Date
सोम, मंसिर ७, २०८३
Mon, November 23, 2026
Home Blog Page 1091

डेलिगेशन गएका नेताहरुको विरुद्ध युवाहरुको बैठक, बिरोध गर्ने

0

बीरगंज । वीरगंजको मेन २५/२५ मिटर फराकिलो नबाउने डेलिगेशन गएका नेताहरुको बिरुद्ध शुक्रबार युवाहरु बैठक बसेका छन । त्रिभुवन राजमार्ग अन्र्तगत मकवानपुरदेखी वीरगंजको शंकराचार्य गेट सम्मको सडक फराकिलो नबाउने तर्फ लागेका नेताहरुको बिरुद्ध भेला भएका वीरगंजका युवाहरु युवा संघर्ष समिति गठन गर्ने समेत निर्णय गरेका छन ।

युवाहरुको जमातले बीरगंजको बिकासका निम्ति विकास विरोधीहरुको बिरोध गर्न युवा बिकास संघर्ष समिति गठन गर्ने निर्णय गरेको वीरगंज मुर्लीका युवा अकलेश साहले वताए । नेकपा, कांग्रेस र राजपा पर्साका केही नेताहरुको टोलि केही दिन पहिला भौतिक पुर्वाधार तथा यातायात मन्त्रि रघुविर महासेठ कहां सडक फराकिलो नगर्न डेलिगेसन गए पछि बीरगंजका युवाहरु आक्रोशित भएका छन ।

बैठकले सबै युवाहरुलाई समेटेर सक्रिय रुपमा बिकासतर्फ अग्रसर बनाउने, बिकास बिरोधीहरुको बिरोध तथा भण्डाफोर गर्ने, बीरगंजलाई प्रदेश राजधानी बनाउन संघर्ष गर्ने र नारायणी रंगशालालाई प्रदेश स्तरीय रंगशाला बनाउन संघर्ष गर्ने लगायतका निर्णयहरु समेत गरेको छ ।

युवाहरुले वीरगंजको सडक फराकिलो नगर्न तर्फ लागेकाहरुको बिरुद्ध बिरोध प्रदर्शन गर्ने समेत तयारी गरेका छन ।

बैठकमा महम्मद निजामुदिन, अकलेश साह, महमुद अन्सारी, बिकेश पटेल, लालबाबु यादब, सन्दिप साह, शंभु साह, रामबाबु मण्डल, बाबुनन्द पटेल, रोशन सर्राफ लगायतको सहभागिता रहेको थियो ।

पर्यटन प्रबर्धन सम्बन्धी वीरगंजमा अन्तरक्रिया

0
prayatan prabardan_kalikatimes

वीरगंज । अतिथी देवभावको भावन व्यवाहारमा लागु गर्नु पर्ने वीरगंज महानगरपालिकाका मेयर विजय कुमार सरावगीले वताएका छन । होटल मकालु वीरगंजमा शुक्रबार भएको पर्यटन प्रर्वधन सम्बन्धी अन्तरक्रिया कार्यक्रमलाई सम्बोधन गर्दै मेयर सरावगीले पर्यटन प्रर्वधनको लागि अतिथी देवभवको भावनालाई व्यहारमा लागु गर्नु पर्नेमा जोड दिए ।

पर्यटकलाई चेकजांचको बहानामा दुःख दिने काम भएका कारण पनि वीरगंजको पर्यटनमा अवसर परेको उनले वताए । भारतको सिमामा रहेको वीरगंजमा आउने पर्यटकको गाडी चेकजांच गर्ने बहानामा टर्चर दिने काम सम्बन्धीत निकायबाट सच्चयाउनु पर्ने मेयर सरावगीले धारणा राखे ।

नेपालमा अतिथीलाई देवता मान्ने गरिएको ठाउँमा थर्काएर व्यहार गरे हाम्रो प्रतिष्ठामा पनि आंच आउने उनको भनाई थियो । कार्यक्रमका प्रमुख अतिथी समेत रहेका मेयर सरावगीले वीरगंज सम्भावना बोकेको ठाउँ भएकोले आर्थिक नगरी भए जस्तो पर्यटक नगरी पनि होस भने आफुले चाहेको वताए ।

visit madesh_kalikatimes

कार्यक्रममा भिजिट मधेशका संयोजक ओमप्रकाश सर्राफ पर्यटन प्रबर्धन सम्बन्धी अवधारणा पत्र प्रस्तुत गर्दै विकास र समृद्धिमा पर्यटन क्षेत्रको ठुलो योगदान हुने वताए । उनले विश्वको परिवेशमा पर्यटन क्षेत्रको दायरा र महत्व दिनप्रतिदिन फराकिलो हुँदै गएकोले हाम्रो मुलुकको पनि बढाउनु पर्ने वताए ।

