Date
आइत, मंसिर ६, २०८३
Sun, November 22, 2026
Home Blog Page 1019

कालिकामाईमा दादुरा रुवेला खोप सम्बन्धी अभिमुखिकरण सम्पन्न

0

वीरगंज । पर्साको कालिकामाई गाउँपालिकामा आज दादुरा रुवेला खोप अभियान सम्बन्धी पालिका स्तरिय अभिमुखिकरण कार्यक्रम सम्पन भएको छ । गाउँ कार्यपालिकाकाे आयोजनामा स्वास्थ्यचौकी मुडलीमा भएकाे कार्यक्रम सम्पन्न भएकाे हाे ।

गाउँपालिका स्वास्थ्य संयोजक जोगिन्द्र प्रसाद चौरसियाको अध्यक्षतमा भएको कार्यक्रममा वडा नम्बर १ मुडलीका अध्यक्ष रामाशिष यादव, वडा नम्बर २ का अध्यक्ष सोनालाल चौरसिया, वडा नम्बर ४ का निमित अध्यक्ष छोटेलाल चौरसिया लगायतकाले अभियानलाई सफल बनाउन प्रतिबद्धता जनाए ।

कालिकामाई गाउँपालिकामा फाल्गुन २२ गते देखी २९ गते सम्म वडा नं. १ देखी वडा नं. ५ सम्म २ वटा समुहमा दादुरा अभियान संचालन हुने स्वास्थ्य संयोजक चौरसियाले वताए । ७ दिन सम्म संचालन हुने अभियानमा जन्मे देखी ५ बर्ष मुनिका बालबालिकाहरुलाई पोलियो थोपा खुवाईने र ९ महिना देखी ५ बर्ष मुनिका बालबालिकाहरुलाई दादुरा रुवेला खोप लगाईने चौरसियाले जानकारी गराए ।

कार्यक्रममा जन्मे देखी ५ बर्ष मुनिका ४४ सय २९ जना बालबालिकाहरु गाउँपालिकामा रहेको तथ्याँक प्रस्तुती गरिएको थियो । गाउँपालिकाको वडा नं. १ मुडलीमा जन्मे देखी ५ बर्ष मुनीका बालबालिका १२ सय ५०, ९ महिना देखी ५ बर्ष मुनिका १ सय ८८ जना र २ बर्ष देखी ५ बर्ष मुनी ९ सय ५४ जना रहेका छन । वडा नं. २ मा जन्मे देखी ५ बर्ष मुनी ११ सय ५०, ९ महिना देखी ५ बर्ष मुनी १ सय ५३ जना र २ बर्ष देखी ५ बर्ष मुनी ६ सय ९१ जना छन ।

वडा नं. ३ मा जन्मे देखी ५ बर्ष मुनीका ७ सय १८ जना, ९ महिना देखी ५ बर्ष मुनी ७३ जना र २ बर्ष देखी ५ बर्ष मुनी ५ सय १२ जना रहेका छन् । वडा नं. ४ मा जन्मे देखी ५ बर्ष मुनीका ५ सय ९८ जना, ९ महिना देखी ५ बर्ष मुनी ३२ जना र २ बर्ष देखी ५ बर्ष मुनीका ३ सय ६६ जना रहेका छन ।

यसैगरी वडा नं. ५ मा जन्मे देखी ५ बर्ष मुनीका ७ सय २८ जना, ९ महिना देखी ५ बर्ष मुनीका १ सय ८ जना र २ बर्ष देखी ५ बर्ष मुनी ५ सय ६१ जना बालबालिका रहेकाे तथ्यांक प्रस्तुत गरिएकाे थियाे । यी सम्मपुर्ण बालबालिकाहरु खाेपबाट बन्चित नहाेस भने कार्यक्रमका सहभागि जनप्रतिनिधी, स्वास्थ्यकर्मी र समाजसेवीहरुले प्रतिवद्धता गरे ।

सार्वजनिक बसबाट भन्सार छलीकाे सामान बरामद

0

वीरगंज । ईलाका प्रहरी कार्यालय पोखरीयाले सार्वजिन बसबाट ३५ हजार मूल्य बराबरको अबैध सरसमान बरामद गरेकाे छ । वीरगंज लंगडी सडक खण्डमा चल्ने ना.३ ख. ८४२१ नम्बरको बसबाट साे मूल्य बराबरकाे अवैध सामान बरामद गरेकाे हाे ।

