Date
सोम, मंसिर ७, २०८३
Mon, November 23, 2026
Home Blog Page 1092

प्रेमीद्वारा भारतमा बेचिएकी महिला भागेर घर फर्कन सफल

0
bechiyeki mahila_kalikatimes

जलेश्वर ।  महोत्तरी जिल्लाको एकडारा गाउँपालिका–४ बस्ने एक महिला गाउँकै पुरुषमार्फत भारतमा बेचिएको स्थानबाट २५ दिनपछि भागेर घर फर्किन सफल भएकी छन् । एकडारा–४ का सुरेश बैठाले प्रेम जालमा पारेर भारतको बिहारस्थित सीतामढी शहरमा लगेर बेचेकामा त्यहाँबाट भागेर बुधबार आफ्नो घर आएपछि उनका पति र आफन्तहरुले जिल्ला प्रहरी कार्यालयमा पनि सो घटनाबारे जानकारी गराएका थिए ।

बैठाले उनलाई प्रेममा फसाएर बिहे गर्छु भन्दै गत भदौ १४ गते नै घरबाट भगाएर लगेको र सीतामढीस्थित एउटा घरमा बन्द गरेर भागेको जिल्ला प्रहरी कार्यालयमा पीडितले बयान दिएकी थिइन् । घरबाट भागेर गइरहेकै बेला बैठाले बसमै आफूले लगाएको गरगहनासहित रू ५० हजारसमेत लिनाका साथै सीतामढीको एउटा घरमा बन्द गरेर भागेको उनले बताइन् ।

बैठाले छाडेर हिँडेपछि उसको बाटो कुर्दाकुर्दै नआएकाले बाहिर निस्कन खोज्दा आफूलाई दुई/तीनजना पुरुष र महिलाले समातेर राख्दै तिमी बेचिएकी छौ । अब यहीँ बस्नुपर्छ र यहीँ तिम्रो बिहे हुन्छ भनेकाले आफू बेचिएकी थाहा पाएको उनले सुनाइन् ।

ती महिला बेपत्ता भएको भदौ १४ गतेदेखि नै उनका पति र आफन्तले खोजबिन गर्दै जिल्ला प्रहरीमासमेत उनी बेपत्ता भएको खबर गरेका र अभियुक्त बैठाले नै उनलाई बेपत्ता बनाएको भन्दै बैठाउपर शरीर बन्धक मुद्दा दायर गरेकामा प्रहरीले मुद्दा दर्ता नगरेको उनका पतिले सुनाए । सो घटना पछि अहिले ती महिलालाई कार्यालयमा बोलाइनाका साथै बैठालाई पनि पक्राउ गर्न प्रहरी खटाइएको थियो । अनलाईन खबरबाट

 

वीरगंज विकासको बाधक केही नेताहरु बन्दै, पइसा खाएको चर्चा

0
jambo toli_kalikatimes

वीरगंज । वीरगंजको मेन रोड चौडा पार्ने कार्यको बाधक पर्साका केही नेताहरु भएका छन । मेन रोड २५/२५ मिटर नतोडन नेकपा, कांग्रेस र राजपाका केही नेता सहितको जम्बोटोली काठमाण्डौ पुगे पछि वीरगंजका जनता तिनिहरु प्रति आक्रोशित भएका छन ।

त्रिभुवन राजपथ अन्तर्गत मकवानपुरको दामेचौर हँदै बीरगंजको शंकराचार्य सम्मको मुख्य सडकको केन्द्रभागबाट दायाँबायाँ दुबैतर्फ २५ मिटरका दरले सडक चौंडा गर्ने सुचना जारी भएपछि वीरगन्जको मुख्य सडकमा घर भएका घरधनीहरु आफनो घर जोगाउन पर्साका केहि राजनीतिक दलका नेताहरुलाई पैसा बाडेको वीरगन्जमा अहिले ब्यापक चर्चा रहेको छ ।

वीरगन्ज मेन रोडमा रहेका घर धनीहरुको खर्चमा आकासबाट सयर गर्दै काठमाण्डौ गएका पर्साका केहि राजनीतिक दलका नेताहरु भौतिक पुर्बाधार तथा यातायात ब्यबस्थामन्त्री रघुबीर महासेठलाई भेटी वीरगन्ज मेन रोड दायाँबायाँ दुबैतर्फ २५ मिटरका सडक चौंडा नगर्न आग्रह गरेका हुन । जवाफमा मन्त्री महासेठले कानुन भन्दा माथी कोई नभएको वताए पछि जम्बो टोली निराश भएको समाचार स्रोतले जनाएको छ ।

वीरगन्ज मेन रोडका घर धनीहरुको खर्चमा सयर गर्ने टोलीमा नेपाल कम्युनिष्ट पार्टीका नागेन्द्र चौधरी, राजकुमार गुप्ता, रामचन्द्र साह, जुनेद अन्सारी, प्रभुहजरा, चिरञ्जीबि आचार्य, मनोज चौधरी, नवराजशर्मा रहेका छन भने राजपाबाट प्रतिनिधी सभाका सदस्य लक्ष्मण लाल कर्ण सहभागि छन तेस्तै नेपाली कांग्रेसबाट नेता अजयकुमार द्विबेदी, रामनारायण प्रसाद कुर्मी रहेका छन ।

