितु राज पटेलले वताउनु भयो ।
मिश्रलाई आजै हिन्दु धर्म अनुसार दाहसंस्कार गर्ने पटेलले जानकारी गराउनु भयो । मिश्रको शव यात्रा १० बजे निकालिने र वीरगन्जको परिक्रममा पश्चात दाहसंस्कार गरिने छोरा छ ।
मिश्रको निधन प्रति नेपाल भोजपुरी समाज, आपन वीरगंज लगायतका भोजपुरी भाषा स.ग सम्बन्धीत संस्थाहरुले गहिरो दुख व्यक्त गर्ने हार्दिक सम्वेदना तथा श्रद्धाञ्जली समेत व्यक्त गरेका छन ।
नेपालमा भोजपुरी साहित्यका अग्रणी योद्धाका रुपमा रहनु भएका मिश्र भोजपुरी पत्रिका निकाल्ने क्रममा जेल समेत जानु भएको थियो । नेपालमै पहिलो पटक वहाँले भोजपुरी साहित्यिक पत्रिका समाद निकाल्नु भएको थियो भने उपन्यास, गजल, कविता, निबन्ध, गित लगायतका क्षेत्रमा कलम चलाउनु भएका थिए । पेशाले शिक्षक रहेका वहाँले वीरगन्जको शिक्षा क्षेत्रमा ठुलो गुण लगाउनु भएको छ ।
उनका कृतिहरुमा अजुरी के फुल, उत्सर्ग, असली नेता हम कहाई निकै चर्चित भएको थिया । मिश्रद्धारा लिखित दर्जन भन्दा बढी कृतिहरु प्रकाशित रहेका छन् । भोजपुरी भाषाको सम्बर्धन प्रर्बधनको लागि पंडित मिश्रले पहिलो पटक २०२९ सालमा नेपाल भोजपुरी समाज संस्थाको स्थापना गर्नु भएको थियो ।
संस्थाको स्थापक अध्यक्ष रहनु भएको मिश्रलाई प्रज्ञा प्रतिष्ठानद्धारा प्रदान गरिने युवा साहित्य पुरस्कार प्रदान गरिएको थियो । त्यसै गरी भोजपुरी भाषाको उत्थानको लागि योगदान पु¥याएको भन्दै भोजपुरी क्षेत्रबाट प्रदान गरिने थुप्रै पुस्कारबाट वहाँ पुरस्कृत भई सक्नु भएको छ ।
