वीरगंज । नेपालबाट भारततर्फ लैंजादै गरेको लागु औषध गाँजा सहित ५ जनालाई प्रहरीले पक्राउ गरेकाे छ । वीरगंज महानगरपालिका वडा नं.१८ निवासी वर्ष २० को फुलमह्मद मियाँ, बर्ष २० को नौसाद हुसेन, पर्साकाे सखुवा प्रसौनी गापा वडा नं. १ मधुवन मथुवल निवासी बर्ष १९ का एजाजुल देवान, बर्ष १९ को अली हुसेन देवान र बर्ष २१ को ईजाजुल मियालाई प्रहरीले पक्राउ गरेकाे हाे ।
जिल्ला प्रहरी कार्यालय पर्सा र प्रहरी चौकी ईनर्वा पर्साबाट खटिएको प्रहरी टोलीले शनिबार दिउसाे ४:३० बजेको समयमा सरिरमा लुकाई छिपाई लैंजादै गरेकाे ७ किलाे गाँजा सहित पाँचै जनालाई पक्राउ परेका हुन् ।
बीरगंज महानगरपालिका वडा नं.१६ ईनर्वा स्थित सडक खण्डमा चेकजाँच गर्ने क्रममा पाँचै जनाकाे साथबाट लागु औषध फेलापारी निजहरुलाई नियन्त्रणमा लिई थप अनुसन्धान भइरहेकाे जिल्ला प्रहरी कार्यालय पर्साले जनाएकाे छ ।