भारतबाट भंसार छली ल्याएकाे सामान पोखरीया नगरपालिकाकाे वडा नं. ९ स्थित मुल सडकबाट चेकजाच गर्ने क्रममा फेला परे पछि नियन्त्रणमा लिइएकाे इप्रका पाेखरियाका प्रहरी निरिक्षक चन्द्र कुमार सिंहले वताउनुभयाे ।

बसबाट फलामको बसको पटा ३ थान र गाडी रंगने पेन्ट २७ बोतल पक्राउ गरिएकाे प्रहरी निरिक्षक सिंहले बताउनु भयाे ।

हाेलीकाे अवसरमा प्रदेश २ मा दुई दिन विदा

0

जनकपुरधाम । प्रदेश २ मा होली पर्वको अवसरमा दुई दिन सार्वजनिक विदा हुने भएको छ । संघ सरकारले होलीको अवसरमा एक दिनमात्र सार्वजनिक विदा दिए पनि एक दिन प्रदेश सरकारले थप विदा दिए पछि दुई विदा हुने भएकाे हाे ।

प्रदेश सरकारद्वारा होलीको अवसरमा फागुन २७ र २८ गते सार्वजनिक बिदा दिने निर्णय भएको प्रदेश सरकारका प्रवक्ता एवं आन्तरिक मामिला तथा कानुनमन्त्री ज्ञानेन्द्र यादवले बताए ।

यस बर्ष पहाडमा फागुन २६ गते र तराईमा फागुन २७ गते हाेली परेकाे छ । प्रदेश सरकारले हाेलीकाे भाेली पल्ट अर्थात फागुन २८ गते बुधबार एक दिन थप विदा दिने निर्णय गरे पछि २ विदा हुने भएकाे हाे ।

गत बर्ष पनि हाेलीकाे अवसरमा प्रदेश सरकारले थप एक दिन गरी २ दिन विदा दिएकाे थियाे ।

प्रशासकिय अधिकृत साहद्वारा हरिहरपुरमा सामुदायिक भवनकाे शिलान्यास

0

वीरगंज । पर्साकाे कालिकामाई गाउँपालिकाकाे वडा नं. ३ हरिहरपुरमा आज सामुदायिक भवनकाे शिलान्यास गरिएकाे छ ।

संघिय मामिला तथा समान्य प्रशासन मन्त्रालयकाे तराई मधेश समृद्धि कार्यक्रम अन्तर्गत निर्माण हुने भवनकाे शिलान्यास एक कार्यक्रमका विच प्रमुख प्रशासकिय अधिकृत राजु साहले गर्नु भएकाे हाे । उपभाेक्ता समिति मार्फत निर्माण हुन लागेकाे भवनकाे शिलान्यास गर्दै प्रमुख प्रशासकिय अधिकृत साहले समय मै काम सम्पन्न गर्न उपभाेक्ता समितिलाई निर्देशन समेत दिनुभयाे ।

मन्त्रालयकाे २५ लाखकाे बजेटले निर्माण हुन लागेकाे सामुदायिक भवनबाट वडा नं. ३ हरिहरपुर र वडा नं. ५ बिरन्चीबर्वाकाे समुदायलाई फाइदा पुग्ने गाउँपालिकाकाे याेजना शाखा प्रमुख सुनिल चाैनियारले वताउनुभयाे ।

शिलान्यास कार्यक्रममा वडा नं. ३ का अध्यक्ष संजय पटेल, वडा नं. ५ का अध्यक्ष पवन तिवारी, उपभाेक्ता समितिका अध्यक्ष दुखी राउत कुर्मी, सचिव राजदेव हजरा दुसाद लगायकाे उपस्थिती रहेकाे थियाे ।

फाेटाे पत्रकारिता तालिम तथा फाेटाे प्रदर्शनी सम्पन्न

0

वीरगंज । आधारभूत फोटो पत्रकारिता तालिम तथा प्रदेश २ स्तरीय फोटो प्रदर्शनी कार्यक्रम आज सम्पन्न भएकाे छ । वीरगंजमा आयाेजित ३ दिने फाेटाे पत्रकारिता तालिम र फाेटाे प्रदर्शनी सम्पन्न भएकाे हाे ।

