Date
आइत, मंसिर ६, २०८३
Sun, November 22, 2026
Home Blog Page 1013

सखुवा प्रसाैनीलाई पूर्ण खोप बनाउन भेरीफिकेसन

0

पर्सा । सखुवाप्रसौनी गाउँपालिकाको आयोजनामा आज गाउँपालिकालाई पूर्ण खोप बनाउनका लागि गाउँपालिका भेरीफिकेसन कार्यक्रम सम्पन्न भएकाे छ ।

सखुप्रसौनीमा भएकाे कार्यक्रममा गाउँपालिका भरीका ६ वटा स्वास्थ्य संस्थाका प्रमुख र खोपकार्यकर्ताहरु गरी १८ जनाको सहभागीता रहेको थियो ।

सहभागीहरुले आ आफ्नो वडाको प्रगतीको बारेमा प्रस्तुतीकरण गरेका थिए । सहभागीहरुलाई गाउँपालिका स्वास्थ्य संयोजक राजेश रौनियार र महुअवन स्वास्थ्य चाैकीका प्रमुख सरोज गिरीले प्रशिक्षण दिएका थिए ।

मिस नेपाल २०२० को वीरगंज अडिशन हुदै

0

वीरगंज । द हिडन ट्रेजरले आयोजना गर्न लागेको मिस नेपाल २०२० को लागि वीरगंज अडिशन यही चैत्र ४ गते हुने भएको छ ।वीरगञ्जमा आज आयाेजकले पत्रकार सम्मेलन गर्दै अडिशनको बारेमा जानकारी गराएको हो ।

यसअघि नेपालगञ्ज, बुटवल, पोखरा र बिर्तामोडको अडिशन भइसकेको र विगतमा वीरगंजबाट २ जनाले मिस नेपालको उपाधि हात पारीसकेको हुँदा यस वर्ष पनि उत्साहजनक सहभागिताको अपेक्षा सहित वीरगंज आयोजना गर्न लागिएको द हिडेन ट्रेजरका अध्यक्ष दिवाकर राजकर्णिकारले जानकारी दिनुभयो ।

राजधानी केन्द्रित नभएर देशका मुख्य मुख्य शहरमा सबैलाई समेट्ने गरी देशका ८ वटा शहरमा सञ्चालन गरीने अडिशन अन्तर्गत यसअघि ४ वटा शहरमा भइसकेका छन् ।

अडिशनका लागि प्लस टु उतिर्ण गरेको र ५ फिट ४ इन्च उचाई भएका सबैले सहभागिता जनाउन सक्ने अध्यक्ष कर्णिकारले बताउनुभयो ।

वीरगंज अडिशनका लागि सोमबार वीरगंजकाे भिस्वा होटेलमा सहभागिहरुलाई अभिमुखीकरण दिइने र मंगलवार अडिशन हुने जनाइएकाे छ ।

मिस एसिया प्यासिफिक २०१४ निलम चन्दले सुन्दरी प्रतियोगिता क्षमता र प्रतिभा भएका युवतिहरुलाई कोषेढुंगा सावित हुने आफ्नो अनुभव सुनाउनुभयो ।

यस मार्फत कलाकारीता, समाजसेवा, लगायतका थुप्रै क्षेत्रमा प्रवेश गर्न सकिने बताउनुभयो । वीरगंज पव्लिक कलेजमा भएकाे पत्रकार सम्मेलनमा बीरगंज आयोजक सहयोगी रोट्रेक्टर आयुष गुप्ता लगाएतको उपस्थिति रहेको थियो ।

इप्रका पाेखरिया मदिरा नियन्त्रण अभियानमा

0
apo pokhariya_kalikatimes
इलका प्रहरी कार्यालय पाेखरिया । फाइल तस्बिर

वीरगंज । ईलाका प्रहरी कार्यालय पोखरीया मातहतका प्रहरीले मदिरा नियन्त्रण अभियानमा जुटेको छ । सोही क्रममा २ ठाउँमा रक्सीभटठी नष्ट गरेको छ भने एक ठाउँबाट तयारी मदिरा नियन्तत्रणमा लिएको छ ।

प्रहरीचौकी प्रसौनीभाटठाले बिन्दवासिनी गाउँपालिका वडा नम्बर ५ प्रसौनीभाटठामा रहेको रक्सी भटठी नष्ट गर्नुका साथै १ सय ६० लीटर कच्चा मदिरा र ५५ लीटर तयारी मदिरा नष्ट गरेको छ । साथै भाडाकुडा, सरसमान, मदिरा बनाउने मसिन समेत तोडफोड गरी नष्ट गरेको छ ।