यता नेताहरुको खर्च तिर्ने र काठमाण्डौमा मैज मस्ती गराउन वीरगन्ज मेन रोडमा घरभएकाहरु नारायणजी रौनियार, प्रदिप केडिया, गोपाल केडिया, जबाहर प्रसाद गुप्ता, राधेश्याम गुप्ता, सन्नीगुप्ता, बीरगंज बचाउ संघर्ष समितीका सदस्याहरु रहेको श्रोतले जनाएको छ ।

तर बीरगंज महानगरपालिकाको नगर प्रमुख बिजयकुमार सरावगी, सांसदहरु प्रदिप यादव, बिमल प्रसाद श्रीवास्तब लगायतको उपस्थिति भने थिएन । मेन रोड नतोड्ने अभियानमा वीरगंज उधोग बाणिजिय संघका पदाधिकारीहरु सक्रिय देखिएका छन ।

वीरगंजको मेनरोडमा दिनहु जामहको समस्या हुने कारणले जनताहरुलाई सास्ती भोग्नु तर्फ नेताहरुको ध्यान नपुग्नु र पइसाको लोभमा विकासको वाधक बन्ने नेताहरुप्रति जनता आक्रोशित भएका छन । मेन रोड नतोडने अभियानमा लागेका नेताहरुलाई विकास विरोधी नेता भन्दै आलोचना पनि सुरु भएको छ ।

नेकाको सुभकामना अदानप्रदान सुरु, सरकारले ब्रहमलुट मचायो : नेता रिजाल

0
ramesh rijal_kalikatimes

पर्सा । नेपाली कांग्रेस पर्साका नेताहरुले बर्तमान सरकार र पर्साका जनप्रतिनिधीहरुले पनि जनताको कामभन्दा आफनो व्यतिmगत स्वार्थमा डुबेको आरोप लगाएका छन । पर्साको छिपहरमाई गाउँपालिकामा बुधबार नेपाली कांग्रेस गाउँपालिका कमिटीले आयोजना गरेको दशै, तिहार र छठ पर्वको शुभकामना आदान प्रदान कार्यक्रममा बोल्दै नेताहरुले यस्तो आरोप लगाएका हुन ।

कार्यक्रमका प्रमुख अतिथी नेपाली कांग्रेसका केन्द्रिय सदस्य रमेश रिजालले नेकपाको सरकारका कारण माथी देखी तल सम्म ब्रमहलुट मचेको वताए । केपी ओली नतृत्वको सरकार र लालबाबु नेतृत्वको प्रदेश सरकार भ्रष्टचारमा लिप्त भएको अरोप लगाएका हुन । नेता रिजालले नेकपाको सरकार चिन संग मिलेर कम्युनिष्ट शासन ल्याउन चाहेको वताए । कम्युनिष्ट शासन आए हास्न त हास्न रुन पनि नसकिने उनको भनाई थियो । संविधानको रक्षाको लागि सपथ खाएकाहरु मन्त्री भएकाहरु संविधान दिवस नमनाउने भनेर भ्रम फैलाएका वताए । हिमत भए राजिनामा दिएर आएर संविधान संसोधनको लागि लड्न उपेन्द्र यादवलाई नेता रिजालले चुनौति समेत दिए ।

ajay chaurasiya_kalikatimes

नेपाली कांग्रेसका केन्द्रिय सदस्य अजय चौरसियाले बर्तमान सरकार जनताको कामभन्दा भ्रष्टाचारीलाई पाल्ने गरेको आरोप लगाए । उनले नेकपाको सरकारले ठुला व्यापारीबाट कमिसन लिएर कर मिनाहा गरेको र जनताले तिरेको पैसामा कार्यकर्ता पाल्ने गरेको आरोप लगाए । केन्द्रिय सदस्य चौरसियाले नेकपाको बर्तमान सरकारसंग जनताको घृणा पैदा भईसकेको आरोप लगाउदै आगामी निर्वाचनमा नेपाली कांग्रेसको विकल्प नभएको दाबी गरे ।

surendra chaudhary_kalikatimes

कार्यक्रममा बोल्दै नेपाली कांग्रेसका नेता एवम् पुर्व मन्त्री सुरेन्द्र चौधरीले नेपाली कांग्रेसलाई जनताको हित र देश विकासको चिन्ता रहेको बताउदै मधेश केन्द्रित दल र नेकपाका जनप्रतिनिधीहरु भ्रष्टाचारमा लिप्त रहेको आरोप लगाए । पुर्व मन्त्री चौधरीले केपी ओली नेतृत्वको सरकारले ठुल्ल ठुल्ला भ्रष्टारलाई ढाकछोप गरि त्यसैको कमिसनले पार्टी चलाईरहेको आरोप लगाए । उनले ३३ किलो सुन प्रकरण र वाईडबडी प्रकरणमा वर्तमान सरकारका केहि मन्त्रीको हात रहेको आरोप लगाए । उनले स्थानिय तहमा व्याप्त भ्रष्टाचार मौलाएको बताउदै नेपाली कांग्रेसले चुप लागेर नबस्ने बताउदै भ्रष्टाचारको भण्डाफोर स्थानिय तहदेखि केन्द्रसम्म गर्ने बताए ।