कार्यक्रमलाई समापन गर्दै प्रदेश सांसद ओमप्रकाश शर्माले पत्रकारिता नभए देशलाई बचाउन नसकिने वताए । समापन कार्यक्रमका प्रमुख अतिथी समेत रहेका सांसद शर्माले पत्रकारले गर्दा नै देश जाेगेकाे वताए । उनले भने “देश जाेगाउने पत्रकार नै हुन्, नत्र यहाँ देश बेच्नेहरुकाे पनि कमि छैन ।”

नेपाल फाेटाे पत्रकार महासंघका महासचिव हरि रेग्मीले पत्रकारिता अनुसासित र मर्यादित हुनु पर्ने वताए । तालिमबाट सिखेकाे कुरा व्यवहारमा लागु गर्दै अनुसासित पत्रकारिता गर्न उनले सुझाव समेत दिए ।

नेपाल पत्रकार महासंघका केन्द्रिय सदस्य कृ्ष्ण गिरीले पत्रकार आचारसंहिताकाे अधिनमा रहेर पत्रकारिता गर्नु पर्ने वताए ।

नेपाल पत्रकार महासंघ प्रदेश २ का अध्यक्ष दिपेन्द्र चाैहानकाे अध्यक्षतामा भएकाे समापन कार्यक्रममा वीरगञ्ज उद्योग वाणिज्य संघका अध्यक्ष गाेपाल केडिया, बरिष्ठ उपाध्यक्ष सुबाेध गुप्ता, महासचिव माधवराज पाल, नेपाल पत्रकार महासंघ  प्रदेश २ का उपाध्यक्ष केसी लामिछाने, नेपाल फाेटाे पत्रकार महासंघ पर्साका अध्यक्ष विजय चाैहान लगायतकाे बिशेष उपस्थिती रहेकाे थियाे ।

नेपा पत्रकार महासंघ प्रदेश २ का सचिव गुरु गाैतमले संचालन गरेकाे कार्यक्रममा फोटो पत्रकार महासंघ प्रदेश २ का अध्यक्ष राम सर्राफाले धन्यावाद ज्ञापन गरेका थिए ।  समापन कार्यक्रम वीरगंज उद्याेग वाणिज्य संघकाे सभाहलमा भएकाे थियाे ।

तालिममा वरिष्ठ फोटो पत्रकार नरेश श्रेष्ठ, किरण पन्थ, बालकृष्ण थापा, विजय सिंह लगायतकाले प्रशिक्षण दिएका थिए ।

नेपाल पत्रकार महासंघ प्रदेश २ र नेपाल फोटो पत्रकार महासंघ प्रदेश २ को आयोजना तथा नेपाल पत्रकार महासंघ पर्सा र नेपाल फोटो पत्रकार महासंघ पर्साको सहआयोजनामा फोटो पत्रकारिता तालिम तथा फोटो प्रदर्शनी गरिएकाे थियाे । आयाेजकले वताए अनुसार तालिममा नेपाल पत्रकार महासंघ, केन्द्रिय तालिम विभागको सहयोग रहेको थियाे ।

वीरगंज मुर्ली स्थित नेपाल पत्रकार महासंघ पर्साकाे भवनमा फाेटाे पत्रकारिता तालिम भएकाे थियाे भने वीरगंजमा उद्याेग वाणिज्य संघकाे सभा हलमा फाेटाे प्रदर्शनी भएकाे थियाे ।

हृदेशकाे शव अझै पनि अस्पतालमा, परिवारजनले बुझ्न मानेन

0

वीरगंज । बाराको कलैयामा फागुन १५ गते फेला परेकाे शव अहिले सम्म पनि कलैया अस्पताल मै रहेकाे छ । पर्साको पकहामैनपुर गाउँपालिका वडा नं. ५ सबैठवाका ३० बर्षिय हृदेश शर्माको शव ३ दिन बितिसक्दा पनि परिवाजनले बुझन मानेका छैनन् ।

प्रहरीले आज सम्म शंकास्पद मृत्युको घटनाका दोषीलाई पक्राउ गर्न नसकेका कारण शव नबुझिएकाे मृतकका बुवा मुनिलाल ठाकुरले बताए । हृदेश चितवनकाे नारायणघाटमा पेन्टिंगको काम गर्दै आएको र अकस्मात बाराकाे कलैयामा शव फेला पर्नुले शंकास्पद मृत्यु भएका कारण दोषीलाई प्रहरीले पता नलगाउदा सम्म शव नबुझने मृतकका बुवा मुनिलाल ठाकुरले वताए ।