यता पकहामैनपुर गाउँपालिका वडा नम्बर ४ धोबियाटोलामा रहेको रक्सीभटठी नष्ट गर्नुका साथै ४ सय लिटर कच्चा मदिरा र ५५ लीटर तैयारी मदिरा नष्ट गरेको छ भने भाडाकुडा, मसिन र सरसमानहरु समेत फुटाएको छ ।

यसैगरी धोबिनी गाउँपालिकाको लंगडी बजारबाट गएराती ४५ लीटर तयारी मदिरा नियन्त्रणमा लिएको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले बताउनु भयाे । प्रहरी निरिक्षक सिंहका अनुसार मदिरा नियन्त्रण हुदा अपराध नियन्त्रण हुने भएकोले आफ्नो ईलाकामा मदिरालाई निषेधित गर्नमा जोड दिएको छु ।

आफनो ईलाकामा रहेको मदिरा भटठीहरु नष्ट गर्ने र अपराधलाई निर्मुल पार्ने सिंहले बताए ।

मुर्लीमा सांसद यादवद्वारा विवाह भवनको शिलान्यास

0

वीरगंज । पर्सा क्षेत्र नं. १ बाट निर्वाचित प्रतिनिधि सभा सदस्य (सांसद) प्रदिप यादवले वीरगंजको मूर्लि हनुमान मन्दिरस्थित बिबाह भवनको शिलन्यास गरेका छन् ।

पर्सा क्षेत्र नं. १ को स्थानीय पूर्वाधार विकास साझेदारी कार्यक्रम अन्तर्गत निर्माण हुने भवनकाे एक कार्यक्रमका विच आज सांसद यादवले शिलान्यास गरेका हुन । संसदीय कोषबाट रु २५ लाखको लागतमा विवाह भवन निर्माण हुने सांसद यादवका स्वकिय सचिव निखिल बर्णवालले वताए ।

पर्सा क्षेत्र नं. १ को वीरगंज महानगरपालिका वडा नं. १२ मा पर्ने मूर्ली गाउँका विभिन्न समुदायको विवाह, समाजिक कार्यक्रम लगायत गरिब, निमुखाहरुले पनि खुसियालीका साथ धुमधामसंग विवाह गर्न सजिलो हुने सांसद यादवले बताए । उनले समाजिक विकास गर्न सकिने सम्पूर्ण कार्यमा आफ्नो उत्साह जनक सहभागिता रहने गरी कार्य गरिने प्रतिबद्धता समेत जाहेर गरे ।

यसका साथै बिकाश निर्माणको कुनै कार्यमा कुनै किसिमको गल्ति नगरिने र सबै बिकाश कार्यको निगरानी गर्न सम्पूर्ण समाजको दायित्व भएको हुनाले विकास कार्यमा हाथेमालो गरि अगाडी बढ्न आग्रह गरे |

शिलान्यास कार्यक्रममा जिल्ला समन्वय समिति पर्साका संयाेजक नेक महमद अन्सारी, वी.म.न.पा. वडा न.१२ का अध्यक्ष रामदरश कुशवाहा, नगरपालिका सदस्य रमेश साह कानु, सुराती देवी, निलम कुमारी कुशवाहा, समाजवादी पार्टीका जिल्ला सदस्य मुस्तकिम हवारी, नगर उपाध्यक्ष सेख रुस्तम, संसदीय प्रतिनिधि घनश्याम गुप्ता लगायतकाे सहभागीता रहेको थियो ।

लागु औषध ईन्जेक्सन सहित ३ जना पक्राउ

0

वीरगंज । पर्सा प्रहरीले लागु औषध ईन्जेक्सन सहित ३ जनालाई पक्राउ गरेकाे छ । पक्राउ पर्नेमा भारत विहार राज्य पुर्वीचम्पारण मोतिहारी जिल्ला पलनवा थाना लौकरिया निवासी बर्ष २४ का विशाल कुमार, भारत विहार राज्य पुर्वीचम्पारण मोतिहारी जिल्ला रक्सौल थाना बाडापरेउवा गाउँ निवासी बर्ष २४ का राम विकास कुमार र जिल्ला काभ्रेपलान्चोक धुलिखेल न.पा. वडा नं.६ बस्ने बर्ष ६० को उद्धव आचार्य रहेका छन् ।