पर्यटन प्रर्बधनले सामाजिक चेतना बिकास, सरसफाई–पर्यावरण स्वच्छतामा सकारात्मक प्रभाव तथा स्थानिय पहिचान, कला, सांस्कृतिको जर्गेना र संरक्षण हुने समेत वताए । पर्यटन प्रबर्धनले स्थानिय उत्पादन, हस्तकलाले बजार पाउने सम्भावना बढेर जाने समेत संयोजक सर्राफको भनाई थियो ।

वीरगंज महानगरपालिकाको आयोजनामा र भिजिट मधेशको संयोजनमा भएको कार्यक्रममा वीरगंज महानगरपालिकाकी उप मेयर शान्ति कार्की, नेकपाका वीरगंज महानगर अध्यक्ष रहबर अन्सारी, नेपाली कांग्रेसका पर्सा सचिव श्याम पटेल, सहायक प्रमुख जिल्ला अधिकारी ललित कुमार बस्नेत, वीरगंज महानगरपालिकाका प्रमुख प्रशासकिय अधिकृत भानुभक्त बराल, नेपाल पत्रकार महासंघ प्रदेश नं. २ का उपाध्यक्ष केशी लामिक्षाने, पर्सा अध्यक्ष श्याम बन्जारा, वीरगंज युवा समाजका अध्यक्ष कमल चौगाई लगायतकाले मन्तव्य राखेका थिए ।

विश्व पर्यटन दिवसको अवसरमा भएको कार्यक्रमको संचालन हेमन्त तमांगले गरेका थिए ।

दलित समुदायको उत्थानमा आफ्नैभित्रको अवसरवाद बाधक

0
brijlal_paswan_kalikatimes

                                                                                                                                                                    – बृजलाल पासवान

जातीय उत्पीडनको सिकार भई समग्ररूपले पिछाडि परेका दलित समुदायको उत्थानमा आफ्नैभित्रको अवसरवाद प्रमुख चुनौती बन्दै गएको छ। दलित समुदायको समृद्धि र विकासका लागि राज्यले प्रदान गरेको विभिन्न अवसर निश्चित टाठाबाठा दलितमा समित रहन गई सम्रग दलित विभिन्न क्षेत्र र तहमा अपेक्षित फड्को मार्न सकेका छैन्।

हुन त राज्यले पनि फराकिलो मानसिकताका साथ दलित समुदायको चौतर्फी विकासका लागि नीति निमार्णका तहदेखि अन्य क्षेत्र र तहमा समावेशिताको सिद्धान्तको तहत ठोस योजना ल्याई आवश्यक पहलकदमी नगर्नु पनि यसको एउटा महत्वपूर्ण कारण हो। त्यसका बाबजुद पनि दलित समुदायका लागि राजयले प्रदान गरेको सीमित अवसरमा पनि सीमित दलितको वर्चस्वका कारण दलित समुदायले अपेक्षित उपलब्धि हासिल गर्न नसकी अत्यधिक दलितको अवस्था अझै पनि दयनीय र दर्दनाक छ।

अत्यन्तै दयनीय र दर्दनाक अवस्थाबाट मुक्ति पाउन छटपटाइरहेको यो समुदायको मुक्तिका नाममा पहिले अन्यले पनि लाभ नउठाएका हैनन्, उठाएकै हुन् तर उक्त अवस्थामा परिर्वतन आए पनि अब आफ्नैभित्रको अवसरवादले बिस्तारै प्रश्रय पाउँदै जाँदा आफ्नैभित्रका सुकिलामुकिलाहरूविरुद्ध संघर्ष गर्नुपर्ने परिस्थिति निर्माण भइसकेको छ। हुन त अवसरवादको दुष्चक्रवाट वर्गीय र जातीयरूपले माथिल्लो तहमा रहेकाहरू पनि अछूतो छैनन् भने सामाजिक न्यायसहितको समानताका लागि भर्खरमात्रै तम्सिएको समुदायभित्र अवसरवाद नौलो होइन। तर यसरी नै छूट दिने हो भने यो समुदायको समृद्धिको आन्दोलनमा प्रमुख चुनौती भएर जानेछ जसको समयमै निराकरण जरुरी छ।