यता घटना बारे अनुसन्धान जारी रहेको र आज साझ सम्म निस्कर्षको नजिक पुग्न सकिने बाराका प्रहरी उपरिक्षक कृष्ण पंगेनीले वताए । उनले अहिले प्रहरी प्रारम्भिक अनुसन्धानकाे चरणमा रहेकाेले अनुसन्धान पुरा भए पछि मात्र मृत्यु के कसरी भएकाे हाे भने बारे वताउन सकिने वताए ।

अनुसन्धान कै लागि एक जनालाई प्रहरीले नियन्त्रणमा समेत लिएकाे प्रहरी स्राेतले जनाएको छ ।

शर्माको शव बिहिबार राती ११ बजे कलैयाको भरतचौकमा फेला परेकाे थियाे । चितवनमा बस्दै आएकाे मान्छेकाे शव कलैयामा भेटनुले घटना घटाउनमा कसै न कसैकाे हात हुनसक्ने मृतक हृदेशका दाई सुरेश ठाकुरले वताए । प्रहरीले गम्भिर भएर अनुसन्धान गर्‍याे भने अवश्य नै हत्यारा पता लाग्न सक्ने उनकाे भनाई छ ।

महुवनस्थित बरफ कारखानामा आगलागी

0

वीरगंज । पर्साको सखुवाप्रसौनी गाउँपालिका वडा नं. ५ महुवनमा आज दिउसाे आगलागी भएकाे छ । खाना बनाउने ग्यास लिक भएर स्थानिय जाेगिन्द्र महराकाे बरफ कारखानामा आगलागी भएकाे प्रहरी चाैकी महुवनका प्रहरी सहायक निरिक्षक बिसुनदेव यादवले वताए ।

आगलगीबाट बरफ कारखानामा रहेकाे नगद रु ५० हजार सहित लत्ता कपडा, बरफ बनाउने केमिकल, माेबाइल एउटा गरी रु एक लाख २० हजार बराबरकाे क्षति भएकाे उनले वताए । दिउसो २:३० बजे भएको आगलगीमा आधि खण्टा पछि प्रहरी र स्थानियकाे सहयाेगमा नियन्त्रणमा आएकाे थियाे

आगलगीबाट बरफ कारखाना रहेकाे घरमा खासै क्षति नपुगे पनि बरफ बनाउने मेसिनमा समेत क्षति पुगेकाे प्रहरीले जनाएकाे छ ।

माेटरसाइकल चाेरीकाे घटनामा वृद्धि, प्रहरीलाई टाउकाे दु:खाई

0

वीरगंज । वीरगंजमा माेटरसाइकलक चाेरीकाे घटनामा वृद्धि भएकाे छ । दिनहु वीरगंज बजार क्षेत्रबाट नै माेटसाइकल चाेरी भइरहे पिडितहरुले वताएका छन् ।

माेटरसाइकल चाेरीकाे घटनामा कमि नआउनु पर्सा प्रहरीकाे लागि टाउकाे दु:खाई भएकाे प्रहरी स्राेत वताउन्छन् । तर यता केहीले प्रहरी कै सलंगन्तामा माेटसाइकल चाेरी हुने गरेकाे आराेप समेत लगाउने गरेका छन्  । दिनहु जसाे माेटरसाइकल चाेरी हुनु र प्रहरी मुखदर्शक हुनुले प्रहरी कै सलंग्नता हुने गरेकाे अशंका उत्पन्न गरेकाे स्थानियकाे भनाई छ ।

विशेष गरेर न्याँ पल्सर, एफजेड, एपाची र साइन माेटरसाइकल चाेरी हुने गरेकाे पिडितहरु वताउँछन्  । दिउसै र सांझ मिनेट मै माेटसाइकल चाेरी हुनुले माेटरसाइकल चाेरकाे विगविगी रहेकाे बुझिन्छ । माेटरसाइकल चाेरी भए लगतै प्रहरीलाई खबर गर्दा पनि केही गर्न नसकेकाे पिडितहरुकाे गुनासाे छ ।