प्रहरीका अनुसार वीरगंज महानगरपालिकाकाे वडा नं.१६ नगवाबाट BR05V5535 नम्बारकाे मोटरसाइकल चलाई आइरहेकाे अवस्थामा शनिबार सांझ ५ बजेको समयमा जिल्ला प्रहरी कार्यालय पर्सा तथा लागु औषध नियन्त्रण व्युरो शाखा कार्यालय बीरगंजबाट खटिएको संयुक्त प्रहरी टोलीले बिशाल र रामलाई लागु औषध इन्जेक्सन सहित पक्राउ गरेकाे हाे ।

दुबै जनाले २ वटा प्लाष्टिकको ग्यालीन भित्र लुकाई छिपाई ल्याएको लागु औषध ईन्जेक्सन डाईजेपाम ४०० पिस, नुर्फिन ४०० पिस र फेनरगन ४०० पिस उद्धवलाई बिक्री वितरण गरी रहेको अवस्थाबाट फेला पारी सो लागु औषध र मोटरसाइकल सहित निजहरुलाई नियन्त्रणमा लिई आवश्यक अनुसन्धान कार्य भइरहेको जिल्ला प्रहरी कार्यालय पर्साले जनाएकाे छ ।

परवानिपुरमा निशुल्क स्वास्थ्य शिविर सम्पन्न

0

वीरगन्ज । बाराको परवानीपुर गाउँपालिका वडा नम्बर ३ लिपनीमालमा रहेको शुभकामना बचत तथा ऋण सहकारी संस्थाले रक्तदान तथा निशुल्क स्वास्थ्य शिविर शनिबार सम्पन्न गरेको छ ।

संस्थाको दशौं बार्षिकोत्सवको अवसरमा आयोजित रक्तदानमा ५ महिला सहित एक सय पाँच जनाले रक्तदान गरेका छन् । रक्तदान गर्नेहरुमा जिउत साह, प्रेमचन्द्र साह सोनार, प्रमोद साह कानु, सफिक आलम, विजय साह, आनन्द यादव, प्रेमचन्द्र साह , मनिष रौनियार, शनि आलम लगायत रहेका छन् ।

यस्तै निशुल्क स्वास्थ्य शिविरमा ३ सय जनाले चेकजाँच गराएका छन । परवानीपुर बजारको हबिब मार्केटमा आयोजना भएको उक्त शिविरमा लिपनीमाल, परवानीपुर, कोईरीयाटोला, ताजपुर, रामपुर, बुनियाद, मुसहरी लगायतका एक दर्जन भन्दा बढि गाँउका महिला, पुरुष तथा बालबालिकाले चेकजाँच गराएको संस्थाका बिजय साहले जानकारी दिए ।

शिविरमा इन्डोक्राइनोलोजिट डा.राजिव यादव, बालरोग विशेषज्ञ डा. अतिन्द्र मिश्राले बिरामीहरुलाई चेकजाँच गरेका थिए ।

वीरगंजमा कोरोना र ट्राफिक जनचेतना

0
वीरगंज । भोलन्टियर समूह वीरगंज र वातावरण जिउने आधारको संयुक्त आयोजनामा आज काेरोना भाइरस र ट्राफिक जनचेतना कार्यक्रम सम्पन्न भएकाे छ ।
हालै विश्व भरी नै माहामारिको रुपमा फैलन गरेको कोरोनो भाइरस र हालै पर्सा जिल्लामा ट्राफिक पनि अव्यवस्थित रहेकोले ट्राफिक जनचेतना कार्यक्रम संचालन गरिएको भाेलन्टियरका संयाेजक राजन श्रीवास्तवले वताए । वीरगंजकाे घण्टाघर देखि माइस्थान सम्म भएकाे कार्यक्रममा युवा, व्यापारी, अभियान्ता, प्रहरीको उपस्थिति रहेकाे थियाे ।
कोरोना भाइरसलाई ध्यानमा राखी घण्टाघर देखि माइस्थान सम्म २/२ मिटर सम्मको दुरिमा ट्राफिक डिभाइडरको रुपमा युवाहरु खडा भई जनचेतना सम्बन्धि प्लेकार्ड बोकि, पर्चा पम्पलेट बितरण गर्नुकाे साथै बाटोमा हिड्ने बटुवाहरुलाई सेनिटाइजरको प्रयोग गराई साबुन पानी वा सेनिटाइजरको प्रयोग नियमित गर्नु पर्ने बारेमा जोड दिदै ट्राफिक नियमको पालना, हेल्मेटको सहि प्रयोग, फुतपाथबाट हिड्ने बारेमा जनचेतना जागाइएकाे भाेलन्टियरका सचिव श्याम सरार्फले वताए ।
भोलेन्टियर समूहका संयाेजक श्रीवास्तवको सभापतित्वमा भएकाे कार्यक्रममा वातावरण: जिउने आधारका केन्द्रिय अध्यक्ष आकाश चौहान, वडा प्रहरी कार्यालयका विर्ताका प्रहरी निरिक्षक निर्मल पनेरु, ट्राफिक प्रहरी निरीक्षक कमलराज पन्डित, बाताबरण: जिउने आधार पर्साका अध्यक्ष सौरभ वर्णवाल, बिनय गुप्ता, अनिसकान्त कुश्वाहा, राज सरार्फ, देवेस मानसेवा, अन्किता कर्ण, प्रभा खडका, आशिष गुप्ता, आकाश कुमार, बिबेक बर्नवाल, दिपु बर्णवाल, रुपक पटेल, वातावरण जिउने आधार पर्साका अध्यक्ष सौरभ वर्णवाल, रोशन पटेल, बिकाश चौहान, गरिमा पाण्डे, प्रभाकर चौरासीया, आयुस वर्णवाल लगायतकाे सहभागीता रहेको थियाे ।