हाम्रो मुलुकमा भएका विभिन्न परिर्वतनमा शक्तिशाली छिमेकी मुलुकको प्रभावले पनि महŒवपूर्ण भूमिका खेलेको यथार्थ नकार्न सकिँदैन। ठीक त्यस्तै छिमेकी मुलुक भारतको राजनीतिक पद्धतिले हामो मुलुकको राजनीतिमा प्रभाव पार्न सक्ने भएको हँुदा यो परिवेश उल्लेख गर्नु अनुचित हुने छैन। व्रिटिस सरकारको उपनिवेशवाट भारत सन् १९४७ मा स्वतन्त्र भएको हो र भारत स्वतन्त्र भएपछि सन् १९५० मा लागु भएको संविधानमा १० वर्षमात्र अनुसूचित समुदायका लागि आरक्षण रहने व्यवस्था गरिएको हो तर आरक्षणसम्वन्धी व्यवस्था भारतमा हालसम्म यथावत छ। अर्थात प्रत्येक १० वर्षमा आरक्षणसम्बन्धी व्यवस्थालाई नवीकरण गरिन्छ। भन्नुको तात्पर्य के हो भने सन् १९५० मा लागु भएको आरक्षणबाट अहिले ७० वर्षसम्म आइपुग्दा २ प्रतिशत दलितले मात्रै लाभ लिन पाएका भारतको विभिन्न सर्बेको तथ्यांकले देखाइहेको छ। जसको प्रमुख कारण नै आफ्नैभित्रको अवसरवाद हो।

भारतका दुई राज्य उत्तर प्रदेश र बिहारमा आरक्षणको उपलव्धि विचित्र छ। सिङ्गो भारतको दलितको ठूलो अनुहार बिहारका रामविलाश पासवान (जो दलितको नाममा निरन्तर केन्द्रीय सरकारमा मन्त्री रहँदै आएका छन्) ले नेतृत्व गरेको लोक जनशक्ति पार्टीमा बहुसंख्यक कार्यकर्ताले योगदान गरेका छन्। तर उनले आफूपछिको उत्तराधिकारीका रूपमा छोरा चिराग पासवानलाई अघि सारिसकेका छन्। त्यसैगरी आफ्नो पार्टीको संसदीय बोर्डका अध्यक्षसमेत बनाइसकेका छन्। सन् २०१९ मा सम्पन्न लोकसभा निर्वाचनमा उनको पार्टीले जितेको ६ लोकसभा सासदमध्ये एकजनाबाहेक सम्पूर्ण उनकै परिवार र नातागोताका छन्।

त्यसरी नै भारतको अर्को ठूलो दलित अनुहार मायावती उत्तर प्रदेशको तीनपटक मुख्य मन्त्री भइन्। जो हालसालै सन् २०१९ कै लोकसभा निर्वाचनअगाडि आफ्नो पार्टी बहुजन समाजवादी पार्टी पुनर्गठन गरी आफ्नो उत्तराधिकारीका रूपमा पार्टीको राष्ट्रिय उपाध्यक्षमा आफ्नै भाइ आनन्द कुमारलाई नियुक्त गरेकी छिन्। अनि भतिजा आकाश आनन्दलाई नेसनल कोअर्डिनेटर बनाएकी छिन्। तसर्थ दलितको नाममा प्राप्त हुने तमाम राजनीतिक अवसर आफ्नै परिवारभित्र सीमित राख्ने ती दलित अगुवा नेताहरूको अवसरवादी प्रवृत्तिका कारण अन्य थुप्रै योग्य र अवसरका लागि भौतारिइरहेका दलितहरूले अवसर पाइरहेका छैनन्। दलित मुक्ति आन्दोलनमा भूमिका निर्वाह गर्न पाइरहेका छैनन्। परिणामस्वरूप विभिन्न भारतीय सर्वेक्षणअनुसार यसरी नै दलितका लागि आरक्षणमार्फत प्राप्त राजनीतिक अवसरहरू निश्चित दलित अगुवाहरूको परिवारकै नियन्त्रणमा रहने हो भने आगामी ५०० वर्षमा पनि समग्र भारतीय दलितहरू आरक्षणवाट प्राप्त राजनीतिक अवसरहरूबाट वञ्चित नै रहने प्रायः निश्चित छ।