यसै विच शुक्रबार दिउसाे नै वीरगंज महाविरस्थानबाट पुन: एउटा नयाँ माेटरसाइकल चाेरी भएकाे छ । हिमालय बैंक अगाडीबाट राती ८:३० बजे वन टेस्ट पल्सर माेटसाइकल चाेरी भएकाे पिडितले वताएका छन् । प्रदेश २-०३-००७ पिए ६९१५ नम्बरकाे पकहा मैनपुर गाउँपालिका वडा नं. ५ सबैठवाका रविकान्त कुमार चौरसियाकाे कालो र राताे रंगकाे २ सय २० सिसिकाे नयाँ पल्सर माेटरसाइकल चाेरी भएकाे हाे ।

एक/दुई मिनेट मै माेटरसाइकल चाेरी भए लगतै प्रहरीलाई खबर गर्दा पनि प्रहरीले केही गर्न नसकेकाे पिडित चौरसियाले गुनासाे गरे । केही दिन पहिला मात्र चाैरसिया नयाँ माेटरसाइकल खरिद गरेका थिए भने चाेरी भएकाे साे माेटरसाइकलमा नम्बर समेत लेखाउन नसकेकाे अवस्था मै चाेरी भएकाे उनले जानकारी गराए ।

खण्डेवाल परिवार विवाद : सुनिलमाथी आफ्नै आमालाई ज्यान मार्न खाेजेकाे आराेप

0

वीरगन्ज । आफ्नै तीन दाजुभाईको यातना खेप्दै आएका वीरगन्ज महानगरपालिका – १० आदर्शनगर निवासी सुनिल खण्डेलवालमाथि आफ्नै आमालाई ज्यान मार्न खोजेको गम्भिर आरोप लगाएर षडयन्त्र गर्न थालिएको छ ।

तीन दाजुभाई पशुपति खण्डेलवाल, राजेश खण्डेलवाल तथा सचिन खण्डेलवालले आमाको नामबाट सुनिलमाथि ज्यान मार्न खोजेको भनेर जिल्ला प्रशासन कार्यालयमा निवेदन दिन लगाएका छन् । सुनिलमाथि यही फागुन १३ गते मंगलबारको दिन उनकी आमा विमला देवी खण्डेलवालले आफूलाई मार्नका निम्ति पेट्रोल छर्केको आरोप लगाउँदै ९८२ नं. मा निवेदन दर्ता भएको हो ।

सुनिलमाथि उनकी आमाले दिएको निवेदनमा ३ शिर्षकमा आरोप लगाइएको छ । पहिलो शिर्षकमा सुनिल संगोलको अंशियार नरहेको, दोश्रो शिर्षकमा यही फागुन १२ गते साँझ भएको विवादको क्रममा सुनिलले आफूमाथि पेट्रोल छर्केर ज्यान मार्न खोजेको र तेश्रो शिर्षकमा सुनिल र उनकी श्रीमती दुबैजनाले आफ्नै शरिरमा पेट्रोल हालेर आत्महत्या गरि सम्पूर्ण परिवारलाई फसाउन खोजेको भनेर उल्लेख गरिएको छ ।

सुनिलमाथि उनकी आमाले निवेदन दिएको भनिएतापनि आमालाई तीन दाजुभाईले प्रयोग गरेको बताएका छन् । तीन दाजुभाईले आमाको नामबाट आफैले जिल्ला प्रशासन कार्यालयमा निवेदन दिएको बताए ।

सुनिलकी आमाले दिएको निवेदनलाई फर्छयौट गर्नका लागि जिल्ला प्रहरी कार्यालयले आदर्शनगर स्थित एस.टि.एफ. प्रहरीलाई जिम्मा लगाएको थियो तर आफूमाथि गम्भिर आरोप लागेको डरले सुनिल फर्छयौट गर्नका निम्ति एस.टि.एफ. प्रहरी चौकीमा पुग्दा पनि उजुरीकर्ता पक्ष उपस्थित नभएको कारण उनको विरुद्धको निवेदनमाथि छलफल हुन सकेन ।

उनी पटक पटक एस.टि.एफ. प्रहरी चौकी धाउँदा उजुरीकर्ता पक्ष अर्थात आमा उपस्थित हुन नसकेपछि उनी जिल्ला प्रहरी कार्यालय गए तर कसैले उनको गुनासो सुनेन । बरु पर्साका प्रहरी नायब उपरीक्षक विरेन्द्र बहादुर शाहीले तिमीहरुको आपसी विवाद हो, लडाई गर, झगडा गर हामीलाई के छ, हामी पोष्टमार्टम गरिदिन्छौं, मुचुल्का उठाई दिन्छौं, छ भने इन्स्योरेन्सको लागि पत्र लेखिदिन्छौं भनेर गैर जिम्मेवारीपूर्ण तरिकाले जवाफ दिएको सुनिलले बताए ।