पत्रकार दक्षताकाे लागि “आम संचार प्रतिष्ठान” बनाउ : उपाध्यक्ष पाेखरेल

0

वीरगंज । नेपाल पत्रकार महासंघका केन्द्रिय पदाधिकारीहरुले आज पर्साका संचारकर्मीहरु संग छलफल गरेका छन् । बाराका स्व. पत्रकार बिरेन्द्र साहकाे हत्या आराेपमा पक्राउ परेकालाई करावहीकाे सन्दर्भमा वीरगंज आइपुगेका नेपाल पत्रकार महासंघका केन्द्रिय उपाध्यक्ष विपुल पाेखरेल नेतृत्वकाे टाेलीले पर्साका पत्रकारहरु संग समेत छलफल गरेकाे हाे ।

नेपाल पत्रकार महासंघ पर्सा शाखाकाे भवनमा भएकाे छलफलमा पत्रकार साहकाे हत्याराले कुनै पनि वहानामा उनमुक्ति नपाउनु पर्ने, पत्रकार सुरक्षा र दक्षता लगायतकाे विषयमा क्षलफल भएकाे थियाे । छलफलमा पर्सेली पत्रकारहरुले नयाँ पत्रकारहरुकाे दक्षताकाे लागि महासंघकाे तर्फबाट तालिम प्रदान गर्नु पर्ने माग गरे । यसका साथै पत्रकारकाे सुरक्षाकाे अवस्था नाजुक र चुनाैतिपूर्ण रहेकाे जानकारी गराए ।

अक्राे प्रसंगमा पर्सेली पत्रकारहरुले नेपाल पत्रकार महासंघ पर्सा शाखाले नयाँ सदस्यताकाे लागि पत्रकार महासंघ प्रदेशलाई गरेकाे सिफारिसमा अनियमितता भएकाे वताउदै त्यसलाई सच्याउनु पर्ने माग गरेका थिए । पत्रकार महासंघकाे मापदण्ड अनुसार दरखास्त दिएका केही क्रियाशिल पत्रकारहरु पनि सदस्यताकाे सिफारिसमा नपरेकाले त्यसलाई सच्याउनु पर्ने उनीहरुकाे भनाई थियाे ।

पत्रकारहरुबाट उठेकाे प्रशन र जिज्ञासालाई सम्बाेधन गर्दै पत्रकार महासंघका केन्द्रिय उपाध्यक्ष पाेखरेलले आफुहरु “आम संचार प्रतिष्ठान” बनाउने पक्षमा रहेकाे वताए । उनले भने “सरकारले लगानी गराेस र पत्रकारलाई तालिम दिएर दक्ष बनाउ आफुहरुकाे चाहना रहेकाे छ ।”  अहिले सम्म पत्रकार आफैै लगानी गरी पत्रकार बनेकाे वताउदै उनले पत्रकारकाे दक्षताकाे लागि सरकारले लगानी गर्नु पर्ने धारण राखे ।

संविधानले दिएकाे अधिकार अनुसार प्रेस स्वतन्त्रता खाेस्न नदिने उनकाे भनाई थियाे । कुनै पनि सरकारलेे प्रेस माथी अंकुश लगाउन खाेज्ने गरेकाे इतिहास रहेकाे वताउदै त्यस्ताे हुन नदिन उनले विश्वास दिलाए ।