कार्यक्रममा बोल्दै नेपाली कांग्रेस पर्साका नेता तथा पुर्व जिविस सभापति जनार्दन सिंह क्षेत्रीले मधेश केन्द्रित दलहरु मधेशी जनतालाई भ्रममा पारी सताको स्वार्थमा रमाएको आरोप लगाए । उनले मधेश केन्द्रित दलका नेताहरुको दोहोरो चरित्र रहेको बताउदै संविधान संसोधनको नाममा एकातिर विरोध गर्ने र त्यहि संविधानलाई मानेर मन्त्री समेत बनेको बताए । यो मधेशी जनतालाई मुर्ख बनाउनुभन्दा अरु केहि नरहेको बताए । कांग्रेस नेता क्षेत्रीले मधेशी जनताले अब मधेश केन्द्रित दलको असली चरित्र बुझिसकेको बताउदै आगामी चुनावमा सबक सिकाउन जनता तयार रहेको बताए । उनले नेपाली कांग्रेस पार्टी नेपाली जनताको हकहितको पार्टी रहेको बताउदै नेपाली कांग्रेसको आवश्यकता जनताले महसुस गरिरहेको बताए ।

शुभकामना आदानप्रदान कार्यक्रममा जिल्ला सदस्य तथा युवा नेता नविन सिंह, क्षेत्र नं.४ का क्षेत्रीय सभापति लालबाबु पाण्डेय लगायतकाले शुभकामना मन्तव्य राखेका थिए ।

हजारीमल धर्मशाला हत्याउने प्रयास र सहभागिहरुको पर्दाफास

0
hajarimal dharmasal kand_kalikatimes

वीरगंज । वीरगंजको विवादित हजारीमल धर्मशालाको बिषयमा बुधबार राजपा नेपालले पनि पत्रकार सम्मेलन गरेको छ । यस अघि नेपाली कांग्रेसले पनि पत्रकार सम्मेलन गरी ट्रष्टको नाउमा धर्मशालाको जग्गा हत्याउन खोजिएको वताएको थियो ।

राजपा नेपालको वीरगंज महानगर समितिले धर्मशाला अगाडी नै बुधबार पत्रकार सम्मेलन गरी जाली कागजात र जालसाजी प्रकृयाले हजारीमल धर्मशाला हत्याउन निरन्तर भइरहेको दुष्प्रयास र त्यसमा सहभागिहरुको पर्दाफास गरेको हो ।

पत्रकार सम्मेलनमा वोल्दै राजपाका महासचिव राजेशमान सिंहले २०५८/४/७ मा हजारीमलका नाति किशोरी प्रसाद अग्रवालले हजारी मलका जेठा छोरा गोइत रामको मृत्यु २०३४ सालमा र उनका श्रीमती शान्ति देवीको मृत्यु २०३५ सालमा भएको प्रमाण पत्र २०५८ साल मै लिएको कागजातको प्रतिलिपी देखाउदै मृत्यु भइसकेको गोइतले २०४६/८/२६ गते मालपोत कार्यालय वीरगंजमा पुगी जग्गाको राजिनामा रजिशटेशन कसरी पास गर्यो ।

यसका साथै हाजारीमलको खानदानको बिषयमा हामीले अनुसन्धान गर्दै जादा बारा, पर्साको सम्पती हडप्न उनीहरुले एक अर्कामाथी मुद्दा दिने र पछि मिलापत्र गर्ने तथ्य फेला परेको सिंहले वताए । अर्को तथ्य स्थानिय स्वायत शासन ऐन अनुसार महानगर भित्र कुनै पनि भवन निर्माण गर्न महानगरपालिकाको स्विकृती लिने प्रावधान भए पनि त्यो पनि नलिएको वताए ।

भारतिय व्यक्ति कहिले पनि ट्रष्टको अध्यक्ष हुन नसक्ने वताउदै महासचिव सिंहले प्रमाण देखाउदै भने ‘भारतिय नागरिक रामकृष्ण अग्रवाल ट्रष्टको अध्यक्ष कसरी भईहाल्छन’ । कुनै पनि भवन तोडन ट्रष्टले निर्णय गर्नु पर्ने प्रावधान भए पनि कहां त्यसो निर्णय भएको छ । किन प्रशासन मौन छ सिंहले प्रश्न समेत गरे ।

यस्ता जालसादीको बिषयमा जिल्ला प्रशासन कार्यालयमा २०४३ साल देखी नै उनीहरु माथी मुद्दा पर्ने गरे पनि हाल जिल्ला प्रशासनमा एउटा पनि कागजात नरहेको वताए । महासचिव सिंहले हजारीमल धर्मशालाको जग्गा महानगरपालिका मातहत ल्याउनु पर्ने माग समेत गरे ।

महानगरपालिकाका मेयर विजय कुमार सरावगीले हजारीमल धर्मशालाको सम्पती ट्रष्ट भन्दा महानगरपालिका मातहत किन ल्याउन नचाहेको प्रश्न समेत उनले गरे । हजारीमल धर्मशालाको नाम रहेको सबै सम्पती महानगरपालिका मातहत आउनु पर्ने राजपा नेपालको जोडदार मांग गर्दछ उनले भने ।

हजारीमल धर्मशालाको बिषयमा सर्बदलिय बैठक बसी छानविन गर्न जिल्ला प्रशास कार्यालय पर्सामा ज्ञापन पत्र बुझाए पनि नेपाली कांग्रेस लगायतका दल किन पछाडी हट्यो आफुलाई थाह नभएको सिंहको भनाई थियो । सार्वजनिक सम्पती व्यक्तिको नाममा गर्न प्रशासन र स्थानिय निकाय समेत कुनै ना कुनै रुपमा यसमा भएको षडयन्त्रहरुमा सहभागि भएको उनले आरोप समेत लगाए ।

