बीरगंज । बीरगंज महानगरपालिकाको वडा नं १९ बर्वामा राहतकाे बिषयलाई लिएर भएकाे झडमा दाेषी देखिएका ५ जना विरुद्ध प्रहरीले मुद्दा दर्ता गरेकाे छ ।
स्थानिय जगन प्रसाद यादव, विकाश कुमार यादव, सञ्जय प्रसाद यादव, राजु यादव र सुरेन्द्रप्रसाद यादव बिरुद्ध प्रहरीले सार्वजनिक अपराध अन्तर्गत मुद्दा चलाएको हाे ।
इलाका प्रहरी कार्यालय पोखरियाले उनीहरु बिरुद्ध मुद्धा चलाएको हो । राहत बितरणकालागि नामावली संकलनको क्रममा भएको बिवादमा कुटपीटमा संलग्न पाँच जना बिरुद्ध सार्वजनीक अपराधको मुद्धा दर्ता गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।
राहत वितरणको लागि नाम संकलन गर्ने क्रममा वीरगञ्ज महानगरपालिका वडा नम्बर १९ बरवा टोलमा प्रभू यादव र उपेन्द्र यादव पक्षवीच कुटाकुट भएको थियो । कुटाकुटमा संलग्न सात जनालाई प्रहरीले पक्राउ गरेका थियो ।
पक्राउ गरिएका मध्य पाँच जनाविरुद्ध मुद्दा चलाइएको र अन्य दुई जनालाई भने अनुसन्धान पश्चात छाडिएको प्रहरी निरिक्षक सिंहले बताउनु भयो।