यसरी हाम्रो मुलुकको तराईको भूभागसँग जोडिएको भारतको यी राज्यमा परिवारवाद हावी रहेकै कारण भारतको पिछडिएका राज्यहरूको गन्तीमा बिहार र उत्तर प्रदेश छन्। आफ्नो परिवारमै सम्पूर्ण अवसर कव्जा गरेर राख्नु नै अवसरवाद हो अर्थात परिवारवाद र अवसरवाद एक अर्काको पर्यायवाची छन्। भारतका यी दुई राज्यको प्रसङ्ग किन उल्लेख गरिएको हो भने हाम्रो मुलुकमा पनि यो प्रवृत्तिले ठाउँ पाउँदै गएको छ। जसले मुक्तिकामी आन्दोलनलाई कमोजर बनाउनुका साथै कथित उपल्लो जातिका भनाउँदालाई शोषण गर्न बल पु¥याउँछ। समावेशिताको सिद्घान्त पछ्याउँदै बनेको नेपालको संविधान २०७२ को जगमा उभिएर भरखरमात्रै आफ्नो समृद्धिको मार्ग पहिल्याइरहेको दलित समुदायभित्रैको अवसरवादले यसरी चुनौती दिइरहेको छ।

अवसरवादी दलित अगुवाहरू
लोकतन्त्रमा जनता सार्वभौम सम्पन्न हुन्छन्। सर्वभौम सम्पन्न जनताको मूल तागत नै मतदान हो। मतदानको माध्यमबाट आफ्नो सार्वभौम अधिकार प्रयोग गरी विभिन्न तहका सारकार निर्वाचित गरिन्छ। तर त्यही सार्वभौम अधिकारलाई विगत लामो समयदेखि बेच्दै आएको दलित समुदायमाथि आक्षेप लाग्दै आएको छ जुन अझै पनि सान्दर्भिक छ। राजनीतिकरूपले विभिन्न परिर्वतनमा भूमिका खेल्न सक्ने ठाउँमा आफ्नो मतदान प्रयोग गरी आफ्ना समृद्धिका लागि योगदान गर्ने बखत आफ्नैभित्रका ठेकेदारले सामान्य प्रलोभनमा सबैलाई दिग्भ्रमित गरी आफ्नो अभिमत बेच्नु नै अवसरवाद हो। जसले यस समुदायको राजनीतिक समृद्धिमा व्यापक नकारात्मक प्रभाव पार्दै आएको छ। यसको कुप्रभावबाट उभो लाग्न असाध्यै सकस भइरहेको छ। परिणामस्वरूप विभिन्न निर्वाचनमा प्रायः उमेदवारको दृष्टि दलित मतदातामाथि केन्द्रित रहने गरेको छ। प्रायः उमेदवार यस समुदायका मतदातालाई सहजै प्रभावमा पार्न सक्ने मनस्थितिबाट समेत ग्रसित छन्। त्यसकारण कतिपय ठाउँमा यस समुदायको मतदाता संख्या परिमाणमुखी भएर पनि निर्वाचनबाट महŒवपूर्ण भूमिकामा आउन सकिरहेका छैनन्।

त्यसैले यस समुदायको समृद्धिको आन्दोलनलाई लक्ष्यविहीन हुन नदिन बहुसंख्यक दलित अगुवाले भारतका गान्धी जस्तो उदारता देखाएमात्र मुख्य लक्ष्यसम्म पुग्न सहज हुन्छ। साथै भारतकै डा. भीमराव अम्बेडकरले जसरी आफ्नो विद्वताका भरमा सिङ्गो भारतका अनुसूचित समुदायलाई मुक्ति दिलाउन आरक्षणरूपी संवैधानिक अधिकार दिलाए, उनको पथको अनुशरण आवश्यक छ। त्यसरी नै दास प्रथाविरुद्ध सशक्तरूपले संघर्ष गर्दै दास प्रथा अन्त्य गरी अमेरिकाको १६ औँ राष्ट्रपति भएका अब्राहम लिंकन र रंगभेदी, असमानताका विरुद्ध संंघर्ष गरी रंगभेदी असमानता समाप्त पार्दै साउथ अफ्रिकाका राष्ट्रपति भएका नेल्सन मन्डेलाको इतिहासबाट समेत सिको गर्न सके दलित अगुवाका लागि त्यो पाठ कोशेढुङ्गा सावित हुन सक्छ।