हजारीमल धर्मशालाको बिषयमा छानविन गर्न आयोगमा दर्ता भएको निवेदन अनुसार सरकारी सार्वजनिक र गुठी जग्गा संरक्षण सम्बन्धी जांचबुझ आयोगले हजारीमल धर्माथ ट्रष्ट दर्ता सम्बन्धी कागजात जिल्ला प्रशासन कार्यालय पर्सा संग २०७६/०३/१९ गते नै माग गरे ता पनि हाल सम्म दिएको छैन । पछि मिति २०७६/०५/१७ गते कागजात उपलब्ध गराउन जांचबुझ आयोगले ताकेता समेत गरि सकेको छ ।

प्रियंका भन्छिन् – ‘मैले सलमानलाई धोका दिएको होइनँ´

0

नायक सलमान खानको मुख्य भूमिका रहेको चलचित्र ‘भारत’को लागि सुरुमा नायिका प्रियंका चोपडा पक्का भएकी थिइन् । तर, समय नमिलेपछि प्रियंकाले उक्त चलचित्रमा काम गरिनन् र नायिका कट्रिना कैफले चलचित्रमा काम गरिन् ।

यही कुरालाई लिएर ‘भारत’ रिलिजको समयमा सलमानले प्रियंकाले धोका दिएको बताएका थिए । सुटिङ सुरु हुन केही दिन मात्र बाँकी रहँदा प्रियंकाले चलचित्रमा काम नगर्ने भनेपछि सलमान रिसाएका थिए । प्रियंकाले त्यो बेला आफ्नो बिबाहलाई कारण बनाएकी थिइन् ।

सलमानको आरोपमा प्रियंकाले बल्ल जवाफ फर्काएकी छिन् । हाल आफ्नो नयाँ चलचित्र ‘स्काई इज पिंक’को प्रचारमा रहेकी प्रियंकाले सलमानलाई धोका नदिएको बताइन् । उनले भनिन्–‘मैले सलमानलाई धोका दिएको होइनँ । मैले उनीसँग सल्लाहा गरेर नै चलचित्र छाडेको हुँ ।’

उनले सलमान आफ्नो बिबाह पार्टिमा सहभागी भएको कुरा पनि बताएकी छिन् । उनले थपेकी छिन्–‘सलमान हाम्रो बिबाहको पार्टिमा पनि आएका थिए । उनको बहिनी मेरो मिल्ने साथी भएका कारण पनि म उनको घर पुगिरहेकी हुन्छु । हामीबीच कुनै पनि दुश्मनी छैन ।’सलमान मिहिनेती भएको भन्दै प्रियंकाले उनीसँग काम गर्न आफू सधै नै तयार रहने बताइन् ।

मुस्लिम युवती विवाहका लागि जन्ती लिएर युवाको घर पुगेपछि…

0
biwah_kalikatimes

बङ्गलादेश । बङ्गलादेशमा मुसलमान समुदायको वैवाहिक परम्परालाई चुनौती दिँदै एक किशोरीले आफूले मन पराएको केटासँग विवाह गर्नका लागि ‘जन्ती लिएर बेहुलाको घरमा गएपछि उनीहरू यहाँको सामाजिक सञ्जालमा जताततै छाएका ‘भाइरल’ भएका छन् ।

यसले परम्पराको नाममा हुने महिला अधिकार हननका विषयमा बहस तीव्र बनाइदिएको छ । स्थानीय सञ्चारमाध्यमले जनाएअनुसार खाजिदा अख्तर खुशीले जन्ती लिएर बेहुला तारिकुल इस्लामको घरमा पुगेकी थिइन् । शनिबार सम्पन्न विवाह बङ्गलादेशको पश्चिमी ग्रामीण जिल्ला मेहरपुरमा भएको हो ।

मुसलमान परम्परा अन्य परम्पराका तुलनामा बढी कट्टर मानिने भए पनि एशियाली यस मुलुकमा भएको विवाह उत्सवले सामाजिक सञ्जालमार्फत् विश्वभर चर्चा पाएको छ । खुशीले जन्ती लिएर बेहुला कहाँ गएको घटनाले विश्वभर स्थापित मान्यतालाई उल्ट्याइदिएको छ । ‘हो, परम्परागत रूपमा यो असामान्य हो । तर, अन्य दिदीबहिनीहरूले पनि यसलाई व्यवहारमा ल्याउने साहस गरून् भन्ने ध्येयका साथ मैले नयाँ चलनको शुरूवात गरेँँ’, खुशीले आइतबार बताइन् ।

विवाहका लागि बेहुला रहेका इस्लामका अनुसार उनीहरूको यो प्रयोगलाई परिवार र साथीहरूको साथ थियो । इस्लामले भने, महिला पुरूषबीचको समान अधिकारका लागि लिङ्गगत विभेदलाई अन्त्य गर्ने उद्देश्यका साथ हामीले नयाँ प्रचलनलाई व्यवहारमा ल्यायौँ। यसलाई हाम्रो परिवार र समाजले स्वीकार गर्यो ।

