पर्सा । तत्कालिन नेकपा माओवादी केन्द्रको एकतादेखि नै गुटबन्दीमा चलेको पर्साको तत्कालिन नेकपा माओवादी पार्टी एमाले सँगको एकीकरण प्रकृयासम्म आईपुग्दा सम्म झन गुटबन्दी सतहमा देखिएको छ । पछिल्लो समयमा गुटको शिकार भएका छन् तत्कालिन नेकपा माओवादीको भातृ संगठन अखिल (क्रान्तिकारी) का केन्द्रीय सदस्य इशक कुमार ।

प्रहरीसँग भनाभन गरेको आरोपमा पक्राउ परेका केन्द्रीय सदस्य इशक कुमारलाई छुटाउन कुनै पहल नगरेको भन्दै विद्यार्थी संगठन अखिल (क्रान्तिकारी) र अनेरास्ववियुका विद्यार्थीहरु आक्रोशित भएका छन् । एकताको प्रकृयामा रहेको नेकपा पर्साको कार्यदल पनि आफ्नो भातृ संगठनका कार्यकर्तालाई छुटाउनका लागि चासो नदेखाएको विद्याथीहरुको गुनासो छ ।

इशक कुमार तत्कालिन नेकपा माओवादी केन्द्रको नारायणकाजी श्रेष्ठ गुटका विद्यार्थी भएकै कारणले अन्य गुटका पार्टीका नेता तथा विद्यार्थीहरुले पनि उनको रिहाका लागि खासै चासो नदेखाएको उनीहरुको भनाई छ । नेकपाको कार्यदलका सदस्यहरु लगायतका पार्टीका सबै नेताहरुसँग इशक कुमारको बारेमा जानकारी गराउँदा समेत कोहीपनि जवाफदेही नभएकोमा विद्यार्थीहरु पार्टीप्रति नै असन्तुष्ट बनेका छन् ।

तत्कालिन नेकपा माओवादी केन्द्रको संगठनमा पनि संस्थापन, राम बहादुर थापा ‘बादल’ नारायणकाजी र मातृका गुटमा विभाजन भएकाले प्रहरी हिरासतमा रहेका इशक कुमारको रिहाइमा खासै दबाव नपरेको विद्यार्थीहरुको बुझाई छ । जिल्लाका नेताहरु व्यक्ति केन्द्रीत र गुटबन्दीकै कारण पार्टीका केन्द्रीय स्तरका नेताहरु पनि पर्सामा आउन खासै इच्छा देखाउदैनन् ।

माओवादी आन्दोलनका क्रममा वीरगन्जमा काशी तिवारीको हत्यापछि प्रभु साहमाथि व्यापक दबाव परेपनि पर्साका नेताहरुले साथ नदिएकै कारण र पछिल्लो समयमा देखिएको पार्टीको गुटबन्दीले साह पनि पर्सामा आउन खासै रुची नदेखाउने गरेको जानकारहरु बताउछन् ।

गुटबन्दीकै कारण उद्योग, वाणिज्य तथा आपूर्ति मन्त्री मातृकका यादव पनि जिल्लामा आउन चाहदैनन् । पछिल्लो समयमा निम्बसको उद्योगमा छापा मारेको विषयमा विवादमा परेपछि यादव पर्सामा आफ्नो गुटकै नेताहरुमाथि असन्तुष्ट बनेको स्रोतको भनाई छ । पूर्व सांसदहरुदेखि वर्तमान सांसदहरुको पनि पर्सा पार्टी र कार्यकर्ताहरुमा खासै प्रभाव नरहेको देखिएको छ ।

वीरगंज, ८ मंसिर ।
साबिकका नेकपा माओबादी केन्द्र र हालका सत्तारुढ दल नेकपाको विद्यार्थी संगठन अखिल क्रान्तिकारीका केन्द्रिय सदस्य इशक कुमार पासवानलाई प्रहरीले व्यक्तिगत इगोले फसाइएको विद्यार्थी नेताहरुले आरोप लगाएका छन । केही महिना अगाडी नारायणी उपक्षेत्रिय अस्पतालमा बच्चा हराएको आन्दोलनको बेला प्रहरी नायब उपरिक्षक (डि.एस.पी.) मानबहादुर राई संग भएको विवादको रिसबीका कारण झुठो मुद्दा बनाई प्रहरीले विद्यार्थी नेता पासवानलाई फसाएको अनेरास्ववीयु र अनेरास्ववीयु क्रान्किारीले आरोप लगाएका छन ।