पर्यटन दिवसको अवसरमा मन्दिर सरसफाई

0
sarsafai_kalikatimes

वीरगंज । नेपाल युवा परिषद् पर्साले शुक्रवार वीरगंजको माईस्थान स्थित गहवामाई मन्दिर परिसरमा सरसफाई गरेको छ । विश्व पर्यटन दिवसको अवसरमा नेपाल युवा परिषद्को केन्द्रिय कार्यक्रम अनुसार नेपालका अन्य जिल्ला जस्तै पर्सा जिल्लामा पनि सरसफाई गरिएको हो ।

सरसफाई कार्यक्रममा वक्ताहरुले सरसफाईको लागि महानगर तथा अन्य सरसफाई अभियन्ताको आसामा नबसी सबैले आ–आफ्नो घरबाटै सरसफाईको शुभारम्भ गर्नु पर्नेमा जोड दिएका थिए । हप्तामा कम्तिमा एक पटक (शनिवार)को दिन आफ्नो घर, टोल, समाजमा सरसफाई गरे विभिन्न रोगहरुबाट बच्न सकिने बताएका थिए ।

पर्सा लगायत नेपाल खुल्ला दिसामुक्त क्षेत्रमा सक्रियताका साथ लागेकोले चाडै नै नेपाल खुल्ला दिसामुक्त घोषणा हुन लागेको बताउदै सरसफाईमा पनि सबैले सक्रियताका साथ लागेमा फोहर स्वच्छ, सफा जिल्ला बनाउन समय नलाग्ने बताएका थिए । नेपाल युवा परिषद् पर्साका अध्यक्ष श्रवण प्रसाद साहको अध्यक्षता भएको कार्यक्रममा सामाजिक अभियनता प्रकाश थारु, सरसफाई अभियनता बिरेन्द्र कुमार साह, आरती घिमिरे, सत्यम पब्लिक कलेजका डाईरेक्टर अजय यादव लगायतकाले सरसफाईका बारेमा आ–आफ्ना बिचार राखेका थिए ।

कार्यक्रममा नेपाल कम्युनिष्ट पार्टी (नेकपा) वीरगंज महानगरका अध्यक्ष एवं युवा नेता रहबर अंसारी, होटल व्यवसायी संघ प्रदेश नं. २ का सचिव एवं होटल व्यवसायी संघ पर्साका महासचिव तबरेज आलम, भिजिट मधेसका ओमप्रकाश सर्राफ, नेपाल पोष्ट डेलीका प्रकाशक मनोज पटेल, युवालयका जया साह, नेपाल युवा परिषद्का सचिव अजय कुमार चौरसिया, त्यसैगरी नेपाल युवा परिषद्का एस.एम. जहाँगस्त, दिपु वर्णवाल, दिपेन्द्र गिरी, सत्यम पब्लिक कलेजका विद्यार्थीहरु, स्थानियबासी लगायतको समुहले माईस्थान मन्दिर परिसर, माईस्थान पार्क लगायतका स्थानमा सरसफाई गरेका थिए ।

कार्यक्रममा युवालय, डिभिजन बन कार्यालय पर्सा, सत्यम पब्लिक कलेज, वीरगंज जेसिज, होटल व्यवसायी संघ पर्सा, होटल अमान पैलेस, मिडिया पार्टनहरुमा भोजपुरी टाइम्स दैनिक, नेपाल पोष्ट डेली, रेडियो तराई, जी नेपाल टिभी लगायतका विभिन्न संघ संस्थाहरुले सहयोग पु¥याएका थिए ।

लागु औषध सहित एक पक्राउ

0
pakrau_kalikatimes

वीरगंज । पर्सा प्रहरीले लागु औषध ईन्जेक्सन सहित एक जनालाई पक्राउ गरेको छ । लागु औषध नियन्त्रण ब्यरो वीरगंज पर्साबाट खटिएको प्रहरी टोलीले वीरगंज १६ रजतजयन्ती चोकबाट बिहिबार सांझ ५ः४५ बजे हेटौडा १० बस्ने बर्ष ३८ का अशोक वर्तौलालाई प्रकाउ गरेको प्रहरीले जनाएको छ ।