म विश्वस्त छु एक पुरुषले जे गर्नसक्छ त्यो महिलाले पनि गर्न सक्छिन् भन्ने एउटा नयाँ सन्देश हाम्रो विवाहले दिएको छ, उनले थपे। विवाहपछि उनीहरूको फोटो तथा भिडियोहरू अनलाइन तथा सामाजिक सञ्जालमा छाएको छ । यसले सामाजिक सञ्जालमा विवाहको नयाँ अभ्यासबारेमा बहस शुरु भएको छ ।

विवाहका परम्परावादी मूल्यमान्यता दरोसँग गाँजिएको बहुसङ्ख्यक मुसलमान ९१६ करोड ८० लाख जनसङ्ख्या रहेको मुलुक बङ्गलादेशका यो घटना सञ्चारमाध्यमको मुख्य समाचार बनेको छ । बङ्गाली दैनिक प्रोथम आलोको वेबसाइटमा लेखक सद्दाक हसनले विवाहबारे लेखेका छन्, ‘पक्कै पनि यो हाम्रो संस्कार र संस्कृतिमा ठूलो समाचार हो ।’

अन्य लेखक तथा पत्रपत्रिकाले पनि घटनालाई एक फरक अभ्यासका रूपमा उल्लेख गरेका छन् । कतिपय पत्रपत्रिकाले त यसलाई विशेष महत्वका साथ छापेका छन् । केही किशोरहरूले बेहुली खुशीको प्रशंसा गर्दै भनेका छन्, ‘उहाँ साहसी महिला हुनुहुन्छ । म उहाँजस्ता महिलालाई विवाह गर्न चाहन्छु ।’

यसैगरी केहीले भने उक्त घटनालाई व्यापक आलोचना गर्दै यसले नवजोडी तथा उनीहरूको परिवारमा नराम्रो प्रभाव छाड्ने बताएका छन् । ‘त्यो परिवारलाई सजाय दिनुपर्छ,’ मोहम्मद अबुल हस्नतले ‘च्यानल २४’ को वेबसाइटमा लेखेका छन् । रासस/एएफपी

सरकार संग हिमत भए भ्रष्टाचारीलाई कर्वाही गरेर देखाउन नेता केसीको चुनौती

0
neta kesiko patrakar samelan_kalikatimes

वीरगंज । सरकारले सबै संबैधानिक निकायलाई नियन्त्रणमा लिन खोजेको नेपाली कांग्रेसका नेता अर्जुन नरसिंह केसीले वताएका छन । प्रधानमन्त्री केपी शर्मा ओलीले लोक सेवा, अख्तियार र न्यालयलाई हस्तक्षेप गरी नियन्त्रणमा लिन खोजेको आरोप लगाएका हुन ।

प्रेस युनियन पर्साले बुधबार वीरगंजमा आयोजना गरेको पत्रकार सम्मेलनमा वोल्दै नेता केसीले बढदै गएको भ्रष्टचारको संरक्षक प्रधानमन्त्री ओली नै भएको आरोप लगाएका हुन । उनले भने ‘संबैधानीक संस्था लोकतन्त्रका मेरुदण्ड भए पनि त्यसलाई निगरानी गरी प्रधानमन्त्री ओलीले नियन्त्रण गर्न खोजेका छन’ । सरकारले निरन्कुश शैली अपनाएको वताउदै उनले देशमा हत्या, हिंसा, बलात्कार र भ्रष्टाचार मौलाएको वताएका हुन ।

उनले भने ‘सरकारको व्यापक रुपले असन्तुष्टी देखिएको छ, महंगी र मुल्य वृधीको चरम सिमा नाखेको छ’ । तर सरकार झूठो अश्वासन र सपना बाड्न मै व्यस्त देखिएको छ । सम्रग रुपमा भन्दा भ्रष्टाचार, हिंसा र बलात्कारको दलदलमा देश फसेको छ । सरकार संग तागद र हिमत छ भने निष्पक्ष रुपमा भ्रष्टचारीहरुलाई कर्वाही गरेर देखाउन चेतावनी समेत नेता केसीले दिए ।

नेपाली कांग्रेसको दोस्रो चरणको जागरण अभियान अन्तर्गत वीरगंज आएका नेता केसीले कांग््रेस भित्र कै कार्यकर्ताहरुलाई चेतना अभिवृद्धि गर्न जागरण अभियान चलाइएको वताए । उनले महंगी, आरजकता विरुद्ध लाग्न समेत जागरण अभियान चलाइएको वताए । नेपाली कांग्रेसका केन्द्रिय सदस्य र पूर्व मन्त्री समेत रहेका नेता केसीले लोकतन्त्र र निरन्कुशताको लडाईमा लाग्न सबैलाई आग्रह समेत गरे ।

राजतन्त्र र हिन्दुराष्ट्र सम्बन्धी पत्रकारहरुको जिज्ञासा मेटाउदै नेता केसीले संघिय लोकतान्त्रिक गणतन्त्र कांग्रेसको प्रतिबद्धताबाट आएकोले यसलाई प्रभाव पार्ने कुनै काम कांग्रेस नगर्ने वताए ।

प्रेस युनियन पर्साका उपाध्यक्ष विजय चौहानको सभापतित्वमा भएको पत्रकार सम्मेलनमा नेपाली कांग्रेसका केन्द्रय सदस्य अजय चौरसिया, पूर्वमन्त्री सुरेन्द्र चौधरी, वीरगंज महानगरपालिकाकी उप प्रमुख शान्ति कार्की, जिल्ला समिति पर्साका सचिव किशोरी साह, श्याम पटेल, महाधिबेशन प्रतिनिधि राजनाथ ठाकुर, असर्फी साह लगायतकाको सहभागिता रहेको थियो भने कार्यक्रमको संचालन मुकेश यादवले गरेका थिए ।