दुबै विद्यार्थी संगठनहरुले आज संयुक्त रुपमा प्रेस विज्ञप्ती जारी गर्दै केन्द्रिय सदस्य पासवानलाई प्रहरीले फसाएको दाबी गरेका हुन । विज्ञप्ती अनुसार बच्चा हराएको आन्दोलनको नेतृत्व केन्द्रिय सदस्य पासवान र शिवम साहले गरेका थिए । त्यही बेला प्रहरी नायब उपरिक्षक राई र पासवान विच विवाद भएको थियो र त्यो बेला पनि राईले दुबै जनालाई जिल्ला प्रहरी कार्यालयमा ल्याई थुनेको थिए । थुनेको केही समय पछि दुबैजनालाई प्रहरीले छोडनु परेको थियो ।

त्यही रिसबीका कारण प्रहरी चौकी भिष्वा नजिक बस्दै आएकी एक महिलाले भने कै अधारमा डि.एस.पी. राईले पासवानलाई क्राइम ब्रान्चमा कार्यरत एक प्रहरी संग फोन गरी जिल्ला प्रहरी कार्यालयमा पासवानलाई बोलाएका थिए । त्यो बेला पनि डि.एस.पी. राई र विद्यार्थी नेता पासवान बिच भनाभन भएको थियो । भनाभन कै क्रममा डि.एस.पी. विद्यार्थी नेता पासवानलाई हातपात गर्दै हतकडी लगाई थुनेको वताइएको छ ।

विहान भएको विवाद दिउसो सार्वजनिक भए पछि नेकपाका नेता तथा विद्यार्थी नेताहरु एस.पी. रेवती ढकाल संग बुझदा पासवान माथी सार्वजनिक अपराध मुद्दा दर्ता भइसकेको र म्याद पनि थप भइसको वताएका थिए । पर्सा जिल्लामा बढदै गएको बलात्कारको घटनामा संलगनलाई प्रहरीले समात्न नसकेको र संगठित रुपमा तस्करी गराइरहेको अवस्थामा विद्यार्थी नेतालाई फसाउने नियत माथी शंका उत्पन्न भएको अनेरास्ववीयु पर्साका अध्यक्ष रामबाबु यादव र अनेरास्ववीयु क्रान्तिकारी, पर्साका संयोजक मित्रदेव यादव द्वारा जारी गरिएको विज्ञप्ती मार्फत वताइएको छ ।

आन्दोलनको कार्यक्रम घोषणा

प्रहरीले विद्यार्थी नेतालाई झुठो मुद्दा बनाई फसाएको भन्दै शनिबार बसेको विद्यार्थी संगठनहरुको वैठकले प्रहरी विरोधको आन्दोलनको कार्यक्रम घोषणा गरेको छन । मंसीर ९ गते, आइतबार सम्म प्रहरीले विना शर्त पासवानलाई रिहा नगरे त्यही दिन बेलुका देखीको आन्दोलनको कार्यक्रम विद्यार्थी संगठनहरुले सार्वजनिक गरेका छन ।

विद्यार्थी संगठनहरुले सार्वजनिक गरेको आन्दोलनको कार्यक्रम अनुसार मंसीर ९, गते, आइतबा बेलुका प्रदर्शन गर्ने, १० गते सोमबार पर्साका सम्पूर्ण शैक्षिक संस्थाहरु बन्द गर्ने र तब पनि प्रहरीले विद्यार्थी नेता पासवानलाई रिहा नगरे ११ गते मंगलबार सबै विद्यार्थी संगठनहरुको संयुक्त बैठक बसी थप आन्दोलनको कार्यक्रम घोषणा गर्ने छन ।