रजतजयन्ती चोक स्थित सडकमा विभिन्न सवारी साधन तथा पैदल यात्रीहरुको समेत चेकजाँच गर्ने क्रममा भारतबाट रक्सौलबाट वीरगंज तर्फ पैदल हिडी आउदै गरेको क्रममा वर्तौलालाई प्रकाउ गरिएको जिल्ला प्रहरी कार्यालय पर्साले जनाएको छ ।

पक्राउ परेका वर्तौलाको साथबाट लागु औषध ईन्जेक्सन डाईजेल्याप १४ पिस, नर्फिन १४ पिस र फेनारगन १४ पिस फेला परेकोले नियन्त्रणमा लिई आवश्यक अनुसन्धान भइरहेको प्रहरी कार्यालय पर्साले जनाएको छ ।

जिम्बावेसँग प्रतिस्पर्धा गर्दै नेपाल

0
nepali cricket team_kalikatimes

त्रिकोणीय टी-२० अन्तर्राष्ट्रिय सिरिजमा आज नेपालले टेस्ट राष्ट्र जिम्बावेसँग प्रतिस्पर्धा गर्दैछ। खेल शुक्रबार नेपाली समयअनुसार साँझ सवा पाँच बजे सुरु हुनेछ।

टी-२० अन्तर्राष्ट्रिय खेलमा नेपाल र जिम्बावेबीच पहिलो पटक प्रतिस्पर्धा हुन लागेको हो। एकदिवसीय खेलमा भने नेपाल र जिम्बावेबीच १८ महिनअघि प्रतिस्पर्धा भएको थियो। जिम्बावेको बुलावायोमा २०१८ को मार्च ४ मा एकदिवसीय विश्वकप छनोट अन्तर्गत भएको खेलमा जिम्बावेले नेपाललाई ११६ रनले पराजित गरेको थियो।

सिरिजमा नेपालले सिंगापुरसँग शनिबार प्रतिस्पर्धा गर्नेछ। नेपाल सिंगापुरमा प्रतिस्पर्धा गरेपछि उतैबाट ओमान जानेछ।

ओमान हुने प्रतियोगितामा आयोजक ओमान, नेपाल, आयरल्यान्ड, हङकङ र नेदरल्यान्ड्सले प्रतिस्पर्धा गर्दैछन्। दुवै सिरिजमा गरी नेपालले ८ वटा टी-२० अन्तर्राष्ट्रिय खेल खेल्नेछ।

नक्कली लाइसन्स बनाउने २ जना पक्राउ

0
nakali laicance_kalikatimes

वीरगंज । पर्सा प्रहरीले नक्कली सवारी चालक अनुमति पत्र बनाउने २ जनालाई पक्राउ गरेको छ । वडा प्रहरी कार्यालय श्रीपुरबाट खटिएको प्रहरी टोलीले वीरगन्ज महानगरपालिका वडा नं. ११ बस्ने ५१ बर्षको मोहनलाल राउत कुर्मी र सोहि स्थान वस्ने वर्ष ४२ को घनश्याम भण्डारीलाई पक्राउ गरेको हो ।

बाराको कोल्हवी नगरपालिका वडा नं. ४ प्रगति नगर वस्ने वर्ष २१ को रमेश चौधरीकोको नक्कली सवारी चालक अनुमति पत्र बनाउने कार्यमा संलग्न दुबै जनालाई बुधबार वीरगन्ज ११ बाट पक्राउ गरिएको जिल्ला प्रहरी कार्यालय पर्साले जनाएको छ ।

प्रकाउ परेकाहरुको साथबाट नक्कली सवारी चालक अनुमति पत्र बनाउन प्रयोग गरिएको कागजातहरु समेत बरामद भएको र थप अनुसन्धान भइरहेको प्रहरी कार्यालयले जनाएको छ ।

सांसद प्रदिप यादवले गरे आफ्नो तलब भक्ताबाट नगवा स्कुललाई सहयोग

0
pradip yadav sahyog_kalikatimes

वीरगंज । पर्सा पर्सा क्षेत्र नम्बर १ का सांसद प्रदिप यादवले आफ्नो तलब भतता वापतको रकमबाट नेपाल राष्ट्रिय माध्यमिक विद्यालय नगवालाई १५ थान पंखा सहयोग गरेका छन् ।