वीरगंजलाई राजधानी बनाउन लड्नु पर्छ : प्रदेश सांसद राजेश्वर साह (भिडियो सहित)

0

वीरगंज । वीरगंजलाई प्रदेशको राजधानी बनाउ शिर्ष नेताको अभाव महसुस भएको प्रदेश सांसद राजेश्वर साहले वताएका छन । शिर्ष नेता भए पनि पइसा कमाउन मै व्यस्त भएको आरोप सांसद साहले लगाएका हुन ।

वीरगंजको घण्टाघरमा मंगलबार आयोजित नेपाली कांग्रेसको जागरण अभियानमा वौल्दै प्रदेश सांसद साहले पर्सा कै मुख्यमन्त्री पनि शिर्ष नेता नै भए पनि पइसा कमाउन मै व्यस्त देखिएको आरोप लगाएका हुन । नेपाली कांग्रेसका नेता समेत रहेका साहले मुख्यमन्त्री लालबाबु राउतले वीरगंजलाई राजधानी बनाउन एक पटक पनि नबोलेको वताएका हुन ।

वीरगंजलाई राजधानी बनाउन हामीले लडनु पर्ने वताउदै साहले वीरगंज राजधानी नभए हाम्रो सन्तत्तीले दोस्ने समेत वताएका हुन । बाराका भौतिक पूर्वधार मन्त्री जितेन्द्र सोनल पनि पइसा कमाउन मै व्यस्त रहेको आरोप समेत साहले लगाएका हुन ।

वीरगंजलाई राजधानी बनाउन घोषणा गर्नेहरुले पनि अहिले बनाउल बेलामा पछाडी हटेको समेत साहले वताएका छन । मधेशी दलहरु अहिले वीरगंजलाई राजधानी बनाउन बोल्न समेत छोडेको उनले जानकारी गराएका हुन । प्रदेश नं. ३ को राजधानी हटौडा र १ नं. को राजधानी बिराटनगर हुन सक्छ भने प्रदेश नं. २ को वीरगंज किन हुन नसक्ने साहले प्रशन समेत गरेका हुन ।

मधेश आन्दोलनका घाईते तथा शहीद परिवार मधेशी नेताहरुबाट नै अपमानित

0
madeshi sahid_kalikatimes

वीरगन्ज । मधेश आन्दोलनका घाईते तथा शहीद परिवारलाई मधेशवादी दलकै शिर्ष नेताहरुले सहयोगको गर्नुको साट्टो अपमानित गरेको खुलासा गर्दै मधेशी दल र प्रदेश २ को सरकार विरुद्ध सडक आन्दोलनमा उत्रिने चेतावनी दिएका छन ।

बारा, पर्सा, रौतहट र सर्लाही गरी चार जिल्लाका मधेश आन्दोलनमा भएका घाईते तथा शहीद परिवारका सदस्यहरु सोमबार वीरगन्जमा पत्रकार सम्मेलनको आयोजना गरी मधेस आन्दोलनको मुद्धा सम्बोधन नभएको र आफुहरु पनि बिचल्लीमा परेको भन्दै मधेसी दल र प्रदेश सरकार विरुद्ध आन्दोलनको चेतावनी दिएका हुन् ।

०६२/०६३ देखिको २०७२ सालमा भएको मधेश आन्दोलनका घाईते तथा शहीद परिवारलाई मधेशवादी दलका शिर्षनेताहरुले अहिले सम्म कुनै प्रकारको सहयोग नगरेको र उल्टै जागिरको नाममा शहीद परिवारलाई नै अपमानित गर्ने गरेको खुलासा गरेका हुन । २०७२ सालको मधेश आन्दोलनमा शहीद भएका वीरगन्ज २२ भवानीपुरका दिलिप चौरसियाका दाई पृथ्वीनारायण चौरसियाले आन्दोलन ताका गरिएको वाचा मधेशवादी नेताहरुले पुरा नगरेको गुनासो गरे ।

उनले भने, आन्दोलनमा शहीद हुने परिवारलाई ५० लाख क्षतिपुर्ती, घाईतेको आजिवन उपचार खर्च, घरका एकजना सदस्यलाई सरकारी जागिर लगायतको सुविधा दिने वाचा गरिएपनि हाल सम्म कुनैप्रकारको सुविधा पाएको छैन । स्थानिय निकायको चुनावमा समेत मधेसी नेताहरुले शहीद तथा घाईते परिवारको घर घरमा पुगेर उचित सम्मान गरिने प्रतिबद्धता जनाएर भोट बटुलेका नेताहरु अहिले मुख समेत देखाउँन आएका छैनन् ।

केहिलाई करारमा पियन स्तरमा जागिर दिएपनि शहीदलाई अपमानित गर्ने काम भएको छ । उनीहरु संग कार्यालयमा झाडुपोछा, जुठो भाडाकुडा मजाउँने, पानी मगाउँने लगायका तल्लो स्तरको काम गराएर अपमानित गरेको उनले बताए । शहिदका परिवारलाइ १० लाख र घाइतेहरुलाइ ३ लाख रुपैया दिएर टारिएको तर भाषणका बेला दिने भनिएको ५० लाखको कुरा नेताहरुले अहिले सुन्नै नचाहेको उनले बताए ।