जिल्ला अदालत पर्सामा अँश मुद्दा विचाराधीन रहेको अवस्थामा तिनै दाजुभाईबाट मानसिक तथा शारिरिक यातना खेप्दै आएका सुनिल अहिले दाजुभाईको आतँकबाट झन पीडित बनेका छन् । तिनैजना दाजुभाई मिली विगत १ वर्ष देखि शारिरिक तथा मानसिक यातना दिदै आएको सुनिलको आरोप छ ।

तिनै दाजुभाई मिली सुनिललाई कुटपिट गर्नुका साथै घरमा ताल्चा लगाएर सुनिललाई परिवार सहित घर बाहिर बस्न बाध्य गर्नु, घरको बीचै भागमा पर्खाल खडा गर्नु, शौचालयमा ताल्चा लगाउनु, कुटपिट गर्नु, किचिनमा पस्न नदिनु जस्ता क्रियाकलापहरु गर्र्दै आएका छन् ।

तिनै दाजुभाई विगत पाँच महिनादेखि त्यो घर छाडी शालिमार होम्समा फ्लेट किनेर बसिरहेका छन् । आफनो कब्जा गरी राखेको व्यापारको कार्यालय पनी अन्यत्र सारेका छन । सुनिल मात्र आफनो परिवारसँग त्यस घरमा बस्दै आएका कारण विवाद केही दिन शान्त रहेपनि अचानक शनिबारदेखि पुनः यो विवाद सुरु भएको छ ।

सुनिलले एक्लै घरमा कब्जा गरेर बसेको भन्दै तीनै जना दाजुभाईले आइतबार घरको झ्याल फुटाएर घरमा प्रवेश गर्न खोज्दा विवाद उत्पन्न भएको थियो ।

४२ किलोमिटर दौडको उपाधी सेनालाई

0

वीरगंज । नेपाली सेनाले सेना दिवसको उपलक्ष्यमा वीरगन्जमा आयोजना गरेको ‘एकताको लागि दौड’ वीरगन्ज म्याराथान प्रतियोगिताको उपाधी त्रिभुवन आर्मी क्लबका खगेन्द्र बहादुर भाट्ले जित्न सफल भएका छन ।

रक्षा मन्त्रालय, नेपाली सेना मध्य पृतनाको अगुवाई र मध्य पूर्वी पृतनाको सहयोगमा नं. २८ बाहिनी अड्डाको आयोजनामा भएको म्याराथानमा ४२ किलोमिटरको दौडको उपाधी भाट्ले जित्न सफल भएका हुन । उनले नगद १ लाख २५ हजार रुपैया र टिभिएस कम्पनीको अपाची मोटरसाईकल समेत हात पारेका छन । भाट् नेपाली सेनाका अमलदार हुन् । त्यसैगरी द्धितिय र तृतिय उपाधी पनि त्रिभुवन आर्मी क्लबकै सेनाले हात पार्न सफल भएका हुन् ।

द्वतिय हुनेमा क्लबका राजन रोकाया र तृतिय हरि कुमार रिमालले क्रमश १ लाख ५० हजार र १ लाख रुपैया नगद पुरस्कार पाएका थिए । रोकाया सेनाका सुवेदार हुन भने रिमाल सिपाही हुन् । विजेताहरुलाई प्रदेश २ का मुख्यमन्त्री मोहमद लालबाबु राउत गद्दी र नेपाली सेनाका प्रधान सेनापति पुर्णचन्द्र थापाले पुरस्कार प्रदान गरी सम्मान गरेका थिए ।

सेनाले आयोजना गरेको वीरगन्ज म्याराथान प्रतियोगिता मध्ये ४२ किलोमिटरको दौड बाराको पिलुवा स्थित नेपाली सेनाको बाहिनीबाट बिहान शुरु भएको थियो । पिलुवाबाट शुरु भएको दौड बाराकै कलैया, गढीमाई मन्दिर हुदै पुन कलैयाबाट वीरगन्जको चण्डी प्रसाद गण सेनाको ब्यारेकमा आई समापन भएको थियो ।