समाजवादी पार्टी नेपालका सांसद यादवले महानगरमा भएपनी २०१७ सालमै स्थापना भएको यस विद्यालय स्रोत साधनको पहुच बाहिर रहेकाले स्कुल पुगेका आफ्नो एक्लो तलब भक्ता कटौती गरी पंखा सहयोग गरेका हुन् ।

शैक्षिक मेला को बेला प्रमुख अतिथिकै रुपमा स्कुल पुगेका सांसद यादव ले बस्तुस्तिथि हेरेपछि मंच बाटै स्कुलका बालबालिका का लागि पंखा सहयोग गर्ने घोषणा गरेका थिए र सोहि वाचा पुरा गर्दै विहिबार सांसद प्रदिप यादवको अनुपस्थितिमा पार्टीका जिल्ला सदस्य सुन्दरकुर्मीको नेतृत्वमा नेपाल राष्ट्रिय माध्यमिक विद्यालयका प्रधानाध्यापक घनश्याम मिश्रालाई १५ थान पंखा हस्तनान्तरण गरेको सांसद यादवका स्वकिय सचिव निखिल वर्णवालले बताए ।

कार्यक्रममा विद्यालयका व्यवस्थापन समितिका अध्यक्ष अरुण यादव, शिक्षकहरु ऋजय साह, मनोज चौरसिया, विजय चौरसिया, पदमा पौडेल व्यवस्थापन सदस्य मनदिस राउत अहिर, अब्दुल मियाँ लागायतको उपस्थिति रहेको थियो ।

एसिड आक्रमणमा परेकी मुस्कान र जेनीलाई सरकारको ३ लाख सहयोग

0
acid akarman muskan_kalikatimes

काठमाडाैं । एसिड आक्रमणमा परेकी वीरगञ्जकी मुस्कान खातुन र काठमाडाैं कालोपुलकी जेनी खड्कालाई सरकारले आर्थिक सहयोग गर्ने भएको छ ।

मन्त्रिपरिषद्को पछिल्लो बैठकले दुबैको उपचार र जीवनयापनमा ३/३ लाख रुपैयाँ सहयेाग गर्ने निर्णय गरेको हो ।

मुस्कानलाई भदाै २० गते विदयालय जानेक्ममा सम्साद मियाँले एसिड छ्यापेका थिए । काभ्रे घर भइ कालोपुल बस्दै आएकी खड्कालाई गत जेठ १ गते साँझ उनकै श्रीमान बिष्णु भुजेलले एसिड छ्यापेका थिए ।

एसिड आक्रमणमा परेका उनीहरू दुबैको कीर्तिपुर अस्पताल उपचार भइरहेको छ ।

साम्राज्ञीका लागि किन चल्नुपर्छ ‘रातो टिका निधारमा’ ?