प्रदेश सरकारले गाँउकै स्वास्थ्य चौकीमा सिएमए पदमा करारमा नियक्त गरिएको भनेर दिएको पत्र नै गलत रहेको भन्दै सच्याएर ल्याउन महानगरपालिकाले जवाफ दिएपछि मुख्यमन्त्री कार्यालयमा एक महिना देखि धाउदा पनि कुनै सुनुवाइ नभएको उनले बताए । तर अहिले सम्म हाजिर त्यका प्रमुखले हाजिर हुन दिएको छैन ।

उनले भने, नियुक्ती पत्र लिएर कार्यालयमा जाँदा त्यहाँका प्रमुखले तपाईको पत्र नै गलत छ भनेर फर्काए । वीरगन्ज महानगरपालिकाको गुनासो लिएर मुख्यमन्त्री मोहमद लालबाबु राउत गद्दी संग चार चार पटक भेट्न जाँदा समेत आफूलाई चिन्न मानेन् । अर्का मधेश आन्दोलन २०७२ का घाईते बाराको कलैया नगरपालिका १२ शितलपुर निवासी जितेन्द्र प्रसाद यादवले संघीय समाजवादी पार्टीका अध्यक्ष उपेन्द्र यादव स्वास्थ्य मन्त्री रहँदा पनि मधेश आन्दोलनको घाईतेहरुको अहिले सघन उपचार गराउँन नसकेको गुनासो गरे ।

उनले प्रदेशमा मधेशवादी दलहरुको नै सरकार छ, केन्द्र सरकारमा पनि मधेशवादी नेताहरु सहभागि छन तर घाईते तथा शहीद परिवारलाई उचित व्यवस्थापन गर्न नसकेका बताए । घाईते यादवले सरकारमा सहभागि नहुदाँ आफूहरु सरकारमा सहभागिता हुन सकेको छैन, कसरी समस्या समाधान गर्ने भनि आलटाल गर्दै आएका नेताहरु अहिले प्रदेश र संघीय सरकारमा सहभागिता रहेपनि घाईते तथा शहीद परिवारको उचित व्यवस्थापन गर्न सकेनन् ।

मधेशीले दिएको बलिदानीकै कारण आज नेताहरु सत्तामा छन, चुनावमा शहीद वा घाईतेका परिवारलाई समानुपातिक सिट दिनुपर्नेमा आफनै भाई, बुहारी, श्रीमती, आफन्त वा अरु संग पैसा लिएर सिट विक्री गरे तर एकजना पनि घाईते वा शहीद परिवारका सदस्यलाई समानुपातिकको सिट दिएर सम्मान गरेन् । अहिले सरकारमा बसेर मौज गरीरहेका छन र हामी घाईतेहरु अन्योलमा छौ, उनले भने, प्रदेश सरकारले एउटा उपलब्ध गराएको भैसीलाई पालेर जिवन चल्दैन, भैसी पाल्न समेत २ जना घरका सदस्यहरु दिनरात लागि परेका छन त्यसमा पनि २ सय खर्च गरेपछि ३ सयको दुध दिन्छ के यसले आफनो जिवन धाउँन सक्छ । उनको प्रश्न थियो ।

हाम्रो आन्दोलन नेताहरुलाई मन्त्री, मुख्यमन्त्री बनाउँनको लागि भएको होईन, रौतहट गौर नगरपालिकाका ४ का अर्का घाईते लालबाबु पटेलले भने, स्वायत मधेश एक प्रदेश, समावेशिता र आफनो पहिचानको लडाईको लागि आन्दोलन भएको थियो । तर नेताहरुले आन्दोलनको मर्म नै नबुझी आफनो सत्ता र भत्ताको लोभमा स्वायत मधेश प्रदेशको मुद्दा छाडे्र २२ जिल्लाबाट ८ जिल्लामा सिमित गरेका छन ।

वरिष्ठ नेताहरु आन्दोलनमा लामो भाषण गरेर मधेशीलाई उक्साएर आन्दोनललाई सफल बनाउँन लगाए आज आएर ती आन्दोलनका घाईते र शहीद परिवारलाई विचल्लीमा पारेका छन उनले भने, कोहि नेता अहिले सम्म मुख समेत हेराउँन आएका छैन । सत्तामा पुगेपछि मधेस आन्दोलनका मुद्धा बिर्सिएका मधेसी दलका नेताहरुले शहिदका परिवार र घाइतेलाइ पनि वेवास्ता गरेको भन्दै पर्साको कालीकामाइ गाँउपालिका १ का राजेश्वर साह कानुले गोली लागेर खुटटा काट्नु परेपछि कृत्रिम खुटटा लगाएको र यसको सोल फेर्न हरेक वर्ष २० हजार खर्च आफैले गर्दै आएको बताए ।

उनीहरुले आफनो माँगलाई १५ दिनको अल्टिमेटम दिएर मुख्यमन्त्रीलाई ज्ञापन पत्र बुझाउँने त्यसदिन भित्र कुनै सुनवाई नगरे प्रदेश सरकार विरुद्ध सडकमा उत्रिने चेतावनी समेत दिए । घाईते तथा शहीद परिवारका तर्फबाट अगुवाई गरेका सर्लाहीका ठागाराय यादवले घाईते तथा शहीद परिवारका उचित माँग मधेशवादी नेताहरुले यथाशिघ्र सम्बोधन नगरे कडा आन्दोलनमा उत्रिने चेतावनी दिए ।

