वीरगंज । पर्साको छिपहरमाई गाउँपालिकाको वडा नं. २ टिहुकीबाट ४ वटा धाल लोड गरेको ट्याक्टर प्रहरीले पक्राउ गरेको छ । भारतबाट नेपाल भित्र्याई रहेका धान लोड गरेका ४ वटा नेपाली नम्बरको ट्याक्टर पर्सा प्रहरीले पक्राउ गरेको हो ।
टिहुकी प्रहरी चौकी, भिस्वा प्रहरी चौकी, ईलाका प्रहरी कार्यालय लंगडी, ईलाक प्रहरी कार्यालय पोखरिया र सशस्त्र प्रहरीको संयुक्त टोलिले आज बिहान भारतबाट अबैध तरिकाले भित्र्याई रहेका ४ वटा ट्याक्टर सहित चालकहरुलाई नियन्त्रणमा लिएको हो ।
ना. २ त. ४०३६, ना. ४ त. ५९४ नम्बर सोनालिका ट्याक्टर सहित नम्बर नखुलेको २ वटा ट्याक्टर गरि ४ वटा धान सहितको ट्याक्टर प्रहरीले पक्राउ गरेको हाम्रा सम्वाददाताले जनाएका छन् । पक्राउ परेको धान सहितको ट्याक्टर ईलाका प्रहरी कार्यालय पोखरियामा ल्याउने कार्य भईरहेको प्रहरीले जनाएको छ ।
पर्साको ग्रामिण नाका भएर प्रहरी कै मिलोमतोमा धान तस्करी हुँदै आएको स्थानियहरुले बताएका छन् ।
