वीरगंज । नेपाल राष्ट्र बैंक कर्मचारी संघ वीरगंजकाे आयाेजनामा तीज पर्वको अवसरमा महिला बैंककर्मीहरूबीच तीनदिने खेलकुद प्रतियोगिता सम्पन्न भएकाे छ । भाद्र १३ गतेदेखि १५ गते सम्म आयाेजित प्रतियोगितामा विभिन्न बैंकका महिला कर्मचारीहरूको उत्साहपूर्ण सहभागिता रहेकाे थियाे ।
तीन दिवसीय प्रतियोगितामा क्विज (हाजिरी जवाफ) प्रतियोगिता, स्लो स्कुटर रेस, र ब्याडमिन्टन प्रतियोगिता समावेश गरिएको थियो । जस अन्तर्गत क्विज प्रतियोगितामा बैंकिङ क्षेत्रसँग सम्बन्धित ज्ञान, सामान्य ज्ञान, र तीज पर्वको महत्त्व जस्ता विषयहरू समेटिएको थियो ।
जम्मा १९ वटा समूहको सहभागिता रहेको हाजिरी जवाफ प्रतियोगितामा राष्ट्रिय वाणिज्य बैंक लिमिटेडले प्रथम स्थान हासिल गरेको थियाे । जसमा नमिता महरा, प्रियंका गुप्ता र गुडडी कुमारी साह सहभागि थिए । यस्तै सिद्धार्थ बैंक लिमिटेड दोस्रो भएको कर्मचारी संघ वीरगंजका उपाध्यक्ष राजेश झाले जानकारी दिए ।
सिद्धार्थ बैंकको तर्फबाट अनामिका श्रीवास्तव, धना आले मगर र कृतिका खतिवडाले पतिस्पर्धामा भाग लिएका थिए । तृतिय हुने प्रभु बैंकको तर्फबाट अर्चना गुप्ता, मन्जुला नापिट र सुमित्र कुमारी सिंह रहेका छन् ।
यस्तै स्लो स्कुटर रेस एक अनौठो र चुनौतीपूर्ण खेल हो, महिला बैंककर्मीहरूका लागि विशेष आकर्षणको केन्द्र बन्यो । १७ वटा टोलीले सहभागिता जनाएको प्रतियोगितामा भाग लिएका महिला खेलाडीहरूले सन्तुलन र धैर्य प्रदर्शन गर्नु परेको थियो । यसमा सिद्धार्थ बैंक लिमिटेडकी स्मिता शाहले प्रथम स्थान हाँसिल गरेकी छन् । प्रभु बैंक लिमिटेडबाट बर्षा शाही द्वितिय हुँदा माछापुच्छ्रे बैंककी सरस्वती पौडेल तृतिय भएकी छिन् ।
त्यस्तै १६ वटा टिमको सहभागिता रहेको ब्याडमिन्टन पतियोगिता पनि अत्यन्तै रोचक बनेको थियो । यसमा नेपाल एसबीआई बैंक लिमिटेडकी रिया झा र लेनिशा खनालले प्रथम स्थान हासिल गरेकी छन् । प्रभु बैंक लिमिटेडबाट बर्षा शाही द्वितिय हुँदा माछापुच्छ्रे बैंककी सरस्वती पौडेल तृतिय भएकी छिन् ।
सांस्कृतिक महत्त्व बोकेको पर्वलाई ध्यानमा राख्दै नेपाल राष्ट्र बैंक कर्मचारी युनियनले महिलाहरूका लागि विभिन्न प्रतियोगिताहरूको आयोजना गरी यसलाई थप अर्थपूर्ण बनाएको कर्मचारी संघ वीरगंजका अध्यक्ष नरेश कुमार सर्राफले बताए ।
महिला सशक्तिकरणलाई प्रवर्द्धन गर्न र खेलकुदका माध्यमबाट उनीहरूको सामाजिक र मानसिक स्वास्थ्यमा सुधार ल्याउने उद्देश्यले युनियनले प्रतियोगिताको आयोजना गरेको सर्राफको भनाई छ । खेलकुदले शारीरिक फिटनेस मात्र नभई आपसी सम्बन्ध सुदृढीकरण, मानसिक तनावको निवारण र सकारात्मक सोचको विकासमा पनि योगदान पु¥याउने नेपाल राष्ट्र बैंकका कायममुकायम निर्देशक यज्ञ श्रेष्ठले बताए ।
यो प्रतियोगिता केवल खेलकुदमा सीमित मात्रै नभएर यसले महिला बैंककर्मीहरूको सशक्तिकरण र उनीहरूबीचको सम्बन्धलाई थप बलियो बनाउने कार्यमा सघाउ पुगेको उनको विश्वास छ । तीन वटै प्रतियोगिताका विजेता एवम उपविजेताहरुलाई शिल्ड र प्रमाण पत्रसहित पुरस्कार प्रदान गरिएको थियो । यस प्रतियोगिताबाट मनोबल उच्च भएको र कार्यक्षेत्रमा थप ऊर्जा र आत्मविश्वासका साथ फर्कन सहयोग मिलेको सबै खेलमा सहभागी महिला कर्मचारीहरूले प्रतिक्रिया दिएका छन् ।