देश बच्चाउन कम्युनिष्टहरुको हातबाट शासन सत्ता खोस्न जरुरी : नेता केसी

0
arjun narsing kesi_kalikatimes

वीरगंज । देशमा भष्ट्राचार, बलातत्कार, हिंसा र महंगीको सिमा नाघेको नेपाली कांग्रेसका नेता अर्जुन नरसिंह केसीले वताएका छन । नेपाली कांग्रेसको राष्ट्रिय जागरण अभियान अन्तर्गत वीरगंजको घण्टाघर नजिकको विपी उत्थान पार्कमा मंगलबार आयोजित कार्यक्रलाई सम्बोधन गर्दै नेता केशीले यसमा नेकपा नेतृत्वको सरकार र त्यसको गिरोह सहभागि रहेको वताए ।

नेपाली कांग्रसका केन्द्रीय सदस्य एवं पूर्व मन्त्री समेत रहेका नेता केशीले भष्ट्रचार नै भष्ट्रचारको हाम्रो देश हुदै गएकोले यसबाट बचाउन जरुरी रहेको वताए । कम्युनिष्टहरुबाट देश बच्चाइएन भने लोकतन्त्र बचाउन नसकिने वताउदै उनले मिडिया काउन्सिल र आम संचार विधेयक ल्याएर सरकार आफ्नो नियन्त्रणमा राख्न खोजेको वताए ।

उनले भने ‘सेना परिचालन गर्ने विधिलाई उल्टाएर मन्त्रीपरिषदको निर्णय अनुसार परिचालन गर्न सकिने विधि ल्याएर नेकपा निरन्कुश ल्याउन खोजेको छ’ । उने यी सबै समस्याबाट जोगाउन नेपाली कांग्रेस बिचको एकता जरुरी रहेको धारणा राखे । एकतर्फ कम्युनिष्टहरुको एकदलिय संवाद र अक्रो तर्फ मधेशी भवनालाई भड्काउन खोजिएको समेत वताए ।

मधेशीको नाममा उब्जेको पार्टीहरु मात्र सत्ताको ब्रागेनिङ्गको लागि रहेको प्रमाणित भइसकेको उनले दावी गरे । जनताको आक्रोशलाई कांग्रेसले लिएर भष्ट्राचार र महंगीको विरोधमा अभियान चलाउनु पर्ने वताए । उनले भने ‘देशलाई बच्चाउन कम्युनिष्टहरुको हातबाट शासन सत्ता खोस्न तर्फ हामीले लाग्नु पर्छ’ ।

दोस्रो चरणको जागरण अभियानलाई सम्बोधन गर्दै उनले नयाँ यात्रामा कांगे्रसलाई प्रबेश गर्नु पर्ने भएकोले जागरण अभियान संचालन गरिएको वताए । उनले भने ‘नेपाली कांग्रस प्रतिको भ्रम चिर्न र कमजोरीहरु पत्ता लगाउन समेत जागरण अभियान संचालन गरिएको हो’। जागरणको सब भन्दा ठूलो आवश्यकता जंहा जे गल्ती भयो, त्यही त्यसलाई छोडेर त्यसलाई सुर्धान संकलप गर्नु पर्ने रहेको उनको भनाई थियो ।

एक अर्काको अस्तित्वलाई स्विकार्दै हामी एक ढिका भए कांग्रेसको कमजोर नरहेको धराणा राखे । हाल सम्मको ठूलो क्रान्ति र परिवर्तन नेपाली कांगेसले गर्दा आएकोले हामीले नसुधरे हाम्रो अस्तित्व नजोगिने वताए । नेपाली कांग्रेसका केन्द्रिय सदस्य एवं पूर्व मन्त्री सुरेन्द्र चौधरीले हाल कम्युनिष्टहरु कमाउनिष्ट भएको आरोप लगाए ।

कम्युनिष्टहरु बामपंथी नभई दामपन्थी भएको समेत आरोप लगाए । नेता चौधरीले नेकपाका अध्यक्ष प्रचण्डले अरबौको सम्पती आर्जन गरेको आरोप लगाए । उपेन्द्र यादवको एउटा दोकान बन्द भए पछि अक्रो दोकान खोलेको वताए । गुन्डा, डांका, भ्रष्टाचारीले देश चलाए देशको जनता असुरक्षित हुने वताए ।

जुन देशको गृहमन्त्रीको भाई नै गुन्डागर्दीमा संलग्न भएको आरोप पक्राउ पर्छन त्यो देशको जनता कति सुरक्षित छ सोच्नु पर्ने समय भएको उनको भनाई । फोरमको नामबाट खुलेको पार्टी समावजवादी भएको र मधेशको नाममा खुलेको पार्टी मधेशीको नाममा निसान मेटाई त्यो दोकान नचल्ने भए पछि अक्रो दोकान खोलेको वताए ।

नेपाली कांग्रेस पर्साका सभापति अजय द्विवेदीको सभापतित्वमा भएको कार्यक्रममा नेपाली कांग्रेसका नेता एवं पूर्व सांसद राजेन्द्र बहादुर अमात्य, नेता जनार्धन सिंह क्षेत्री, बिरेन्द्र नेपाली, प्रदेश सांसद राजेश्वर साह, पूर्व सांसद रामेश्वर रौनियार लगायतकाले मन्तव्य राखेका थिए ।