वीरगंज । श्रीमती हत्याकाे अनुसन्धानकाे लागि श्रीमान् सहित २ जना पक्राउ परेका छन् । पर्साको जीराभवानी गाउँपालिका ३ परसवाकी निपु देवी पासवानको हत्याको अनुसन्धानका लागि प्रहरीले श्रीमान् सहित २ जनालाई नियन्त्रणमा छ ।
प्रहरीले मृतक निपुका श्रीमान् रामबाबु पासवान र श्रीमान्का भिनाजुलाई नियन्त्रणमा लिएको हो । दुवैजनालाई सोमबार बिहान पासवान कै घरमा सुतिरहेको अवस्थामा प्रहरीले नियन्त्रणमा लिएको हो।
घाँटी रेटेर हत्या गरी फालिएको अवस्थामा नितु देवीको शव फेला परेको थियो । ठोरी गाउँपालिका ५ को ओरिया खोलादेखि पूर्वतिरको झाडीमा शव आइतबार बेलुकी फेला परेको हो । घटनाको जानकारी पाएलगत्तै जिल्ला प्रहरी कार्यालय पर्साकाकाे प्रहरी टोलीले घटनास्थलमा पुगेर घटनाको मुचुल्का तयार गरी शव पोष्टमार्टमका लागि नारायणी अस्पतालमा पठाएको थियो ।
त्यसपछि अनुसन्धानमा जुटेको प्रहरीले मृतक नितुका श्रीमान् पासवान र पासुवानका भिनाजुलाई अनुसन्धानका लागि सोमबार बिहान नियन्त्रणमा लिएको जिल्ला प्रहरी कार्यालय पर्साले जनाएकाे छ ।