0
samragye-kalikatimes
नेपाली फिल्मकी लिडिङ एक्ट्रेस हुन्, साम्राज्ञी आरएल शाह । सिंगो फिल्म आफ्नो काँधमा बोकेर हिँड्न सक्ने अभिनेत्री हुन्, उनी । त्यसैले नेपाली फिल्ममा उनको माग चर्को छ । मागअनुसार उनको पारिश्रमिक पनि कम महँगो छैन । एक फिल्मका लागि १६ लाखसम्म बुझ्ने गरेकी छन् । उनको स्टारडमलाई हेरेर निर्माताहरु यो रकम तिर्न खासै सोच्दैनन् । उनलाई लिएपछि फिल्म सफल हुने विश्वास मेकरमा छ ।
अभिनेतामा अहिलेका ‘हटकेक’ अनमोल केसी स्टारर फिल्म ‘ड्रिम्स’ बाट सानदार डेब्यू गरेकी उनको दोस्रो फिल्म ‘ए मेरो हजुर २’ थियो । दुबै फिल्मले बक्सअफिसमा मनग्य पैसा छापे । र, उनको स्टारडम पनि उत्कर्षमा पुग्यो । अहिलेसम्म उनी यी दुई फिल्मकै ब्याज खाएर बसेकी छन् । किनकि, त्यसपछि उनले गरेका कुनै फिल्मले निर्माता बचाएका छैनन् । न त उनले आफ्नो अभिनयको वाहवाही नै बटुल्न सकिन् ।
वर्षमा दुईभन्दा बढि फिल्म नगर्ने साम्राज्ञीको गएको दुई वर्षमा ‘कायरा’, ‘तिमीसँग’ र ‘इन्टु मिन्टु लण्डनमा’ गरि तीन फिल्म प्रदर्शनमा आए । गएको महिना उनको नयाँ फिल्म ‘मारुनी’ प्रदर्शनमा आएको थियो । तर, यी चारै फिल्म बक्सअफिसमा असफल ठहरिए । यद्यपि, चार फिल्ममध्ये ‘इन्टु मिन्टु लण्डनमा’ ले केही हदसम्म राम्रो व्यापार गरेको थियो । तर, घरेलु बजारबाटै लगानी उठाउन भने सकेन । ओभरसिजको कमाईले निर्माता सुरक्षित भएका थिए ।
एकपछि अर्को फिल्मको असफलताले साम्राज्ञीको स्टारडममाथि प्रश्न उठ्न थालेको छ । यसबीच, उनको नयाँ फिल्म ‘रातो टिका निधारमा’ यही शुक्रबारबाट देशव्यापी प्रदर्शनमा आउँदैछ । यसमा उनी पहिलो पटक गाउँले भूमिकामा देखिएकी छन् । अशोक शर्मा निर्देशित फिल्ममा उनले नव-अभिनेता अंकित शर्मासँग रोमान्स गरेकी छन् । अंकित निर्देशक शर्माका छोरा हुन् । यो फिल्मलाई लिएर साम्राज्ञी निकै आशावादी छिन् ।
‘रातो टिका निधारमा’ उनका लागि कुनै पनि हालतमा चल्नैपर्ने दबाब छ । ‘ड्रिम्स’ र ‘ए मेरो हजुर २’ पछि उनको खातामा सुपरहिट फिल्मको संख्या थपिन सकेको छैन । हिटभन्दा फ्लप फिल्मको धनी हुँदै गएकी उनलाई आफ्नो करिअर पुनः उत्कर्षमा फर्काउन यो फिल्मको सफलता निकै महत्त्वपूर्ण छ । फिल्म असफल भएको खण्डमा उनको स्टारडममाथि फेरि प्रश्न उठ्नेछ । जसले उनको करिअरमा असर गर्न सक्छ ।
अर्को भनेको, उनले अहिलेसम्म फिल्ममा गाउँले युवतीको भूमिका निर्वाहा गरेकी थिइनन् । डेब्यू फिल्म ‘ड्रिम्स’ देखि पछिल्लो रिलिज फिल्म ‘मारुनी’ सम्म उनी शहरिया युवतीको भूमिकामा देखिइन् । गएको डेढ वर्ष अगाडि निर्देशक अशोक शर्माले फिल्म ‘जय भोले’ अफर गर्दा उनले गाउँले रोल भएका कारण अस्वीकार गरेको भन्दै ठूलो हल्लाखल्ला भयो । यसले उनलाई विवादमा पनि ल्यायो । पछि दुबैले यसको खण्डन गरे ।
दर्शकको मस्तिष्कमा साम्राज्ञीले गाउँले भूमिका मन नपराउने छाप बसेको छ । र, हरेक फिल्ममा शहरिया युवतीको भूमिका निभाएका कारण उनलाई गाउँले भूमिका नसुहाउने टिका-टिप्पणी पनि भइरहेको छ । यी सबै कुरालाई गलत प्रमाणित गर्न उनका लागि यो फिल्मको सफलता एकदमै आवश्यक छ । त्यस्तै, एकपछि अर्को घटनाले निम्त्याएको विवादका कारण उनको क्रेज खस्किएको विश्लेषण समेत गर्न थालिएको छ ।
यसको जवाफका लागि पनि ‘रातो टिका निधारमा’ को व्यापारिक सफलता उनलाई महत्त्वपूर्ण मानिएको छ । गीतसंगीत र ट्रेलरले फिल्मको राम्रो हाइप निर्माण गरेको छ । दशैंको घटस्थापनाको छेकोमा प्रदर्शन हुने भएकाले फिल्मले बक्सअफिसमा नाफाको व्यापार गर्ने फिल्म पण्डितहरुको अनुमान छ । तर, कुनै फिल्मको सफलता र असफलता त्यसको कन्टेन्टमा निर्भर रहन्छ । आशा गरौं, यो फिल्मले दर्शकको अपेक्षा पूरा गर्नेछ र साम्राज्ञीलाई राहत दिनेछ ।