पत्रकार महासंघका केन्द्रिय सचिव रामप्रसाद दहालले सदस्यता वितरणकाे सवालमा महासंघ केन्द्र सम्म ठाउँ रहेकाे वताए । उनले भने “सदस्यता वितरणकाे सवालमा जिल्ला शाखाबाट फरक परे, प्रदेश शाखाले छानविन गरी त्यसलाई सम्बाेधन गर्न सक्छ  । त्यहाँ पनि भएन भने हामी छाैं, पत्रकार महासंघकाे सदस्यताकाे लागि मापदण्ड पुगेका क्रियाशिल पत्रकार काेही पनि महासंघकाे सदस्यताबाट बंचित हुदैनन् ।”

पत्रकार महासंघ पर्सा शाखाका अध्यक्ष श्याम बन्जाराकाे अध्यक्षतामा भएकाे कार्यक्रममा पत्रकार महासंघका केन्द्रिय काेषाध्यक्ष राजेश मिश्र, प्रदेश नं. २ का अध्यक्ष दिपेन्द्र चाैहान लगायतकाले आ आफ्ना भनाई तथा धारणाहरु राखेका थिए ।

बिन्दवासिनीमा स्वास्थ्य तथा प्रजनन् सम्बन्धि तालिम शुरु

0

वीरगंज । पर्साको बिन्दवासनी गाउँपालिका वडा नम्बर ३ मा किशाेरी तथा गर्भवती महिलाहरुकाे लागि स्वास्थ्य तथा प्रजनन् सम्बन्धि ५ दिने तालिम शुरु भएको छ ।

बिन्दवासनी गाँउपालिकाको सहयोग र बिन्दवासनी डेभलप्मेन्ट एण्ड स्किल प्रालिको आयोजनामा वडा नम्बर ३ झौवामा तालिम सुरु भएकाे हाे ।  तालिमकाे गाँउपालिकाकी उपाध्यक्ष किरण देवी गुप्ताले उद्घाटन गरेकी थिइन । कार्यक्रमकी प्रमुख अतिथी समेत रहेकी गुप्ता किशाेरी र महिलाहरुको स्वास्थ्य प्रजनन तथा पोषण सम्बन्धि तालिम लिई घर परिवारमा लागु गर्न सहभागिहरुलाई सुझाव दिइन ।

वडा नम्बर ३ का वडाध्यक्ष सलमा खातुनको अध्यक्षतामा भएकाे उद्घाटन कार्यक्रममा निमित प्रमुख प्रशासकिय अधिकृत मुन्ना साह रौनियार, शिक्षा अधिकृत कपिल लामिछानेले आ आफनो धारणा राखेका थिए । चैत ४ गते सम्म चल्ने तालिममा ३० जना महिलाहरुको सहभागिता रहेकाे आयाेजकले जनाएकाे छ ।

क्यानडाकी प्रधानमन्त्री पत्नीलाई कोरोना भाइरस

0

काठमाडौं । क्यानडाका प्रधानमन्त्री जस्टिन ट्रुडोकी पत्नी सोफी ट्रुडोलाई कोरोना भाइरसको संक्रमण देखिएको छ । संक्रमणपछि पत्नीसँगै प्रधानमन्त्री पनि आइसोलेसनमा रहने भएका छन् ।

क्यानडेली प्रधानमन्त्रीका सञ्चार निर्देशकले एक विज्ञप्ति जारी गर्दै प्रधानमन्त्री पत्नी सोफीलाई कोरोना भएको जनाएका छन् । प्रधानमन्त्री ट्रुडोलाई भने कोरोना देखिएको छैन । यद्यपि, पत्नीसँगै प्रधानमन्त्री ट्रुडो पनि १४ दिन आइसोलेसनमा रहनेछन् ।

‘सोफियामा कोरोना संक्रमण देखिए पनि उहाँले असजिलो महसुस गर्नु भएको छैन,’ त्यहाँका प्रधानमन्त्रीका सञ्चार निर्देशकद्वारा जारी विज्ञप्तिमा भनिएको छ ।

सेल्फ–आइसोलेसनमा रहे पनि प्रधानमन्त्री ट्रुडोले पूर्ववत् ढंगले आफ्ना नियमित काम गर्ने उनको कार्यालयले जनाएको छ । यसैसन्दर्भमा उनले शुक्रबार आफ्ना नागरिकहरूलाई सम्बोधन गर्ने तय भएको छ ।

विश्वव्यापी रूप लिइरहेको कोरोनाले क्यानडामा १ जनाको ज्यान गइसकेको छ । देशका विभिन्न क्षेत्रका १४२ नागरिकमा यसको लक्षण देखिएको छ । बिहीबार मात्रै त्यहाँका ३२ जनामा कोरोनाको संक्रमण देखिएको छ ।