त्यसैगरी २१ किलोमिटरको दौडमा महिला र पुरुष दुवै तर्फबाट त्रिभुवन आर्मी क्लबकै खेलाडीहरुले उपाधी हात पारेका छन । प्रथम, द्वितिय र तृतिय महिला तर्फ क्रमश राजपुरा पछाई, फुलमती राना र विन्दा श्रेष्ठ, र पुरुष तर्फ गजेन्द्र राई, दिपक अधिकारी र रामजी बस्नेत भएका थिए ।

२१ किलोमिटरको दौडका प्रथम, द्वितिय र तृतिय हुने विजेतालाई क्रमश ७५, ५० र ३५ हजार नगद सहित प्रमाणपत्र उपलब्ध गराई सम्मान गरिएको थियो । १० किलोमिटरको दौडमा सिभिलियन तर्फबाट पुरुष र महिला प्रथम, द्वितिय र तृतिय क्रमश, सागर श्रेष्ठ, दिनेश वोगटी, प्रिन्स कुमार गुप्ता, सकुन्तला ठगुन्ना, मन्जु राउत र शिला थापाले जित हासिल गरेको थिए ।

त्यसैगरी विभागियबाट त्रिभुवन आर्मी क्लबकै महिला र पुरुष तर्फ प्रथम, द्वितिय र तृतियमा क्रमश पूर्ण लक्ष्मी न्यौपाने, सरस्वती भट्टराई, विर्सना कुमाल, कल्याण बानिया, गणेश ठकुरी र टंक कार्की भएका थिए । विजेताहरुलाई २०, १५ र १० हजारको दरले नगद र प्रमाण पत्र उपलब्ध गराई सम्मान गरिएकाे थियो ।

प्रतियोगितामा ४० बर्ष भन्दा माथिको ५ किलोमिटरको दौडमा प्रथम, द्वितिय र तृतियमा क्रमश जय नरेश सिंह, राजेश्वर कुमार र श्याम चौधरी भएका थिए । उनीहरुलाई २०, १५ र १० हजार नगद र प्रमाण पत्र उपलब्ध गराई सम्मान गरिएको थियो ।

प्रतियोगितामा जेष्ठनागरिकहरुलाई समेत सहभागिता गराईएको थियो । ७० बर्ष भन्दामाथिका जेष्ठ नागरिकहरुको लागि १ किलोमिटरको दौड प्रतियोगिताको आयोजना गरिएको थियो । जसमा सन्तोष महतो प्रथम भएका थिए । उनलाई नगद २५ हजार रुपैया सहित सम्मान गरिएको थियो । द्वितिय हुने अनिल मालाकार र तृतिय रमेश महतोलाई क्रमश २० हजार र १५ हजार रुपैया नगद उपलब्ध गराई सम्मान गरिएको थियो ।

वीरगन्ज महानगरपालिकाको संयोजकत्व, भिजिट नेपाल २०२० प्रदेश २ र वीरगन्ज उद्योग वाणिज्य संघको सह आयोजनामा गरिएको म्याराथान प्रतियोगितामा ५ हजार २ सय जनाले सहभागिता जनाएका थिए । जसमध्ये ४१ सय जनालाई नि:शुल्क टि सर्ट र टोपी उपलब्ध गराईएको थियो ।

“स्वच्छ देश—स्वस्थ मधेश” भन्ने मुल नाराका साथ ‘एकताको लागि दौड’ वीरगन्ज म्याराथन २०२० को आयोजना गरिएको थियो । म्याराथन प्रतियोगिताले प्रदेश २ मा खेलकुदको विकासमा टेवा पुग्ने, नयाँ खेलाडीको उत्पादन र पहिचान, विभिन्न निकायहरु संग सम्बन्ध विस्तार हुने र प्रदेश सरकारले संचालन गरेको स्वच्छता अभियानमा पूर्णरुपमा सहयोग पुग्ने उद्देश्य यो प्रतियोगिताको आयोजना गरिएको आयोजकले जनाएको छ ।

१ किलो मिटर यात्रा देखि ४२ किलो मिटर म्याराथान दौड समावेश गरिएको थियो । ज्येष्ठ नागरिक, बालबालिका, महिला एवं फरक क्षमताका प्रतियोगीहरुका लागि विभन्न १४ समुहमा विभाजन गरिएको थियो । धावकहरुको सुरक्षाका लागि एम्बुलेन्स र हेलिकप्टरसमेत परिचालन गरिएको थियाे ।