वीरगंज । पर्साको पोखरिया नगरपालिका वडा नम्बर ४ र ५ मा सोमबार राति ८ ठाउँमा आगलागी भएको छ । राती ९ बजे तिरदेखि शुरु भएको आगो श्रृंखलाबद्ध रुपमा ८ ठाउँमा भएकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए ।
पोखरिया नगरपालिकाको वडा नम्बर ५ सतबरियामा परालको कुन्यूबाट शुरु भएको आगो एउटा पान पसल, एउटा गाेठ, एउटा छाप्राे गरी ८ ठाउँमा भएकाे उनले जानकारी गराए । पाेखरिया नगरपालिकाकाे वडा नं. ४ पाेखरिया बजार स्थित रहेकाे प्रेम रामकाे पान पसलमा भएकाे आगलगीमा परी रु एक लाख बराबरकाे क्षति भएकाे प्रहरी निरिक्षक सिंहले वताए ।
यस्तै वडा नं. ४ कै भरत सिंहकाे गाेठमा आगलगी भएकाे थियाे । आगलगीमा पशु चाैपाया तथा मानविय क्षति नभए पनि फुसकाे गाेठ पूर्ण रुपले जलेर नष्ट भएकाे प्रहरीले जनाएकाे छ । यस्तै पाेखरिया बजार भन्दा ५ सय मिटर टाढा रहेकाे एउटा फुसकाे मठकाे छाप्राेमा समेत आगलगी भएकाे थियाे ।
यस्तै स्थानिय जमुना साह, सुखारी राम, भिखारी राम, विपत महारा र ठग साहकाे परालमा आगलगी भएकाे हाे । पाेखरिया गाउँ भन्दा बाहिर रहेकाे मठकाे छाप्राे जलेर नष्ठ भए पछि साे छाप्राेमा बस्दै आएका साधु विचलीमा परेका छन् ।
आगलगीमा भएकाे क्षतिकाे अवलाेकन तथा निरिक्षण गर्ने क्रममा पाेखरिया नगरपालिकाका मेयर मन्टु राैनियारले मठ बनाउने प्रतिबद्धता जनाएकाे मठका साधुले वताएका छन् ।
एकै रातमा शृंखलाबद्ध रुपमा अलग–अलग ठाउँमा लागेको आगोलाई पोखरिया र वीरगन्ज महानगरपालिकाबाट गएका दमकल र स्थानीय, प्रहरीले नियन्त्रणमा लिएको थियाे ।
बाटाे छेउमा राखिएकाे परालबाट सुरु भएकाे आगो अन्य ठाउँमा क्रमबद्ध रुपमा हुदै जानु आगलगी आज्ञात समुहले गराएकाे हुन सक्ने प्रहरी निरिक्षक सिंहले वताए । आगलगीकाे प्रकृति देख्दा आगाे व्यक्त्तिले लगाएकाे हुन सक्ने अनुमान गर्न सकिने वताउदै प्रहरी निरिक्षक सिंहले थप अनुसन्धान भइरहेकाे वताए ।
